ಬೆಂಗಳೂರು IIMನಲ್ಲಿ ಹೊಸ ಟ್ರೆಂಡಿಂಗ್​ ಕೋರ್ಸ್.. ಭಾರೀ ಡಿಮ್ಯಾಂಡ್

ಇಂಜಿನಿಯರಿಂಗ್​​ ಮಾಡೋಕೆ ದೇಶದ ಅಗ್ರಮಾನ್ಯ ಸಂಸ್ಥೆ IIT ಅಂದ್ರೆ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಹೇಗೋ. ಹಾಗೆಯೇ ಎಂಬಿಎ ರೀತಿಯ ಮ್ಯಾನೇಜ್ಮೆಂಟ್​ ಕೋರ್ಸ್​ಗಳು ಮಾಡೋಕೆ IIM ಅಂದ್ರೆ Indian Institute of Management ಕೂಡ ಫೇಮಸ್​. 

IIMನಲ್ಲಿ ಪ್ರವೇಶ ಪಡೆಯುವುದು ಅನೇಕ ವಿದ್ಯಾರ್ಥಿಗಳ ಕನಸು. ಗಮನಿಸಬೇಕಾದ ಅಂಶವೆಂದರೆ IIMನಲ್ಲಿ ಪ್ರವೇಶ ಪಡೆಯಲು ವಿದ್ಯಾರ್ಥಿಗಳು ಕಾಮನ್​ ಅಡ್ಮಿಷನ್​ ಟೆಸ್ಟ್​ನಲ್ಲಿ ಪಾಸ್​ ಆಗಬೇಕು. ಅದರಲ್ಲೂ ಪರೀಕ್ಷೆ ಬರೆಯುವ ವಿದ್ಯಾರ್ಥಿಗಳಲ್ಲಿ ತುಂಬಾ ಕಡಿಮೆ ಜನರಿಗೆ ಮಾತ್ರ IIMನಲ್ಲಿ ಓದಲು ಅವಕಾಶ ಸಿಗುತ್ತದೆ. 

ಈ IIM ಪ್ರವೇಶ ಪರೀಕ್ಷೆ ಅತ್ಯಂತ ಕಠಿಣ ಮತ್ತು ಸ್ಪರ್ಧಾತ್ಮಕವಾದುದ್ದು ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಚಾರ. ಈ ಪರೀಕ್ಷೆಗೆ ತಯಾರಿ ನಡೆಸಲು ಕೆಲವು ಕಾಮನ್ ಆದ ಸಲಹೆಗಳನ್ನು ಅಭ್ಯರ್ಥಿಗಳು ಪಾಲಿಸಬೇಕಾಗುತ್ತದೆ. ಕಠಿಣ ಪರಿಶ್ರಮ, ದೃಢನಿಶ್ಚಯ ಮತ್ತು ಶಿಸ್ತುಬದ್ದ ತಯಾರಿ ಮುಖ್ಯವಾಗುತ್ತದೆ. 

ಇದನ್ನೂ ಓದಿ:ಕೇಂದ್ರದಿಂದ ಗುಡ್​ನ್ಯೂಸ್.. UPSC ಫೇಲ್ ಆದ್ರೂ ಸುವರ್ಣಾವಕಾಶ..!

ಇದೇ ಮೊದಲ ಬಾರಿಗೆ IIMನಲ್ಲಿ ಡೇಟಾ ಸೈನ್ಸ್​​ ಮತ್ತು ಬ್ಯುಸಿನೆಸ್​​, ಎಕನಾಮಿಕ್ಸ್ ಮತ್ತು ಬ್ಯುಸಿನೆಸ್​​​ ಸಂಬಂಧ ಯುಜಿ ಕೋರ್ಸ್​ ಶುರು ಮಾಡಲಾಗುತ್ತಿದೆ. ಅದ್ರಲ್ಲೂ IIM ಬೆಂಗಳೂರು ಸೇರಿದಂತೆ ಬಹುತೇಕ IIMಗಳು ಈ ವರ್ಷದಿಂದಲೇ ಈ ಕೋರ್ಸ್​ ಶುರು ಮಾಡುತ್ತಿವೆ ಅನ್ನೋದು ವಿಶೇಷ. ಈ ಕೋರ್ಸ್​ ಹೆಸರು ಮತ್ತೇನಲ್ಲ BSc ಹಾನರ್ಸ್​​ ಇನ್​​ Economics ಮತ್ತು BSc ಹಾನರ್ಸ್​​ ಇನ್ Data Science. 

ಹಾಗಾದ್ರೆ IIMನಲ್ಲಿ ಈ ಕೋರ್ಸ್​ಗೆ ಪ್ರವೇಶ ಪಡೆಯೋದು ಹೇಗೆ? ಎಷ್ಟು IIMಗಳಿವೆ? IIM ಎಂಟ್ರೇನ್ಸ್​​​ ಎಕ್ಸಾಂ ಯಾವಾಗ ಕಂಡಕ್ಟ್​ ಮಾಡ್ತಾರೆ? ಅನ್ನೋ ಕಂಪ್ಲೀಟ್​ ಡೀಟೈಲ್ಸ್​ ಹೇಳ್ತೀವಿ ನೋಡಿ.

ಭಾರತದಲ್ಲಿ ಒಟ್ಟು ಎಷ್ಟು IIMಗಳು ಇವೆ..? 

IIM ಅಂದ್ರೆ Indian Institute of Management. IIMಗಳು ದೇಶದ ಅತ್ಯಂತ ಪ್ರತಿಷ್ಠಿತ ಮ್ಯಾನೇಜ್ಮೆಂಟ್​​ ಕೋರ್ಸ್​​ ಆಫರ್​ ಮಾಡೋ ಕಾಲೇಜುಗಳು ಆಗಿವೆ. ಎಲ್ಲಾ ವಿದ್ಯಾರ್ಥಿಗಳಿಗೂ ಈ ಸ್ಥಳಗಳಲ್ಲಿ ಅಧ್ಯಯನ ಮಾಡುವ ಬಯಕೆ ಇದ್ದೇ ಇರುತ್ತದೆ. ಇದರಲ್ಲಿ ಸೀಟು ಪಡೆಯಲು ಕಾಮನ್​ ಅಡ್ಮಿಷನ್​ ಟೆಸ್ಟ್​ನಲ್ಲಿ ಉತ್ತಮ RANK ಪಡೆಯಬೇಕು. ಆಗ ಮಾತ್ರ IIMಗೆ ಪ್ರವೇಶ ಸಿಗುತ್ತದೆ. 
ಭಾರತದಲ್ಲಿ ಒಟ್ಟು 21 IIMಗಳಿವೆ. ಇದರಲ್ಲಿ IIM ಬೆಂಗಳೂರು, ಕೋಲ್ಕತ್ತಾ, ಅಹ್ಮದಾಬಾದ್​​, ಲಕ್ನೋ, ಇಂದೋರ್​​ ಬಹಳ ಫೇಮಸ್​ ಆಗಿವೆ. ಕೇಂದ್ರ ಸರ್ಕಾರ ನಡೆಸುವ ಈ ಸಂಸ್ಥೆಗಳು ಮ್ಯಾನೇಜ್ಮೆಂಟ್​​, ಎಕನಾಮಿಕ್ಸ್​, ಫೈನಾನ್ಸ್​​, ಇಂಟರ್​ನ್ಯಾಷನಲ್​ ಬ್ಯುಸಿನೆಸ್​ಗೆ ಸಂಬಂಧಿಸಿದ ಕೋರ್ಸ್‌ ಒದಗಿಸುತ್ತವೆ. IIMಗಳು Academic Excellence, Research and ಮ್ಯಾನೇಜ್ಮೆಂಟ್​​ ಕೋರ್ಸ್​ಗಳಿಗೆ ಹೆಸರುವಾಸಿ. 

IIMಗಳ ಎಂಟ್ರೇನ್ಸ್​​ ಎಕ್ಸಾಂ ಯಾವಾಗ? 

IIMಗಳಲ್ಲಿ ಪ್ರವೇಶ ಪಡೆಯಲು ನೀವು ಕಾಮನ್​ ಅಡ್ಮಿಷನ್​ ಟೆಸ್ಟ್​ನಲ್ಲಿ ಪಾಸ್​ ಆಗಬೇಕು. ಪ್ರತಿವರ್ಷ ಡಿಸೆಂಬರ್​ ತಿಂಗಳಲ್ಲಿ IIMಗಳೇ ಈ ಎಂಟ್ರೇನ್ಸ್​ ಎಕ್ಸಾಂ ನಡೆಸುತ್ತವೆ. ದೇಶ ಮತ್ತು ವಿದೇಶದ ಹಲವು ಕೇಂದ್ರಗಳಲ್ಲಿ ಈ ಪರೀಕ್ಷೆಯನ್ನು ನಡೆಸಲಾಗುತ್ತದೆ. ಕಾಮನ್​ ಅಡ್ಮಿಷನ್​ ಟೆಸ್ಟ್​ನಲ್ಲಿ ಬಹು ಆಯ್ಕೆ ಉತ್ತರಗಳನ್ನು ನೀಡಲಾಗಿರುತ್ತದೆ. ಒಂದು ಪ್ರಶ್ನೆಗೆ 4 ಉತ್ತರಗಳನ್ನು ನೀಡಲಿದ್ದಾರೆ. ಅದರಲ್ಲಿ ಸರಿಯಾದ ಒಂದು ಉತ್ತರ ಆಯ್ಕೆ ಮಾಡಬೇಕು.

ಇದನ್ನೂ ಓದಿ:SSLC ಒಂದೇ ಅಲ್ಲ, ಪಿಯುಸಿ ಪಾಸಿಂಗ್ ಮಾರ್ಕ್ಸ್ ಕೂಡ ಇಳಿಕೆ..!

ಕಾಮನ್​ ಅಡ್ಮಿಷನ್​ ಟೆಸ್ಟ್​ ಪಾಸಾಗಿ ಅತಿಹೆಚ್ಚು ಅಂಕ ಗಳಿಸಿದವರು IIMನಲ್ಲಿ ಸೀಟು ಪಡೆಯಬಹುದು. ಈ ಪರೀಕ್ಷೆ ಬರೆದು ಅರ್ಹತೆ ಪಡೆದವರು ದೇಶದ ಟಾಪ್​ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಮ್ಯಾನೇಜ್ಮೆಂಟ್​​ನಲ್ಲಿ ಅಡ್ಮಿಷನ್​ ತೆಗೆದುಕೊಳ್ಳಬಹುದು. ಇನ್ನು, IIMಗಳಲ್ಲಿ BSc ಹಾನರ್ಸ್ ಕೋರ್ಸ್​ಗಳು ಮಾಡಲು ವರ್ಷಕ್ಕೆ 8.5 ಲಕ್ಷ ಬೇಕು. ಹಾಸ್ಟೆಲ್ ಮೆಸ್ ಶುಲ್ಕಕ್ಕೆ 2 ಲಕ್ಷ ಕಟ್ಟಬೇಕು. 4 ವರ್ಷದ ಈ ಕೋರ್ಸ್​ಗೆ 27 ಲಕ್ಷದಿಂದ 40 ಲಕ್ಷವರೆಗೂ ಆಗಲಿದೆ.  IIMಗಳಲ್ಲಿ ಈ ಕೋರ್ಸ್​ ಮಾಡಿದ ಅಭ್ಯರ್ಥಿಗಳಿಗೆ ಉದ್ಯೋಗ ಮಾರುಕಟ್ಟೆಯಲ್ಲಿ ಭಾರೀ ಡಿಮ್ಯಾಂಡ್​ ಇದೆ. ಈ ಕೋರ್ಸ್​ ಮಾಡಲು ಮಿನಿಮಮ್​ ಕ್ವಾಲಿಫಿಕೇಷನ್​​ ಪಿಯುಸಿ ಆಗಿರಬೇಕು. 

ಇದನ್ನೂ ಓದಿ:ಪ್ರಸಾರಭಾರತಿಯಿಂದ ಸದ್ಯದಲ್ಲೇ ದೇಶಾದ್ಯಂತ 30 ಸಾವಿರ ಹುದ್ದೆ ಭರ್ತಿಗೆ ಅರ್ಜಿ ಆಹ್ವಾನ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ