ಹಿಟ್​​ಮ್ಯಾನ್ ರೋಹಿತ್, ಜೈಸ್ವಾಲ್ ವರ್ಲ್ಡ್​ ರೆಕಾರ್ಡ್​​​​..​ ಅಬ್ಬರದ ಬ್ಯಾಟಿಂಗ್​ಗೆ ಬೆಚ್ಚಿಬಿದ್ದ ಬಾಂಗ್ಲಾ ಬೌಲರ್ಸ್​

ಮೊಮಿನುಲ್ ಹಕ್ ಅವರ ಸೆಂಚುರಿ ನೆರವಿನಿಂದ 2ನೇ ಟೆಸ್ಟ್​ ಪಂದ್ಯದ ಮೊದಲ ಇನ್ನಿಂಗ್ಸ್​ನಲ್ಲಿ ಬಾಂಗ್ಲಾ 233 ರನ್​ಗಳಿಗೆ ಆಲೌಟ್ ಆಗಿದೆ. ಸದ್ಯ ಬ್ಯಾಟಿಂಗ್ ಆರಂಭಿಸಿರುವ ಟೀಮ್ ಇಂಡಿಯಾ 1 ವಿಕೆಟ್ ಕಳೆದುಕೊಂಡಿದೆ. ಆದರೆ ಪಂದ್ಯದಲ್ಲಿ ಓಪನರ್ಸ್ ಆದ ಕ್ಯಾಪ್ಟನ್ ರೋಹಿತ್, ಯಶಸ್ವಿ ಜೈಸ್ವಾಲ್ ವರ್ಲ್ಡ್​ ರೆಕಾರ್ಡ್ ಮಾಡಿದ್ದಾರೆ.

ಉತ್ತರಪ್ರದೇಶದ ಕಾನ್ಪುರದ ಗ್ರೀನ್ ಪಾರ್ಕ್​ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಟೆಸ್ಟ್​ ಪಂದ್ಯದಲ್ಲಿ ಬಾಂಗ್ಲಾ ಸಾಧಾರಣ ಮೊತ್ತಕ್ಕೆ ಆಲೌಟ್ ಆಗಿದೆ. ಮೊದಲ ಬ್ಯಾಟಿಂಗ್ ಮಾಡಿದ ಬಾಂಗ್ಲಾದೇಶ 74 ಓವರ್​ಗಳಲ್ಲಿ 233 ರನ್​ಗೆ ಆಲೌಟ್ ಆಗಿದೆ. ಆರಂಭಿಕ ಬ್ಯಾಟ್ಸ್​ಮನ್​ಗಳು ಬ್ಯಾಟಿಂಗ್​ನಲ್ಲಿ ವಿಫಲವಾದರು. ಆದರೆ ಮೊಮಿನುಲ್ ಹಕ್ ಅವರು ಉತ್ತಮ ಬ್ಯಾಟಿಂಗ್​ನಿಂದ ತಂಡಕ್ಕೆ ನೆರವಾದರು. ಮೊಮಿನುಲ್ ಹಕ್ 17 ಬೌಂಡರಿ 1 ಸಿಕ್ಸರ್ ಸಮೇತ 107 ರನ್​ ಸಿಡಿಸಿ ಔಟ್ ಆಗದೇ ಉಳಿದರು. ಆದರೆ ಉಳಿದ ಬ್ಯಾಟ್ಸ್​ಮನ್​ಗಳು ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿದ್ದರಿಂದ ಬಾಂಗ್ಲಾ ಅಲ್ಪ ಮೊತ್ತ ಗಳಿಸಿತು.

ಇದನ್ನೂ ಓದಿ: 2025 IPL; ವಿದಾಯದ ಬೆನ್ನಲ್ಲೇ CSKಗೂ ಬಿಗ್ ಶಾಕ್ ಕೊಟ್ಟ ಕೋಚ್ ಡ್ವೇನ್ ಬ್ರಾವೋ

ಬಳಿಕ ಬ್ಯಾಟಿಂಗ್​ಗೆ ಆಗಮಿಸಿದ ಟೀಮ್ ಇಂಡಿಯಾದ ನಾಯಕ ರೋಹಿತ್ ಶರ್ಮಾ ಹಾಗೂ ಯಶಸ್ವಿ ಜೈಸ್ವಾಲ್ ಅವರು ವಿಶ್ವದಾಖಲೆಯ ಆಟವಾಡಿದರು. ಇಡೀ ಟೆಸ್ಟ್ ಇತಿಹಾಸದಲ್ಲೇ ಅತಿವೇಗದ ಹಾಫ್​​ಸೆಂಚುರಿ ಅಂದರೇ ಕೇವಲ 18 ಬಾಲ್​ಗಳಲ್ಲಿ ಅರ್ಧ ಶತಕ ಬಾರಿಸುವ ಮೂಲಕ ಇಂಗ್ಲೆಂಡ್​ನ ಬೆನ್ ಡಕೆಟ್ ಮತ್ತು ಆಲಿ ಪೋಪ್ ಅವರ ವರ್ಲ್ಡ್ ರೆಕಾರ್ಡ್​ ಅನ್ನು ಬ್ರೇಕ್ ಮಾಡಿದರು. ಈ ಇಬ್ಬರು 26 ಎಸೆತಗಳಲ್ಲಿ ಹಾಫ್​ಸೆಂಚುರಿ ಸಿಡಿಸಿದ್ದರು. ಆದರೆ ಹಿಟ್​​ಮ್ಯಾನ್​ ರೋಹಿತ್ ಮೊದಲ 2 ಎಸೆತಗಳನ್ನೇ ಸಿಕ್ಸರ್​ ಬಾರಿಸಿದರು. ಹೀಗಾಗಿ ಕೇವಲ 6 ಎಸೆತಳಲ್ಲಿ 19 ರನ್​ ಸಿಡಿಸಿದರು. ಇನ್ನು ಜೈಸ್ವಾಲ್​ ಕೇವಲ 13 ಬಾಲ್​​ನಲ್ಲಿ 30 ರನ್​ ಬಾರಿಸಿದರು. ಕೇವಲ 18 ಬಾಲ್​ಗಳಲ್ಲಿ 50 ರನ್​ ಗಳಿಸಿ ಇಬ್ಬರು ವಿಶ್ವದಾಖಲೆಗೆ ಕಾರಣವಾದರು.

ಇದನ್ನೂ ಓದಿ:RCBಗೆ ಕೊಹ್ಲಿ, ವಿಲ್ ಜಾಕ್ಸ್ ಸೇರಿ 5 ಪ್ಲೇಯರ್ಸ್​ ರಿಟೈನ್​.. ಫ್ರಾಂಚೈಸಿಯಿಂದ ಕ್ಯಾಪ್ಟನ್​ಗೆ ಬಿಗ್ ಶಾಕ್?

ಸದ್ಯ ಬ್ಯಾಟಿಂಗ್ ಮಾಡುತ್ತಿರುವ ಟೀಮ್ ಇಂಡಿಯಾ 1 ವಿಕೆಟ್​ಗೆ 127 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದೆ. ರೋಹಿತ್ ಶರ್ಮಾ 11 ಎಸೆತಗಳಲ್ಲಿ 23 ರನ್​ ಸಿಡಿಸಿ ಆಡುವಾಗ ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಯಶಸ್ವಿ ಜೈಸ್ವಾಲ್ ಸೆಂಚುರಿ ಸಿಡಿಸುವ ಹೊಸ್ತಿನಲ್ಲಿದ್ದಾರೆ. ಶುಭ್​ಮನ್ ಗಿಲ್ ಉತ್ತಮ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

Rohit Sharma Carnage pic.twitter.com/4GdlNqSl5r

— The Ripper (@solleti_siva)

Rohit Sharma Carnage pic.twitter.com/4GdlNqSl5r

— 𝐑𝐢𝐩𝐩𝐞𝐫 𝐑𝐞𝐝𝐝𝐢𝐞 🦁 (@Ripper_Reddie) September 30, 2024

">September 30, 2024

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ