UPI ಈಗ ಬ್ಯಾಂಕ್ ಖಾತೆ ಇಲ್ಲದೆಯೂ ಕೆಲಸ ಮಾಡ್ತದೆ.. ಮಕ್ಕಳು ಸಹ ಆನ್‌ಲೈನ್ ಪಾವತಿ ಮಾಡಬಹುದು..

ಇಂದು ಭಾರತವು ವಿಶ್ವದ ಅತಿದೊಡ್ಡ ಡಿಜಿಟಲ್ ಪಾವತಿ ಬಳಕೆದಾರರಲ್ಲಿ ಒಂದಾಗಿದೆ. ಸಣ್ಣ ಅಂಗಡಿಗಳಿಂದ ದೊಡ್ಡ ಮಾಲ್‌ಗಳವರೆಗೆ, ಜನ ಈಗ ಆನ್‌ಲೈನ್ ಪಾವತಿಗಳನ್ನು ಬಳಸುತ್ತಿದ್ದಾರೆ. ಬದಲಾಗ್ತಿರುವ ತಂತ್ರಜ್ಞಾನವನ್ನು ಗಮನದಲ್ಲಿಟ್ಟುಕೊಂಡು RBI Junio ​​Payments Private Limitedಗೆ ಡಿಜಿಟಲ್ ವ್ಯಾಲೆಟ್ ಸೇವೆ ಪ್ರಾರಂಭಿಸಲು ಅನುಮತಿ ನೀಡಿದೆ.

ಡಿಜಿಟಲ್ ಪಾವತಿ ಇಂದು ಎಲ್ಲೆಲ್ಲಿಯೂ ಲಭ್ಯವಿದೆ. ಡಿಜಿಟಲ್ ಪಾವತಿ ಮಾಡಲು ಸದ್ಯ ಬ್ಯಾಂಕ್ ಖಾತೆಯ ಅಗತ್ಯವಿದೆ. ಆರ್‌ಬಿಐ ಹೊಸ ಕ್ರಮದಿಂದ ಬ್ಯಾಂಕ್ ಖಾತೆಗಳಿಲ್ಲದ ಬಳಕೆದಾರರು ಸಹ ಆನ್‌ಲೈನ್ ಪಾವತಿ ಮಾಡಲು ಸಾಧ್ಯವಾಗುತ್ತದೆ. ಆರ್‌ಬಿಐ ಶೀಘ್ರದಲ್ಲೇ ಯುಪಿಐಗೆ ಲಿಂಕ್ ಮಾಡಲಾದ ಹೊಸ ಡಿಜಿಟಲ್ ವ್ಯಾಲೆಟ್, ಜುನಿಯೊವನ್ನು (Junio) ಪ್ರಾರಂಭಿಸಲಿದೆ. ಬ್ಯಾಂಕ್ ಖಾತೆಗಳಿಲ್ಲದ ಬಳಕೆದಾರರಿಗೂ ಈ ವ್ಯಾಲೆಟ್ ಪ್ರವೇಶಿಸಬಹುದಾಗಿದೆ.

ಇದನ್ನೂ ಓದಿ: ಕಬ್ಬಿಗೆ 3,300 ರೂ ಘೋಷಿಸಿದ್ರೂ ರೈತರು ಧರಣಿ ನಿಲ್ಲಿಸಿಲ್ಲ ಯಾಕೆ? ಚುನಪ್ಪ ಪೂಜಾರಿ ಕೊಟ್ಟ ಎಚ್ಚರಿಕೆ ಏನು?

ಅಂಕಿತ್ ಗೆರಾ ಮತ್ತು ಶಂಕರ್ ನಾಥ್ ಮಕ್ಕಳು ಮತ್ತು ಯುವಜನರಿಗಾಗಿ ಜುನಿಯೊ ಅಪ್ಲಿಕೇಶನ್  ಪ್ರಾರಂಭಿಸಿದರು. ಮಕ್ಕಳಿಗೆ ಜವಾಬ್ದಾರಿಯುತ ಖರ್ಚು ಮತ್ತು ಉಳಿತಾಯ ಅಭ್ಯಾಸ ಕಲಿಸುವುದು ಈ ಅಪ್ಲಿಕೇಶನ್‌ನ ಗುರಿಯಾಗಿದೆ. ಪೋಷಕರು ಜುನಿಯೊ ಪಾವತಿಗಳಿಗೆ ಹಣವನ್ನು ವರ್ಗಾಯಿಸಬಹುದು. ಖರ್ಚು ಮಿತಿಗಳನ್ನು ನಿಗದಿಪಡಿಸುವುದು ಮತ್ತು ಪ್ರತಿ ವಹಿವಾಟನ್ನು ಟ್ರ್ಯಾಕ್ ಮಾಡುವುದರ ಜೊತೆಗೆ, ಜುನಿಯೊ ಪೇಮೆಂಟ್ಸ್ ಟಾಸ್ಕ್ ರಿವಾರ್ಡ್‌ಗಳು ಮತ್ತು ಉಳಿತಾಯ ಗುರಿಗಳು ಸೇರಿದಂತೆ ಹಲವಾರು ರೋಮಾಂಚಕಾರಿ ವೈಶಿಷ್ಟ್ಯಗಳಿವೆ. ಇದು ಮಕ್ಕಳಿಗೆ ಆರ್ಥಿಕ ಜ್ಞಾನವನ್ನು ಕಲಿಯಲು ಸಹಾಯ ಮಾಡುತ್ತದೆ. ಎರಡು ಮಿಲಿಯನ್‌ಗಿಂತಲೂ ಹೆಚ್ಚು ಯುವಕರು ಜುನಿಯೊ ಪೇಮೆಂಟ್ಸ್ ಅಪ್ಲಿಕೇಶನ್ ಬಳಸಿದ್ದಾರೆ.

ಜುನಿಯೊ ಪಾವತಿಗಳು ಹೇಗೆ ಕೆಲಸ ಮಾಡುತ್ತವೆ?

ಜೂನಿಯೊದ ಪ್ರಮುಖ ವೈಶಿಷ್ಟ್ಯವೆಂದರೆ, ಬ್ಯಾಂಕ್ ಖಾತೆ ಇಲ್ಲದಿದ್ದರೂ ಸಹ, ಮಕ್ಕಳು ಈಗ UPI QR ಕೋಡ್ ಅನ್ನು ಸ್ಕ್ಯಾನ್ ಮಾಡುವ ಮೂಲಕ ಸುಲಭವಾಗಿ ಪಾವತಿಗಳನ್ನು ಮಾಡಬಹುದು. ಈ ವೈಶಿಷ್ಟ್ಯವು NPCI ಯ UPI ಸರ್ಕಲ್​​ನೊಂದಿಗೆ ಲಿಂಕ್ ಹೊಂದಿರುತ್ತದೆ. ಬಳಕೆದಾರರ ಪೋಷಕರು ತಮ್ಮ UPI ಖಾತೆಗಳನ್ನು ತಮ್ಮ ಮಕ್ಕಳ ವ್ಯಾಲೆಟ್‌ಗಳಿಗೆ ಲಿಂಕ್ ಮಾಡಲು ಅನುವು ಮಾಡಿಕೊಡುತ್ತದೆ.
ಈ ಅಪ್ಲಿಕೇಶನ್ ಮಕ್ಕಳಿಗೆ ಆರ್ಥಿಕ ತಿಳುವಳಿಕೆಯನ್ನು ಬೆಳೆಸಲು ಸಹಾಯ ಮಾಡುತ್ತದೆ. ಅವರು ಎಷ್ಟು ಹಣವನ್ನು ಖರ್ಚು ಮಾಡಬೇಕು? ಹಣವನ್ನು ಹೇಗೆ ಉಳಿಸುವುದು ಎಂಬುದನ್ನು ಕಲಿಯುತ್ತಾರೆ.

ಇದನ್ನೂ ಓದಿ: ಈ ವಾರ ಕಿಚ್ಚನ ಚಪ್ಪಾಳೆ.. ಧನುಷ್ ಬಗ್ಗೆ ಸುದೀಪ್ ಹೊಗಳಿದ್ದು ಹೇಗೆ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ