15 ಸಿಕ್ಸರ್​​, 16 ಬೌಂಡರಿ! ವೈಭವ್ ಆಟದಿಂದ ಹಿರಿಯ ಆಟಗಾರರಿಗೆ ನಡುಕ..!

ವೈಭವ್​ ಸೂರ್ಯವಂಶಿ.. ಈ ಚಿಕ್ಕ ವಯಸ್ಸಿನ ಆಟಗಾರನತ್ತ ವಿಶ್ವ ಕ್ರಿಕೆಟ್​ ಜಗತ್ತು ಮತ್ತೆ ಮತ್ತೆ ತಿರುಗಿ ನೋಡ್ತಿದೆ. ವೈಭವ್​ ಸೂರ್ಯವಂಶಿಯ ಡಮಾಲ್​ ಡಿಮಿಲ್​ ಆಟಕ್ಕೆ ದಿಗ್ಗಜ ಕ್ರಿಕಟರ್ಸೇ ಶಾಕ್​ ಆಗಿದ್ದಾರೆ. ಈತನ ಅಬ್ಬರದ ಬ್ಯಾಟಿಂಗ್​ಗೆ ಟೀಮ್​ ಇಂಡಿಯಾ ಸೀನಿಯರ್​ ಸೆಲೆಕ್ಷನ್​​ ಕಮಿಟಿ ಸಂಕಷ್ಟಕ್ಕೆ ಸಿಲುಕಿದ್ರೆ, ಟೀಮ್​ ಇಂಡಿಯಾ ಸೀನಿಯರ್​ ಆಟಗಾರರಿಗೆ ಢವಢವ ಶುರುವಾಗಿದೆ.

ವಿಜಯ್​ ಹಜಾರೆಯಲ್ಲೂ ವಿಜೃಂಭಿಸಿದ ವೈಭವ್.​.!

ವೈಭವ್​ ಸೂರ್ಯವಂಶಿಯ ಅಬ್ಬರ ವಿಜಯ್​ ಹಜಾರೆ ಟೂರ್ನಿಯಲ್ಲೂ ಮುಂದುವರೆದಿದೆ. ಬಿಹಾರ ಪರ ಆಡ್ತಿರೋ ವೈಭವ್​ ಸೂರ್ಯವಂಶಿ ಅರುಣಾಚಲ ಪ್ರದೇಶ ವಿರುದ್ಧದ ಪಂದ್ಯದಲ್ಲಿ ಸ್ಪೋಟಕ ಬ್ಯಾಟಿಂಗ್​​ ನಡೆಸಿದ್ದಾರೆ. ಕೇವಲ 36 ಎಸೆತಗಳಲ್ಲಿ ಶತಕ ಪೂರೈಸಿ ಸಂಭ್ರಮಿಸಿದ್ದಾರೆ. ಈ ಮೂಲಕ ಅತಿ ಚಿಕ್ಕ ವಯಸ್ಸಿಗೆ ಲಿಸ್ಟ್ ಎ ಕ್ರಿಕೆಟ್ ನಲ್ಲಿ ಶತಕ ಸಿಡಿಸಿದ ಬ್ಯಾಟ್ಸ್​ಮನ್​ ಎಂಬ ದಾಖಲೆ ಬರೆದ್ರು. 

ಇದನ್ನೂ ಓದಿ: ಮೈದಾನಗಳು ಮೌನವಾದವು.. 2025ರಲ್ಲಿ ಭಾರತೀಯ ಕ್ರಿಕೆಟ್​ನ ಒಂದು ‘ಮಹಾನ್ ಯುಗ’ ಕೊನೆ..!

15 ಸಿಕ್ಸರ್​​, 16 ಬೌಂಡರಿ.. ವೈಭವ್​ ವಿಸ್ಫೋಟ.​.!

ಅರುಣಾಚಲ ಪ್ರದೇಶ ವಿರುದ್ಧ ವೈಭವ್​ ವಿಸ್ಫೋಟಕ ಆಟ ಹೇಗಿತ್ತು ಅನ್ನೋದಕ್ಕೆ ಇದೇ ಬೆಸ್ಟ್​ ಎಕ್ಸಾಂಪಲ್​. ಬೌಲರ್​ಗಳನ್ನ ಹಿಗ್ಗಾಮುಗ್ಗಾ ಬೆಂಡೆತ್ತಿದ ವೈಭವ್​ ಸೂರ್ಯವಂಶಿ 15 ಭರ್ಜರಿ ಸಿಕ್ಸರ್​, 16 ಬೊಂಬಾಟ್​ ಬೌಂಡರಿ ಬಾರಿಸಿದ್ರು. 86 ಎಸೆತ ಎದುರಿಸಿದ ವೈಭವ್​ ಸೂರ್ಯವಂಶಿ ಒಟ್ಟಾರೆ ಬಾರಿಸಿದ್ದು 190 ರನ್​ ಬಾರಿಸಿದ್ರು. ಜಸ್ಟ್​ 10 ರನ್​ ಅಂತರದಲ್ಲಿ ಡಬಲ್​ ಸೆಂಚುರಿ ಮಿಸ್​ ಮಾಡಿಕೊಂಡ್ರು. 
ತುಂಬಾ ಹಿಂದಲ್ಲ...  ವಾರದ ಹಿಂದಷ್ಟೇ ವೈಭವ್​ ಸೂರ್ಯವಂಶಿಯ ದರ್ಬಾರ್​ ದುಬೈನಲ್ಲೂ ನಡೆದಿತ್ತು, ಅಂಡರ್​ 19 ಏಷ್ಯಾಕಪ್​ ಟೂರ್ನಿಯ ಮೊದಲ ಪಂದ್ಯದಲ್ಲಿ ರಣಭಯಂಕರ ಇನ್ನಿಂಗ್ಸ್​ ಕಟ್ಟಿದ್ರು. ಯುಎಇ ಬೌಲರ್​ಗಳ ಬೌಲಿಂಗ್​ ದಾಳಿಯನ್ನ ಚಿಂದಿ ಉಡಾಯಿಸಿದ್ದ ಸೂರ್ಯವಂಶಿ, ಕೇವಲ 56 ಎಸೆತಗಳಲ್ಲೇ ವೈಭವ್​ ಸೂರ್ಯವಂಶಿ ಶತಕ ಸಿಡಿಸಿ ಅಬ್ಬರಿಸಿದ್ರು. 95 ಎಸೆತ ಎದುರಿಸಿ 9 ಬೌಂಡರಿ, 14 ಭರ್ಜರಿ ಸಿಕ್ಸರ್​ ಚಚ್ಚಿದ ವೈಭವ್​ ಬರೋಬ್ಬರಿ 171 ರನ್​ಗಳ ಬೊಂಬಾಟ್​ ಇನ್ನಿಂಗ್ಸ್​ ಕಟ್ಟಿದ್ರು. 

ಶತಕದ ಸರದಾರನ ಪಟ್ಟ

14 ವರ್ಷಕ್ಕೇ ವೈಭವ್​ ಸೂರ್ಯವಂಶಿಗೆ ಶತಕ ಸರದಾರ ಪಟ್ಟ ದಕ್ಕಿದೆ. ಎಲ್ಲಾ ಮಾದರಿಯಲ್ಲೂ ಸೆಂಚುರಿ ಬಾರಿಸಿ ಸೈ ಎನಿಸಿಕೊಂಡಿದ್ದಾರೆ. ಸೈಯ್ಯದ್ ಮುಷ್ತಾಕ್ ಅಲಿ T20 ಟೂರ್ನಿಯಲ್ಲಿ ಮಹಾರಾಷ್ಟ್ರ ವಿರುದ್ಧ ದಾಖಲೆಯ ಶತಕ ಸಿಡಿಸಿದ್ರು. ಕ್ರಿಕೆಟ್ ಕಾಶಿ ಈಡನ್ ಗಾರ್ಡನ್ಸ್ ಮೈದಾನದಲ್ಲಿ ಮಹಾರಾಷ್ಟ್ರ ಬೌಲರ್​ಗಳನ್ನ ಚಚ್ಚಿದ ವೈಭವ್, ಕೇವಲ 58 ಎಸೆತಗಳಲ್ಲಿ ಶತಕ ಸಿಡಿಸಿ ಮಿಂಚಿದ್ರು.  

ಇದನ್ನೂ ಓದಿ:Bus tragedy: ಪವಾಡದ ರೀತಿ ಬಜಾವ್ ಆದ 40 ಶಾಲಾ ಮಕ್ಕಳು

ದೋಹಾದಲ್ಲಿ ನಡೆದ ಏಷ್ಯಾಕಪ್ ರೈಸಿಂಗ್ ಸ್ಟಾರ್ T20 ಟೂರ್ನಿಯಲ್ಲೂ, ವೈಭವ್ ಶರವೇಗದ ಶತಕ ಸಿಡಿಸಿದ್ರು. ಇನ್ನು, ಐಪಿಎಲ್​ನಲ್ಲಿ ಮೊಹಮ್ಮದ್ ಸಿರಾಜ್, ಇಶಾಂತ್ ಶರ್ಮಾ, ಪ್ರಸಿದ್ಧ್ ಕೃಷ್ಣ, ರಶೀದ್ ಖಾನ್​ರಂತಹ ಅಂತರಾಷ್ಟ್ರೀಯ ಆಟಗಾರರ ಬೌಲಿಂಗ್​ ಧೂಳಿಪಟ ಮಾಡಿ 35 ಎಸೆತಕ್ಕೆ ಶತಕ ಸಿಡಿಸಿದ್ದನ್ನ ಇತಿಹಾಸ ಎಂದಿಗಾದರೂ ಮರೆಯೋಕೆ ಸಾಧ್ಯಾನಾ?

ಇಂಗ್ಲೆಂಡ್​ ಎದುರು ಯೂತ್ ODI, ಆಸ್ಟ್ರೇಲಿಯಾ ಎದುರು ಯೂತ್​ ಟೆಸ್ಟ್​ನಲ್ಲೂ ಎಡಗೈ ಬ್ಯಾಟರ್ ವೈಭವ್  ಸೆಂಚುರಿ ಬಾರಿಸಿದ್ರು. ಚಿಕ್ಕ ವಯಸ್ಸಿಗೆ ಶತಕದ ಮೇಲೆ ಶತಕ ಸಿಡಿಸ್ತಾ ಇರೋ ಸೂರ್ಯವಂಶಿ, ಟೀಮ್​ ಇಂಡಿಯಾ ಡೋರ್​ನ ತಟ್ಟುತ್ತಿದ್ದಾರೆ. ಟಿ20 ಫಾರ್ಮೆಟ್​ಗೆ ಸೂರ್ಯವಂಶಿಯನ್ನ ಸೆಲೆಕ್ಟ್​ ಮಾಡುವಂತೆ ಒತ್ತಾಯಗಳು ಕೇಳಿ ಬರ್ತಿವೆ. ಕೇವಲ 14 ವರ್ಷ ವಯಸ್ಸಿನ ಆಟಗಾರನನ್ನ ಸೆಲೆಕ್ಟ್​ ಮಾಡಬೇಕಾ.? ಬೇಡ್ವಾ.? ಅನ್ನೋ ಸಂಕಷ್ಟ ಸೆಲೆಕ್ಟರ್ಸ್​ಗೆ ಶುರುವಾಗಿದೆ. ಅತ್ತ ಟೀಮ್​ ಇಂಡಿಯಾದಲ್ಲಿರೋ ಸೀನಿಯರ್​ ಆಟಗಾರರಿಗೆ ಸ್ಥಾನ ಕಳೆದುಕೊಳ್ಳೋ ಭೀತಿ ಶುರುವಾಗಿದೆ. 

ಇದನ್ನೂ ಓದಿ: Bus tragedy Updates LIVE : ಶಿರಾ-ಹಿರಿಯೂರು ಹೆದ್ದಾರಿಯಲ್ಲಿ ಭೀಕರ ಬಸ್ ದುರಂತ, ಪ್ರಧಾನಿ ಮೋದಿ ಸಂತಾಪ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ