ಆರ್ಸಿಬಿಗೆ ಮತ್ತೊಂದು ಕಿರೀಟ.. ವಿನ್ನಿಂಗ್ ಕ್ಷಣ ಹೇಗಿತ್ತು..?

ಬಿಗ್ ಸ್ಕೋರ್ ಕಲೆ ಹಾಕಿದ್ದ ಆತ್ಮವಿಶ್ವಾಸದಲ್ಲಿ ಬೌಲಿಂಗ್ಗಿಳಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಶಾಕ್ ಕಾದಿತ್ತು. ಸ್ಮೃತಿ ಮಂದಾನ, ಜಾರ್ಜಿಯಾ ವೋಲ್ ಅಟ್ಯಾಕಿಂಗ್ ಆಟದ ಮುಂದೆ ಡೆಲ್ಲಿ ತಂಡ ಥಂಡಾ ಹೊಡೆಯಿತು. ವಡೋದಾರದಲ್ಲಿ ಬೌಂಡರಿ ಸುರಿಮಳೆ ಸುರಿಸಿದ ರೆಡ್ ಆರ್ಮಿ, 2ನೇ ಟ್ರೋಫಿಗೆ ಮುತ್ತಿಕ್ಕಿತು.

06 Feb 2026 09:49 IST

Advertisment

ಬಿಗ್ ಸ್ಕೋರ್ ಕಲೆ ಹಾಕಿದ್ದ ಆತ್ಮವಿಶ್ವಾಸದಲ್ಲಿ ಬೌಲಿಂಗ್ಗಿಳಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಶಾಕ್ ಕಾದಿತ್ತು. ಸ್ಮೃತಿ ಮಂದಾನ, ಜಾರ್ಜಿಯಾ ವೋಲ್ ಅಟ್ಯಾಕಿಂಗ್ ಆಟದ ಮುಂದೆ ಡೆಲ್ಲಿ ತಂಡ ಥಂಡಾ ಹೊಡೆಯಿತು. ವಡೋದಾರದಲ್ಲಿ ಬೌಂಡರಿ ಸುರಿಮಳೆ ಸುರಿಸಿದ ರೆಡ್ ಆರ್ಮಿ, 2ನೇ ಟ್ರೋಫಿಗೆ ಮುತ್ತಿಕ್ಕಿತು.

204 ರನ್ಗಳ ಚೇಸಿಂಗ್ಗಿಳಿದ ರಾಯಲ್ ಚಾಲೆಂಜರ್ಸ್ ತಂಡ ಆರಂಭದಲ್ಲೆ ಆಘಾತ ಎದುರಿಸಿತು. ಮೊದಲ ಓವರ್ನಲ್ಲೇ 2 ಬೌಂಡರಿ ಬಾರಿಸಿದ ಗ್ರೇಸ್ ಹ್ಯಾರೀಸ್ 2ನೇ ಓವರ್ನಲ್ಲೇ ಮೊದಲ ಎಸೆತದಲ್ಲೇ ಔಟಾದ್ರು. ಗ್ರೇಸ್ ಹ್ಯಾರೀಸ್ ಔಟಾಗಿದ್ದು ಆರ್ಸಿಬಿ ತಂಡಕ್ಕೆ ಯಾವುದೇ ಕ್ಷಣದಲ್ಲೂ ಹಿನ್ನಡೆಯಾಗಲೇ ಇಲ್ಲ. 2ನೇ ವಿಕೆಟ್ಗೆ ಜೊತೆಯಾದ ಸ್ಮೃತಿ ಮಂದಾನ, ಜಾರ್ಜಿಯಾ ವೋಲ್ ಡೆಲ್ಲಿ ಬೌಲರ್ಗಳ ಮೇಲೆ ಸವಾರಿ ಮಾಡಿದ್ರು. ಆರ್ಸಿಬಿ ಆಟಗಾರ್ತಿಯರ ಅಬ್ಬರಕ್ಕೆ ಡೆಲ್ಲಿ ಪಡೆ ಬೆಚ್ಚಿ ಬಿತ್ತು.

ಇದನ್ನೂ ಓದಿ: RCB ಟೀಂ ಎಫರ್ಟ್ಗೆ ಸಂದ ಜಯ.. ಸತತ 4ನೇ ಬಾರಿ ಫೈನಲ್ನಲ್ಲಿ ಸೋತ ಡೆಲ್ಲಿ ಕ್ಯಾಪಿಟಲ್ಸ್..!

rcb (1)

ಕ್ರಿಸ್ಗೆ ಬರ್ತಿದ್ದಂತೆ ಅಬ್ಬರಿಸಲು ಶುರುವಿಟ್ಟುಕೊಂಡ ಜಾರ್ಜಿಯಾ ವೋಲ್ ಬೌಂಡರಿಗಳ ಸುರಿಮಳೆ ಸುರಿಸಿದ್ರು. ಜಾರ್ಜಿಯಾ ವೋಲ್ ಅಟ್ಯಾಕಿಂಗ್ ಆಟಕ್ಕೆ ಡೆಲ್ಲಿ ಬೌಲರ್ಗಳು ಬೆಚ್ಚಿ ಬಿದ್ರು. ಜಾರ್ಜಿಯಾ ವೋಲ್ ಜೊತೆಗೆ ನಾಯಕಿ ಸ್ಮೃತಿ ಮಂದಾನ ಕೂಡ ವಡೋದರಾದಲ್ಲಿ ಆರ್ಭಟಿಸಿದ್ರು. ಬಿಗ್ ಶಾಟ್ಗಳನ್ನ ಬಾರಿಸಿ ಸ್ಮೃತಿ ಶೈನ್ ಆದ್ರೆ, ಸ್ಟ್ಯಾಂಡ್ನಲ್ಲಿದ್ದ ಫ್ಯಾನ್ಸ್ ಹುಚ್ಚೆದ್ದು ಕುಣಿದ್ರು.

⭐️⭐️

pic.twitter.com/JyLdncAgEW
— Royal Challengers Bengaluru (@RCBTweets) February 5, 2026

ಜಾರ್ಜಿಯಾ ವೋಲ್- ಸ್ಮೃತಿ ಮಂದಾನ ಕಾಂಪಿಟೇಶನ್ನಲ್ಲಿ ಹಾಫ್ ಸೆಂಚುರಿ ಸಿಡಿಸಿದ್ರು. ವೋಲ್ 37 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದ್ರೆ, ಮಂದಾನ ಜಸ್ಟ್ 24 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿ ಸಂಭ್ರಮಿಸಿದ್ರು. ಅರ್ಧಶತಕ ಪೂರೈಸಿದ ಬಳಿಕ ಇಬ್ಬರ ಆರ್ಭಟ ಮತ್ತಷ್ಟು ಜೋರಾಯ್ತು. ಡೆಲ್ಲಿ ಬೌಲರ್ಗಳನ್ನ ಮನಬಂದಂತೆ ದಂಡಿಸಿದ್ರು. 84 ಎಸೆತಕ್ಕೆ 150 ರನ್ಗಳ ಜೊತೆಯಾಟವಾಡಿದ್ರು.

54 ಎಸೆತಗಳಲ್ಲಿ 14 ಬೌಂಡರಿ ಸಹಿತ 79 ರನ್ಗಳಿಸಿ ಜಾರ್ಜಿಯಾ ವೋಲ್ ಔಟಾದ್ರು. ರಿಚಾ ಘೋಷ್ ಬಂದಷ್ಟೇ ವೇಗವಾಗಿ ನಿರ್ಗಮಿಸಿದ್ರು. ರಿಚಾ ಬೆನ್ನಲ್ಲೇ ಸ್ಮೃತಿ ಮಂದಾನ ಕೂಡ ಔಟಾದ್ರು. 12 ಬೌಂಡರಿ, 3 ಸಿಕ್ಸರ್ ಸಿಡಿಸಿ ಮಿಂಚಿದ ಸ್ಮೃತಿ ಮಂದಾನ 41 ಎಸೆತಗಳಲ್ಲಿ 87 ರನ್ಗಳಿಗೆ ಆಟ ಮುಗಿಸಿದ್ರು. ಮಂದಾನ ನಿರ್ಗಮನದೊಂದಿಗೆ ಪಂದ್ಯದಲ್ಲಿ ಡೆಲ್ಲಿ ತಂಡ ಕಮ್ಬ್ಯಾಕ್ ಮಾಡಿತ್ತು. ಆದ್ರೆ, ರಾಧಾ ಯಾದವ್ ಕ್ಯಾಚ್ ಡ್ರಾಪ್ ಮಾಡಿದ ಮಿನ್ನು ಮಣಿ ಮ್ಯಾಚ್ ಡ್ರಾಪ್ ಮಾಡಿದ್ರು. ಅಂತಿಮ ಓವರ್ನ 3 ಮತ್ತು 4ನೇ ಎಸೆತವನ್ನ ಬೌಂಡರಿ ಬಾರಿಸಿದ ರಾಧಾ ಯಾದವ್ ಆರ್ಸಿಬಿ ತಂಡವನ್ನ ಗೆಲುವಿನ ದಡ ಸೇರಿಸಿತು.

ಇದನ್ನೂ ಓದಿ: ಮಳಿಗೆ ಮಾಲೀಕನಿಂದ ಕಮಲಾಕರ್ ಭಟ್ ಬಗ್ಗೆ ಮತ್ತಷ್ಟು ಮಾಹಿತಿ; ಸುಚಿತ್ರಾ ಎಂಟ್ರಿ, ಸಂಬಂಧದ ಬಗ್ಗೆ ಹೇಳಿದ್ದೇನು?

6 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿದ ಆರ್ಸಿಬಿ ತಂಡ ಮಹಿಳಾ ಪ್ರೀಮಿಯರ್ ಲೀಗ್ನಲ್ಲಿ 2ನೇ ಟ್ರೋಫಿಗೆ ಮುತ್ತಿಕ್ಕಿತು. ಆರ್ಸಿಬಿ ಗೆಲುವಿನ ದಡ ಸೇರ್ತಿದ್ದಂತೆ ಡಗೌಟ್ನಲ್ಲಿದ್ದ ಆಟಗಾರ್ತಿಯರು ಮೈದಾನಕ್ಕೆ ಓಡಿ ಬಂದು ಸಂಭ್ರಮಿಸಿದ್ರು. ಸ್ಟ್ಯಾಂಡ್ನಲ್ಲಿ ಫ್ಯಾನ್ಸ್ ಕೂಡ ಫುಲ್ ಖುಷ್ ಆದ್ರು.