ಮೊದಲ ಟಿ-20 ಪಂದ್ಯ.. ಬಲಿಷ್ಠ ಟೀಂ ಇಂಡಿಯಾದಲ್ಲಿ ಯಾರಿಗೆಲ್ಲ ಸ್ಥಾನ..?

ಟೆಸ್ಟ್, ಏಕದಿನ ನಂತರ ಟಿ-20 ಫಾರ್ಮೆಟ್​​ಗೆ ಟೀಮ್ ಇಂಡಿಯಾ ಭರ್ಜರಿ ಸಿದ್ಧತೆ ನಡೆಸಿಕೊಂಡಿದೆ. ಸೂರ್ಯಕುಮಾರ್ ಯಾದವ್​ ಸಾರಥ್ಯದಲ್ಲಿ ಕಣಕ್ಕಿಳಿಯುತ್ತಿರುವ ಟೀಂ ಇಂಡಿಯಾ ಕಟಕ್​​​ನಲ್ಲಿ ಆಫ್ರಿಕನ್ನರ ಸಂಹಾರ ಮಾಡಲು ತುದಿಗಾಲಲ್ಲಿ ನಿಂತಿದೆ. ಟಿ-20 ಸ್ಪೆಷಲಿಸ್ಟ್​​ಗಳನ್ನ ಒಳಗೊಂಡಿರುವ ಆಫ್ರಿಕನ್ನರು, ಎದುರಾಳಿಗಳಿಗೆ ಟಕ್ಕರ್ ನೀಡಲು ರೆಡಿಯಾಗಿದ್ದಾರೆ. 

ಕಟಕ್​ನ ಬಾರಾಬತಿ ಸ್ಟೇಡಿಯಂನಲ್ಲಿ ಇಂದು ರನ್​ಮಳೆ ನಿರೀಕ್ಷಿಸಲಾಗಿದೆ. ಹೊಡಿ ಬಡಿ ಆಟದಲ್ಲಿ ಬೌಲರ್​ಗಳ ಮಾರಣ ಹೋಮ ನಡೆಯಲಿದೆ. ರನ್​ಭೂಮಿಯಲ್ಲಿ ನಡೆಯಲಿರೋ ಮಹಾ ಯುದ್ಧದಲ್ಲಿ, ಅಭಿಮಾನಿಗಳಿಗೆ ರಸದೌತಣ ಸಿಗಲಿದೆ. ಕ್ಷಣ ಕ್ಷಣಕ್ಕೂ ಕುತೂಹಲ ಕೆರಳಿಸೋ ಪಂದ್ಯದಲ್ಲಿ, ಟೀಮ್ ಇಂಡಿಯಾ ಮ್ಯಾನೇಜ್ಮೆಂಟ್​​​ಗೆ ಸಾಲು ಸಾಲು ಸವಾಲುಗಳು ಎದುರಾಗಿವೆ.

ಇದನ್ನೂ ಓದಿ:ಮ್ಯಾಕ್ಸಿ, ಫಾಫ್, ರಸೆಲ್, ಅಶ್ವಿನ್! IPL ಸಹವಾಸವೇ ಬೇಡ ಅಂತಿರೋದ್ಯಾಕೆ..?

ಅಭಿಷೇಕ್​​ ಶರ್ಮಾಗೆ ಸಾಥ್ ಕೊಡೋದ್ಯಾರು..?

ಇನ್​ಫಾರ್ಮ್ ಬ್ಯಾಟರ್ ಅಭಿಷೇಕ್ ಶರ್ಮಾ, ಓಪನರ್ ಆಗಿ ಕಣಕ್ಕಿಳಿಯೋದು ಫಿಕ್ಸ್. ಆದ್ರೆ ಎಡಗೈ ಬ್ಯಾಟರ್ ಅಭಿಷೇಕ್ ಶರ್ಮಾಗೆ ಜೊತೆಗಾರ ಯಾರು ಅನ್ನೋದೇ ದೊಡ್ಡ ಪ್ರಶ್ನೆ. ಶುಭ್ಮನ್ ಗಿಲ್ ಇಂಜುರಿಯಿಂದ ಕಮ್​ಬ್ಯಾಕ್ ಮಾಡ್ತಿದ್ದಾರೆ. ಗಿಲ್, ಅಭಿಷೇಕ್​ಗೆ ಸಾಥ್ ಕೊಡ್ತಾರಾ? ಅಥವಾ ಸಂಜು ಸ್ಯಾಮ್ಸನ್​​ಗೆ ಪ್ರಮೋಷನ್ ನೀಡ್ತಾರಾ?

ಮಿಡಲ್ ಆರ್ಡರ್​​​ನಲ್ಲಿ ಬಲ ತುಂಬೋದ್ಯಾರು?

ಟೀಮ್ ಇಂಡಿಯಾ ಟಾಪ್ ಆರ್ಡರ್​ನಲ್ಲಿ ಸುರ್ಯಕುಮಾರ್ ಯಾದವ್ ಬ್ಯಾಟ್ ಮಾಡೋದು ಪಕ್ಕಾ. ಮಿಡಲ್ ಆರ್ಡರ್​ನಲ್ಲಿ ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ ತಂಡದ ಬ್ಯಾಟಿಂಗ್ ಬಲ ಹೆಚ್ಚಿಸಲಿದ್ದಾರೆ. ಸ್ಟಾರ್​​​ ಆಟಗಾರರ ಉಪಸ್ಥಿತಿಯ ನಡುವೆಯೂ, ಟೀಮ್ ಇಂಡಿಯಾ ಮಿಡಲ್ ಆರ್ಡರ್ ಹೇಳಿಕೊಳ್ಳುವಂತಹ ಸ್ಟ್ರಾಂಗ್ ಏನೂ ಇಲ್ಲ.

ಇದನ್ನೂ ಓದಿ: ಕೆಎಸ್‌ಸಿಎಗೆ ವೆಂಕಿ ನೂತನ ಸಾರಥಿ.. ಎಲೆಕ್ಷನ್‌ ಗೆದ್ದ ಬೆನ್ನಲ್ಲೇ ಸ್ಫೋಟಕ ಹೇಳಿಕೆ..!‌

ಜಿತೇಶ್ ಶರ್ಮಾ, ಸಂಜು ಸ್ಯಾಮ್ಸನ್ ಇಬ್ಬರ ನಡುವೆ ವಿಕೆಟ್ ಕೀಪಿಂಗ್ ಸ್ಥಾನಕ್ಕೆ ತೀವ್ರ ಪೈಪೋಟಿ ನಡೆಸಲಿದ್ದಾರೆ. ಸದ್ಯ ಸಂಜು ಕ್ಯಾಪ್ಟನ್ಸ್ ಫೇವರಿಟ್ ಆದ್ರೂ, ಜಿತೇಶ್ ಶರ್ಮಾಗೆ ಸ್ಥಾನ ನೀಡೋ ಬಗ್ಗೆ ಸಹ, ಟೀಮ್ ಮೀಟಿಂಗ್​ನಲ್ಲಿ ಚರ್ಚೆಯಂತೂ ನಡೆದೇ ನಡೆಯುತ್ತದೆ.  
ಇದು ನಡುವೆ ಹಾರ್ದಿಕ್ ಪಾಂಡ್ಯ ಮತ್ತು ಶಿವಂ ದುಬೆ ಬಗ್ಗೆಯೂ ಡಿಸ್ಕಸ್ ಮಾಡಲಾಗುತ್ತದೆ. ಇಬ್ಬರು ಫಾಸ್ಟ್ ಬೌಲಿಂಗ್ ಆಲ್​ರೌಂಡರ್​ಗಳಲ್ಲಿ, ಯಾರು ಜವಾಬ್ದಾರಿ ವಹಿಸಿಕೊಳ್ಳಬೇಕು ಅನ್ನೋದನ್ನ ಕೋಚ್ ಆಲೋಚಿಸುತ್ತಾರೆ.

ಎಷ್ಟು ಸ್ಪಿನ್ನರ್ಸ್​ಗೆ ಸ್ಥಾನ? 

ಕುಲ್​ದೀಪ್ ಯಾದವ್, ಅಕ್ಷರ್ ಪಟೇಲ್, ವರುಣ್ ಚಕ್ರವರ್ತಿ, ವಾಷಿಂಗ್ಟನ್ ಸುಂದರ್​​​​, ನಾಲ್ವರು ಸ್ಪಿನ್ನರ್ಸ್​​​ ನಡುವೆ ಸ್ಥಾನ ಪಡೆಯಲು ಟಫ್ ಕಾಂಪಿಟೇಷನ್ ಇದೆ. ಪ್ಲೇಯಿಂಗ್ ಇಲೆವೆನ್​ನಲ್ಲಿ ಅಕ್ಷರ್ ಪಟೇಲ್, ಸುಂದರ್ ಆಡೋದು ಕನ್ಫರ್ಮ್ ಆಗಿದೆ. ಅಭಿಷೇಕ್ ಶರ್ಮಾ ಸಹ ಸ್ಪಿನ್ ಬೌಲಿಂಗ್ ಮಾಡೋದ್ರಿಂದ, ನಾಯಕನಿಗೆ ಸ್ಪಿನ್ ಆಪ್ಶನ್ ಅಂತೂ ಇದೆ. 

ಬೂಮ್ರಾ ತಂಡದ ಪ್ರಮುಖ ಫ್ರಂಟ್​​ಲೈನ್ ಬೌಲರ್. ಆದ್ರೆ ಬೂಮ್ರಾಗೆ ಸಾಥ್ ಕೊಡೋದ್ಯಾರು..? ಆರ್ಷ್​ದೀಪ್ ಸಿಂಗ್ ಮತ್ತು ಹರ್ಷಿತ್ ರಾಣಾ ನಡುವೆ, ಫೈಟ್ ಇದೆ. ಫಾಸ್ಟ್ ಬೌಲಿಂಗ್ ಆಲ್​ರೌಂಡರ್​​​​​ ಇರೋದ್ರಿಂದ ಎಡಗೈ ವೇಗಿ ಆರ್ಷ್​​ದೀಪ್​ಗೆ, ಲಕ್ ಇದೆ. ಒಟ್ನಲ್ಲಿ ತಂಡದಲ್ಲಿ ಹೆಚ್ಚು ಟಿ-20 ಸ್ಪೆಷಲಿಸ್ಟ್​ಗಳನ್ನೇ ಹೊಂದಿರುವ ಆಫ್ರಿಕಾವನ್ನ, ಟೀಮ್ ಇಂಡಿಯಾ ಮಣಿಸುತ್ತಾ? ಕಾದುನೋಡೋಣ. 

ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ