ಸಿಲಿಕಾನ್​ ಸಿಟಿ ಧೂಳಿನಿಂದ ನಿಮ್ಮ ತ್ವಚೆಯನ್ನು ರಕ್ಷಿಸುವುದು ಹೇಗೆ? ಈ ಸುಲಭ ಟಿಪ್ಸ್​ ಫಾಲೋ ಮಾಡಿ!

ಈಗಂತೂ ಸಿಲಿಕಾನ್​ ಸಿಟಿಯಲ್ಲಿ ಎಲ್ಲಿ ನೋಡಿದ್ರೂ ಧೂಳು, ಹೊಗೆ. ಇದಕ್ಕೆ ಪ್ರಮುಖ ಕಾರಣವೇ ವಾಯು ಮಾಲಿನ್ಯ. ದಿನ ನಿತ್ಯ ಲಕ್ಷಾಂತರ ಸಂಖ್ಯೆಯಲ್ಲಿ ವಾಹನಗಳು ಹೋಗುತ್ತವೆ. ಆ ವಾಹನಗಳಿಂದ ಬರುವ ಧೂಳು ನಮ್ಮ ಆರೋಗ್ಯದ ಮೇಲೆ ಭಾರೀ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ:ಶಾಲೆಯ ಹೋಮ್ ವರ್ಕ್​ ಒತ್ತಡ.. ಜೀವ ಕಳೆದುಕೊಂಡ SSLC ವಿದ್ಯಾರ್ಥಿನಿ, ಅನುಮಾನ

ಅದರಲ್ಲೂ ದೀಪಾವಳಿ ಬಂತಂದ್ರೆ ಸಾಕು, ಎಲ್ಲಿ ನೋಡಿದ್ರೂ ಪಟಾಕಿ ಹೊಗೆ ದಟ್ಟವಾಗಿ ಆವರಿಸಿಕೊಂಡಿರುತ್ತದೆ. ಹೀಗಾಗಿ ಸಾರ್ವಜನಿಕರು ಉಸಿರಾಡೋದಕ್ಕೆ ಕಷ್ಟವಾಗಿತ್ತೆ. ಇದೇ ಹಲವಾರು ರೋಗಕ್ಕೆ ಆಹ್ವಾನ ನೀಡಿದಂತಾಗುತ್ತದೆ. ಅದರಲ್ಲೂ ಸಿಲಿಕಾನ್​ ಸಿಟಿಯಲ್ಲಿ ವಾಹನಗಳ ಸಂಚಾರ ಅಧಿಕ. ದಿನನಿತ್ಯ ಲಕ್ಷಾಂತರ ಜನರು ಬಸ್​, ಬೈಕ್​, ಆಟೋ ಹೀಗೆ ನಾನಾ ವಾಹನಗಳಲ್ಲಿ ಸಂಚಾರ ಮಾಡುತ್ತಾರೆ. ಹೀಗೆ ಒಂದು ದಿನ ಹೊರಗಡೆ ಹೋಗಿ ಬಂದ್ರೆ ಸಾಕು, ಮುಖ ಮಾಸಿ ಹೋಗುತ್ತೆ. ಇದರಿಂದ ಮುಖದಲ್ಲಿ ಕಿರಿಕಿರಿ ಉಂಟು ಆಗುತ್ತದೆ. ಮೊಡವೆಗಳು ಹುಟ್ಟಿಕೊಳ್ಳೋದಕ್ಕೆ ಶುರುವಾಗಿ ಬಿಡುತ್ತೆ.

ಇಂತಹ ಧೂಳು, ಹೊಗೆಯಲ್ಲಿ ನಮ್ಮ ಚರ್ಮವನ್ನು ರಕ್ಷಿಸಲು ಸುಲಭವಾದ ಮಾರ್ಗವೇ ತ್ವಚೆಯನ್ನು ಸ್ವಚ್ಛವಾಗಿರಿಸಿಕೊಳ್ಳುವುದು. ನೀವು ಮನೆಗೆ ಮರಳಿದ ನಂತರ ನಿಮ್ಮ ಮುಖವನ್ನು ತೊಳೆದುಕೊಳ್ಳಬೇಕು. ಒಳ್ಳೆಯ ಮಾಯಿಶ್ಚರೈಸರ್ ಅಪ್ಲೈ ಮಾಡುವುದನ್ನು ಮಾತ್ರ ಮರೆಯಬೇಡಿ. ಇನ್ನೊಂದು ಬಹು ಮುಖ್ಯವಾಗಿ ಸಿಲಿಕಾನ್​ ಸಿಟಿಯಲ್ಲಿ ಇರುವವರು ಮನೆಯಿಂದ ಆಚೆ ಬರುವ ಮುನ್ನ ಮುಖಕ್ಕೆ ಮಾಸ್ಕ್​ ಹಾಕಿಕೊಂಡರೇ ಉತ್ತಮ. ಏಕೆಂದರೆ ಮಾಸ್ಕ್​ ಹಾಕಿಕೊಳ್ಳುವುದರಿಂದ ಒಂದು ಹಂತದಲ್ಲಿ ಮಾಲಿನ್ಯದಿಂದ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಮತ್ತೊಂದು ಸಾಂಕ್ರಾಮಿಕ ರೋಗವನ್ನು ತಡೆಗಟ್ಟಬಹುದಾಗಿದೆ.

ನೀವೇನಾದ್ರೂ ರಸ್ತೆ ಮೂಲಕ ನಡೆದುಕೊಂಡು ಹೋಗುವಂತೆ ಇದ್ದರೆ ಸ್ಕಾರ್ಫ್​ ಅಥವಾ ದುಪ್ಪಟ್ಟದಿಂದ ನಿಮ್ಮ ದೇಹವನ್ನು ಕವರ್​ ಮಾಡಿಕೊಳ್ಳಿ. ಬಹಳ ಮುಖ್ಯವಾಗಿ ಯುವತಿಯರು ಸ್ಲೀವ್​ಲೆಸ್ ಬಟ್ಟೆಗಳನ್ನು ಧರಿಸಿಕೊಂಡರೇ ಅಂತವರು ಸ್ಕಾರ್ಫ್​ ಅಥವಾ ದುಪ್ಪಟ್ಟವನ್ನು ಬ್ಯಾಗ್​ನಲ್ಲಿ ಇಟ್ಟಕೊಂಡರೇ ಉತ್ತಮ.  

ಇದನ್ನೂ ಓದಿ: ಮಹಿಳೆಯರೇ ಗಮನಿಸಿ.. ಕಪಾಟಿನಲ್ಲಿಟ್ಟ ಸೀರೆಗಳು ಹಾಳಾಗಬಾರದಾ? ಸೇಫ್​ ಆಗಿರಿಸಲು ಹೀಗೆ ಮಾಡಿ..

ಇನ್ನೂ, ಈ ಮಾಲಿನ್ಯವು ಕೇವಲ ತ್ವಚೆಯ ಮೇಲೆ ಅಲ್ಲದೇ ಮಾನಸಿಕ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ. ಹಾಗಾಗಿ ಆರೋಗ್ಯಕರವಾದ ಆಹಾರವನ್ನು ಸೇವಿಸಬೇಕು. ಇದರಿಂದ ತ್ವಚೆಗೆ ಅಗತ್ಯವಾದ ಪೋಷಕಾಂಶ ದೊರೆಯುತ್ತದೆ. ಹಾಗೇ ಒತ್ತಡವನ್ನು ನಿವಾರಿಸಿ ನೀವು ಲವಲವಿಕೆಯಿಂದ ಸಹಾಯ ಮಾಡುತ್ತದೆ. ಬಹುಮುಖ್ಯವಾಗಿ ಪ್ರತಿದಿನ 8 ಗಂಟೆಗಳ ಕಾಲ ನಿದ್ರೆ ಮಾಡಿ. ಇದರಿಂದ ಇಡೀ ನಿಮ್ಮ ಆರೋಗ ಚೆನ್ನಾಗಿರಿಸುವಂತೆ ಮಾಡುತ್ತದೆ. ಇದರಿಂದ ಮರುದಿನ ಮನಸ್ಸು ಹಾಗೂ ತ್ವಚೆ ಎರಡು ಆರೋಗ್ಯಕರವಾಗಿ ಇರಿಸಲು ಸಹಾಯ ಮಾಡುತ್ತದೆ.

ಈ ಮೇಲಿನ ಎಲ್ಲಾ ಸಲಹೆಗಳನ್ನು ನೀವು ಪ್ರತಿದಿನ ಪಾಲಿಸುವುದರ ಮೂಲಕ ನಿಮ್ಮ ಆರೋಗ್ಯ, ತ್ವಚೆಯನ್ನು ಕಾಪಾಡಿಕೊಳ್ಳಬಹುದು. ಇದರಿಂದ ನಿಮ್ಮ ಸೌಂದರ್ಯ ಕೂಡ ಹೆಚ್ಚಾಗುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ