‘ಲೀಗಲ್ ಆಗಿಯೇ ಶ*ವ ಹೂತಿದ್ದೇನೆ..’ ಅಂದ್ನಂತೆ ಅನಾಮಿಕ! ಇಡೀ ಕರ್ನಾಟಕಕ್ಕೇ ಮಕ್ಕರ್​ ಮಾಡಿಬಿಟ್ನಾ?

ಮಂಗಳೂರು: ಧರ್ಮಸ್ಥಳ ಬುರುಡೆ ಪ್ರಕರಣವು ದಿನಕ್ಕೊಂದು ತಿರುವು ಪಡೆದುಕೊಳ್ತಿದೆ. ಇದೀಗ ಅನಾಮಿಕ ದೂರುದಾರ ವಿಶೇಷ ತನಿಖಾ ತಂಡಕ್ಕೆ ‘ಅಸಲಿ ಸತ್ಯ’ವನ್ನು ಬಿಚ್ಚಿಟ್ಟಿದ್ದಾನೆ ಎನ್ನಲಾಗಿದ್ದು, ಆ ಮೂಲಕ ಇಡೀ ಕರ್ನಾಟಕಕ್ಕೆ ಆತ ಮಕ್ಕರ್ ಮಾಡಿದ್ನಾ ಎಂಬ ಪ್ರಶ್ನೆ ಹುಟ್ಟಿಕೊಂಡಿದೆ. 

ಏನು ಹೇಳಿದ್ದಾನಂತೆ ಅನಾಮಿಕ..?

ಎಸ್​ಐಟಿ ಅಧಿಕಾರಿಗಳ ತನಿಖೆ ವೇಳೆ ಅನಾಮಿಕ ನೀಡಿದ್ದಾನೆ ಎನ್ನಲಾಗಿರುವ ಇನ್​ಸೈಡ್ ಮಾಹಿತಿಗಳ ಪ್ರಕಾರ..‘ ಯಾರು ನಿನ್ನ ಅಲ್ಲಿ ಬಂದು ಸಂಪರ್ಕಿಸಿದ್ದರು..?’ ಎಂದು ಎಸ್​ಐಟಿ ಕೇಳಿದೆ. ಅದಕ್ಕೆ ಆತನ ಅನಾಮಿಕ ದೂರುದಾರನ ಉತ್ತರ ಹೀಗಿದೆಯಂತೆ..  

ಇದನ್ನೂ ಓದಿ:ಧರ್ಮಸ್ಥಳ ಅನಾಮಿಕ ಯೂಟರ್ನ್; ಶ*ವ ಹೂತಿದ್ದು ನಾನೊಬ್ಬನೇ ಅಲ್ಲ.. ಸಂಚಲನ ಸೃಷ್ಟಿಸಿದ ಹೇಳಿಕೆ..!

‘2014ರ ಬಳಿಕ ನಾನು ತಮಿಳುನಾಡಿನಲ್ಲಿದ್ದೆ. 2023ರಲ್ಲಿ ಒಂದು ಗುಂಪು ನನ್ನನ್ನು ಸಂಪರ್ಕಿಸಿತ್ತು. ಧರ್ಮಸ್ಥಳದಲ್ಲಿ ಹೆ*ಣಗಳನ್ನು ಹೂತಿರುವ ಬಗ್ಗೆ ಕೇಳಿತ್ತು. ನಾನು ಲೀಗಲ್ ಆಗಿಯೇ ಹೆಣಗಳನ್ನು ಹೂತಿದ್ದೆ ಅಂತ ಹೇಳಿದ್ದೆ. ತಪ್ಪು ಹೇಳಿಕೆ ನೀಡುವಂತೆ ಆ ಗುಂಪು ನನ್ನನ್ನು ಕೇಳಿಕೊಂಡಿತ್ತು. ಹೀಗಾಗಿ ನಾನು ಇಲ್ಲಿಗೆ ಬಂದೆ. ನ್ಯಾಯಾಧೀಶರ ಮುಂದೆ ಹೇಳಿಕೆ ನೀಡುವಾಗ ತುಂಬಾ ಭಯ ಆಗಿತ್ತು. ಆ ಗುಂಪು ಬುರುಡೆ ಕೊಟ್ಟು ಸುಳ್ಳು ಹೇಳುವಂತೆ ನನ್ನನ್ನು ಒತ್ತಾಯಿಸಿತು. ಇವೆಲ್ಲ ಒಂದು ವರ್ಷದ ಹಿಂದೆ ನಡೆದಿರುವ ಚಟುವಟಿಕೆ ಎಂದು ಎಸ್​ಐಟಿ ತನಿಖೆ ವೇಳೆ ಹೇಳಿದ್ದಾನೆ’ ಎನ್ನಲಾಗಿದೆ. ಇದು ಸತ್ಯವೋ? ಸುಳ್ಳೋ ಅನ್ನೋದನ್ನ ಅನಾಮಿಕ ದೂರುದಾರ ಬಹಿರಂಗವಾಗಿ ಹೇಳಿಕೆ ನೀಡಬೇಕು. ಇಲ್ಲ, ಎಸ್​ಐಟಿ ಅಧಿಕಾರಿಗಳೇ ಅದರ ಬಗ್ಗೆ ಸ್ಪಷ್ಟನೆ ನೀಡಬೇಕಿದೆ. 

ಇದನ್ನೂ ಓದಿ:ಧರ್ಮಸ್ಥಳದ ಪರವಾಗಿ ಬಿಜೆಪಿ ನೈತಿಕ ಬೆಂಬಲ; ಮಂಜುನಾಥನ ಸನ್ನಿಧಿಯಲ್ಲಿ ವಿಜಯೇಂದ್ರ..

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ