ಮಾಟ, ಮಂತ್ರಕ್ಕೂ ಈಗ ಡಿಜಿಟಲ್ ಅಸ್ತ್ರ.. ಬೆಳಗಾವಿಯಲ್ಲಿ ಅಚ್ಚರಿ ತಂದ ಹೈಟೆಕ್ ವಾಮಾಚಾರ..!

ಮಾಟ-ಮಂತ್ರ.. ಯಾವಾಗ, ಎಲ್ಲಿಂದ ಆರಂಭ ಆಯ್ತೋ ಅನ್ನೋದಕ್ಕೆ ಇತಿಹಾಸವಿಲ್ಲ.. ಪುರಾಣದ ಪುರಾವೆಗಳಿವೆ.. ನಾವು ನೀವು ವಾಮಾಚಾರಗಳನ್ನ ಅಲ್ಲಲ್ಲಿ ಆಗಾಗ ನೋಡಿದ್ದೀವಿ.. ಮೂರು ರಸ್ತೆಗಳು ಸೇರೋ ಜಾಗಲದಲ್ಲಿ ತೆಂಗಿನಕಾಯಿ, ಲಿಂಬೆಹಣ್ಣು ಇಡೋದು ಇದೆಲ್ಲ ಕಾಮನ್.. ಮಾಟ ಈಗ ಅಪಡೇಟ್​ ಆಗಿದೆ.. ಸ್ಮಾರ್ಟ್​​ ಯುಗದಲ್ಲಿ ಡಿಜಿಟಲ್​ ವಾಮಾಚಾರ ನಡೆದಿದೆ.

ಸ್ಮಾರ್ಟ್​ ಮಾಟ-ಮಂತ್ರ!

ಅಂದ್ಹಾಗೆ ಇದು ಸ್ಮಾರ್ಟ್​​​ ವಾಮಾಚಾರ.. ಜನ ಸ್ಮಾರ್ಟ್​​​ ಆಗಿದ್ದಾರೆ.. ಅದರಂತೆ ಕ್ಷುದ್ರಶಕ್ತಿಗಳ ವಶಕ್ಕೆ ಇಲ್ಲಿ ಡಿಜಿಟಲ್​​​ ಅಸ್ತ್ರ ಬಳಸಿದ್ದಾರೆ. ಬೆಳಗಾವಿಯಲ್ಲಿ ಸ್ಮಾರ್ಟ್​ಫೋನ್ ವಾಮಾಚಾರವೊಂದು ಸದ್ಯ ಸುದ್ದಿಯಲ್ಲಿದೆ.. 

ಸ್ಮಾರ್ಟ್​ಫೋನ್​​ ವಾಮಾಚಾರ!

ಬೆಳಗಾವಿಯ ಯಳ್ಳೂರು ಭಾಗದಲ್ಲಿ ರೈತರು ಭತ್ತ ನಾಟಿ ಮಾಡಿದ್ದಾರೆ. ಎಂದಿನಂತೆ ತಮ್ಮ ಜಮೀನಿಗೆ ಹೋದ ಸಂದರ್ಭದಲ್ಲಿ ರೈತರಿಗೆ ಶಾಕ್ ಆಗಿದೆ. ರೈತ ಸದಾನಂದ ದೇಸಾಯಿ ಎನ್ನುವ ರೈತನ ಹೊಲದಲ್ಲಿ ವಾಮಾಚಾರ ಕಂಡು ಬಂದಿದೆ. ಈ ವೇಳೆ ರೈತ ಮುಖಂಡ ರಾಜು ಮರವೆಗೆ ಫೋನ್​ ಮಾಡಿ ವಿಷಯ ತಿಳಿಸಲಾಗಿದೆ. ಸ್ಥಳಕ್ಕೆ ಹೋಗಿ ನೋಡಿದಾಗ ವಾಮಾಚಾರ ನಡೆದಿರೋದು ಬೆಳಕಿಗೆ ಬಂದಿದೆ.. ಅಲ್ಲಿ ಲಿಂಬೆಹಣ್ಣು, ಮೊಸರನ್ನ ಜೊತೆಗೆ ಸ್ಮಾರ್ಟ್​ಫೋನ್​ ಒಂದು ಪತ್ತೆಯಾಗಿದೆ. ಕಳೆದ ಕೆಲ ತಿಂಗಳಿಂದ ಸತತವಾಗಿ ವಾಮಾಚಾರದ ವಸ್ತುಗಳು ಪತ್ತೆಯಾಗುತ್ತಿವೆ. ಈ ಹಿಂದೆ ಬಟ್ಟೆಗೊಂಬೆ ಹಾಗೂ ಮೋಸಂಬಿ ಇಟ್ಟು ವಾಮಾಚಾರ ಮಾಡಲಾಗಿತ್ತಂತೆ. ಈ ವೇಳೆ ರೈತರು ಮೊಸಂಬಿಯನ್ನ ಅಲ್ಲಿಯೇ ತಿಂದು ಇದೊಂದು ಮೂಢನಂಬಿಕೆ ಎಂದು ತೋರಿಸುವ ಯತ್ನ ಮಾಡಿದ್ರಂತೆ.

ಇದನ್ನೂ ಓದಿ: Miss You ಬೆಂಗಳೂರು; ಸಿಲಿಕಾನ್ ಸಿಟಿ ಬಿಟ್ಟು ಹೋಗುವಾಗ ಗಳ ಗಳನೇ ಅತ್ತ ಫಾರಿನ್ ಯುವತಿ

ಸದಾನಂದ ದೇಸಾಯಿ ಎನ್ನುವ ಯುವಕ ಬೇರೊಬ್ಬರ ಜಮೀನನ್ನ ಲೀಜ್ ಮೇಲೆ ಪಡೆದು ಕೃಷಿ ಮಾಡ್ತಿದ್ದಾನೆ. ಲೀಜ್​​​ ಪಡೆದ ಮೇಲೆ ಜಮೀನಿನಲ್ಲಿ ಅನೇಕ ರೀತಿ ವಿಚಿತ್ರ ಘಟನೆಗಳು ನಡೆದಿವೆ. ಆದ್ರೆ, ಯಾವ ಉದ್ದೇಶಕ್ಕೆ ಈ ರೀತಿ ವಾಮಾಚಾರ ಮಾಡಲಾಗ್ತಿದೆ ಅನ್ನೋದು ದೊಡ್ಡ ಪ್ರಶ್ನೆಯಾಗಿದೆ. ಈಗ ಪೋನ್​ ಬಳಿಸಿಯೂ ವಾಮಾಚಾರ ನಡೆಸಿರೋದು ಅಚ್ಚರಿ ಮತ್ತು ಕುತೂಹಲಕ್ಕೆ ಕಾರಣ ಆಗಿದೆ.
ಒಟ್ಟಾರೆ, ಈ ರೀತಿಯ ಕೃತ್ಯದಿಂದ ರೈತರ ಆತ್ಮಸ್ಥೈರ್ಯ ಕುಗ್ಗಿಸಲಾಗ್ತಿದೆ.. ಮೊಬೈಲ್ ಜಮಾನ ಬಂದ ಬಳಿಕ ಎಲ್ಲಾ ರೀತಿಯ ಮಾಹಿತಿ ಸಿಕ್ಕು ಡಿಜಿಟಲ್​​​ ಕ್ರಾಂತಿ ಆಗ್ತಿದೆ.. ಈ ನಡುವೆ, ಕೆಲವರು ಈ ಮೊಬೈಲ್​ನ್ನೆ ಬಳಸಿ ವಾಮಾಚಾರದ ಮೊರೆ ಹೋಗಿರೋದು ವಿಜ್ಞಾನವನ್ನೆ ಅಣಕಿಸಿದ್ದಾರೆ. ಅಷ್ಟಕ್ಕೂ ಮೊಬೈಲ್​​ ಬಳಸಿದ್ಯಾಕೆ? ವಾಮಾಚಾರದಲ್ಲಿ ಈ ಪ್ರಯೋಗ ಸಫಲ ಕಾಣುತ್ತಾ ಅನ್ನೋದು ಯಕ್ಷ ಪ್ರಶ್ನೆ.

ಇದನ್ನೂ ಓದಿ: ಧರ್ಮಸ್ಥಳ ಬುರುಡೆ ರಹಸ್ಯ.. ಇಂದು 3 ಪಾಯಿಂಟ್​​ಗಳಲ್ಲಿ ಆಪರೇಷನ್, ಇಲ್ಲಿವರೆಗೆ ಸಿಕ್ಕಿದ್ದು ಏನೇನು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ