ಆಟಕ್ಕಿಂತ ರಾಜಕೀಯವೇ ಹೆಚ್ಚು.. ಶಮಿ ರೊಚ್ಚಿಗೆದ್ದ ಹಿಂದಿನ ಅಸಲಿ ಸತ್ಯ ಇಲ್ಲಿದೆ..!

ಗೌತಮ್​ ಗಂಭೀರ್​​ ಹೆಡ್​ಕೋಚ್​ ಆಗಿದ್ದೇ ಆಗಿದ್ದು ಟೀಮ್​ ಇಂಡಿಯಾದಲ್ಲಿ ಆಟಕ್ಕಿಂತ ರಾಜಕೀಯದ್ದೆ ಸದ್ದು ಜೋರಾಗಿದೆ. ಕೋಚ್​ ಗೌತಮ್​ ಗಂಭೀರ್​, ಚೀಫ್​ ಸೆಲೆಕ್ಟರ್​ ಅಜಿತ್​ ಅಗರ್ಕರ್​​​ ಟೀಮ್​ ಸೆಲೆಕ್ಷನ್​ ವಿಚಾರದಲ್ಲಿ ಆಡ್ತಿರೋ ಆಟ ಕ್ರಿಕೆಟಿಗರನ್ನ ಕೆರಳಿಸಿದೆ. ಮಾಜಿ ಕ್ರಿಕೆಟಿಗರಾದ ಆರ್​.ಅಶ್ವಿನ್​, ಕೃಷ್ಣಮಾಚಾರಿ ಶ್ರೀಕಾಂತ್​ ಆಯ್ತು.. ಇದೀಗ ಹಾಲಿ ಕ್ರಿಕೆಟಿಗ ಮೊಹಮ್ಮದ್​ ಶಮಿ ಸಿಡಿದೆದ್ದಿದ್ದಾರೆ. 

ಶಮಿ ವಿಚಾರದಲ್ಲಿ ಚೀಫ್​​ ಸೆಲೆಕ್ಟರ್​​ ಹೇಳಿದ್ದೆಲ್ಲಾ ಸುಳ್ಳಾ?

ನನಗೆ ಆ ಬಗ್ಗೆ ಯಾವುದೇ ಅಪ್​ಡೇಟ್​ ಇಲ್ಲ. ಆತ ದುಲೀಪ್​ ಟ್ರೋಫಿ ಆಡಿದ್ದ. ಆದ್ರೆ ಕೊನೆಯ 2-3 ವರ್ಷಗಳಲ್ಲಿ ಆತ ಹೆಚ್ಚಿನ ಪಂದ್ಯ ಆಡಿಲ್ಲ. ಬೆಂಗಾಲ್​​ಗೆ ಒಂದು ಪಂದ್ಯ, ದುಲೀಪ್​ ಟ್ರೋಫಿಯಲ್ಲಿ ಒಂದು ಪಂದ್ಯ ಆಡಿದ್ದಾನೆ. ಆತ ಏನು ಮಾಡ್ತಾನೆ ಅನ್ನೋದು ನಮಗೆ ಗೊತ್ತಿದೆ. ಆದ್ರೆ, ಆತ ಮತ್ತಷ್ಟು ಕ್ರಿಕೆಟ್​ ಆಡಬೇಕಿದೆ.

ಅಜಿತ್ ಅಗರ್ಕರ್, ಆಯ್ಕೆ ಸಮಿತಿ ಮುಖ್ಯಸ್ಥ

ಮೊಹಮ್ಮದ್​ ಶಮಿಯನ್ನ ಡ್ರಾಪ್​ ಮಾಡಿದ್ದನ್ನ ಪ್ರಶ್ನಿಸಿದವರಿಗೆ ಸೆಲೆಕ್ಷನ್​ ಕಮಿಟಿಯ ಚೇರ್​ಪರ್ಸನ್​​ ಅಜಿತ್​ ಅಗರ್ಕರ್​ ನೀಡಿದ್ದ ಉತ್ತರ ಇದು. ಆನ್ಸರ್​​ ನೀಡೋ ಆರಂಭದಲ್ಲಿ ನನಗೆ ಏನು ಅಪ್​ಡೇಟ್​ ಇಲ್ಲ ಎಂದಿದ್ರು. ಆ ಉತ್ತರಕ್ಕೆ ಇದೀಗ ಶಮಿ ಕೌಂಟರ್​ ಕೊಟ್ಟಿದ್ದಾರೆ. 

ಇದನ್ನೂ ಓದಿ:ದ್ವೇಷ ಮರೆತು ಮಾತಾಡಿದ ರೋಹಿತ್ ಶರ್ಮಾ.. ಹೊಸ ಕ್ಯಾಪ್ಟನ್​ ಗಿಲ್​ನ ಅಪ್ಪಿದ ಹಿಟ್​ಮ್ಯಾನ್!

ನೋಡಿ ಅಣ್ಣಾ. ನಿಮಗೆ ಅಪ್​ಡೇಟ್​ ಬೇಕಂದ್ರೆ ನೀವು ಕೇಳಬೇಕು. ತಿಳಿದುಕೊಳ್ಳಬೇಕು. ಅಪ್​ಡೇಟ್​ ಕೊಡೋದು ನನ್ನ ಕೆಲಸವಲ್ಲ. ನನ್ನ ಕೆಲಸ ಏನು? ಎನ್​ಸಿಎಗೆ ಹೋಗೋದು. ಮ್ಯಾಚ್​ ಆಡೋದು. ಸಿದ್ಧತೆ ನಡೆಸೋದು. ಇದೆಲ್ಲಾ ನನ್ನ ಕೆಲಸ. ಅದು ಅವರಿಗೆ ಯಾರು ಅಪ್​​ಡೇಟ್​ ನೀಡ್ತಾರೋ ಅವರ ಕೆಲಸ. ಇದು ನನ್ನ ಜವಾಬ್ಧಾರಿಯಲ್ಲ.

ಸೆಲೆಕ್ಷನ್​ ನನ್ನ ಕೈಯಲ್ಲಿ ಇಲ್ಲ. ಫಿಟ್​ನೆಸ್​ನ ಸಮಸ್ಯೆ ಇದ್ದಿದ್ರೆ ನಾನು ಇಲ್ಲಿ ಇರ್ತಾ ಇರಲಿಲ್ಲ. ಇದಕ್ಕೆ ಮೇಲೆ ಮಾತಾಡೋ ಅವಶ್ಯಕತೆ ಇಲ್ಲ ಅನಿಸುತ್ತೆ. ಮೊದಲೇ ಹೇಳಿದ್ದೆ 4 ದಿನದ ಪಂದ್ಯ ಆಡಬಲ್ಲೆ ಅಂದ್ರೆ, 50 ಓವರ್​ ಪಂದ್ಯ ಕೂಡ ಆಡಬಲ್ಲೆ. ಚಾಂಪಿಯನ್ಸ್​ ಟ್ರೋಫಿ ಆಡಿದ್ದಿನಿ, ಐಪಿಎಲ್​, ದುಲೀಪ್​​ ಟ್ರೋಫಿ ಆಡಿದ್ದೀನಿ. ಪಂದ್ಯಗಳನ್ನ ಆಡ್ತಾನೆ ಇದ್ದೀನಿ. ಹೀಗಾಗಿ ಟಚ್​ನಲ್ಲಿ ಇಲ್ಲ ಅಂತಲ್ಲ. ಅಭ್ಯಾಸವನ್ನೂ ಮಾಡ್ತಿದ್ದೀನಿ. ಅವಕಾಶ ಸಿಕ್ಕಾಗ ಆಡ್ತೀನಿ. 

ಮೊಹ್ಮದ್ ಶಮಿ, ಟೀಂ ಇಂಡಿಯಾ ವೇಗಿ

2023ರ ಏಕದಿನ ವಿಶ್ವಕಪ್​, 2025ರ ಚಾಂಪಿಯನ್ಸ್​ ಟ್ರೋಫಿ. ಎರಡೂ ಪ್ರತಿಷ್ಟಿತ ಟೂರ್ನಿಗಳಲ್ಲಿ ಮೊಹಮ್ಮದ್​ ಶಮಿ ಟೀಮ್​ ಇಂಡಿಯಾ ಪರ ಮಹತ್ವದ ಪಾತ್ರವಹಿಸಿದ್ರು. ಎರಡೂ ಟೂರ್ನಿಗಳಲ್ಲಿ ಹೈಯೆಸ್ಟ್​ ವಿಕೆಟ್​ ಟೇಕರ್​​ ಆಗಿ ಹೊರಹೊಮ್ಮಿದ್ರು. ಆ ಬಳಿಕ ಇಂಜುರಿಗೆ ತುತ್ತಾದ ಶಮಿಯನ್ನ ಸಂಪೂರ್ಣ ಸೈಡ್​ಲೈನ್​ ಮಾಡಲಾಗ್ತಿದೆ. 

ಇದನ್ನೂ ಓದಿ: ಪ್ಲೇಯಿಂಗ್ -11ನಿಂದ ಕೊಹ್ಲಿ, ರೋಹಿತ್ ಹೊರಕ್ಕೆ.. ದಿಗ್ಗಜರ ಕೆಣಕಿದ ಕ್ಯಾಪ್ಟನ್..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ