ನಟಿ ಆಶಿಕಾ ರಂಗನಾಥ್ ಮಾವನ ಮಗಳು ಆತ್ಮಹತ್ಯೆ.. ಪ್ರೀತಿಯ ಬಲೆಯಲ್ಲಿ ಬಿದ್ದು ಬಲಿ..!

ಇಂಜಿನಿಯರಿಂಗ್​ ಓದಿ ನೂರಾರು ಕನಸು ಕಂಡಿದ್ದವಳು.. ಪ್ರೀತಿಯ ಬಲೆಗೆ ಬಿದ್ದು.. ಇದೀಗ ಜೀವವನ್ನೇ ಬಿಟ್ಟಿದ್ದಾಳೆ. ಸ್ಯಾಂಡಲ್​ವುಡ್​ ನಟಿ ಆಶಿಕಾ ರಂಗನಾಥ್​ ಸಂಬಂಧಿ ಬದುಕಲ್ಲಿ ಪ್ರಿಯಕರನೇ ಪೀಡಕನಾಗಿ ಕಾಡಿದ್ದು, ಪ್ರೇಮಿಯ ನಶೆಗೆ ಸುಂದರಿಯ ಪ್ರಾಣ ಪಕ್ಷಿಯೇ ಹಾರಿಹೋಗಿದೆ.

ನಟಿ ಆಶಿಕಾ ರಂಗನಾಥ್ ಸಬಂಧಿ ಯುವತಿ ಆತ್ಮಹತ್ಯೆ

ಈಕೆಯೇ ನೋಡಿ ಆ ನತದೃಷ್ಟ ಯುವತಿ.. ಹೆಸ್ರು.. ಅಚಲ.. ವಯಸ್ಸಿನ್ನೂ 22 ವರ್ಷ ಅಷ್ಟೇ ಬದುಕಿನಲ್ಲಿ ಸಾವಿರಾರು ಕನಸುಕೊಂಡಿದ್ದಳು.. ಪ್ರಿಯಕರನ ಜೊತೆ ಬಾಳಿಬದುಕಬೇಕೆಂಬ ಆಸೆ ಇಟ್ಟುಕೊಂಡಿದ್ದಳು.. ಆದ್ರೆ ಅದೇ ಕಿರಾತಕ ಪ್ರಿಯಕರನ ಕಿರುಕುಳಕ್ಕೆ ಬೇಸತ್ತ ಮುದ್ದು ಮುಖದ ಸುಂದರಿ ನೇಣಿಗೆ ಕೊರಳೊಡ್ಡಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ. ನವೆಂಬರ್​ 21ರಂದು ಬೆಂಗಳೂರಿನಲ್ಲಿ ನಡೆದಿದ್ದ ಈ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. 

ಇದನ್ನೂ ಓದಿ: ಪ್ರಾದೇಶಿಕ ಭಾಷೆಗಳು ಕನ್ನಡವನ್ನು ಶ್ರೀಮಂತಗೊಳಿಸಿವೆ: ಮುಖ್ಯಮಂತ್ರಿ ಸಿದ್ದರಾಮಯ್ಯ

ಅಚಲ ಆತ್ಮಹತ್ಯೆ!

ಸ್ಯಾಂಡಲ್​ವುಡ್​ನ ಖ್ಯಾತ ನಟಿ ಆಶಿಕ ರಂಗನಾಥ್ ಅವರ​​ ಮಾವನ ಮಗಳಾಗಿರೋ ಅಚಲ ಮೂಲತ ಹಾಸನದವಳು.. ಇಂಜಿನಿಯರಿಂಗ್​ ಮುಗಿಸಿ ಕೆಲಸಕ್ಕೆ ಹುಡುಕುತ್ತಿದ್ದಳು.. ಈ ವೇಳೆ ತನ್ನ ದೂರದ ಸಂಬಂಧಿ ಮಯಾಂಕ್ ಜೊತೆ ಅಚಲಗೆ ಸ್ನೇಹ ಬೆಳೆದಿದೆ. ಇಬ್ಬರ ನಡುವೆ ಸಲುಗೆ ಬೆಳೆದಿದ್ದು, ಮಾಯಾಂಕ್​ ಮದುವೆಯಾಗೋದಾಗಿ ನಂಬಿಸಿ ಕಳ್ಳಾಟವಾಡಿದ್ದಾನೆ. ಬೇರೆ ಯುವತಿ ಜೊತೆಗೂ ಮಯಾಂಕ್​ ಸಂಬಂಧ ಹೊಂದಿದ್ನಂತೆ.. ಇನ್ನು ಮದುವೆಗೂ ಮೊದಲೇ ದೈಹಿಕ‌ ಸಂಪರ್ಕಕ್ಕೆ ಮಾಯಾಂಕ್​ ಪೀಡಿಸಿದ್ದಾನೆ. ಇದಕ್ಕೆ ಅಚಲ ಇದಕ್ಕೆ ಒಪ್ಪದಿದ್ದಾಗ ಮಾನಸಿಕ‌ವಾಗಿ ಮತ್ತು ದೈಹಿಕವಾಗಿ ಡ್ರಗ್ ಅಡಿಕ್ಟ್ ಮಯಾಂಕ್​​ ಕಿರುಕುಳ ನೀಡಿದ್ದು, ಇದರಿಂದ ನೊಂದ ಅಚಲ ಆತ್ಮಹತ್ಯೆಗೆ ಶರಣಾಗಿದ್ದಾಳೆ. ನವೆಂಬರ್​ 21ರಂದು ಬೆಂಗಳೂರಿನ ಸಂಬಂಧಿಕರ ಮನೆಯಲ್ಲಿ ನೇಣಿಗೆ ಕೊರಳೊಡ್ಡಿ ಬಾರದಲೋಕಕ್ಕೆ ತೆರಳಿದ್ದಾಳೆ.

ನಿನ್ನ ಬಿಟ್ಟು ಬದುಕಲು ಸಾಧ್ಯವಿಲ್ಲ ಎಂದು ಮೆಸೇಜ್ ಮಾಡಿದ್ದ ಅಚಲ

ಪ್ರೇಮಿ ಮಯಾಂಕ್ ತನ್ನನ್ನು ಮೋಸ ಮಾಡಿದ್ದಾನೆಂಬ ಶಂಕೆ ದೃಢಪಟ್ಟ ನಂತರ ಆತನಿಗೆ ಮೆಸೇಜ್ ಮಾಡಿದ್ದ ಅಚಲ, ಜೀವನದಲ್ಲಿ ನಿನ್ನ ಬಿಟ್ಟು ನನಗೆ ಬದುಕಲು ಸಾಧ್ಯವಿಲ್ಲ. ನನ್ನ ಕನಸುಗಳನ್ನು ನೀನು ನುಚ್ಚು ನೂರು ಮಾಡಿದ್ದೀಯ. ನನಗೆ ನೀನು ಮೋಸ ಮಾಡಿಲ್ಲವಾದರೆ ರಾಘವೇಂದ್ರ ಸ್ವಾಮಿ ಮೇಲೆ ಆಣೆ ಮಾಡು. ನೀನು ಮಾಡಿದ ಮೋಸಕ್ಕೆ ತಕ್ಕ ಬೆಲೆ ಕಟ್ಟಲೇ ಬೇಕು ಎಂದು ತನ್ನ ನೋವನ್ನು ಎಳೆ ಎಳೆಯಾಗಿ ವ್ಯಕ್ತಪಡಿಸಿದ್ದರು. ಇಷ್ಟೇ ಅಲ್ಲದೇ ತನ್ನ ನಂಬರ್ ಬ್ಕಾಕ್ ಮಾಡಬೇಡ ಎಂದೂ ಮಯಾಂಕ್​ ಬಳಿ ಬೇಡಿಕೊಂಡಿದ್ದ ಚಾಟಿಂಗ್​ ಲಭ್ಯವಾಗಿದೆ.

ಇದನ್ನೂ ಓದಿ: ಬಿಗ್​ ಬಾಸ್​ನಿಂದ ಹೊರ ಹೋಗಲು ನಿರ್ಧರಿಸಿದ ಧ್ರುವಂತ್.. ಕಿಚ್ಚನ ಎದುರು ಹೈಡ್ರಾಮಾ..! VIDEO

ಆರೋಪಿಗಳನ್ನ ಬಂಧಿಸದಿದ್ದಕ್ಕೆ ಅಚಲ ಪೋಷಕರ ಆಕ್ರೋಶ

ಪ್ರಿಯಕರನ ಕಿರುಕುಳಕ್ಕೆ ಬೇಸತ್ತು ಅಚಲ ಆತ್ಮಹತ್ಯೆ ಮಾಡಿಕೊಂಡು 10 ದಿನವಾಗಿದೆ. ಹಾಸನದ ಮಯಾಂಕ್ ಮತ್ತು ಆತನ ತಾಯಿ ಮೈನಾ ವಿರುದ್ಧ ಬೆಂಗಳೂರಿನ ಪುಟ್ಟೇನಹಳ್ಳಿ ಠಾಣೆಯಲ್ಲಿ ಕೇಸ್ ದಾಖಲಾಗಿದೆ. ಘಟನೆ ನಡೆದು 10 ದಿನ ಕಳೆದರೂ ಆರೋಪಿಗಳ ಬಂಧನವಾಗಿಲ್ಲ. ಆರೋಪಿಗಳ ಬಂಧಿಸದಕ್ಕೆ ಮೃತ ಅಚಲ ಪೋಷಕರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಒಟ್ಟಾರೆ.. ಪ್ರೀತಿಸಿದವನಿಂದಲೇ ಕಿರುಕುಳಕ್ಕೆ ಒಳಗಾದ ಯುವತಿ.. ಬೇಸತ್ತು ಬದುಕಿಗೆ ಗುಡ್​ಭೈ ಹೇಳಿದ್ದು ನಿಜಕ್ಕೂ ದುರಂತ.. ಪೊಲೀಸರು ಸೂಕ್ತ ರೀತಿ ತನಿಖೆ ನಡೆಸಿ ಅಚಲ ಸಾವಿಗೆ ಸೂಕ್ತ ನ್ಯಾಯವನ್ನು ಒದಗಿಸುವ ಕೆಲಸ ಮಾಡ್ಬೇಕಿದೆ.

ಇದನ್ನೂ ಓದಿ: ದಕ್ಷಿಣ ಆಫ್ರಿಕಾಗೆ ನೀರು ಕುಡಿಸಿದ RoKo, ರಾಹುಲ್..! ಸೂಪರ್ ಬ್ಯಾಟಿಂಗ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ