ಬುಮ್ರಾಗೆ ಬಿಸಿಸಿಐ ಯಾರ್ಕರ್.. ಟೆಸ್ಟ್​​ ಕ್ರಿಕೆಟ್​​ನಿಂದ ವೇಗಿಗೆ ಗೇಟ್​ಪಾಸ್​..?

ಇಂಡೋ- ಇಂಗ್ಲೆಂಡ್​ ಅಂತಿಮ ಟೆಸ್ಟ್​ ಪಂದ್ಯ ಕೆನ್ನಿಂಗ್ಟನ್​ ಓವಲ್​ ನಡೀತಿರೋದ್ರ ಮಧ್ಯೆಯೇ ಬಿಸಿಸಿಐ ಕಚೇರಿಯಲ್ಲಿ ಬಿರುಸಿನ ಚಟುವಟಿಕೆಗಳು ನಡೀತಿವೆ. BCCI ಬಾಸ್​​ಗಳು, ಟೀಮ್​ ಮ್ಯಾನೇಜ್​ಮೆಂಟ್​​ ನಡುವೆ ಬಿಸಿಬಿಸಿ ಚರ್ಚೆಗಳು ನಡೀತಿವೆ. ಈ ಮಹತ್ವದ ಬೆಳವಣಿಗೆ ಕಾರಣವಾಗಿರೋದು ಯಾರು ಗೊತ್ತಾ? ಯಾರ್ಕರ್​​ ಸ್ಪೆಷಲಿಸ್ಟ್​​ ಜಸ್​​ಪ್ರಿತ್​ ಬೂಮ್ರಾ! ಫುಲ್​​​ ಗರಂ ಆಗಿರೋ ಬಾಸ್​​ಗಳು ಬೂಮ್ರಾಗೇ ಯಾರ್ಕರ್​ ಹಾಕೋಕೆ ಮುಂದಾಗಿದ್ದಾರೆ.

ಕೆನ್ನಿಂಗ್ಟನ್​​ ಓವಲ್​ನಲ್ಲಿ ನಡೆಯುತ್ತಿರೋ ಮಹತ್ವದ ಅಂತಿಮ ಟೆಸ್ಟ್​ ಪಂದ್ಯದಿಂದ ವೇಗಿ ಜಸ್​ಪ್ರಿತ್​ ಬೂಮ್ರಾ ವಿಶ್ರಾಂತಿ ಪಡೆದಿದ್ದಾರೆ. ಸರಣಿ ಆರಂಭಕ್ಕೂ ಮುನ್ನವೇ 3 ಪಂದ್ಯಗಳಲ್ಲಿ ಮಾತ್ರ ಆಡೋದಾಗಿ ಬೂಮ್ರಾ ತಿಳಿಸಿದ್ರು. ವರ್ಕ್​​​ಲೋಡ್​ ಮ್ಯಾನೇಜ್​ಮೆಂಟ್​ ಕಾರಣ ನೀಡಿ ಬೂಮ್ರಾ, ರೆಸ್ಟ್​​ ಪಡೆದಿದ್ದಾರೆ. ಮುಂಬರೋ ಏಷ್ಯಾಕಪ್​ನಿಂದಲೂ ಹೊರಗುಳಿಯೋಕೆ ಬೂಮ್ರಾ ನಿರ್ಧಾರ ಮಾಡಿದ್ದಾರೆ. ಬೂಮ್ರಾರ ನಿರ್ಧಾರ ಬಿಸಿಸಿಐ ಬಾಸ್​​ಗಳ ಕಣ್ಣು ಕೆಂಪಾಗಿಸಿದೆ. 

ಇದನ್ನೂ ಓದಿ: ಜಯದ ಲೆಕ್ಕಾಚಾರದಲ್ಲಿ ಟೀಂ ಇಂಡಿಯಾ.. ಅದಕ್ಕೆ ಕಾರಣ ಇಬ್ಬರು ಸ್ಟಾರ್​​ಗಳು..

5ನೇ ಟೆಸ್ಟ್​​ನಿಂದ ರೆಸ್ಟ್​..ಏಷ್ಯಾಕಪ್​ಗೂ ಡೌಟ್​

ಸರಣಿಯಲ್ಲಿ ಸಮಭಲ ಸಾಧಿಸಬೇಕಂದ್ರೆ ಕೆನ್ನಿಂಗ್ಟನ್​ ಓವಲ್​​ನಲ್ಲಿ ಗೆಲುವು ಟೀಮ್​ ಇಂಡಿಯಾಗೆ ಅನಿವಾರ್ಯವಾಗಿದೆ. ಗೆದ್ದು ಮರ್ಯಾದೆ ಉಳಿಸಿಕೊಳ್ಳಬೇಕಾದ ಮಹತ್ವದ ಪಂದ್ಯದಿಂದಲೇ ಮ್ಯಾಚ್​ವಿನ್ನರ್​ ಬೂಮ್ರಾ ವಿಶ್ರಾಂತಿ ಪಡೆದಿದ್ದಾರೆ. ಸರಣಿಯಲ್ಲಿ ಆಡಿದ 3 ಪಂದ್ಯಗಳಲ್ಲೂ ಮೆಡಿಕಲ್​ ಟೀಮ್​ನ ಸೂಚನೆಯಂತೆ ಬೂಮ್ರಾಗೆ ಹೊರೆಯಾಗದಂತೆ ಬೌಲಿಂಗ್​ ಮಾಡಿಸಲಾಗಿದೆ. ಪಂದ್ಯದ ನಡುವೆ 4 ದಿನಗಳ ವಿಶ್ರಾಂತಿ ಕೂಡ ಸಿಕ್ಕಿದೆ. ಹೀಗಿದ್ರೂ 5ನೇ ಪಂದ್ಯದಿಂದ ವಿಶ್ರಾಂತಿ ಪಡೆದಿದ್ದಾರೆ. ಇದಲ್ಲದೆ ಮುಂಬರೋ ಏಷ್ಯಾಕಪ್​ ಆಡೋದಕ್ಕೂ ಹಿಂದೇಟು ಹಾಕ್ತಿದ್ದಾರೆ. ಇದು ಬಿಸಿಸಿಐ ಬಾಸ್​​ಗಳಿಗೆ ಬೇಸರ ತರಿಸಿದೆ. ಸಿಟ್ಟಿಗೆದ್ದಿರುವ ಬಿಸಿಸಿಐ ಬಾಸ್​​ಗಳು ಬೂಮ್ರಾಗೇ ಯಾರ್ಕರ್​ ಹಾಕೋಕೆ ರೆಡಿಯಾಗಿದ್ದಾರೆ. 

ಇದನ್ನೂ ಓದಿ: ಫೈನಲ್​​ ಟೆಸ್ಟ್​ಗೆ ರೋಚಕ ತಿರುವು ಕೊಟ್ಟ ಟೀಂ ಇಂಡಿಯಾ.. ಮೂರನೇ ದಿನ ಸಖತ್ ಆಟ..!

ಎಲ್ಲಾ ಪಂದ್ಯ ಆಡಲ್ಲ ಅಂದ್ರೂ ಆಯ್ಕೆ​​ ಮಾಡಿದ್ಯಾಕೆ?

ಸೆಲೆಕ್ಷನ್​ ಕಮಿಟಿ, ಟೀಮ್​ ಮ್ಯಾನೇಜ್​ಮೆಂಟ್​​ ಅನ್ನೂ ಈ ವಿಚಾರದಲ್ಲಿ ಬಿಸಿಸಿಐ ಬಾಸ್​​ಗಳು ಪ್ರಶ್ನೆ ಮಾಡಿದ್ದಾರೆ. ​5 ಪಂದ್ಯ ಆಡಲ್ಲ ಎಂದ ಮೇಲೂ ಬೂಮ್ರಾ ಪ್ರವಾಸಕ್ಕೆ ಸೆಲೆಕ್ಟ್​ ಮಾಡಿದ್ಯಾಕೆ ಎಂದು ಪ್ರಶ್ನಿಸಿದ್ದಾರೆ. ಮುಂಬರೋ ಟೆಸ್ಟ್​​ ಸರಣಿಗೂ ಮುನ್ನ ಮಹತ್ವದ ನಿರ್ಧಾರ ತೆಗೆದುಕೊಳ್ಳುವಂತೆ ಸೂಚಿಸಿದ್ದಾರೆ. 

ಟೆಸ್ಟ್​​ ಕ್ರಿಕೆಟ್​​ನಿಂದ ವೇಗಿ ಬೂಮ್ರಾಗೆ ಗೇಟ್​ಪಾಸ್​!

ವರ್ಕ್​ಲೋಡ್​ ಮ್ಯಾನೇಜ್​ಮೆಂಟ್​​ ಕಾರಣಕ್ಕೆ ಸರಣಿಯ ಎಲ್ಲಾ ಪಂದ್ಯಗಳನ್ನ ಆಡೋಕೆ ಆಗಲ್ಲ ಅಂದಿರೋ ಬೂಮ್ರಾ ವಿಚಾರದಲ್ಲಿ ಮಹತ್ವದ ನಿರ್ಧಾರ ತಳೆಯಲು ಬಿಸಿಸಿಐ ಮುಂದಾಗಿದೆ. ಮುಂಬರುವ ಟೆಸ್ಟ್​ ಸರಣಿಗಳಿಂದ ಬೂಮ್ರಾನ ಸೈಡ್​​ಲೈನ್​ ಮಾಡಲು ಬಿಸಿಸಿಐ ಬಾಸ್​ಗಳು ಮುಂದಾಗಿದ್ದಾರೆ. ಈ ಬಗ್ಗೆ ಸೆಲೆಕ್ಷನ್​ ಕಮಿಟಿಗೂ ಸೂಚನೆ ನೀಡಲಾಗಿದೆ ಅನ್ನೋ ಸುದ್ದಿ ಬಿಸಿಸಿಐ ವಲಯದಿಂದ ಹೊರ ಬಿದ್ದಿದೆ. 

ಏಕದಿನ, ಟಿ20ಗೆ ಮಾತ್ರ ಸೀಮಿತ

ಟೆಸ್ಟ್​ ಅಂದ್ರೆ ಸುದೀರ್ಘ 5 ದಿನಗಳವರೆಗೆ ಆ ಬೇಕಿರುತ್ತೆ. 2 ಇನ್ನಿಂಗ್ಸ್​ಗಳಲ್ಲಿ ದೀರ್ಘ ಕಾಲ ಬೌಲಿಂಗ್​ ಮಾಡಬೇಕಿರುತ್ತೆ. ದೀರ್ಘ ಸ್ಪೆಲ್​ ಹಾಕಬೇಕಿರುತ್ತೆ. ಈಗಾಗಲೇ ಬ್ಯಾಕ್​ ಸರ್ಜರಿಗೆ ತುತ್ತಾಗಿರೋದ್ರಿಂದ ಬೂಮ್ರಾ ರೆಸ್ಟ್​ ಅಂಡ್ ಪ್ಲೇ ಪ್ಲಾನ್​ ರೂಪಿಸಿದ್ರು. ಆದ್ರೀಗ ಟೆಸ್ಟ್​ ಫಾರ್ಮೆಟ್​ನಿಂದಲೇ ಬೂಮ್ರಾಗೆ ರೆಸ್ಟ್​ ನೀಡೋಕೆ ಬಿಸಿಸಿಐ ಮುಂದಾಗಿದೆ. ರೆಡ್​​ ಬಾಲ್​ ಫಾರ್ಮೆಟ್​​ನಿಂದ ಬೂಮ್ರಾನ ಸೈಡ್​ಲೈನ್​ ಮಾಡಿ, ವೈಟ್​ಬಾಲ್​ ಫಾರ್ಮೆಟ್​ನಲ್ಲಿ ಮಾತ್ರ ಆಡಿಸಲು BCCI ಯೋಚಿಸಿದೆ.  

ಏಕದಿನ ಫಾರ್ಮೆಟ್​​ನಲ್ಲಿ ಗರಿಷ್ಠ ಅಂದ್ರೆ 10 ಓವರ್​ ಬೌಲಿಂಗ್​ ಮಾಡಬೇಕಿರುತ್ತೆ. ಅದೂ ಒಂದೇ ಸ್ಪೆಲ್​ನಲ್ಲಿ ಅಲ್ಲ. ಟಿ20 ಫಾರ್ಮೆಟ್​​ನಲ್ಲಿ ಗರಿಷ್ಟ 4 ಓವರ್​ ಬೌಲಿಂಗ್​ ಇರುತ್ತೆ. ಅದಲ್ಲದೇ ಪಂದ್ಯದಿಂದ ಪಂದ್ಯಕ್ಕೆ ದಿನಗಳ ಅಂತರವೂ ಇರುತ್ತೆ. ವರ್ಕ್​​​ಲೋಡ್​ ಕೂಡ ಕಡಿಮೆಯಾಗಲಿದೆ. ರಿಕವರಿಗೂ ಟೈಮ್​ ಸಿಗಲಿದೆ. ವೈಟ್​​ಬಾಲ್​ ಫಾರ್ಮೆಟ್​ನಲ್ಲಿ ಮಾತ್ರ ಬೂಮ್ರಾನ ಮುಂದುವರೆಸಲು ಬಿಸಿಸಿಐ ಚಿಂತನೆ ನಡೆಸಿರೋದಕ್ಕೆ ಇದೇ ಪ್ರಮುಖ ಕಾರಣವಾಗಿದೆ. ಸದ್ಯಕ್ಕೆ ಬೂಮ್ರಾನ ಟೆಸ್ಟ್​ನಿಂದ ದೂರ ಇಡೋ ಚರ್ಚೆಗಳು ಬಿಸಿಸಿಐನಲ್ಲಿ ಆರಂಭವಾಗಿವೆ. ಇಂಗ್ಲೆಂಡ್​​ ಪ್ರವಾಸ ಅಂತ್ಯದ ಬಳಿಕ ಅಂತಿಮ ನಿರ್ಧಾರ ಏನು ಅನ್ನೋದು ತಿಳಿಯಲಿದೆ. 

ಇದನ್ನೂ ಓದಿ: ಬಿಟ್ಟು ಹೋಗ್ಬೇಡ ಅಂತಾ ಬಿಕ್ಕಿ ಬಿಕ್ಕಿ ಅತ್ತರು.. ಒಂದು ಆನೆಗಾಗಿ ಜಿಯೋಗೇ ಬಾಯ್​​ಕಾಟ್ ಹೇಳಿದ ಆ ತಾಲೂಕು​..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ