ಬೆಂಗಳೂರು ಜನರಿಗೆ ಬಿಎಂಟಿಸಿ ಮತ್ತೊಂದು ಗುಡ್ ನ್ಯೂಸ್..!

ಸಿಲಿಕಾನ್ ಸಿಟಿ ಮಂದಿಯ ದಿನನಿತ್ಯದ ಕೆಲಸಕ್ಕೆ ಆಧಾರ ಆಗಿರೋದು ಮೆಟ್ರೋ ಮತ್ತೊಂದು ಬಿಎಂಟಿಸಿ ಬಸ್​. ನಿಗದಿತ ಸಮಯಕ್ಕೆ ತಮ್ಮ ತಮ್ಮ ಕಾರ್ಯಗಳಿಗೆ ಹೋಗೋಕೆ ಜನರು ಬಿಎಂಟಿಸಿ ಬಸ್​ಗಳನ್ನ ಅವಲಂಬಿಸಿದ್ದು ಇದೀಗ ಬಿಎಂಟಿಸಿ ಮತ್ತೊಂದು ಗುಡ್ ನ್ಯೂಸ್ ಕೊಟ್ಟಿದೆ. ಇದ್ರಿಂದ ರಾಜಧಾನಿ ಜನ ಖುಷ್ ಆಗಿದ್ದಾರೆ.

ಇಷ್ಟು ದಿನ ಬೆಂಗಳೂರಿನ ನೈಸ್ ರಸ್ತೆಯಲ್ಲಿ ಬಿಎಂಟಿಸಿ ಬಸ್​ಗಳಲ್ಲಿ ಸಂಚಾರ ಮಾಡುವ ಪ್ರಯಾಣಿಕರು, ಹಣ ಕೊಟ್ಟು ಟಿಕೆಟ್ ತೆಗೆದುಕೊಂಡು ಪ್ರಯಾಣ ಮಾಡ್ತಿದ್ರು, ಅದರ ಜೊತೆಗೆ ಟೋಲ್ ದರವನ್ನೂ ಪಾವತಿ ಮಾಡ್ತಿದ್ರು. ಇದಕ್ಕೆ ರಿಲೀಫ್ ಕೊಟ್ಟಿರೋ ಬಿಎಂಟಿಸಿ, ನೈಸ್ ರಸ್ತೆಯಲ್ಲಿ ಸಂಚಾರ ಮಾಡೋರಿಗೆ ತಿಂಗಳ ಪಾಸ್​ನ ಭಾಗ್ಯ ಕಲ್ಪಿಸಿದೆ.

ಇದನ್ನೂ ಓದಿ:ಬಿಗ್​ ಬಾಸ್​ನಿಂದ ಹೊರ ಹೋಗಲು ನಿರ್ಧರಿಸಿದ ಧ್ರುವಂತ್.. ಕಿಚ್ಚನ ಎದುರು ಹೈಡ್ರಾಮಾ..! VIDEO

ಮಾದಾವರ ಟು ಎಲೆಕ್ಟ್ರಾನಿಕ್ ಸಿಟಿಗೆ ನೈಸ್ ರಸ್ತೆಯಲ್ಲಿ ಸಂಚಾರ ಮಾಡುವ ವಜ್ರ ಬಸ್​ಗಳಲ್ಲಿ ಇನ್ಮುಂದೆ ಡೈಲಿ ಟಿಕೆಟ್ ಜೊತೆ ಜೊತೆಗೆ, ಮಾಸಿಕ ಪಾಸ್​ ಸೌಲಭ್ಯ ನೀಡೋಕೆ ಬಿಎಂಟಿಸಿ ಮುಂದಾಗಿದೆ.. ವಜ್ರ ಬಸ್ ಹಾಗೂ ನೂತನ ಎಸಿ ವಜ್ರ ಬಸ್​ಗಳಲ್ಲಿ ನಾಗರಿಕರು ತಿಂಗಳ ಪಾಸ್ ಪಡೆಯಬಹುದಾಗಿದೆ.. ನಾಳೆಯಿಂದಲೇ ನೈಸ್ ರಸ್ತೆಯಲ್ಲಿ ನೂತನ ಎಸಿ ವಜ್ರ ಬಸ್​ಗಳು ಸಂಚಾರ ಮಾಡಲಿದ್ದು, ನಾಳೆಯಿಂದಲೇ  ತಿಂಗಳ ಪಾಸ್​ನ ಪ್ರಯೋಜನವನ್ನು ಪ್ರಯಾಣಿಕರು ಪಡೆಯಬಹುದಾಗಿದೆ. 

‘ವಜ್ರ’ ಮಾಸಿಕ ಪಾಸ್​!

ವಜ್ರ ಬಸ್​ಗಳಲ್ಲಿ ತಿಂಗಳ ಪಾಸ್​ಗೆ 1 ಸಾವಿರದ 904 ರೂಪಾಯಿ ದರ ನಿಗದಿ ಮಾಡಲಾಗಿದೆ. ಪಾಸ್ ಜೊತೆ ಜೊತೆಗೆ ಟೋಲ್ ಶುಲ್ಕ 1 ಸಾವಿರದ 333 ರೂಪಾಯಿ ಹಾಗೂ ಜಿಎಸ್​ಟಿ 161 ರೂಪಾಯಿ ಸೇರಿ ಒಟ್ಟು 3 ಸಾವಿರದ 400 ರೂಪಾಯಿಗೆ ವಜ್ರ ಬಸ್​ಗಳಲ್ಲಿ ಮಾಸಿಕ ಪಾಸ್ ಅನ್ನ ಪ್ರಯಾಣಿಕರು ಪಡೆಯಬಹುದಾಗಿದೆ.

ಮೆಟ್ರೋಗಿಂತ ವೇಗವಾಗಿ ಮಾದಾವರದಿಂದ ಎಲೆಕ್ಟ್ರಾನಿಕ್ ಸಿಟಿ ತಲುಪುತ್ತಿರುವ ನೈಸ್ ರಸ್ತೆಯ ಬಸ್​ಗಳಿಗೆ ಬೇಡಿಕೆ ಹೆಚ್ಚಾಗಿದೆ. ಮಾದಾವರ ಟು ಎಲೆಕ್ಟ್ರಾನಿಕ್ ಸಿಟಿ ತಲುಪಲು ಮೆಟ್ರೋದಲ್ಲಿ  ಸುಮಾರು 1 ಗಂಟೆ 30 ನಿಮಿಷ ಪ್ರಯಾಣ ಮಾಡಬೇಕು. ಆದ್ರೆ, ನೈಸ್ ರಸ್ತೆಯ ಎಸಿ ಬಸ್ ಸಂಚಾರದಿಂದ ಈ ಪ್ರಯಾಣದಲ್ಲಿ 20 ನಿಮಿಷ ಕಡಿತ ಆಗಲಿದೆ.. ಕೇವಲ 1 ಗಂಟೆ 10 ನಿಮಿಷದಲ್ಲಿ ಮಾದಾವರದಿಂದ ಎಲೆಕ್ಟ್ರಾನಿಕ್ ಸಿಟಿ ತಲುಪಬಹುದಾಗಿದ್ದು, ತಿಂಗಳ ಪಾಸ್​ನಿಂದ ಜನರಿಗೆ ಇನ್ನಷ್ಟು ಅನುಕೂಲ ಆಗಲಿದೆ.. 

ಇದನ್ನೂ ಓದಿ:ದಕ್ಷಿಣ ಆಫ್ರಿಕಾಗೆ ನೀರು ಕುಡಿಸಿದ RoKo, ರಾಹುಲ್..! ಸೂಪರ್ ಬ್ಯಾಟಿಂಗ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ