ಬೂಮ್ ಬೂಮ್ ಬುಮ್ರಾ ದಾಳಿಗೆ ದಕ್ಷಿಣ ಆಫ್ರಿಕಾ ವಿಲವಿಲ.. ಆಸರೆಯಾದ KL ರಾಹುಲ್, ಸುಂದರ್..!

ಭಾರತದ ಕ್ರಿಕೆಟ್​ ಕಾಶಿ ಈಡನ್​​ ಗಾರ್ಡನ್ಸ್​ನಲ್ಲಿ ಸೌತ್​ ಆಫ್ರಿಕಾದ ಲೆಕ್ಕಾಚಾರ ತಲೆಕೆಳಗಾಯ್ತು. ಬೂಮ್ರಾ ಬಿರುಗಾಳಿಗೆ ಸೌತ್​ ಆಫ್ರಿಕಾ ಬ್ಯಾಟಿಂಗ್​ ಲೈನ್​ ಅಪ್​ ತಬ್ಬಿಬ್ಬಾಯ್ತು. ಕೊಲ್ಕತ್ತಾ ಟೆಸ್ಟ್​ನ ಮೊದಲ ದಿನ ಶುಭ್​ಮನ್​ ಸೈನ್ಯ ಹರಿಣಗಳ ಮೇಲೆ ಸವಾರಿ ಮಾಡಿತು. ಹೇಗಿತ್ತು ಇಂಡೋ-ಆಫ್ರಿಕಾ ಮೊದಲ ಟೆಸ್ಟ್​ನ ಮೊದಲ ದಿನದಾಟ ಅನ್ನೋ ವಿವರ ಇಲ್ಲಿದೆ. 

ಕೊಲ್ಕತ್ತಾದ ಈಡನ್ಸ್​ ಗಾರ್ಡನ್ಸ್​​ನಲ್ಲಿ  ಜಸ್​​​ಪ್ರಿತ್​ ಬೂಮ್ರಾ ಬೆಂಕಿ-ಬಿರುಗಾಳಿಯಂತಹ ದಾಳಿ ಸಂಘಟಿಸಿದ್ರು. ಬೂಮ್ರಾ ಬೊಂಬಾಟ್​​ ಬೌಲಿಂಗ್​ ಸೌತ್​​ ಆಫ್ರಿಕಾ ವಿಲವಿಲ ಒದ್ದಾಡಿ ಬಿಡ್ತು. ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ದುಕೊಂಡ ಸೌತ್​ ಆಫ್ರಿಕಾ ನಾಯಕನ ಆತ್ಮವಿಶ್ವಾಸ ಮೊದಲ ದಿನವೇ ಠುಸ್​ ಪಟಾಕಿಯಾಯ್ತು. 

ಸೌತ್​ ಆಫ್ರಿಕಾಗೆ ಗುಡ್​ ಸ್ಟಾರ್ಟ್​ ನೀಡಿದ ಓಪನರ್ಸ್​

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ಗಿಳಿದ ಸೌತ್​ ಆಫ್ರಿಕಾ ತಂಡಕ್ಕೆ ಗುಡ್​ ಸ್ಟಾರ್ಟ್​​ ಸಿಗ್ತು. ಟೀಮ್​ ಇಂಡಿಯಾ ದಾಳಿಯನ್ನ ದಿಟ್ಟವಾಗಿ ಎದುರಿಸಿದ ರಿಯಾನ್​ ರಿಕಲ್ಟನ್​, ಏಡೆನ್​ ಮರ್ಕರಮ್​​ ವೇಗವಾಗಿ ರನ್​ ಕಲೆ ಹಾಕಿದ್ರು. ಅರ್ಧಶತಕದ ಜೊತೆಯಾಟವಾಡಿ ಸಾಲಿಡ್​ ಸ್ಟಾರ್ಟ್​ ನೀಡಿದ್ರು. 

ಇದನ್ನೂ ಓದಿ: ಈ 4 ಸ್ಟಾರ್​​ಗಳನ್ನ RCB ಉಳಿಸಿಕೊಳ್ಳೋದು ಪಕ್ಕಾ! ರಿಲೀಸ್ ಆಗಲಿರುವ ಆಟಗಾರರು ಯಾರು?

ಸಾಲಿಡ್ ಓಪನಿಂಗ್​ ಪಡೆದ ಸೌತ್​ ಆಫ್ರಿಕಾಗೆ 11ನೇ ಓವರ್​ನಲ್ಲಿ ಬೂಮ್ರಾ ಮೊದಲ ಶಾಕ್​ ನೀಡಿದ್ರು. ಬೂಮ್ರಾ ದಾಳಿಗೆ ರಿಯಾನ್​ ರಿಕಲ್ಟನ್​ ಕ್ಲೀನ್​ಬೋಲ್ಡ್​ ಆಗಿ ನಿರ್ಗಮಿಸಿದ್ರು. 13ನೇ ಓವರ್​ನಲ್ಲಿ ಮತ್ತೊರ್ವ ಓಪನರ್​ಗೆ ಪೆವಿಲಿಯನ್​ ದಾರಿ ತೋರಿಸಿದ್ರು. ಪಂತ್​ ಸ್ಟನ್ನಿಂಗ್​ ಕ್ಯಾಚ್​ಗೆ 31 ರನ್​ಗಳಿಸಿದ್ದ ಮರ್ಕರಮ್​ ಬಲಿಯಾದ್ರು. 

ಚೈನಾಮನ್​ ಸ್ಪಿನ್ನರ್​ ಕುಲ್​​ದೀಪ್​ ಯಾದವ್​ ಕೈ ಚಳಕಕ್ಕೆ 4ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಸೌತ್​ ಆಫ್ರಿಕಾ ನಾಯಕ ಟೆಂಬಾ ಬವುಮಾ ತಬ್ಬಿಬ್ಬಾದ್ರು. ಜಸ್ಟ್​ 3 ರನ್​ಗಳಿಸಿ ಬವುಮಾ ಔಟ್​ ಆದ್ರು. 51 ಎಸೆತ ಎದುರಿಸಿ 24 ರನ್​ಗಳಿಸಿ ನಿಧಾನವಾಗಿ ಇನ್ನಿಂಗ್ಸ್​ ಕಟ್ಟೋ ಯತ್ನದಲ್ಲಿದ್ದ ವಿಯಾನ್​ ಮಲ್ಡರ್​​ ಕೂಡ ಕುಲ್​​ದೀಪ್ ಸ್ಪಿನ್​ ಮ್ಯಾಜಿಕ್​ಗೆ ಶರಣಾದ್ರು. 

ಇದನ್ನೂ ಓದಿ:ಸಚಿನ್ ಪುತ್ರನಿಗೆ ಗೇಟ್​ಪಾಸ್​​ ಕೊಟ್ಟ ಮುಂಬೈ ಇಂಡಿಯನ್ಸ್..!

 24 ರನ್​ಗಳಿಸಿ ಭರವಸೆ ಮೂಡಿಸಿದ್ದ ಟೋನಿ ಡಿ ಝಾರ್ಜಿ ಬೂಮ್ರಾಗೆ 3ನೇ ಬಲಿಯಾದ್ರು. ಲಂಚ್​ ಬ್ರೇಕ್​ನ ಬಳಿಕ ವೇಗಿ ಮೊಹಮ್ಮದ್​ ಸಿರಾಜ್​ ಶೈನ್​ ಆದ್ರು. ಕೈಲ್​ ವೆರೆಯನ್​, ಮಾರ್ಕೋ ಯಾನ್ಸೆನ್​ಗೆ ಒಂದೇ ಓವರ್​ನಲ್ಲಿ ಪೆವಿಲಿಯನ್​ ದಾರಿಯನ್ನ ತೋರಿಸಿದ್ರು. 

5 ವಿಕೆಟ್​ ಕಬಳಿಸಿ ಮಿಂಚಿದ ಬೂಮ್ರಾ

ಸೌತ್​ ಆಫ್ರಿಕನ್​ ಟೈಲೆಂಡರ್ಸ್​​ ಅಲ್ಪ ಮೊತ್ತಕ್ಕೆ ಸುಸ್ತಾದ್ರು. 23 ಎಸೆತಗಳ ಎದುರಿಸಿ ಸ್ಟ್ಯಾಂಡ್​ ಕೊಡ್ತಿದ್ದ ಕಾರ್ಬಿನ್​ ಬಾಷ್​ ಅಕ್ಷರ್​​ ಪಟೇಲ್ ಸ್ಪಿನ್​ ಜಾದೂಗೆ ಮಂಡಿಯೂರಿದ್ರು. 3ನೇ ಸೆಷನ್​ ಆರಂಭದಲ್ಲೇ ಸಿಮೊನ್​ ಹಾರ್ಮೆರ್​, ಕೇಶವ್​ ಮಹಾರಾಜ್​ನ ಬೂಮ್ರಾ ಬಲಿ ಪಡೆದ್ರು. ಜೊತೆಗೆ 5 ವಿಕೆಟ್​ ಕಬಳಿಸಿದ ಸಾಧನೆಯನ್ನೂ ಮಾಡಿದ್ರು. 

159ಕ್ಕೆ ಆಲೌಟ್​​.!

ದಿನದಾಟದ ಆರಂಭದಲ್ಲಿ ಸೌತ್​ ಆಫ್ರಿಕಾ ಬಿಗ್​ ಸ್ಕೋರ್​ ಕಲೆ ಹಾಕುತ್ತೆ ಅನ್ನೋದೆ ಎಲ್ಲರ ಲೆಕ್ಕಾಚಾರವಾಗಿತ್ತು. ಆದ್ರೆ, 59 ರನ್​ಗಳಿಗೆ ಮೊದಲ ವಿಕೆಟ್​ ಕಳೆದುಕೊಂಡ ಸೌತ್​ ಆಫ್ರಿಕಾ 159 ರನ್​ಗಳಿಗೆ ಆಲೌಟ್​ ಆಗಿ ಬಿಡ್ತು. ಭಾರತದ ಪರ ಬೂಮ್ರಾ 5, ಸಿರಾಜ್​, ಕುಲ್​​ದೀಪ್​ ತಲಾ 2 ಹಾಗೂ ಅಕ್ಷರ್​ ಪಟೇಲ್​ 1 ವಿಕೆಟ್​ ಕಬಳಿಸಿದ್ರು. 

ಟೀಮ್​ ಇಂಡಿಯಾಗೆ ಸುಂದರ್​-ರಾಹುಲ್​ ಆಸರೆ

ಬಳಿಕ ಮೊದಲ ಇನ್ನಿಂಗ್ಸ್​ ಆರಂಭಿಸಿದ ಟೀಮ್​ ಇಂಡಿಯಾ ಕೂಡ ಆರಂಭದಲ್ಲೇ ವಿಕೆಟ್​ ಕಳೆದುಕೊಳ್ತು. 3 ಬೌಂಡರಿ ಬಾರಿಸಿದ ಯಶಸ್ವಿ ಜೈಸ್ವಾಲ್​ ಜಸ್ಟ್​ 12 ರನ್​ಗಳಿಸಿ ನಿರ್ಗಮಿಸಿದ್ರು. ಬಳಿಕ ಕ್ರಿಸ್​ನಲ್ಲಿ ಜೊತೆಯಾಗಿರೋ ಕೆ.ಎಲ್​ ರಾಹುಲ್​, ವಾಷಿಂಗ್ಟನ್​ ಸುಂದರ್​ ಎಚ್ಚರಿಕೆಯ ಆಟದೊಂದಿಗೆ ತಂಡಕ್ಕೆ ಆಸರೆಯಾಗಿದ್ದಾರೆ.

59 ಎಸೆತ ಎದುರಿಸಿರೋ ರಾಹುಲ್​ 13, 38 ಎಸೆತ ಎದುರಿಸಿರೋ ವಾಷಿಂಗ್ಟನ್​ ಸುಂದರ್​ 6 ರನ್​ಗಳೊಂದಿಗೆ ಇಂದಿಗೆ ಕ್ರಿಸ್​ ಕಾಯ್ದುಕೊಂಡಿದ್ದಾರೆ. ಮೊದಲ ದಿನದ ಅಂತ್ಯಕ್ಕೆ 37 ರನ್​ಗಳಿಗೆ 1 ವಿಕೆಟ್​ ಕಳೆದುಕೊಂಡಿರೋ ಟೀಮ್​ ಇಂಡಿಯಾ 122 ರನ್​ಗಳ ಹಿನ್ನಡೆಯಲ್ಲಿದೆ. 

ಇದನ್ನೂ ಓದಿ:ಮೊದಲ ಟೆಸ್ಟ್ ಮೊದಲ ದಿನವೇ 159 ರನ್‌ಗೆ ದಕ್ಷಿಣ ಆಫ್ರಿಕಾ ಆಲೌಟ್‌ : ಜಸಪ್ರೀತ್ ಬುಮ್ರಾ 5 ವಿಕೆಟ್ ಸಾಧನೆ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ