ಸ್ಥಾನದ ನಿರೀಕ್ಷೆಯಲ್ಲಿದ್ದ ಸ್ಟಾರ್​​​ ಆಟಗಾರರಿಗೆ ಆತಂಕ

ಸ್ಥಾನಕ್ಕಾಗಿ ಸೀನಿಯರ್ಸ್​ -ಜೂನಿಯರ್ಸ್​ ಫೈಟ್ ಶುರು

ಟಾರ್ಗೆಟ್​ ಟೆಸ್ಟ್​..! ಯುದ್ಧಕ್ಕೆ ಕನ್ನಡಿಗ ಪಡಿಕ್ಕಲ್ ರೆಡಿ​

ಟೀಮ್​ ಇಂಡಿಯಾದ ಟೆಸ್ಟ್​​ ತಂಡದಲ್ಲಿ ಸುಲಭಕ್ಕೆ ಸ್ಥಾನದ ನಿರೀಕ್ಷೆಯಲ್ಲಿದ್ದ ಸ್ಟಾರ್​​​ ಆಟಗಾರರಿಗೆ ಆತಂಕ ಶುರುವಾಗಿದೆ. ದುಲೀಪ್​ ಟ್ರೋಫಿ​ ಕಣದಲ್ಲಿ ಸೀನಿಯರ್ಸ್​ ಎದುರು ತೊಡೆ ತಟ್ಟಲು ಜೂನಿಯರ್ಸ್​ ರೆಡಿಯಾಗಿದ್ದಾರೆ. ಸಿಕ್ಕ ಅವಕಾಶದಲ್ಲಿ ಟೀಮ್​ ಇಂಡಿಯಾ ಪರ ವೈಟ್​ ಜೆರ್ಸಿ ತೊಟ್ಟು ಮಿಂಚಿರೋ ಇವ್ರು, ಈಗ ಡೊಮೆಸ್ಟಿಕ್ ಅಂಗಳದಲ್ಲಿ ಸೀನಿಯರ್ಸ್​ಗೆ ಸವಾಲೆಸೆಯಲು ಸಜ್ಜಾಗಿದ್ದಾರೆ. ಇವರು ಆರ್ಭಟಿಸಿದ್ರೆ ಸೀನಿಯರ್ಸ್ ಕಥೆ​ ಗೋವಿಂದ..!

ಟೀಮ್​ ಇಂಡಿಯಾದ ಟೆಸ್ಟ್​ ಸೀಸನ್ ಆರಂಭಕ್ಕೂ ಮುನ್ನ ನಡೆಯೋ ದುಲೀಪ್​ ಟ್ರೋಫಿ ಟೂರ್ನಿಗೆ ಕೌಂಟ್​​ಡೌನ್​ ಶುರುವಾಗಿದೆ. ಟೀಮ್​ ಇಂಡಿಯಾ ಟೆಸ್ಟ್​ ತಂಡದ ಡೋರ್​ ಬಡೀತಾ ಆಟಗಾರರೆಲ್ಲಾ ಡೊಮೆಸ್ಟಿಕ್​ ಟೂರ್ನಿಯಲ್ಲಿ ಮಿಂಚೋ ಲೆಕ್ಕಾಚಾರದಲ್ಲಿದ್ದಾರೆ. ಸ್ಟಾರ್​ಗಳ ಕಮ್​​ಬ್ಯಾಕ್​ ಡೊಮೆಸ್ಟಿಕ್​ ಟೂರ್ನಿಗೆ ಕಲರ್​ಫುಲ್​ ರಂಗು ತಂದಿದೆ. ಜೊತೆಗೆ ಸ್ಥಾನಕ್ಕಾಗಿ ನಡೀತಿರೋ ದುಲಿಪ್​ ಟ್ರೋಫಿಯ ಕುತೂಹಲ ಹೆಚ್ಚಿಸಿದೆ.

ಇದನ್ನೂ ಓದಿ:3ನೇ ಇನ್ನಿಂಗ್ಸ್​​​ನಲ್ಲೇ ತ್ರಿಶತಕ.. ಆಮೇಲೆ ಡೋರ್​ ಕ್ಲೋಸ್.. ಕನ್ನಡಿಗನಿಗೆ ಅವಕಾಶ ನೀಡದೇ ಬಿಸಿಸಿಐ ಮೋಸ

ಟೆಸ್ಟ್​​ ತಂಡದ ಸ್ಥಾನಕ್ಕೆ ಸೀನಿಯರ್ಸ್​ -ಜೂನಿಯರ್ಸ್​ ಫೈಟ್​.!
ಸಪ್ಟೆಂಬರ್​ 19ರ ಬಾಂಗ್ಲಾದೇಶದ ಸರಣಿ ಆರಂಭದೊಂದಿಗೆ ಟೀಮ್​ ಇಂಡಿಯಾ ಸಾಲು ಸಾಲು ಟೆಸ್ಟ್​ ಪಂದ್ಯಗಳನ್ನ ಆಡಲಿದೆ. ಈ ಟೆಸ್ಟ್​ ಸರಣಿಗಳ ತಂಡದಲ್ಲಿ ಸ್ಥಾನಗಿಟ್ಟಿಸಿಕೊಳ್ಳಲು ಆಟಗಾರರ ನಡುವೆ ಟಫ್​ ಫೈಟ್​ ಏರ್ಪಟ್ಟಿದೆ. ಸೆಲೆಕ್ಷನ್​ಗೆ ದುಲೀಪ್​ ಟ್ರೋಫಿ ಟೂರ್ನಿಯನ್ನ ಆಯ್ಕೆಗಾರರು ಮಾನದಂಡವಾಗಿ ಮಾಡಿದ್ದಾರೆ. ಇದೀಗ ಡೊಮೆಸ್ಟಿಕ್​ ಕಣದಲ್ಲಿ ಸೀನಿಯರ್ಸ್​ ಎದುರು ತೊಡೆ ತಟ್ಟಲು ಯಂಗ್​​ಸ್ಟರ್ಸ್​​ ಸಜ್ಜಾಗಿದ್ದಾರೆ.

ಪಂತ್​ ವಿರುದ್ಧ ಸಮರ ಸಾರಿದ ದೃವ್​​ ಜುರೇಲ್​
ಟೀಮ್​ ಇಂಡಿಯಾದ ಖಾಯಂ ವಿಕೆಟ್​ ಕೀಪರ್​​ ಆಗಿದ್ದ ರಿಷಭ್​ ಪಂತ್​ ಟೆಸ್ಟ್​ ಕ್ರಿಕೆಟ್​ಗೆ ಕಮ್​ಬ್ಯಾಕ್​ ಮಾಡಲು ಎದುರು ನೋಡ್ತಿದ್ದಾರೆ. ಇದಕ್ಕಾಗಿ ದುಲೀಪ್​ ಟ್ರೋಫಿ ಟೂರ್ನಿಯನ್ನಾಡಲು ಸಜ್ಜಾಗಿದ್ದಾರೆ. ಇದೇ ಟೂರ್ನಿಯಲ್ಲಿ ಪಂತ್​ ವಿರುದ್ಧ ದೃವ್​ ಜುರೇಲ್​ ಸಮರ ಸಾರಲು ಸಜ್ಜಾಗಿದ್ದಾರೆ. ಪಂತ್​ ಅಲಭ್ಯತೆಯಲ್ಲಿ ಇಂಗ್ಲೆಂಡ್​ ಸರಣಿಯಲ್ಲಿ ಆಡಿದ್ದ ದೃವ್​ ಜುರೇಲ್​, ಬ್ಯಾಟಿಂಗ್​ ಹಾಗೂ ಕೀಪಿಂಗ್​ ಎರಡರಲ್ಲೂ ಇಂಪ್ರೆಸ್ಸಿವ್​ ಪರ್ಫಾಮೆನ್ಸ್ ನೀಡಿದ್ರು. ಸಾಲಿಡ್​ ಆಟದಿಂದ ಗಮನ ಸೆಳೆದಿದ್ದ ಜುರೇಲ್​, ದುಲೀಪ್​ ಟ್ರೋಫಿಯಲ್ಲಿ ಮಿಂಚಿ ತನ್ನ ಸ್ಥಾನ ರಿಟೈನ್​ ಮಾಡಿಕೊಳ್ಳೋ ಲೆಕ್ಕಾಚಾರದಲ್ಲಿದ್ದಾರೆ.

ಇದನ್ನೂ ಓದಿ:ಕ್ರಿಕೆಟ್ ಜಗತ್ತಿಗೆ ಜಯ್ ಶಾ ಬಾಸ್.. ತೆರವಾದ BCCI ಕಾರ್ಯಾಧ್ಯಕ್ಷ ಸ್ಥಾನದ ರೇಸ್​​ನಲ್ಲಿ ಮೂವರು..!

ಸೀನಿಯರ್ಸ್​ಗೆ ಸರ್ಫರಾಜ್​ ಖಾನ್​ ಚಾಲೆಂಜ್​
ಶ್ರೇಯಸ್​ ಅಯ್ಯರ್​ ಅಲಭ್ಯತೆಯಲ್ಲಿ ಟೀಮ್​ ಇಂಡಿಯಾಗೆ ಎಂಟ್ರಿ ಕೊಟ್ಟಿದ್ದ ಸರ್ಫರಾಜ್​ ಖಾನ್​​ ಇಂಗ್ಲೆಂಡ್​ ಸರಣಿಯಲ್ಲಿ ಮೋಡಿ ಮಾಡಿದ್ರು. ಅಬ್ಬರದ​ ಬ್ಯಾಟಿಂಗ್​ನಿಂದ ಗಮನ ಸೆಳೆದಿದ್ರು. ಇದೀಗ ಶ್ರೇಯಸ್​ ಅಯ್ಯರ್​ ಕಮ್​ಬ್ಯಾಕ್​ ಎದುರು ನೋಡ್ತಿದ್ದು, ದುಲೀಪ್​ ಟ್ರೋಫಿಯಲ್ಲಿ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ. ಸ್ಥಾನದ ಮೇಲೆ ಕಣ್ಣಿಟ್ಟಿರೋ ಸರ್ಫರಾಜ್​ ಖಾನ್​ ಕೂಡ ಇದೇ ಟೂರ್ನಿಯಲ್ಲಿ ಆಡ್ತಿದ್ದಾರೆ. ಟೆಸ್ಟ್​ ತಂಡದ ಸ್ಥಾನವನ್ನ ಟಾರ್ಗೆಟ್​ ಮಾಡಿರೋ ಶ್ರೇಯಸ್​​ ಅಯ್ಯರ್​​ – ಸರ್ಫರಾಜ್​ ಖಾನ್​ ನಡುವೆ ದುಲಿಪ್​​ ಟ್ರೋಫಿಯಲ್ಲಿ ಟಫ್​​ ಫೈಟ್​ ನಡೆಯೋದು ಕನ್​​ಫರ್ಮ್​.

ಟಾರ್ಗೆಟ್​ ಟೆಸ್ಟ್​..! ಕನ್ನಡಿಗ ಪಡಿಕ್ಕಲ್ ರೆಡಿ​
ವಿರಾಟ್​ ಕೊಹ್ಲಿ, ಕೆ.ಎಲ್​ ರಾಹುಲ್​ರಂತಹ ಸೀನಿಯರ್​ಗಳ ಅಲಭ್ಯತೆಯಲ್ಲಿ ಕನ್ನಡಿಗ ದೇವದತ್ತ್ ಪಡಿಕ್ಕಲ್​ ಕೂಡ ಇಂಗ್ಲೆಂಡ್​ ವಿರುದ್ಧದ ಸರಣಿಯಲ್ಲಿ ಚಾನ್ಸ್​ ಗಿಟ್ಟಿಸಿಕೊಂಡಿದ್ರು. ಡೊಮೆಸ್ಟಿಕ್​ ಕ್ರಿಕೆಟ್​ನಲ್ಲಿ ರನ್​ ಹೊಳೆ ಹರಿಸಿ, ಟೀಮ್​ ಇಂಡಿಯಾಗೆ ಎಂಟ್ರಿ ಕೊಟ್ಟಿದ್ದ ಪಡಿಕ್ಕಲ್​, ಸಿಕ್ಕ ಒಂದು ಅವಕಾಶದಲ್ಲೇ ಸಾಲಿಡ್​ ಹಾಫ್​ ಸೆಂಚುರಿ ಸಿಡಿಸಿ ಮಿಂಚಿದ್ರು. ದುಲೀಪ್​ ಟ್ರೋಫಿಯಲ್ಲಿ ಸ್ಥಾನಗಿಟ್ಟಿಸಿಕೊಂಡಿರುವ ಪಡಿಕ್ಕಲ್​, ದೇಶಿ ಟೂರ್ನಿಯಲ್ಲಿ ಮಿಂಚಿ ಮತ್ತೆ ಟೀಮ್​ ಇಂಡಿಯಾಗೆ ಎಂಟ್ರಿ ಕೊಡೋ ಇರಾದೆಯಲ್ಲಿದ್ದಾರೆ.

ಮೇಲ್ನೋಟಕ್ಕೆ ನೋಡಿದ್ರೆ ಈ ಹಿಂದಿನ ಇಂಗ್ಲೆಂಡ್​ ವಿರುದ್ಧದ ಸರಣಿಯಲ್ಲಿ ಮಿಂಚಿದ ಈ ಮೂವರಿಗೂ ಟೀಮ್​ ಇಂಡಿಯಾದ ಟೆಸ್ಟ್​ ತಂಡದಲ್ಲಿ ಅನುಮಾನ ಅನ್ನಿಸುತ್ತೆ. ಸ್ಟಾರ್​​ಗಳ ಕಮ್​ಬ್ಯಾಕ್​, ಯಂಗ್​​ಸ್ಟರ್​ಗಳ ಸ್ಥಾನಕ್ಕೆ ಕುತ್ತು ತಂದಂತೆ ಕಾಣುತ್ತೆ. ಅಸಲಿಗೆ ಈ ಬಾರಿಯ ದುಲೀಪ್​ ಟ್ರೋಫಿ ಟೂರ್ನಿ ಟೀಮ್​ ಇಂಡಿಯಾ ಸ್ಟಾರ್​​ಗಳ ಪಾಲಿಗೂ ಅಗ್ನಿಪರೀಕ್ಷೆಯ ಕಣವಾಗಿದೆ. ಇಲ್ಲಿ ಪರ್ಫಾಮ್ ಮಾಡಿದ್ರಷ್ಟೇ ಟೀಮ್​ ಇಂಡಿಯಾ ಟೆಸ್ಟ್​ ಡೋರ್​ ಓಪನ್​ ಆಗಲಿದೆ. ಹೀಗಾಗಿ ದೇಶಿ ಟೂರ್ನಿಯಲ್ಲಿ ಸೀನಿಯರ್ಸ್​ – ಜೂನಿಯರ್ಸ್​ ಫೈಟ್​ ನಡೆಯಲಿದೆ. ಈ ಫೈಟ್​​​ನಲ್ಲಿ ಗೆಲ್ಲೋದ್ಯಾರು ಅನ್ನೋದು ಸದ್ಯದ ಕುತೂಹಲವಾಗಿದೆ.

ಇದನ್ನೂ ಓದಿ:ಗಾಯಕ್ವಾಡ್​​ಗೆ ಬಿಗ್ ಶಾಕ್; ಧೋನಿ ಶಿಷ್ಯನಿಗೆ ಗಾಳ ಹಾಕಿದ CSK, ಕ್ಯಾಪ್ಟನ್ಸಿ ಆಫರ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್