ಮಲ್ಲಮ್ಮರ ಮುಗ್ಧತೆಗೆ ಕಳೆದುಹೋದ ಸ್ಪರ್ಧಿಗಳು.. ಮೊದಲ ಫಿನಾಲೆ ಕಂಟೆಂಡರ್ ಇವರೇ..!

ಬಿಗ್​ಬಾಸ್​ ಮನೆಯಲ್ಲಿ ಸ್ಪರ್ಧಿಗಳ ನಡುವಿನ ಪೈಪೋಟಿ ನಿಧಾನವಾಗಿ ಬಿರುಸುಗೊಳ್ತಿದೆ. ಟ್ವಿಸ್ಟ್​ ಮೇಲೆ ಟ್ವಿಸ್ಟ್​ ಕೊಡಲು ಮುಂದಾಗಿರುವ ಬಿಗ್​ಬಾಸ್ (Bigg Boss), ಸ್ಪರ್ಧಿಗಳಿಗೆ ನಿತ್ಯವೋ ಒಂದೊಂದು ಸರ್ಪ್ರೈಸಿಂಗ್​ ವಿಚಾರಗಳನ್ನು ಮುಂದಿಡುತ್ತಿದ್ದಾರೆ. 

ಹೀಗಾಗಿ ಸ್ಪರ್ಧಿಗಳು ಗೆಲುವಿಗಾಗಿ ತಮ್ಮದೆಯಾದ ತಂತ್ರಗಾರಿಕೆಯಲ್ಲಿ ಮುಳುಗಿದ್ದಾರೆ. ಮೊನ್ನೆಯಷ್ಟೇ ಮೂರನೇ ವಾರಕ್ಕೆ ಒಂದು ಫಿನಾಲೆ ನಡೆಯಲಿದೆ ಎಂದು ಬಿಗ್​ಬಾಸ್ ಘೋಷಣೆ ಮಾಡಿದ್ದರು. ಈಗ ವಿಷಯ ಏನಪ್ಪ ಅಂದ್ರೆ ಮಲ್ಲಮ್ಮ (Bigg Boss Mallamma) ಅವರು, ಮೊದಲ ಫಿನಾಲೆ ಕಂಟೆಂಡರ್ ಆಗಿದ್ದಾರೆ.

ಮಲ್ಲಮ್ಮ ಬಿಗ್​​ಬಾಸ್​ಗೆ ಹೋಗಿದ್ದಾರೆ ಅನ್ನೋ ವಿಚಾರ ಗೊತ್ತಾಗುತ್ತಿದ್ದಂತೆಯೇ ಟ್ರೆಂಡಿಂಗ್​ನಲ್ಲಿದ್ದಾರೆ. ಬಿಗ್​ಬಾಸ್​ ಮನೆಯಲ್ಲಿ ಕಳೆಯುತ್ತಿರುವ ಪ್ರತಿ ಕ್ಷಣಗಳನ್ನೂ ವೀಕ್ಷಕರು ತಿಳಿದುಕೊಳ್ಳಲು ಕಾಯುತ್ತ ಇರುತ್ತಾರೆ. ಅದಕ್ಕೆ ಕಾರಣ, ಹಳ್ಳಿಗಾಡಿನ ಮಲ್ಲಮ್ಮರ ಮುಗ್ಧತೆ. ದೊಡ್ಡ ಮನೆಯಲ್ಲಿ ಎದುರಾಗುವ ಸವಾಲುಗಳನ್ನು ಅರ್ಥ ಮಾಡಿಕೊಂಡು ಹೇಗೆ ಅದನ್ನು ನಿಭಾಯಿಸಿ ಜನರ ಮನ ಗೆಲ್ಲುತ್ತಾರೆ ಎಂಬ ಕ್ಯೂರಿಯಾಸಿಟಿ ಇದೆ. 

ಇದನ್ನೂ ಓದಿ:ಬಿಗ್​ ಬಾಸ್​ಗೆ ಬಿಗ್ ಶಾಕ್ ಕೊಟ್ಟ ಮಲ್ಲಮ್ಮ.. ಈ ಕಾರಣಕ್ಕೆ ಸರಿ ಇಲ್ಲ ಎಂದೇ ಬಿಟ್ಟರು!

ಪ್ರಸ್ತುತ ಮಲ್ಲಮ್ಮ ಅವರಿಗೆ ಬಿಗ್​ಬಾಸ್ ಮನೆ ಅನ್ನೋದು ಯಾವುದೋ ಒಂದು ಹೊಸ ಲೋಕಕ್ಕೆ ಎಂಟ್ರಿ ಕೊಟ್ಟಂತೆ ಆಗಿದೆ. ಅಲ್ಲಿನ ನಿಯಮಗಳು, ಟಾಸ್ಕ್​ಗಳನ್ನ ಅರ್ಥ ಮಾಡಿಕೊಳ್ಳುವುದೇ ದೊಡ್ಡ ಸವಾಲಾಗಿದೆ. ಹೀಗಿದ್ದೂ ಅವರು ಫಿನಾಲೆ ಕಂಟೆಂಡರ್​​ ಆಗಿದ್ದಾರೆ. ಅದಕ್ಕೆ ಕಾರಣ ಮಲ್ಲಮ್ಮ ಮೇಲೆ ಉಳಿದ ಸ್ಪರ್ಧಿಗಳಿಗೆ ಇರುವ ಸಿಂಪಥಿ! ಉಳಿದ ಸ್ಪರ್ಧಿಗಳ ಜೊತೆ ಮಲ್ಲಮ್ಮ ಸ್ಪರ್ಧೆ ಮಾಡೋದು ಕಠಿಣ ಆಗಲಿದೆ ಎಂಬುವುದನ್ನ ಅರಿತಿರುವ ಇತರೆ ಸ್ಪರ್ಧಿಗಳು ನೇರವಾಗಿ ಅವರನ್ನು ಫಿನಾಲೆ ಕಂಟೆಂಡರ್​​ ಮಾಡಿದ್ದಾರೆ. 

ಬಿಗ್​ಬಾಸ್ ನೀಡಿದ ಚಟುವಟಿಕೆಯಲ್ಲಿ ಎಲ್ಲಾ ಸ್ಪರ್ಧಿಗಳ ಒಕ್ಕೂರಲಿನ ಅಭಿಪ್ರಾಯ ತಿಳಿಸಿರುವ ಅಶ್ವಿನಿ ಗೌಡ, ನಮ್ಮೆಲ್ಲರಿಗೂ ಫಿನಾಲೆಗೆ ಹೋಗುವ ಭರವಸೆ ಇದೆ. ಎಲ್ಲರೂ ಸೇರಿ ನಾವು ಒಮ್ಮತದಿಂದ ಮಲ್ಲಮ್ಮ ಅವರನ್ನು ಸೇವ್ ಮಾಡುತ್ತಿದ್ದೇವೆ ಎಂದಿದ್ದಾರೆ. ಅಂತೆಯೇ ಮಲ್ಲಮ್ಮ ಮೊದಲ ಫಿನಾಲೆ ಕಂಟೆಂಡರ್​ ಆಗಿದ್ದಾರೆ. 

ಇದನ್ನೂ ಓದಿ:‘ನನ್ನೋಡು ನನ್ನೋಡು ಅನ್ನೋಕೆ ಮುಖದಲ್ಲಿ ಕೋತಿ ಕುಣಿತಿದ್ಯಾ?’ ಅಶ್ವಿನಿಗೆ ಗಿಲ್ಲಿ ನಟ ಕೌಂಟರ್​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ