ಮತ್ತೆ ಟೆಸ್ಟ್​ ಆಡುವುದೇ ಕನ್ನಡಿಗನ ಏಕೈಕ ಗುರಿ ಆಗಿದೆ

ರಣಜಿ, ಕೌಂಟಿಯಲ್ಲೂ ಕರುಣ್​​​​​​​​​​​​​​​​​​​​​​​​​​​​​​​​, ರನ್ ಭರಾಟೆ ಜೋರಾಗಿದೆ

32 ವರ್ಷದ ಕನ್ನಡದ ಈ ಪ್ರತಿಭೆಗೆ ಕಮ್​ಬ್ಯಾಕ್ ಸುಲಭನಾ..?

ಕರುಣ್ ನಾಯರ್​.. ಈತನ ಪ್ರತಿಭೆಗೆ ತಕ್ಕ ಅವಕಾಶ ಸಿಕ್ಕಿದ್ರೆ, ಇವತ್ತು ಟೆಸ್ಟ್​ ತಂಡದ ಮತ್ತೊಬ್ಬ ವಾಲ್​ ಆಗಿ ಬೆಳೆದು ನಿಲ್ಲುತ್ತಿದ್ದ. ಆದ್ರೆ, ದುರಾದೃಷ್ಟವಶಾತ್​ ಅದು ಆಗಲಿಲ್ಲ. ಇದಕ್ಕೆ ಕಾರಣ ಹಲವು. ಆದ್ರೀಗ ಇದೇ ಕರುಣ್ ನಾಯರ್​​​​​​​​​​, ರೀ ಕಮ್​​​ಬ್ಯಾಕ್​​​ ಶಪಥ ಮಾಡಿದ್ದಾರೆ.
7 ವರ್ಷಗಳಾದರೂ ಬಿಟ್ಟಿಲ್ಲ ಮತ್ತೆ ಆಡುವ ಕನಸು.

ಕರುಣ್ ನಾಯರ್, ಟೀಮ್ ಇಂಡಿಯಾ ಕಂಡ ನತದೃಷ್ಟ ಆಟಗಾರ. ವಿಶ್ವ ಕ್ರಿಕೆಟ್​ನಲ್ಲೇ ಹೆಚ್ಚು ಅನ್ಯಾಯಕ್ಕೊಳಗಾದವರು ಯಾರಾದ್ರೂ ಇದ್ರೆ, ಅದು ಒನ್​ ಆ್ಯಂಡ್ ಒನ್ಲಿ ಕರ್ನಾಟಕದ ಕುವರ ಕರುಣ್ ನಾಯರ್​​​​​​​​​​​. ಟೆಸ್ಟ್​ನಲ್ಲಿ ತ್ರಿಶತಕ ಸಿಡಿಸಿದ 2ನೇ ಭಾರತೀಯ ಎಂಬ ಸಾಧನೆ ಮಾಡಿದ್ದ ಈ ಕರುಣ್​, ಕೆಲವೇ ವರ್ಷಗಳಲ್ಲಿ ಡಿಯರ್​ ಟೆಸ್ಟ್​ ಕ್ರಿಕೆಟ್​ ಗಿವ್​ ಮಿ ಒನ್​ ಮೋರ್​ ಚಾನ್ಸ್​ ಎಂದು ಅಂಗಲಾಚಿದ್ರು.

ಇದನ್ನೂ ಓದಿ:ತುಂಬಾ ವರ್ಷಗಳ ನಂತರ.. ಮತ್ತೆ ತಂಡ ಕೂಡಿಕೊಳ್ಳಲಿದ್ದಾರೆ RCB ಮೂವರು ಹಳೇ ಆಟಗಾರರು..!

ಟೀಮ್ ಇಂಡಿಯಾಗೆ ಡೆಬ್ಯು ಮಾಡಿ ಮೂರನೇ ಇನ್ನಿಂಗ್ಸ್​ನಲ್ಲೇ ತ್ರಿಶತಕ ಸಿಡಿಸಿದ್ರು ಕರುಣ್ ನಾಯರ್​. ದಿಗ್ಗಜ ಕ್ರಿಕೆಟರ್​ಗಳೇ ಮಾಡದ ಸಾಧನೆಯನ್ನ ಮಾಡಿ ತೋರಿಸಿದ್ದ ಕರುಣ್ ಮೇಲೆ ಬೆಟ್ಟದಷ್ಟು ನಿರೀಕ್ಷೆಗಳಿತ್ತು. ಟೀಮ್ ಇಂಡಿಯಾದ ಖಾಯಂ ಸ್ಥಾನ ಫಿಕ್ಸ್ ಅನ್ನೋದು ಭರವಸೆ ಇತ್ತು. ತ್ರಿಶತಕ ವೀರ ನಂತರ ಆಡಿದ್ದ ಜಸ್ಟ್​ ನಾಲ್ಕೇ ನಾಲ್ಕು ಇನ್ನಿಂಗ್ಸ್​. ಈ ನಾಲ್ಕು ಇನ್ನಿಂಗ್ಸ್​ಗಳಲ್ಲಿ ಹೇಳಿಕೊಳ್ಳುವ ಪ್ರದರ್ಶನ ನೀಡದ ಬೆನ್ನಲ್ಲೇ ಟೀಮ್ ಇಂಡಿಯಾದ ಡೋರ್ ಕೂಡ ಕ್ಲೋಸ್ ಆಯ್ತು. ಇದಾಗಿ ಈಗ 7 ವರ್ಷಗಳೇ ಕಳೆದಿವೆ. ಆದ್ರೀಗ ಮತ್ತೆ ಕಮ್​ಬ್ಯಾಕ್ ಕನಸು ಕಾಣ್ತಿದ್ದಾರೆ. ಟೀಮ್ ಇಂಡಿಯಾವನ್ನ ಪ್ರತಿನಿಧಿಸಲೇಬೇಕೆಂಬ ಪಣ ತೊಟ್ಟಿದ್ದಾರೆ.

ಪ್ರತಿಯೊಬ್ಬರೂ ತಮ್ಮ ದೇಶವನ್ನ ಪ್ರತಿನಿಧಿಸಿ ಆಡಲು ಆಡುತ್ತಾರೆ. ನನ್ನ ಏಕೈಕ ಗುರಿಯೂ ಟೀಮ್ ಇಂಡಿಯಾವನ್ನ ಪ್ರತಿನಿಧಿಸುವುದಾಗಿದೆ. ಮತ್ತೆ ಟೆಸ್ಟ್​ ಕ್ರಿಕೆಟ್​ ಆಡಬೇಕಿದೆ. ಮತ್ತೆ ಭಾರತ ತಂಡವನ್ನ ಪ್ರತಿನಿಧಿಸುವ ವಿಶ್ವಾಸ ಇದೆ. ನಾನು ಈ ಹಿಂದಿಗಿಂತಲೂ ಉತ್ತಮವಾಗಿದ್ದೇನೆ-ಕರುಣ್ ನಾಯರ್, ಕ್ರಿಕೆಟರ್

ಕರುಣ್ ಟೀಮ್ ಇಂಡಿಯಾ ಪರ ಕೊನೆ ಪಂದ್ಯವನ್ನಾಡಿ 7 ವರ್ಷಗಳೇ ಕಳೆದಿವೆ. ಇಷ್ಟು ವರ್ಷಗಳ ಟೀಮ್ ಇಂಡಿಯಾದಿಂದ ಹೊರಗಿರುವ ಕರುಣ್ ನಾಯರ್, ಮತ್ತೆ ಕಮ್​ಬ್ಯಾಕ್ ಕನಸು ಕಾಣ್ತಿದ್ದಾರೆ. ಕನ್ನಡಿಗ ಕೇವಲ ಕನಸನ್ನ ಮಾತ್ರವೇ ಕಾಣ್ತಿಲ್ಲ. ಇದಕ್ಕೆ ಬೇಕಾದ ಕಠಿಣ ಶ್ರಮದ ಜೊತೆ ನೂರರಷ್ಟು ಎಫರ್ಟ್ ಕೂಡ ಹಾಕ್ತಿದ್ದಾರೆ. ಇದಕ್ಕೆ ಬೆಸ್ಟ್ ಎಕ್ಸಾಂಪಲ್ ಮಹಾರಾಜ ಟ್ರೋಫಿ.

ಇದನ್ನೂ ಓದಿ:ಸ್ಟಾರ್​​ಗಳಿಗೊಂದು ನ್ಯಾಯ, ಉಳಿದವರಿಗೊಂದು ನ್ಯಾಯ; ಬಿಸಿಸಿಐ ವಿರುದ್ಧ ಭುಗಿಲೆದ್ದ ಆಕ್ರೋಶ

ಮಹಾರಾಜ ಟ್ರೋಫಿಯಲ್ಲಿ ರನ್ ‘ರಾಜ’ಕರಣ್​​​
ಮಹಾರಾಜ ಟ್ರೋಫಿಯಲ್ಲಿ ಆಕ್ಷರಶಃ ಕರುಣ್ ನಾಯರ್ ಕಮಾಲ್ ಮಾಡ್ತಿದ್ದಾರೆ. ಮ್ಯಾಚ್ ವಿನ್ನಿಂಗ್ ಪರ್ಫಾಮೆನ್ಸ್​ ಮೂಲಕ ಗಮನ ಸೆಳೆಯುತ್ತಿರುವ ಕರುಣ್, ಪಂದ್ಯದಿಂದ ಪಂದ್ಯಕ್ಕೆ ಮತ್ತಷ್ಟು ಶೈನ್ ಆಗ್ತಿದ್ದಾರೆ. ಮೈಸೂರು ವಾರಿಯರ್ಸ್ ತಂಡದ ವಾರಿಯರ್​ ಆಗಿದ್ದಾರೆ. ಈ ಸ್ಟ್ರೈಕ್​ರೇಟ್ ನೋಡಿದ್ರೆ ಗೋತ್ತಾಗುತ್ತೆ. ಟಿ20ಯಲ್ಲಿ ಈ ಹಿಂದೆಂದೂ ನೋಡದ ಬ್ಯಾಟಿಂಗ್ ಝಲಕ್, ಕರುಣ್ ಬ್ಯಾಟ್​ನಿಂದ ಬರ್ತಿದೆ ಅನ್ನೋದು.

ಮಹಾರಾಜ ಟೂರ್ನಿಯಲ್ಲಿ ಕರುಣ್
ಮಹಾರಾಜ ಟ್ರೋಫಿಯಲ್ಲಿ ಆಡಿದ 10 ಪಂದ್ಯಗಳಿಂದ 490 ರನ್ ಸಿಡಿಸಿರುವ ಕರುಣ್, 1 ಶತಕ, 4 ಅರ್ಧಶತಕ ಸಿಡಿಸಿದ್ದಾರೆ. 187.73ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ.

ಕಮ್​​ಬ್ಯಾಕ್​ಗಾಗಿ ಕರುಣ್​​ ನಾನಾ ಕಸರತ್ತು
2017ರಲ್ಲಿ ಟೀಮ್ ಇಂಡಿಯಾದಿಂದ ಹೊರ ಬಿದ್ದ ನಾಯರ್​, ರಾಜ್ಯ ತಂಡದ ಪರವೂ ಅಸ್ಥಿರ ಪ್ರದರ್ಶನ ನೀಡಿದ್ರು. ಇದೇ ಕಾರಣಕ್ಕೆ ರಾಜ್ಯ ತಂಡದಿಂದಲೂ ಕೈಬಿಡಲಾಯ್ತು. ಪರಿಣಾಮ ಕಳೆದ ರಣಜಿ ಸೀಸನ್​ನಲ್ಲಿ ವಿದರ್ಭ ಪರ ಕಣಕ್ಕಿಳಿದ ಕರುಣ್ ನಾಯರ್, ರನ್​ ಪ್ರವಾಹವನ್ನೇ ಹರಿಸಿದರು. ಕ್ವಾರ್ಟರ್ ಫೈನಲ್​ನಲ್ಲಿ ಕರ್ನಾಟಕದ ವಿರುದ್ಧವೇ ಅದ್ಭುತ ಆಟವಾಡಿದ್ರು. ಈ ಮೂಲಕ ಕರುಣ್ ನಾಯರ್, ಕಡೆಗಣಿಸಿದ್ದ ರಾಜ್ಯ ತಂಡಕ್ಕೆ ತಾನೇನು ಅನ್ನೋದನ್ನ ಫ್ರೂವ್ ಮಾಡಿದ್ರು.

ಇದನ್ನೂ ಓದಿ:ಗಾಯಕ್ವಾಡ್​​ಗೆ ಬಿಗ್ ಶಾಕ್; ಧೋನಿ ಶಿಷ್ಯನಿಗೆ ಗಾಳ ಹಾಕಿದ CSK, ಕ್ಯಾಪ್ಟನ್ಸಿ ಆಫರ್..!

2023-24ರ ರಣಜಿ ಟೂರ್ನಿಯಲ್ಲಿ ಕರುಣ್​
2023-24ರ ರಣಜಿಯಲ್ಲಿ 10 ಪಂದ್ಯಗಳನ್ನಾಡಿದ ಕರುಣ್, 40.58ರ ಬ್ಯಾಟಿಂಗ್ ಸರಾಸರಿಯಲ್ಲಿ 690 ರನ್ ಸಿಡಿಸಿದ್ದರು. 2 ಶತಕ, 3 ಅರ್ಧಶತಕ ದಾಖಲಿಸಿದ್ದ ಕರುಣ್​​, ವಿದರ್ಭ ಪರ ಟಾಪ್ ಸ್ಕೋರರ್ ಆಗಿ ಮರೆದಾಡಿದ್ದರು. ಕರುಣ್ ರನ್ ಪ್ರವಾಹ ಇಲ್ಲಿಗೆ ನಿಲ್ಲಲಿಲ್ಲ. ಕೌಂಟಿ ಕ್ರಿಕೆಟ್​ ಆಡಲು ಇಂಗ್ಲೆಂಡ್​ಗೆ ತೆರಳಿದ ಕನ್ನಡಿಗ ನಾರ್ಥಾಂಪ್ಟನ್‌ಶೈರ್‌ ಪರ 2023 ಹಾಗೂ 2024ರ ಎರಡೂ ಸೀಸನ್​ಗಳಲ್ಲೂ ರನ್ ಮಳೆ ಹರಿಸಿದರು.

ಕೌಂಟಿಯಲ್ಲಿ ಕರುಣ್ ನಾಯರ್ ಬ್ಯಾಟಿಂಗ್
2023ರ ಸೀಸನ್​ನಲ್ಲಿ ಕೇವಲ 3 ಪಂದ್ಯಗಳನ್ನಾಡಿದ ಕರುಣ್ ನಾಯರ್, 83ರ ಸರಾಸರಿಯಲ್ಲಿ 249 ರನ್ ಕಲೆಹಾಕಿದ್ರೆ. ತಲಾ 1 ಶತಕ, 1 ಅರ್ಧಶತಕ ಸಿಡಿಸಿದ್ರು. ಈ ವರ್ಷವೂ ಅದೇ ಫಾರ್ಮ್​ ಮುಂದುವರಿಸಿದ ಕರುಣ್​ , 7 ಪಂದ್ಯಗಳಿಂದ 49ರ ಸರಾಸರಿಯಲ್ಲಿ 487 ರನ್ ಕಲೆಹಾಕಿದ್ದರು. ಈ ಪೈಕಿ 1 ಶತಕ, 3 ಅರ್ಧಶತಕಗಳಿವೆ. ಇಂಗ್ಲೆಂಡ್​​ನಲ್ಲಿ ಕೌಂಟಿ ಕ್ರಿಕೆಟ್ ಆಡಿ ಬಂದ ಕರುಣ್, ಈಗ ಮಹಾರಾಜದಲ್ಲೂ ಮಹಾ ರಾಜನ ಆಟವಾಡ್ತಿದ್ದಾರೆ. ನಾಯಕನಾಗಿ ತಂಡವನ್ನು ಗೆಲುವಿನ ದಡ ಸೇರಿಸ್ತಿದ್ದಾರೆ. ಉತ್ತಮ ಆಟವಾಡ್ತಿದ್ರೂ, 32 ವರ್ಷದ ಕನ್ನಡಿಗನ ಕಮ್​ಬ್ಯಾಕ್ ಅಷ್ಟು ಸುಲಭವಾ ಅನ್ನೋ ಪ್ರಶ್ನೆಯಿದೆ. ಅದಕ್ಕೆ ನಮ್ಮ ಉತ್ತರ ಹೌದು ಅನ್ನೋದೇ ಆಗಿದೆ. ಯಾಕಂದ್ರೆ 37 ವರ್ಷದ ರೋಹಿತ್, 35 ವರ್ಷದ ವಿರಾಟ್ ಕೊಹ್ಲಿಯೇ ತಂಡದಲ್ಲಿದ್ದಾರೆ. ಇದೆಲ್ಲಕ್ಕೂ ಮಿಗಿಲಾಗಿ ಮಿಡಲ್ ಆರ್ಡರ್​ಗೆ ಬಲ ತುಂಬುವ ಕೆಪಾಸಿಟಿ ಕರುಣ್ ನಾಯರ್​ಗೆ ಇದೆ. ಹೀಗಾಗಿ ಇದೇ ಲಯ ಮುಂದುವರಿಸಿದ್ರೆ ಕಮ್​ಬ್ಯಾಕ್ ಕಷ್ಟವೇನಲ್ಲ.

ಇದನ್ನೂ ಓದಿ:ಕ್ರಿಕೆಟ್ ಜಗತ್ತಿಗೆ ಜಯ್ ಶಾ ಬಾಸ್.. ತೆರವಾದ BCCI ಕಾರ್ಯಾಧ್ಯಕ್ಷ ಸ್ಥಾನದ ರೇಸ್​​ನಲ್ಲಿ ಮೂವರು..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್