ಟೀಮ್ ಇಂಡಿಯಾ ಜೊತೆ ವಿಶೇಷ ದಾಖಲೆ ಬರೆದ ಒಮಾನ್ ಓಪನರ್ಸ್​.. ಏನದು?

ಟಿ20 ಇತಿಹಾಸದಲ್ಲಿ ಭಾರತದ ವಿರುದ್ಧ 50+ ಜೊತೆಯಾಟ ದಾಖಲಿಸಿದ ಎರಡನೇ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಒಮಾನ್ ಪಾತ್ರವಾಗಿದೆ. ಇದಕ್ಕೂ ಮೊದಲು, ಅಫ್ಘಾನಿಸ್ತಾನ ಈ ದಾಖಲೆಯನ್ನು ಮಾಡಿತ್ತು. ಆರಂಭಿಕ ಜೋಡಿಯಾದ ನಾಯಕ ಜತಿಂದರ್ ಸಿಂಗ್ ಹಾಗು ಅಮೀರ್ ಕಲೀಮ್ 56 ರನ್‌ಗಳನ್ನು ಕಲೆಹಾಕುವ ಮೂಲಕ ಉತ್ತಮ ಜೊತೆಯಾಟವನ್ನಾಡಿ, ತಂಡಕ್ಕೆ ಭದ್ರ ಬುನಾದಿಯನ್ನಾಕಿದರು.

ಇದನ್ನೂ ಓದಿ: ಸಮೀಕ್ಷೆಯಲ್ಲಿ ಜಾತಿ ಕಲಂನಲ್ಲಿ ಒಕ್ಕಲಿಗ, ಉಪಜಾತಿ ನಿಮ್ಮ ಇಷ್ಟದಂತೆ ಬರೆಸಿ ಎಂದ ನಿರ್ಮಲಾನಂದನಾಥ ಸ್ವಾಮೀಜಿ  

ಸೂರ್ಯಕುಮಾರ್ ಯಾದವ್ ನೇತೃತ್ವದ ಭಾರತ ತಂಡವು ಜಸ್ಪ್ರೀತ್ ಬುಮ್ರಾ ಹಾಗು ವರುಣ್ ಚಕ್ರವರ್ತಿ ಅವರನ್ನು ಪಂದ್ಯದಿಂದ ಹೊರಗಿಟ್ಟು, ಅರ್ಶ್​ದೀಪ್ ಸಿಂಗ್ ಹಾಗು ಹರ್ಷಿತ್ ರಾಣಾ ಅವರಿಗೆ ಚಾನ್ಸ್ ನೀಡಿತ್ತು. ಆದ್ರೆ ಈ ಜೋಡಿಯು ಉತ್ತಮ ಪ್ರದರ್ಶನ ನೀಡಿದರೂ, ತಂಡಕ್ಕೆ ಲಾಭ ತಂದುಕೊಡುವುದರಲ್ಲಿ ವಿಫಲರಾದರು. ಮೆನ್ ಇನ್ ಬ್ಲೂ ಪರ ಬೌಲಿಂಗ್ ಮಾಡಿದ ಹಾರ್ದಿಕ್ ಪಾಂಡ್ಯ ಕೂಡ ಉತ್ತಮ ಪ್ರದರ್ಶನ ನೀಡುವಲ್ಲಿ ಎಡವಿದರು.

ಭಾರತ ತಂಡ ನೀಡಿದ್ದ 189 ರನ್​ಗಳ ಟಾರ್ಗೆಟ್​ಗೆ ಪ್ರತ್ಯುತ್ತರವಾಗಿ ಬ್ಯಾಟಿಂಗ್ ಮಾಡಿದ ಒಮಾನ್ ಆರಂಭದಲ್ಲೇ ಉತ್ತಮ ರನ್ ಗಳಿಸಿತು. ನಾಯಕ ಜತಿಂದರ್ ಸಿಂಗ್ ಹಾಗು ಅಮೀರ್ ಕಲೀಮ್ ಈ ಇಬ್ಬರ ಜೋಡಿಯಾಟದಿಂದ ಬಂದಂತಹ 56 ರನ್ ದಾಖಲೆಯಾಗಿದೆ. ಆದರೆ ಓವರ್​ಗಳು ಮುಗಿದು ಹೋಗಿದ್ದರಿಂದ ಭಾರತದ ವಿರುದ್ಧ ಒಮಾನ್ 21 ರನ್​ಗಳಿಂದ ಸೋಲೊಪ್ಪಿಕೊಂಡಿತು.

ಇದನ್ನೂ ಓದಿ: ಬ್ಯಾಟಿಂಗ್​ ಕ್ರಮಾಂಕದಲ್ಲಿ ಓವರ್​ಸ್ಮಾರ್ಟ್ ಆದ್ರಾ ಕ್ಯಾಪ್ಟನ್​ ಸೂರ್ಯಕುಮಾರ್.. ಯಾಕೆ?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ