ಬಿಗ್​ಬಾಸ್​ ಶೋನಿಂದ ಹೊರಬಿದ್ದ ಇಬ್ಬರು ಸ್ಪರ್ಧಿಗಳು; ಒಂದೇ ವಾರಕ್ಕೆ ಜರ್ನಿ ಅಂತ್ಯ..!

‘ಬಿಗ್ ಬಾಸ್ ಕನ್ನಡ 12’ ಶೋನ ಮೊದಲ ವಾರದಲ್ಲೇ ಎರಡು ವಿಕೆಟ್ ಪತನವಾಗಿದೆ. ಜಂಟಿಯಾಗಿ ದೊಡ್ಮನೆ ಪ್ರವೇಶ ಮಾಡಿದ್ದ ಆರ್‌ಜೆ ಅಮಿತ್ ಮತ್ತು ಕರಿಬಸಪ್ಪ  (RJ Amith and Karibasappa) ಔಟ್ ಆಗಿದ್ದಾರೆ. 

ಸಿಂಗಲ್ ಆಗಿ ಬಿಗ್​ಬಾಸ್ ಮನೆಗೆ ಎಂಟ್ರಿ ನೀಡಿದ್ದ ಧನುಷ್ ಗೌಡ, ಮಲ್ಲಮ್ಮ ಹಾಗೂ ಜಂಟಿಯಾಗಿ ಪ್ರವೇಶ ಮಾಡಿರುವ ಅಭಿಷೇಕ್-ಅಶ್ವಿನಿ ಎಸ್​.ಎನ್, ಗಿಲ್ಲಿ ನಟ-ಕಾವ್ಯ, ಅಮಿತ್-ಕರಿಬಸಪ್ಪ ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗಿದ್ದರು. 

ಇದನ್ನೂ ಓದಿ:ಬಿಗ್​ಬಾಸ್​ನಲ್ಲಿ ಶಾರೂಖ್, ಅಮೀರ್ ಖಾನ್! ಅವರು ಇಷ್ಟಪಟ್ಟು ತಾಳಿ ಕಟ್ಟಿದ್ದಾರೆ ಎಂದಿದ್ದೇಕೆ ಕಿಚ್ಚ..?

ಮಲ್ಲಮ್ಮ ಅವರು ಕಳೆದ ಶನಿವಾರದ ಎಪಿಸೋಡ್​ನಲ್ಲೇ ಸೇವ್ ಆಗಿರೋದನ್ನು ಸುದೀಪ್ ತಿಳಿಸಿದ್ದರು. ‘ಸೂಪರ್ ಸಂಡೇ ವಿತ್ ಕಿಚ್ಚ ಸುದೀಪ’ ಸಂಚಿಕೆಯಲ್ಲಿ  ಒಬ್ಬೊಬ್ಬರನ್ನೇ ಕಿಚ್ಚ ಸುದೀಪ್ ಸೇವ್ ಮಾಡುತ್ತ ಬಂದರು. ಕೊನೆಯಲ್ಲಿ ಅಮಿತ್ - ಕರಿಬಸಪ್ಪ ಮತ್ತು ಅಶ್ವಿನಿ - ಅಭಿಷೇಕ್ ಜೋಡಿ ಉಳಿದುಕೊಂಡಿತ್ತು.  ಅವರಿಬ್ಬರಲ್ಲಿ ಅಮಿತ್ - ಕರಿಬಸಪ್ಪ ಅವರ ಆಟ ಒಂದೇ ವಾರಕ್ಕೆ ಮುಕ್ತಾಯವಾಗಿದೆ ಅನ್ನೋ ಮೂಲಕ ಸುದೀಪ್ ಔಟ್ ಆಗಿರುವ ಸ್ಪರ್ಧಿಗಳ ಹೆಸರನ್ನು ಘೋಷಿಸಿದರು. 

ಜಂಟಿ ವರ್ಸಸ್ ಒಂಟಿ ಟಾಸ್ಕ್‌ನಲ್ಲಿ ಅಮಿತ್ ಮತ್ತು ಕರಿಬಸಪ್ಪ ಜಂಟಿಯಾಗಿ ಬಿಗ್​ಬಾಸ್ ಮನೆಯೊಳಗೆ ಪ್ರವೇಶ ಮಾಡಿದ್ದರು. ವಾರಪೂರ್ತಿ ಇಬ್ಬರು ಒಟ್ಟಿಗೆ ಇದ್ದರು. ಅವರಿಬ್ಬರನ್ನು ದಾರದಿಂದ ಜಂಟಿ ಮಾಡಲಾಗಿತ್ತು. ಇದೀಗ ಅವರನ್ನು ಎಲಿಮಿನೇಟ್ ಮಾಡಲಾಗಿದ್ದು, ಇಬ್ಬರು ಆಚೆ ಬಂದಿದ್ದಾರೆ. 

ಇದನ್ನೂ ಓದಿ:RJ ಅಮಿತ್​ಗೆ ಮಾತಲ್ಲೇ ಚಾಟಿ ಏಟು ಕೊಟ್ಟ ಕಿಚ್ಚ ಸುದೀಪ್..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ