Samsung Galaxy M15 ಪ್ರೈಮ್​ ಎಡಿಷನ್​ ಬಿಡುಗಡೆ.. 50MP ಕ್ಯಾಮೆರಾ, 6000 mAh ಬ್ಯಾಟರಿ, ಅದ್ಭುತವಾಗಿದೆ ಸ್ಮಾರ್ಟ್​ಫೋನ್​

ದಕ್ಷಿಣ ಕೊರಿಯಾ ಮೂಲದ ಸ್ಯಾಮ್‌ಸಂಗ್ ಕಂಪನಿ ಭಾರತದಲ್ಲಿ ಹೊಸ ಗ್ಯಾಲಕ್ಸಿ M15 5G ಪ್ರೈಮ್ ಆವೃತ್ತಿಯನ್ನು ಬಿಡುಗಡೆ ಮಾಡಿದೆ. ಹಲವು ವೈಶಿಷ್ಟ್ಯಗಳನ್ನು ಹೊಂದಿರುವ ನೂತನ ಸ್ಮಾರ್ಟ್​ಫೋನ್ ಆಕರ್ಷಕ ಕ್ಯಾಮೆರಾವನ್ನು ಅಳವಡಿಸಿಕೊಂಡಿದೆ. ಮಾತ್ರವಲ್ಲದೆ ಕಡಿಮೆ ಬೆಲೆಗೆ ಖರೀದಿಸಲು ಸಿಗುತ್ತಿದೆ. ಸದ್ಯ ಈ ಸ್ಮಾರ್ಟ್​ಫೋನಿನಲ್ಲಿ ಏನೇನಿದೆ ಎಂದು ನೋಡೋಣ.

ಸ್ಯಾಮ್​ಸಂಗ್​ ಗ್ಯಾಲಕ್ಸಿ M15 5G ಪ್ರೈಮ್ ಆವೃತ್ತಿಯು ಮಿಡಿಯಾ ಟೆಕ್​ ಡೈಮೆನ್ಸಿಟಿ 6100+ ಪ್ರೊಸೆಸರ್‌ನೊಂದಿಗೆ ಪರಿಚಯಿಸಲಾಗಿದೆ. ಇದು 4GB, 6GB ಮತ್ತು 8GB RAM ಆಯ್ಕೆಯಲ್ಲಿ ಪರಿಚಯಿಸಲಾಗಿದೆ.

ಕ್ಯಾಮೆರಾ ವಿಶೇಷತೆ ಗಮನಿಸಿದಾಗ ಸ್ಮಾರ್ಟ್​ಫೋನಿನ ಹಿಂಭಾಗದಲ್ಲಿ 50MP + 5MPಯ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಮುಂಭಾಗದಲ್ಲಿ 13MP ಸೆಲ್ಫಿ ಕ್ಯಾಮೆರಾವನ್ನು ನೀಡಲಾಗಿದೆ.

ಇದನ್ನೂ ಓದಿ: ರೆಡ್​​ಮಿ ವಾಚ್​ 5 ಲೈಟ್​​ ರಿಲೀಸ್​​.. ಫೀಚರ್ಸ್​​ ಅದ್ಭುತ! ಒಂದು ಬಾರಿ ಚಾರ್ಜ್​ ಮಾಡಿದ್ರೆ 15 ದಿನ ಬರುತ್ತೆ

ನೂತನ ಸ್ಮಾರ್ಟ್​ಫೋನಿನ ಆವೃತ್ತಿಯು 6.6-ಇಂಚಿನ FHD+ AMOLED ಡಿಸ್​ಪ್ಲೇಯನ್ನು ಹೊಂದಿದೆ. ಇದು 90Hz ರಿಫ್ರೆಶ್ ರೇಟ್ ಬೆಂಬಲದೊಂದಿಗೆ ಬರುತ್ತದೆ. ಗ್ರಾಹಕರಿಗಾಗಿ 4GB, 6GB ಮತ್ತು 8GB RAM ಆಯ್ಕೆಯಲ್ಲಿ ಖರೀದಿಸಬಹುದಾಗಿದೆ.

ಗ್ಯಾಲಕ್ಸಿ M15 5G ಸ್ಮಾರ್ಟ್​ಫೋನ್​ 128GB ಸ್ಟೋರೇಜ್ ಹೊಂದಿದೆ. ಗ್ರಾಹಕರು ಮೈಕ್ರೋ SD ಕಾರ್ಡ್ ಸಹಾಯದಿಂದ ಸಂಗ್ರಹಣೆಯನ್ನು ವಿಸ್ತರಿಸಬಹುದಾದ ಆಯ್ಕೆಯನ್ನು ನೀಡಿದೆ. ಆ್ಯಂಡ್ರಾಯ್ಡ್​​ 14 ಆಧಾರಿತ One UI 6ನಲ್ಲಿ ಫೋನ್ ಕಾರ್ಯನಿರ್ವಹಿಸುತ್ತದೆ.

ಇದನ್ನೂ ಓದಿ: Amazon ಗ್ರೇಟ್​ ಇಂಡಿಯನ್​ ಫೆಸ್ಟಿವಲ್​ ಸೇಲ್​.. 30 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ಸಿಗುತ್ತಿದೆ ಈ ಸ್ಮಾರ್ಟ್​ಫೋನ್​ಗಳು​

ಇನ್ನು ಈ ಸ್ಮಾರ್ಟ್​ಫೋನ್​ನಲ್ಲಿ ಭದ್ರತೆಗಾಗಿ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್​​​ ನೀಡಲಾಗಿದೆ. ದೀರ್ಘ ಕಾಲದ ಬಾಳ್ವಿಕೆಗಾಗಿ 6000mAh ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಅಂದಹಾಗೆಯೇ ಈ ಸ್ಮಾರ್ಟ್​ಫೋನ್​ 25W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ.

ಗ್ರಾಹಕರಿಗಾಗಿ ಮೂರು ಬಣ್ಣಗಳ ಆಯ್ಕೆಗಳಲ್ಲಿ ಪರಿಚಯಿಸಿದೆ. ಬ್ಲೂ ಟೋಪಾಜ್, ಸೆಲೆಸ್ಟಿಯರ್ ಬ್ಲೂ ಮತ್ತು ಸ್ಟೋನ್ ಗ್ರೇ ಬಣ್ಣದಲ್ಲಿ ಖರೀದಿಸಲು ಸಿಗುತ್ತಿದೆ. ನೂತನ ಸ್ಮಾರ್ಟ್​ಫೋನಿನ 4GB RAM + 128GB ಸಂಗ್ರಹಣೆಯ ಬೆಲೆ 13,499 ರೂಪಾಯಿ ಇರಲಿದೆ. 6GB RAM + 128GB ಸ್ಟೋರೇಜ್ ರೂಪಾಂತರದ ಬೆಲೆ 14,999 ರೂಪಾಯಿಯಾಗಿದೆ. ಇನ್ನು 8GB RAM + 128GB ಸ್ಟೋರೇಜ್ ಹೊಂದಿರುವ ಟಾಪ್ ಎಂಡ್ ರೂಪಾಂತರದ ಬೆಲೆ 16,499 ರೂಪಾಯಿಯಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ