ಟೆಸ್ಟ್ ರೈಡ್‌, ಫೈನಾನ್ಸ್, ಸಬ್ಸಿಡಿ A to Z ಮಾಹಿತಿ.. EV ಎಕ್ಸ್​ಪೋಗೆ ಬಂದ್ರೆ ನಿಮಗೆ ಏನೆಲ್ಲ ಲಾಭ ಸಿಗುತ್ತೆ..?

ಇದು ನ್ಯೂಸ್​ಫಸ್ಟ್​ ಆಯೋಜಿಸುತ್ತಿರುವ ಕರ್ನಾಟಕದ ಅತಿದೊಡ್ಡ ಇವಿ ವಾಹನಗಳ ಎಕ್ಸ್​​​ಪೋ. ಫೆಬ್ರವರಿ 21ರಿಂದ 23ರವರೆಗೆ ಮೂರು ದಿನ ಬೆಂಗಳೂರಿನ ಅರಮನೆ ಮೈದಾನ ತ್ರಿಪುರವಾಸಿನಿಯಲ್ಲಿ ಈ ಎಕ್ಸ್​ಪೋ ನಡೆಯಲಿದೆ. ಹಾಗಾದ್ರೆ, ಈ ಎಕ್ಸ್​ಪೋ ವಿಶೇಷ ಏನು? ಯಾವೆಲ್ಲಾ ಕಂಪನಿಗಳು ಇದರಲ್ಲಿ ಪಾಲ್ಗೊಳ್ತಾವೆ. ಇಲ್ಲಿ ಬರೋ ಜನರಿಗೆ ಏನು ಲಾಭ ಈ ಎಲ್ಲಾ ಡೀಟೇಲ್ಸ್​​ ಈ ರಿಪೋರ್ಟ್​ನಲ್ಲಿ. 

ಒಂದೇ ವೇದಿಕೆಯಲ್ಲಿ..

ನ್ಯೂಸ್‌ಫಸ್ಟ್ ಕನ್ನಡ ತನ್ನ ಪರಿಸರ ಸ್ನೇಹಿ ಅಭಿಯಾನದ ಅಂಗವಾಗಿ ಕರ್ನಾಟಕದ ಅತಿದೊಡ್ಡ ಎಲೆಕ್ಟ್ರಿಕ್​ ವೆಹಿಕಲ್ಸ್​​ ಎಕ್ಸ್‌ಪೋವನ್ನ ಆಯೋಜನೆ ಮಾಡುತ್ತಿದೆ. EV Ready  ಹೆಸರಿನಲ್ಲಿ ನಡೆಯುತ್ತಿರುವ ಈ ಎಕ್ಸ್​ಪೋನಲ್ಲಿ, ಸ್ಕೂಟರ್​​, ಬೈಕ್​​, ಆಟೋ ​​ಕಾರುಗಳಿಂದ ಹಿಡಿದು ಬಸ್, ಟ್ರಕ್, ಟ್ರಾಕ್ಟರ್‌ಗಳವರೆಗೆ ಎಲ್ಲವೂ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಳ್ಳಲಿವೆ. 

ಇದನ್ನೂ ಓದಿ: ಕಂಟ್ರಿ vs ಕ್ಲಬ್.. ಕೋಚ್ ಗಂಭೀರ್ ಆಯ್ಕೆ ಯಾವುದು?

ಇವಿ ವಾಹನಗಳನ್ನು ಹತ್ತಿರದಿಂದ ನೋಡೋದು, ಸ್ಪರ್ಶಿಸೋದು ಮತ್ತು ಅದರ ಅನುಭವ ಪಡೆದುಕೊಳ್ಳುವ ಅಪೂರ್ವ ಅವಕಾಶವನ್ನು ಈ ಎಕ್ಸ್​​ಪೋ ಒದಗಿಸಿಕೊಡುತ್ತಿದೆ. ಮಧ್ಯಮವರ್ಗದವರಿಗೆ ಸರಿ ಹೊಂದುವ ಬೈಕ್, ​ ಕಾರುಗಳು ಹಾಗೆನೇ ಲಕ್ಸುರಿ ಮತ್ತು ಅಲ್ಟ್ರಾ ಲಕ್ಸುರಿ ಕಾರುಗಳು ಸಹ ಈ ಎಕ್ಸ್​ಪೋನಲ್ಲಿ ಭಾಗವಹಿಸ್ತಿವೆ.

ನಿಮ್ಮ ಅನುಮಾನಗಳಿಗೆ ಸಿಗಲಿದೆ ಸ್ಪಷ್ಟ ಉತ್ತರ

ಎಲೆಕ್ಟ್ರಿಕ್​ ವೆಹಿಕಲ್​​ಗಳು ಅಂದಾಕ್ಷಣ ಚಾರ್ಚಿಂಗ್​ ಇರಬಹುದು, ಬ್ಯಾಟರಿ ಲೈಫ್​ ಇರಬಹುದು, ಸೇಫ್ಟಿ ಇರಬಹುದು ಜೊತೆಗೆ ರೀಸೇಲ್​​ ಆಗುತ್ತೋ ಇಲ್ವೋ ಅನ್ನೋ ಗೊಂದಲಗಳು ಸಾಕಷ್ಟು ಜನರಲ್ಲಿ ಇನ್ನೂ ಇದೆ.  ಹಾಗಾಗಿ ಜನರು ನೇರವಾಗಿ ವಾಹನಗಳನ್ನು ನೋಡಿ, ತಮ್ಮಲ್ಲಿರೋ ಪ್ರಶ್ನೆಗಳಿಗೆ ತಜ್ಞರ ಜೊತೆ ಮಾತನಾಡಿ ಉತ್ತರವನ್ನ ಪಡೆದುಕೊಳ್ಳಬಹುದಾಗಿದೆ. 

ಇದನ್ನೂ ಓದಿ: ದೆಹಲಿಯ ಇಂಡಿಯಾ ಎಐ ಇಂಫ್ಯಾಕ್ಟ್ ಶೃಂಗದಲ್ಲಿ ಯೂತ್ ಕಾಂಗ್ರೆಸ್ ಕಾರ್ಯಕರ್ತರಿಂದ ಶರ್ಟ್ ಬಿಚ್ಚಿ ಪ್ರತಿಭಟನೆ!

ಇದೇ ಮೊದಲ ಬಾರಿಗೆ, ಇವಿ ಬಸ್‌ಗಳು, ಟ್ರಕ್‌ಗಳು ಮತ್ತು ಟ್ರಾಕ್ಟರ್‌ಗಳಂತಹ ಭಾರೀ ವಾಹನಗಳೂ ಕೂಡ ಈ ಎಕ್ಸ್​ಪೋನಲ್ಲಿ ಭಾಗಿಯಾಗುತ್ತಿವೆ. ಎಕ್ಸ್​ಪೋದಲ್ಲಿ ಟೆಸ್ಟ್ ರೈಡ್‌ಗಳು, ತಾಂತ್ರಿಕ ಮಾಹಿತಿ, ಫೈನಾನ್ಸ್ ಹಾಗೂ ಸಬ್ಸಿಡಿ ವಿವರಗಳೂ ಲಭ್ಯವಿದೆ. ಇವಿ ವೆಹಿಕಲ್ಸ್​ ಖರೀದಿ ಮಾಡುಬೇಕು ಅನ್ನೋ ಯೋಚನೆಯಲ್ಲಿರುವವರಿಗೆ ಇದು ಖಂಡಿತಾ ಒನ್-ಸ್ಟಾಪ್ ಡೆಸ್ಟಿನೇಷನ್. 

ಯಾವೆಲ್ಲ ಬ್ರಾಂಡ್​ಗಳು..?

ಪ್ರತಿಷ್ಠಿತಿ ಇವಿ ಬ್ರಾಂಡ್​​ಗಳಾದ ಟಾಟಾ ಇವಿ. ಟಾಟಾ ಮೋಟಾರ್ಸ್​ ಕಮರ್ಷಿಯಲ್​ ವೆಹಿಕಲ್​ಗಳು, ಮಹೀಂದ್ರಾ ಎಲೆಕ್ಟ್ರಿಕ್​ ಕಾರುಗಳು ಹಾಗೂ ಮಹೀಂದ್ರಾ ಲಾಸ್ಟ್​ ಮೈಲ್​ ಮೊಬಿಲಿಟಿ, ಅಶೋಕ್​ ಲೈಲಾಂಡ್​ ಟ್ರಕ್​​ಗಳು, ಸ್ವಿಚ್​ ಮೊಬಿಲಿಟಿ, ಇಕಾ ಮತ್ತು ವೋಲ್ವೋ ಐಶರ್​ ಕಮರ್ಶಿಯಲ್​ ವೆಹಿಕಲ್​ಗಳು ಭಾಗವಹಿಸಲಿವೆ. ಇನ್ನೂ ಕಾರುಗಳ ವಿಭಾಗದಲ್ಲಿ ಕಿಯಾ ಎಲೆಕ್ಟ್ರಿಕ್​ ಕಾರುಗಳು, ಎಂಜಿ ಮೋಟಾರ್ಸ್​, ಮರ್ಸಿಡಿಸ್​ ಬೆನ್ಜ್​  ಸೇರಿದಂತೆ ಅನೇಕ ಬ್ರಾಂಡ್​ಗಳು ಭಾಗವಹಿಸಲಿವೆ. ಬೈಕ್​​ಗಳ ವಿಭಾಗದಲ್ಲಿ ಏಥರ್​, ಟಿವಿಎಸ್​, ವಿಡಾ ಹೀರೋ, ಅಲ್ಟ್ರಾ ವಾಯ್ಲೆಟ್​ ಟೂವೀಲರ್​​ಗಳು ಭಾಗವಹಿಸುತ್ತಿರುವುದು ವಿಶೇಷವಾಗಿದೆ. 

ಇದನ್ನೂ ಓದಿ:ಜಿಂಬಾಬ್ವೆ ಆಟಕ್ಕೆ ಬೆರಗಾದ ಕ್ರಿಕೆಟ್ ಲೋಕ.. ಆಗ ಆಸ್ಟ್ರೇಲಿಯಾ, ಈಗ ಲಂಕಾ ದಹನ..!

ಸರ್ಕಾರಿ ಸಂಸ್ಥೆಗಳಾದ ಕರ್ನಾಟಕ ರೋಡ್​ ಸೇಫ್ಟಿ ಇಲಾಖೆ, ಕರ್ನಾಟಕ ಸಾರಿಗೆ, ಬೆಸ್ಕಾಂ ಹಾಗೂ ಕೆಪಿಟಿಸಿಎಲ್​ ಸಂಸ್ಥೆಗಳೂ ಭಾಗವಹಿಸುತ್ತಿರುವುದು ಕೂಡ ವಿಶೇಷವಾಗಿದೆ. ಹಾಗಾಗಿ ತಪ್ಪದೇ ಎಕ್ಸ್​ಪೋಗೆ ಭೇಟಿ ನೀಡಿ. ಇದರ ಲಾಭ ಪಡೆಯಿರಿ. ನ್ಯೂಸ್​ಫಸ್ಟ್​ನ ಈ ಎಕ್ಸ್​ಪೋ ಇದು ಕೇವಲ ವಾಹನ ಮೇಳವಲ್ಲ. ಇದು ಭವಿಷ್ಯದ ಸಾರಿಗೆ ಕ್ರಾಂತಿ.

ಭರತ್​ ಕೃಷ್ಣಪ್ಪ​, ನ್ಯೂಸ್​​ಫಸ್ಟ್​ ಬೆಂಗಳೂರು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ