ಪ್ರೇಮಿಗಳಿಗೆ ಶುಭ ದಿನ, ಹಣ ಹೂಡಿಕೆ ಮಾಡಬೇಡಿ -ರಾಶಿ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ.

ಇದನ್ನೂ ಓದಿ: ಅರವಿಂದ್ ರೆಡ್ಡಿ ಆರೋಪಕ್ಕೆ ಬಿಗ್​ಬಾಸ್​ ಬ್ಯೂಟಿ ಖಡಕ್ ರಿಯಾಕ್ಷನ್..!

ಮೇಷ

• ಅನುಮಾನವಿರುವ ಸಂಘ-ಸಂಸ್ಥೆಗಳಲ್ಲಿ ಹಣ ಹೂಡಿಕೆ ಮಾಡಬೇಡಿ 
• ಹೊಟ್ಟೆಗೆ ಸಂಬಂಧಿಸಿದ ಸಮಸ್ಯೆ ಕಾಡಬಹುದು ತಾತ್ಸಾರ ಮಾಡಬೇಡಿ
• ಮನೆಯಲ್ಲಿ ಅನಗತ್ಯ ವಸ್ತುಗಳ ಸ್ಥಾನ ಪಲ್ಲಟದಿಂದ ಕೋಪ ಬರಬಹುದು
• ನಿಮ್ಮ ಕೋಪದಿಂದ ಎಲ್ಲರೊಂದಿಗೆ ನಿಷ್ಠೂರ ಸಾಧ್ಯತೆ
• ಪುಣ್ಯಕ್ಷೇತ್ರಗಳ ದರ್ಶನ ಮಾಡುತ್ತೀರಿ, ಉಗ್ರ ನರಸಿಂಹನ ಪ್ರಾರ್ಥಿಸಿ

ವೃಷಭ

• ಇಂದು ನಿಮ್ಮ ಕಾರ್ಯಕ್ಷೇತ್ರಗಳಲ್ಲಿ ಮುನ್ನಡೆ 
• ಭರತನಾಟ್ಯದ ಬಗ್ಗೆ ಒಲವಿರುವವರಿಗೆ ಶುಭದಿನ
• ಸಂಗೀತ ವಿದ್ಯೆಯಲ್ಲಿ ಹೆಚ್ಚು ಆಸಕ್ತಿ ಹೊಂದಿದವರಿಗೆ ಉತ್ತಮ ದಿನ
• ನಿಮ್ಮ ಮೃದುವಾದ ಮಾತುಗಳು ಬೇರೆಯವರಿಗೆ ದಾರಿದೀಪ 
• ವಿದ್ಯಾರ್ಥಿಗಳಿಗೆ ಉತ್ತಮ ಮಾರ್ಗದರ್ಶನ ಸಿಗುವ ದಿನ
• ನಟರಾಜನನ್ನು ಆರಾಧನೆ ಮಾಡಿ

ಮಿಥುನ

• ಶಿಕ್ಷಣ ಉದ್ಯೋಗ ವ್ಯಾಪಾರದಲ್ಲಿ ಹಿನ್ನಡೆಯಾಗಬಹುದು
• ಸಾಯಂಕಾಲ ಮನೆಯಲ್ಲಿ ಸಣ್ಣ ತೊಂದರೆ ಕಾಣುವ ಸಾಧ್ಯತೆ
• ಅನಗತ್ಯ ವಿಷಯಗಳನ್ನು ದೂರವಿಟ್ಟರೆ ಒಳ್ಳೆಯದು
• ನಿಮ್ಮ ಅತಿಯಾದ ಆತ್ಮವಿಶ್ವಾಸದಿಂದ ತೊಂದರೆ ಸಾಧ್ಯತೆ
• ಶ್ರೀನಿವಾಸನನ್ನು ಪ್ರಾರ್ಥನೆ ಮಾಡಿ

ಕಟಕ

• ರಾಜಕೀಯ ಕಾರ್ಯಕ್ಷೇತ್ರಗಳಲ್ಲಿ ಗುರುತಿಸಿ ಕೊಂಡವರಿಗೆ ಪ್ರತಿಷ್ಠೆ ಹೆಚ್ಚಾಗುವ ದಿನ
• ಇಂದು ನಿಮ್ಮ ಮಾತಿನ ಮೇಲೆ ನಿಮಗೆ ಗಮನವಿರಲಿ
• ನೀವು ಧರಿಸುವ ಬಟ್ಟೆಯ ಬಗ್ಗೆ ಗಮನವಿರಲಿ
• ರೈತರಿಗೆ ಲಾಭ ಸಿಗುವ ದಿನ
• ಇಂಜಿನಿಯರ್ ವಿದ್ಯಾರ್ಥಿಗಳಿಗೆ ಒಳ್ಳೆಯ ಫಲಿತಾಂಶ ದೊರೆಯಲಿದೆ
• ಕುಲದೇವತೆಯನ್ನು ಆರಾಧಿಸಿ

ಸಿಂಹ

• ಇಂದು ಹಿರಿಯರಿಂದ ಉಡುಗೊರೆ ಸಿಗುವ ಸಾಧ್ಯತೆ
• ಹಿರಿಯರ ಉಡುಗೊರೆಯ ಹಣದಿಂದ ನಿಮ್ಮ ಅಭಿವೃದ್ಧಿ ಸಾಧ್ಯತೆ
• ಕುಟುಂಬದ ಹಿರಿಯರ ಆಶೀರ್ವಾದ ಮಾರ್ಗದರ್ಶನ ಪಡೆಯಿರಿ
• ಬಂಧುಗಳು ಸ್ನೇಹಿತರ ಜೊತೆ ಮುಕ್ತವಾದ ಚರ್ಚೆಗೆ ಉತ್ತಮವಾದ ದಿನ
• ಮನೆಗೆ ಬಂಧುಗಳ ಆಗಮನ ಸಾಧ್ಯತೆ 
•  ನಿಮ್ಮ ಸಂಗಾತಿ ಸ್ನೇಹಿತರಿಗೆ ನಿಮ್ಮಿಂದ ಖುಷಿ ಸಿಗುವ ದಿನ
• ಈಶ್ವರನನ್ನು ಪ್ರಾರ್ಥನೆ ಮಾಡಿ

ಕನ್ಯಾ

• ನಿಮ್ಮ ಬದಲಾವಣೆಗೆ ಜೊತೆಗಿರುವವರು ಅಭಿನಂದನೆ ಸಲ್ಲಿಸುತ್ತಾರೆ
• ನಿಮ್ಮಲಾಗುತ್ತಿರುವ ಬದಲಾವಣೆಗೆ ಗೌರವ ಸಿಗುತ್ತದೆ
• ರಸ್ತೆಯಲ್ಲಿ ಚಲಿಸುವಾಗ ಎಚ್ಚರಿಕೆ ಇರಲಿ
• ನಿಮ್ಮ ಅಹಂಕಾರವನ್ನು ನಿಗ್ರಹ ಮಾಡಿದರೆ ಒಳ್ಳೆಯದು
• ಬೇರೆಯವರ ಮಾತಿನಿಂದ ನಿಮ್ಮ ಜೀವನ ಶೈಲಿಯಲ್ಲಿ ಬದಲಾವಣೆ ಸಾಧ್ಯತೆ
•  ಮೃತ್ಯುಂಜಯನನ್ನು ಆರಾಧನೆ ಮಾಡಿ

ತುಲಾ

• ವಿದ್ಯಾರ್ಥಿಗಳಿಗೆ ಶಾಲೆಯಿಂದ ಬಿಟ್ಟು ಕಳುಹಿಸುತ್ತಾರೆಂಬ ಭಯ ಕಾಡಬಹುದು
• ನಿಮ್ಮ ತಪ್ಪನ್ನು ಅರಿತು ಪ್ರಾಮಾಣಿಕವಾಗಿ ಕ್ಷಮೆಯಾಚಿಸಿದರೆ ಒಳ್ಳೆಯದು
• ಬೇರೆಯವರ ಮಾತನ್ನು ನಂಬಿ ಇಕ್ಕಟ್ಟಿಗೆ ಸಿಲುಕುವ ಸಾಧ್ಯತೆ
• ಇಂದು ಕಾನೂನಿನ ವಿಚಾರದಲ್ಲಿ ಸಣ್ಣ ಸಮಸ್ಯೆ ಎದುರಾಗುವ ಸಾಧ್ಯತೆ
• ನಿಮ್ಮ ಕೆಲಸದ ಬಗ್ಗೆ ಗಮನಕೊಡಲು ಸಾಧ್ಯವಾಗದ ಪರಿಸ್ಥಿತಿ
• ‘ಸರಸ್ವತಿಯೇ ನಮಃ’ ಎಂದು 12 ಬಾರಿ ಪ್ರಾರ್ಥನೆ ಮಾಡಿ

ವೃಶ್ಚಿಕ

• ಕುಟುಂಬದ ಜೊತೆ ದೂರದೂರಿಗೆ ಪ್ರಯಾಣ ಸಾಧ್ಯತೆ 
• ಈ ದಿನ ಹೆಚ್ಚು ಹಣ ಖರ್ಚಾಗುವ ಸಾಧ್ಯತೆ 
• ವ್ಯಾಪಾರ ವ್ಯವಹಾರದಲ್ಲಿ ಪ್ರಗತಿ ಕಾಣುತ್ತೀರಿ
• ಇಂದು ದಾಂಪತ್ಯಲ್ಲಿ ಸಾಮರಸ್ಯ ಇರುತ್ತದೆ
• ಪ್ರಯಾಣದ ವೇಳೆ ಅಶುಭ ವಾರ್ತೆ ಕೇಳಿ ಅರ್ಧ ದಾರಿಯಲ್ಲಿ ವಾಪಸ್ಸಾಗುವ ಸಾಧ್ಯತೆ
• ಇಂದು ಬನಶಂಕರಿ ದೇವಿಯನ್ನು ಆರಾಧಿಸಿ

ಧನಸ್ಸು

• ಇಂದು ಆರೋಗ್ಯದಲ್ಲಿ ಸಮಸ್ಯೆ ಕಾಡುವ ಸಾಧ್ಯತೆ
• ನಿಮ್ಮ ಸೋಮಾರಿ ತನದಿಂದ ಕೆಲಸಗಳ ಮುಂದೂಡಿಕೆ ಸಾಧ್ಯತೆ
• ಮನೆಯಲ್ಲಿ ಮದುವೆ ಪ್ರಸ್ತಾಪ ಬರಲಿದೆ
• ಕುಟುಂಬದಲ್ಲಿ ಆಸ್ತಿಗೆ ಸಂಬಂಧಪಟ್ಟ ಮಾತುಕತೆ ನಡೆಯಬಹುದು ಆದರೆ ಶುಭ ಫಲವಿಲ್ಲ
• ಇಂದು ಪ್ರೇಮಿಗಳಿಗೆ ಶುಭದಿನ
• ಧನ್ವಂತರಿಯನ್ನು ಆರಾಧಿಸಿ

ಮಕರ

• ಮಕ್ಕಳಿಗೆ ಶಿಸ್ತು ಕಲಿಸಿ ಇಲ್ಲದಿದ್ದರೆ ಅವರಿಂದ ಅವಮಾನ ಸಾಧ್ಯತೆ
• ಅಪೂರ್ಣವಾಗಿ ಉಳಿದ ಕೆಲಸಳು ಇಂದು ಪೂರ್ಣಗೊಳ್ಳುವ ಸಾಧ್ಯತೆ
• ಹಿಂದೆ ಮಾಡಿದ್ದ ಹೂಡಿಕೆಯಿಂದ ಇಂದು ಲಾಭ ಸಿಗುವ ಸೂಚನೆ
• ಇಂದು ಹಣದ ದುರುಪಯೋಗ ಮಾಡಬೇಡಿ
• ಕುಬೇರ ಲಕ್ಷ್ಮೀಯನ್ನು ಪ್ರಾರ್ಥನೆ ಮಾಡಿ

ಕುಂಭ

• ಇಂದು ಕೆಲಸಗಳಲ್ಲಿ ಆತುರದಿಂದ ಹಿನ್ನಡೆ ಸಾಧ್ಯತೆ
• ಅನಾವಶ್ಯಕ ಕೆಲಸಗಳನ್ನು ದೂರವಿಟ್ಟರೆ ಒಳ್ಳೆಯದು
• ನಿಮ್ಮ ಯೋಚನೆ ನಿಮ್ಮ ಕೆಲಸ ನಿಮ್ಮ ಗುರಿ ಮೇಲೆ ಇದ್ದರೆ ಯಶಸ್ಸು
• ನಿಮ್ಮ ಮುಖ್ಯ ಕೆಲಸಗಳ ಬಗ್ಗೆ ಹೆಚ್ಚಿನ ಗಮನ ಇರಲಿ
• ಶ್ರೀರಾಮನನ್ನು ಆರಾಧನೆ ಮಾಡಿ

ಮೀನ

• ಇಂದು ನೌಕರರಿಗೆ ವರ್ಗಾವಣೆ ವಿಚಾರ ಮನಸ್ಸಿಗೆ ಬರುವ ಸಾಧ್ಯತೆ
• ವಾಹನ ಚಾಲನೆ ಮಾಡುವಾಗ ಎಚ್ಚರಿಕೆ ಇರಲಿ
• ನೀವು ಸರಿಯಾದ ತೀರ್ಮಾನ ತೆಗೆದುಕೊಂಡರೆ ಕುಟುಂಬಕ್ಕೆ ಒಳ್ಳೆಯದಾಗಬಹುದು
• ತಂದೆ-ತಾಯಿ ಮಕ್ಕಳು ಕೆಲಸದ ನಿಮಿತ್ತ ಬೇರೆಯಾಗುವ ಸಂದರ್ಭ ಬರಬಹುದು
• ನೀವು ತೆಗೆದುಕೊಳ್ಳುವ ತೀರ್ಮಾನ ನಿಮ್ಮ ಕುಟುಂಬದಲ್ಲೇ ಇರಲಿ
• ದುರ್ಗಾದೇವಿಯನ್ನು ಪ್ರಾರ್ಥಿಸಿ

ಇದನ್ನೂ ಓದಿ: ಟೆಸ್ಟ್​ ಪಂದ್ಯದ ಮಧ್ಯೆ ತಂಡಕ್ಕೆ ಆಘಾತ.. ಕ್ಯಾಪ್ಟನ್ ಗಿಲ್ ಆಸ್ಪತ್ರೆಗೆ ದಾಖಲು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ