IND vs WI 2ನೇ ಟೆಸ್ಟ್​​ನಲ್ಲಿ ಹಲವು ಕಾಕತಾಳೀಯ.. ಕೊಹ್ಲಿ-ಸಚಿನ್ 29ನೇ ಶತಕಕ್ಕೆ ಇದೆ ಸಾಮ್ಯತೆ..!

ಜಂಟಲ್​​ಮೆನ್​ ಗೇಮ್​​​ ಅಂತ ಕರೆಸಿಕೊಳ್ಳುವ ಕ್ರಿಕೆಟ್​​​ ಆಗಾಗ ಅಚ್ಚರಿ ಸಂಗತಿಗಳಿಗೆ ಸಾಕ್ಷಿಯಾಗುತ್ತೆ. ನೀವು ಆಶ್ಚರ್ಯ ಪಡುವಂತ ಹಲವು ಕೋ-ಇನ್ಸಿಡೆಂಟ್ಸ್​ ಭಾರತ-ವೆಸ್ಟ್​​​ ಇಂಡೀಸ್ ಟೆಸ್ಟ್​​ ಸರಣಿಯಲ್ಲಿ ನಡೆದಿವೆ. ಇದೆಲ್ಲವನ್ನೂ ಮಾಡಿರೋದು ಕಿಂಗ್​ ಕೊಹ್ಲಿ.

20223ರಲ್ಲಿ ವಿರಾಟ್ ಕೊಹ್ಲಿ ಪ್ರಚಂಡ ಫಾರ್ಮ್​ನಲ್ಲಿದ್ದಾರೆ. ಇಷ್ಟಾದರೂ ಬ್ಯಾಕ್ ಟು ಬ್ಯಾಕ್​ ಶತಕ ಸಿಡಿಸ್ತಿರೋ ಸೆಂಚುರಿ ಸ್ಪೆಷಲಿಸ್ಟ್​ಗೆ ಒಂದು ಕೊರಗು ಕಾಡ್ತಿತ್ತು. ಅದೇನಂದ್ರೆ ವಿದೇಶದಲ್ಲಿ ಸೆಂಚುರಿ ಬರ ನೀಗೋದ್ಯಾವಾಗ ಅನ್ನೋದು. ವಿಂಡೀಸ್ ವಿರುದ್ಧ ಟ್ರಿನಿಡಾಡ್​ ಟೆಸ್ಟ್​​ನಲ್ಲಿ ಭರ್ಜರಿ ಸೆಂಚುರಿ ಸಿಡಿಸುವ ಮೂಲಕ 5 ವರ್ಷಗಳ ವಿದೇಶಿ ಸೆಂಚುರಿ ವನವಾಸಕ್ಕೆ ಇತಿಶ್ರೀ ಹಾಡಿದ್ದಾರೆ.

500ನೇ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಮೂಡಿಬಂದ ಕೊಹ್ಲಿಯ ಈ ಶತಕಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಯ್ತು. ಹಲವು ದಿಗ್ಗಜರ ದಾಖಲೆಗಳು ಪುಡಿ ಪುಡಿ ಆದ್ವು. ಇದೆಲ್ಲದರಾಚೆಗೆ ರನ್ ಮಷೀನ್​​ ಬಾರಿಸಿದ 29ನೇ ಶತಕ ಅನೇಕ ಕೋಇನ್ಸಿಡೆಂಟ್ಸ್​​ಗೆ ​ ಸಾಕ್ಷಿಯಾಯ್ತು. ಶತಕದ ಸಂಭ್ರಮದಲ್ಲಿ ಕ್ರಿಕೆಟ್​ ಜಗತ್ತು ಅದನ್ನ ಮರೆತೇ ಬಿಟ್ಟಿತ್ತು. ನಾವೀಗ ಕೊಹ್ಲಿಯ 29ನೇ ಟೆಸ್ಟ್​ ಶತಕಕ್ಕೂ ಕ್ರಿಕೆಟ್ ದೇವರು ಸಚಿನ್​​​ ತೆಂಡೂಲ್ಕರ್​ರ ಶತಕಕ್ಕೂ ಒಂದು ಕಾಕತಾಳೀಯ ಇದೆ.

ಕೊಹ್ಲಿ-ಸಚಿನ್​​​ 29ನೇ ಶತಕ ಬಾರಿಸಿದ್ದು ಸೇಮ್​ ಸ್ಟೇಡಿಯಂನಲ್ಲಿ

ಯೆಸ್​​, ಇದು ನಿಮಗೆ ಕೇಳೋಕೆ ಅಚ್ಚರಿ ಅನ್ನಿಸಿದ್ರೂ ಸತ್ಯ. ಕಾಕತಾಳೀಯವೆಂಬಂತೆ ಕ್ರಿಕೆಟ್ ದಿಗ್ಗಜರಾದ ವಿರಾಟ್ ಕೊಹ್ಲಿ ಹಾಗೂ ಸಚಿನ್ ತೆಂಡೂಲ್ಕರ್​​ ತಮ್ಮ 29ನೇ ಟೆಸ್ಟ್​​​​​ ಶತಕವನ್ನು ಸೇಮ್​​ ಸ್ಟೇಡಿಯಂನಲ್ಲಿ ಸಿಡಿಸಿದ್ದಾರೆ. ಅಂದ್ರೆ ಸದ್ಯ ನಡೆಯುತ್ತಿರುವ ಫೋರ್ಟ್​ ಆಫ್​​ ಸ್ಪೇನ್​​ ಅಂಗಳದಲ್ಲಿ.

ದಿಟ್ಟ ಹೋರಾಟ ನಡೆಸಿದ್ದ ವಿರಾಟ್ 206 ಎಸೆತಗಳಲ್ಲಿ 121 ರನ್ ಬಾರಿಸುವ ಮೂಲಕ ರೆಡ್​​ ಬಾಲ್​ ಕ್ರಿಕೆಟ್​​ನಲ್ಲಿ 29ನೇ ಶತಕ ಪೂರೈಸಿದ್ರು. ಕೋ-ಇನ್ಸಿಡೆಂಟ್ಸ್ ಎನ್ನುವಂತೆ ಸಚಿನ್​ ತೆಂಡೂಲ್ಕರ್​ 2002 ರಲ್ಲಿ ಇದೇ ಅಂಗಳದಲ್ಲಿ ಟೆಸ್ಟ್​ ವೃತ್ತಿಜೀವನದ 29ನೇ ಶತಕ ಬಾರಿಸಿ ಮೆರೆದಾಡಿದ್ರು.

499 ಪಂದ್ಯಗಳ ನಂತ್ರ ಇಬ್ಬರು ಹೊಡೆದಿದ್ದು ತಲಾ 75 ಶತಕ

ಇದು ಮತ್ತೊಂದು ಕೋ-ಇನ್ಸಿಡೆಂಟ್ಸ್​​​​.. ಕಿಂಗ್ ಕೊಹ್ಲಿ 499 ಪಂದ್ಯಗಳ ಬಳಿಕ ಮೂರು ಮಾದರಿ ಕ್ರಿಕೆಟ್​​ನಲ್ಲಿ 75 ಶತಕ ಸಿಡಿಸಿದ ಸಾಧನೆ ಮಾಡಿದ್ರು. ಟೆಸ್ಟ್​​ 28, ಏಕದಿನ 46 ಹಾಗೂ ಟಿ20ಯಲ್ಲಿ 1 ಶತಕ ವಿರಾಟ್ ಹೆಸರಿನಲ್ಲಿತ್ತು. ಶತಕಗಳ ಶತಕ ರಾಜ ಸಚಿನ್​​ ತೆಂಡೂಲ್ಕರ್​ ಅವರದ್ದೇ ಇದೇ ಕಥೆ. ಗಾಡ್​ ಆಫ್​ ಕ್ರಿಕೆಟ್​ ಕೂಡ 499 ಪಂದ್ಯಗಳ ಮುಕ್ತಾಯಕ್ಕೆ ಸೇಮ್ ಕೊಹ್ಲಿಯಷ್ಟೇ 75 ಶತಕಗಳನ್ನ ಬಾರಿಸಿದ್ದು ನಿಜಕ್ಕೂ ಕಾಕತಾಳೀಯ.

ಅಂದು ಗವಾಸ್ಕರ್​​​ 121.. ಇಂದು ಕೊಹ್ಲಿ 121 ರ ನ್​​​..!

ಬರೀ ಸಚಿನ್​​ ಮಾತ್ರವಲ್ಲ, ವಿರಾಟ್ ಕೊಹ್ಲಿಯ 29ನೇ ಟೆಸ್ಟ್​​ ಸೆಂಚುರಿ ದಿಗ್ಗಜ ಸುನೀಲ್ ಗವಾಸ್ಕರ್​​ ಅವರೊಂದಿಗೆ ಹೋಲಿಕೆ ಹೊಂದಿದೆ. 1983 ರಲ್ಲಿ ವೆಸ್ಟ್​ ಇಂಡೀಸ್​​​ ವಿರುದ್ಧ ಭಾರತ ತನ್ನ 50ನೇ ಆಡಿದಾಗ ಗವಾಸ್ಕರ್​ ಅಮೋಘ 121 ರನ್​​ ಗಳಿಸಿದ್ದರು. ಇದೀಗ 40 ವರ್ಷಗಳ ನಂತರ ಭಾರತ-ವೆಸ್ಟ್​ಇಂಡೀಸ್​ ತಂಡಗಳು 100ನೇ ಟೆಸ್ಟ್ ಆಡುತ್ತಿವೆ. ಆ ವಿಶೇಷ ಕ್ಷಣಕ್ಕೆ ಸದ್ಯ ನಡೆಯುತ್ತಿರುವ ಫೋರ್ಟ್​ ಆಫ್​ ಸ್ಪೇನ್​ ಸ್ಟೇಡಿಯಂ ಸಾಕ್ಷಿಯಾಗಿದೆ. ಈ ಮೈಲುಗಲ್ಲಿನ ಪಂದ್ಯದಲ್ಲಿ ಕೊಹ್ಲಿ ಕೂಡ ಸುನೀಲ್​ ಗವಾಸ್ಕರ್​​​ ರಂತೆ ಕರೆಕ್ಟಾಗಿ 121 ರನ್​ ಗಳಿಸಿದ್ದಾರೆ. ಇದು ಕಾಕತಾಳೀಯಾನೋ ಇಲ್ಲ ಸಾಂದಭಿರ್ಕಕನೋ ಗೊತ್ತಿಲ್ಲ. ಆದರೆ ಇಂತಹ ಘಟನೆಗಳು ಕ್ರಿಕೆಟ್ ಪ್ರೇಮಿಗಳನ್ನ ಅಚ್ಚರಿಗೆ ತಳ್ಳಿರುವುದಂತೂ ಸುಳ್ಳಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್