RCBಗೆ ಎಂಟ್ರಿ ಕೊಟ್ಟ ಮುಜರಬಾನಿ ಟ್ರ್ಯಾಕ್​​ ರೆಕಾರ್ಡ್ ಕೇಳಿದ್ರೆ ಶಾಕ್ ಆಗ್ತೀರಾ.. ಬ್ಯಾಟರ್ಸ್​ ವಿಲ ವಿಲ!

ಪ್ಲೇ ಆಫ್​​ ಫೈಟ್​ಗೂ ಮುನ್ನ ಆರ್​​ಸಿಬಿ ಅಭಿಮಾನಿಗಳಿಗೆ ಸರ್​​ಪ್ರೈಸ್​ ಕೊಟ್ಟಿದೆ. ಲುಂಗಿ ಎನ್​ಗಿಡಿ ಸ್ಥಾನಕ್ಕೆ ಜಿಂಬಾಬ್ವೆ ವೇಗಿ ಬ್ಲೆಸ್ಸಿಂಗ್​ ಮುಜರಬಾನಿಯನ್ನ ಆಯ್ಕೆ ಮಾಡಿಕೊಂಡಿದೆ. ಇದ್ರ ಬೆನ್ನಲ್ಲೇ ಆರ್​​ಸಿಬಿ ಮ್ಯಾನೇಜ್​ ಮೆಂಟ್​ ಟ್ರೋಲ್​ಗೆ ಆಹಾರವಾಗಿದೆ. ಹಾಗಾದ್ರೆ, ಮುಝರ್​ಬಾನಿ ಬೆಸ್ಟ್​ ಆಯ್ಕೆ ಅಲ್ವಾ, ಆರ್​​ಸಿಬಿ ಈ ವೇಗಿಗೆ ಮಣೆ ಹಾಕಿದ್ಯಾಕೆ?.

ಐಪಿಎಲ್​ನ ಪ್ಲೇ ಆಫ್​ ಹಂತದ​ ಪಂದ್ಯಗಳಿಗೆ ಕೌಂಟ್​​ಡೌನ್​ ಸ್ಟಾರ್ಟ್​ ಆದ ಬೆನ್ನಲ್ಲೇ ಫ್ರಾಂಚೈಸಿಗಳಿಗೆ ಪ್ರಮುಖ ಆಟಗಾರರ ಅಲಭ್ಯತೆಯ ಟೆನ್ಶನ್​ ಕಾಡ್ತಿದೆ. ಮಹತ್ವದ ಘಟ್ಟದಿಂದ ಕೆಲ ಆಟಗಾರರು ಹೊರ ಬೀಳಲಿದ್ದು, ಅವರ ಸ್ಥಾನಕ್ಕೆ ರಿಪ್ಲೇಸ್​ಮೆಂಟ್​ ಪ್ಲೇಯರ್​ಗಳ ಆಯ್ಕೆ ಫ್ರಾಂಚೈಸಿಗಳ ವಲಯದಲ್ಲಿ ನಡೀತಿದೆ. ಇದೇ ರೀತಿ ನ್ಯಾಷನಲ್​ ಡ್ಯೂಟಿ ಕಾರಣಕ್ಕೆ ತಂಡ ತೊರೆಯುತ್ತಿರೋ ವೇಗಿ ಲುಂಗಿ ಎನ್​ಗಿಡಿ ಸ್ಥಾನಕ್ಕೆ ಆರ್​​ಸಿಬಿ ಕೂಡ ಹೊಸ ಆಟಗಾರನನ್ನ ಆಯ್ಕೆಮಾಡಿದೆ. ಆರ್​​ಸಿಬಿಯ ಈ ಆಯ್ಕೆ ಅಭಿಮಾನಿಗಳಿಗೆ ಸರ್​​ಪ್ರೈಸ್​ ಶಾಕ್​ ನೀಡಿದೆ.

ಲುಂಗಿ ಎನ್​ಗಿಡಿ ಸ್ಥಾನಕ್ಕೆ ಸರ್​ಪ್ರೈಸ್​ ಪಿಕ್ ಮಾಡಿದ ಆರ್​​ಸಿಬಿ.!

ವಿಶ್ವ ಟೆಸ್ಟ್​ ಚಾಂಪಿಯನ್​​ಶಿಪ್​ ಫೈನಲ್​ ಹಿನ್ನೆಲೆಯಲ್ಲಿ ಲುಂಗಿ ಎನ್​ಗಿಡಿ ಪ್ಲೇ ಆಫ್​ ಪಂದ್ಯಗಳಿಂದ ಹೊರ ಬೀಳಲಿದ್ದಾರೆ. ಈ ಸ್ಥಾನಕ್ಕೆ ಆರ್​​ಸಿಬಿ ಮ್ಯಾನೇಜ್​ಮೆಂಟ್​ ಬ್ಲೆಸಿಂಗ್​ ಬ್ಲೆಸ್ಸಿಂಗ್​ ಮುಜರಬಾನಿಯನ್ನ ಆಯ್ಕೆ ಮಾಡಿದೆ. ಇದು ಅಭಿಮಾನಿಗಳ ವಲಯದಲ್ಲಿ ಸರ್​​ಪ್ರೈಸ್​​ ಮೂಡಿಸಿದ್ದಲ್ಲದೇ, ಜಿಂಬಾಬ್ವೆ ವೇಗಿಯನ್ನ ಪಿಕ್​ ಮಾಡಿದ ಬೆನ್ನಲ್ಲೇ ಮ್ಯಾನೇಜ್​ಮೆಂಟ್​ ಸಾಕಷ್ಟು ಟ್ರೋಲ್​ಗೆ ಒಳಗಾಗ್ತಿದೆ. ಆದ್ರೆ, ಆರ್​​ಸಿಬಿ ಮ್ಯಾನೇಜ್​ಮೆಂಟ್​ ಸಾಕಷ್ಟು ಲೆಕ್ಕಾಚಾರ ಹಾಕಿಯೇ ಈ ಪಿಕ್​ ಮಾಡಿದೆ.

T20ಯಲ್ಲಿ ಸಾಲಿಡ್​ ರೆಕಾರ್ಡ್​​, ಹೈಟ್​​ ಅಡ್ವಾಂಟೇಜ್​.!

ಆರ್​​ಸಿಬಿಯ ನಯಾ ವೇಗಿ ಬ್ಲೆಸ್ಸಿಂಗ್​ ಮುಜರಬಾನಿ ಟಿ20 ಫಾರ್ಮೆಟ್​ನಲ್ಲಿ ಸಾಲಿಡ್​​ ರೆಕಾರ್ಡ್​ ಹೊಂದಿದ್ದಾರೆ. ಬರೋಬ್ಬರಿ 6.8 ಅಡಿ ಎತ್ತರದ ಮುಜರಬಾನಿಗೆ ವೇರಿಯೇಷನ್​ ಬೌಲಿಂಗ್​ ಹೆಸರುವಾಸಿ. ತನ್ನ ಹೈಟ್​ನ​ ಅಡ್ವಾಂಟೇಜ್​ನಿಂದಲೇ ಬೌನ್ಸಿ ಟ್ರ್ಯಾಕ್​ಗಳಲ್ಲಿ ಬ್ಯಾಟ್ಸ್​ಮನ್​ಗಳಿಗೆ ಟ್ರಬಲ್​ ಮಾಡಬಲ್ಲರು.

RCB ಹೆಡ್​ ಕೋಚ್​​ ಆ್ಯಂಡಿ ಫ್ಲವರ್​​ ಪಕ್ಕಾ ಶಿಷ್ಯ.!

ರಾಯಲ್​​ ಚಾಲೆಂಜರ್ಸ್​ ಬೆಂಗಳೂರು ತಂಡ ಚರಿಷ್ಮಾ ಬದಲಿಸಿರೋ ಕೋಚ್​​ ಆ್ಯಂಡಿ ಫ್ಲವರ್​ರ ಪಕ್ಕಾ ಶಿಷ್ಯ ಈ ಬ್ಲೆಸ್ಸಿಂಗ್​ ಮುಜರಬಾನಿ. ಇಬ್ಬರೂ ಜಿಂಬಾಬ್ವೆಯವರು ಮ್ಯಾನೇಜ್​​ಮೆಂಟ್​ ಕೋಟಾ ಅದಕ್ಕೆ ಅವಕಾಶ ಅನ್ಕೋಬೇಡಿ. ಟ್ಯಾಲೆಂಟ್​​ ಇರೋದಕ್ಕೆ ಚಾನ್ಸ್​ ಸಿಕ್ಕಿರೋದು. ಲೆಜೆಂಡ್​​ ಹೀತ್​​ ಸ್ಟ್ರೈಕ್​ ಬಳಿಕ ಜಿಂಬಾಬ್ವೆಗೆ ಸಿಕ್ಕ ದಿ ಬೆಸ್ಟ್​ ಬೌಲರ್​​ ಎಂಬ ಖ್ಯಾತಿಯನ್ನ ಮುಜರಬಾನಿ ಹೊಂದಿದ್ದಾರೆ. ಟಿ20 ಕ್ರಿಕೆಟ್​​ನಲ್ಲಿ ಎಕಾನಮಿಕಲ್​ ಬೌಲಿಂಗ್​ನಿಂದಲೇ ಹವಾ ಸೃಷ್ಟಿಸಿದ್ದಾರೆ.

T20Iನಲ್ಲಿ ಬ್ಲೆಸ್ಸಿಂಗ್​ ಮುಜರಬಾನಿ ಪ್ರದರ್ಶನ

T20 ಇಂಟರ್​ನ್ಯಾಷನಲ್ಸ್​ನಲ್ಲಿ ಜಿಂಬಾಂಬ್ವೆ ಪರ 114 ಇನ್ನಿಂಗ್ಸ್​​​ಗಳಲ್ಲಿ ಬೌಲಿಂಗ್​ ಮಾಡಿರುವ ಬ್ಲೆಸ್ಸಿಂಗ್​ ಮುಜರಬಾನಿ 127 ವಿಕೆಟ್​​ ಕಬಳಿಸಿದ್ದಾರೆ. 7.24ರ ಸರಾಸರಿಯಲ್ಲಿ ರನ್ ಬಿಟ್ಟುಕೊಟ್ಟಿರುವ ಜಿಂಬಾಬ್ವೆ ವೇಗಿ, 8 ರನ್​ ನೀಡಿ 3 ವಿಕೆಟ್​ ಉರುಳಿಸಿರೋದು ಬೆಸ್ಟ್​ ಸಾಧನೆಯಾಗಿದೆ.

ಏಷ್ಯನ್​ ಕಂಡಿಷನ್ಸ್​ನಲ್ಲಿ ಅದ್ಭುತ ಬೌಲಿಂಗ್​​.!

ಜಿಂಬಾಬ್ವೆಯ ಬ್ಲೆಸ್ಸಿಂಗ್​ ಮುಜರಬಾನಿ ಏಷ್ಯನ್​ ಕಂಡಿಷನ್ಸ್​ನಲ್ಲಿ ಅದ್ಭುತ ಟ್ರ್ಯಾಕ್​ ರೆಕಾರ್ಡ್​ ಹೊಂದಿದ್ದಾರೆ. ಎಕಾನಮಿಯನ್ನ ಕಾಯ್ದುಕೊಳ್ಳೋದ್ರ ಜೊತೆಗೆ ವಿಕೆಟ್​ ಬೇಟೆಯಾಡಿದ್ದಾರೆ. ಪಾಕಿಸ್ತಾನ ಸೂಪರ್​ ಲೀಗ್​, ಯುಎಇನಲ್ಲಿ ನಡೆಯೋ ಇಂಟರ್​ನ್ಯಾಷನಲ್​ ಟಿ20 ಲೀಗ್​ನಲ್ಲಿ ಅದ್ಭುತ ಆಟವಾಡಿದ್ದಾರೆ. ಅಲ್ಲಿನ ಪ್ಲೇಯಿಂಗ್​​ ಕಂಡಿಷನ್ಸ್​ಗೂ ಭಾರತದ ಪ್ಲೇಯಿಂಗ್​ ಕಂಡಿಷನ್ಸ್​ಗೂ ಸಾಮ್ಯತೆ ಇದೆ. ಆರ್​​ಸಿಬಿಯ ಆಯ್ಕೆ ಹಿಂದೆ ಈ ಲೆಕ್ಕಾಚಾರವೂ ಇದೆ.

PSLನಲ್ಲಿ ಮುಝರಬಾನಿ ಪ್ರದರ್ಶನ

ಪಾಕಿಸ್ತಾನ್​ ಸೂಪರ್​ ಲೀಗ್​ 2 ತಂಡಗಳನ್ನ ಪ್ರತಿನಿಧಿಸಿರುವ ಮುಝರಬಾನಿ 15 ಇನ್ನಿಂಗ್ಸ್​ಗಳಲ್ಲಿ ಬೌಲಿಂಗ್​​ ಮಾಡಿದ್ದಾರೆ. 21 ವಿಕೆಟ್​​​ಗಳನ್ನ ಉರುಳಿಸಿದ್ದು 7.79ರ ಎಕಾನಮಿ ಕಾಯ್ದುಕೊಂಡಿದ್ದಾರೆ. 18 ರನ್​ ನೀಡಿ 3 ವಿಕೆಟ್​ ಉರುಳಿಸಿರೋದು ಈವರೆಗಿನ ಬೆಸ್ಟ್​ ಸ್ಪೆಲ್​ ಆಗಿದೆ.

ಇದನ್ನೂ ಓದಿ: KL ರಾಹುಲ್​ಗೆ ಏನಾಯಿತು.. ಇಂದಿನ ಮಹತ್ವದ ಪಂದ್ಯದಲ್ಲಿ ಆಡ್ತಾರಾ?

ILT20ಯಲ್ಲಿ ಬ್ಲೆಸ್ಸಿಂಗ್​ ಮುಜರಬಾನಿ ಪ್ರದರ್ಶನ

UAEನಲ್ಲಿ ಇಂಟರ್​​ನ್ಯಾಷನಲ್​ ಟಿ20 ಲೀಗ್​​ನಲ್ಲಿ 17 ಇನ್ನಿಂಗ್ಸ್​ಗಳಲ್ಲಿ ಬೌಲಿಂಗ್​ ಮಾಡಿರೋ ಬ್ಲೆಸ್ಸಿಂಗ್​ ಮುಜರಬಾನಿ 22 ವಿಕೆಟ್​ ಉರುಳಿಸಿದ್ದಾರೆ. 7.10ರ ಎಕಾನಮಿ ಹೊಂದಿದ್ದು, 25 ರನ್​ ನೀಡಿ 3 ವಿಕೆಟ್​​ ಕಬಳಿಸಿದ್ದು ಬೆಸ್ಟ್​ ಸಾಧನೆಯಾಗಿದೆ.

ಲಕ್ನೋ ನೆಟ್​ ಬೌಲರ್​ ಆಗಿದ್ದ ಬ್ಲೆಸಿಂಗ್​ ಮುಝರಬಾನಿ.!

ಈ ಹಿಂದೆ ಆ್ಯಂಡಿ ಫ್ಲವರ್ ಲಕ್ನೋ ಸೂಪರ್​ ಜೈಂಟ್ಸ್​ನ ​ ಹೆಡ್​ಕೋಚ್​ ಆಗಿದ್ದ ಅವಧಿಯಲ್ಲಿ ಬ್ಲೆಸ್ಸಿಂಗ್​ ಮುಜರಬಾನಿ ತಂಡದ ನೆಟ್​ ಬೌಲರ್​ ಆಗಿದ್ದರು. ಸದ್ಯ ಇಂಟರ್​ನ್ಯಾಷನಲ್​ ಟಿ20ಯಲ್ಲಿ ಬ್ಲೆಸ್ಸಿಂಗ್​ ಮುಜರಬಾನಿ ಆಡೋ ಗಲ್ಫ್​​ ಜೈಂಟ್ಸ್​ ತಂಡಕ್ಕೆ ಇದೇ ಆ್ಯಂಡಿ ಫ್ಲವರ್​ ಹೆಡ್​ಕೋಚ್​ ಆಗಿದ್ದಾರೆ. ಈ ವೇಗಿಯ ಸಾಮರ್ಥ್ಯ ಆ್ಯಂಡಿ ಫ್ಲವರ್​ಗೆ ಚೆನ್ನಾಗಿ ತಿಳಿದಿದೆ. ಈ ಎಲ್ಲಾ ಲೆಕ್ಕಾಚಾರ ಹಾಕಿಯೇ ಆರ್​​ಸಿಬಿ ಜಿಂಬಾಬ್ವೆ ವೇಗಿಗೆ ಸೈನ್​ ಮಾಡಿದೆ. ಮ್ಯಾನೇಜ್​ಮೆಂಟ್​​ ನಂಬಿಕೆಯನ್ನ ಬ್ಲೆಸ್ಸಿಂಗ್​ ಮುಜರಬಾನಿ ಉಳಿಸಿಕೊಳ್ತಾರಾ?.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ