ವಿವಾಹದ ಬಳಿಕ ಸುಹಾನ ದಂಪತಿ ಫಸ್ಟ್ ರಿಯಾಕ್ಷನ್..! ಏನಂದ್ರು..?

ಸರಿಗಮಪ ರಿಯಾಲಿಟಿ ಶೋ ಮೂಲಕ ಮನೆಮಾತಾಗಿದ್ದ ಗಾಯಕಿ ಸುಹಾನ ಸೈಯದ್ (Suhaana Syed) ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ವಿಶೇಷ ಅಂದ್ರೆ ಕುವೆಂಪು ಆಶಯದ ಮಂತ್ರ ಮಾಂಗಲ್ಯ ಸೂತ್ರದ ಮೂಲಕ ಮದುವೆಯಾಗಿದ್ದಾರೆ. ಬೆನ್ನಲ್ಲೇ ನ್ಯೂಸ್​ಫಸ್ಟ್​ಗೆ ನವಜೋಡಿ ಸುಹಾನ-ನಿತಿನ್ ಪ್ರತಿಕ್ರಿಯೆ ನೀಡಿದ್ದಾರೆ.

ಇದನ್ನೂ ಓದಿ:ರಘು ದೀಕ್ಷಿತ್‌ ಕೈ ಹಿಡಿಯುತ್ತಿರುವ ವಾರಿಜಶ್ರೀ ಯಾರು? ಇಬ್ಬರ ನಡುವೆ ವಯಸ್ಸಿನ ಅಂತರ ಎಷ್ಟು?

ವಿಶ್ವ ಮಾನವ ಸಂದೇಶ ಉದ್ದೇಶ..

ನ್ಯೂಸ್ ಫಸ್ಟ್​ಗೆ ಪ್ರತಿಕ್ರಿಯಿಸಿದ ಸುಹಾನ ಹಾಗು ನಿತಿನ್, ಮಂತ್ರ ಮಾಂಗಲ್ಯ ವಿಚಾರ ಓದಿದಾಗಿನಿಂದ ನಮಗೆ ಅದರ ಬಗ್ಗೆ ಕುತೂಹಲವಿತ್ತು. ಇದೇ ರೀತಿ ಮದುವೆ ಆಗ್ಬೇಕು ಅನ್ನೋದು ನಮ್ಮ ಆಶಯವಾಗಿತ್ತು.  ವಿಶ್ವಮಾನವತವಾದ ಅನ್ನೋದು ಸುಮ್ಮನೇ ಅಲ್ಲ. ಹೀಗಾಗಿ ಮಾದರಿ ಮದುವೆ ಆಗಿದ್ದೇವೆ. ನಾವಿಬ್ಬರು ಹೈ ಸ್ಕೂಲ್​ ಸ್ನೇಹಿತರು, ಆಗಿನಿಂದಲೂ ಪರಿಚಯ. ಇಬ್ಬರು ಮನೆ ಕಡೆಯಿಂದ ಒಪ್ಪಿಗೆ ಪಡೆದು ಮದುವೆ ಆಗ್ತಿದ್ದೇವೆ. ಆಗ ಸ್ನೇಹವೋ, ಪ್ರೀತಿಯೋ ಗೊತ್ತಿರಲಿಲ್ಲ. ಇದೀಗ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದೀವಿ. ಕರ್ನಾಟಕದ ಜನತೆ ಪ್ರೀತಿಯಿಂದ ನಮ್ಮನ್ನು ಹರಸಿದ್ದಾರೆ. ನಾವು ಮಾದರಿಯಾಗಿ ಬದುಕುತ್ತೇವೆ ಎಂದು ಹೇಳಿದ್ದಾರೆ. 

ಮಾದರಿಯಾದ ಸುಹಾನ-ನಿತಿನ್ ಜೋಡಿ..

ಆಡಂಬರ ಹಾಗು ಸಾಲ ಸೂಲ ಮಾಡಿಕೊಂಡು ಮದುವೆಯಾಗುವ ಈ ಕಾಲದಲ್ಲಿ, ಮದುವೆಯೆಂಬುದು ಎರಡು ಮನಸ್ಸುಗಳು ಒಂದಾಗುವುದೇ ಹೊರತು ತೋರುವಿಕೆಗಲ್ಲ ಎಂಬುವುದನ್ನು, ವಿಶ್ವಮಾನವ ಕುವೆಂಪುರವರ ಆಶಯದ ಮಂತ್ರ ಮಾಂಗಲ್ಯ ಸೂತ್ರದ ಪ್ರಕಾರ ಮದುವೆಯಾಗಿ ಯುವಕರಿಗೆ ಮಾದರಿಯಾಗಿದ್ದಾರೆ.  

ಇದನ್ನೂ ಓದಿ: ಕಾವೇರಿ ತೀರ್ಥೋದ್ಭವ.. ತೀರ್ಥರೂಪಿಣಿಯಾಗಿ ಭಕ್ತರಿಗೆ ದರ್ಶನ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ