‘ಕಂಗ್ರ್ಯಾಜುಲೇಷನ್ಸ್ ಬ್ರದರ್’ ಗ್ರ್ಯಾಂಡ್ ರಿಲೀಸ್.. ಸಿನಿ ವೀಕ್ಷಕರಿಂದ ಸೂಪರ್ ರೆಸ್ಪಾನ್ಸ್..!

ಆಹಾ.. ಇಂಥಾ ಆಫರ್ ಕೊಟ್ರೇ ಯಾರ್ ತಾನೇ ಬೇಡ ಅಂತಾರೆ ಅಲ್ವಾ.. ಆದ್ರೆ ಈ 'ಬ್ರದರ್' ವರಸೆನೇ ಬೇರೆ‌‌.. ನೋಡೋಕೆ ಪಕ್ಕಾ 'ಜೆನ್ ಜಿ ಕಿಡ್ಸ್'ಗೆ ಮಾಡಿರೋ ಸಿನಿಮಾ ಥರಾ ಇದ್ರೂ.. ಮಕ್ಕಳಿಂದ ವಯಸ್ಸಾದವ್ರ ತನಕ ಕೂತು, ಎಂಜಾಯ್ ಮಾಡಬಹುದಾದ ಸಿನಿಮಾ ಇದು.. ಸಿನಿಮಾದ ಟೈಟಲ್ ಬಿಡುಗಡೆ ಆದಾಗಿನಿಂದಲೂ 'ಕಂಗ್ರ್ಯಾಜುಲೇಷನ್ಸ್ ಬ್ರದರ್'ಗೆ ಒಂದೊಳ್ಳೆ ಪಾಸಿಟಿವ್ ರೆಸ್ಪಾನ್ಸ್ ಕೇಳಿ ಬರ್ತಿತ್ತು.. ಆ ಪಾಸಿಟಿವ್ ರೆಸ್ಪಾನ್ಸ್ ಈಗ ಥಿಯೇಟರ್ ತನಕವೂ ಬಂದಿದ್ದು, ಇಂದಿನಿಂದ ರಾಜ್ಯಾದ್ಯಂತ ಗ್ರ್ಯಾಂಡ್ ರಿಲೀಸ್​ಗೆ ಸಿದ್ಧವಾಗಿದೆ.

ಇದನ್ನೂ ಓದಿ: ಪ್ರೀತಿಯ ಪತ್ನಿ ನಯನತಾರಗೆ 10 ಕೋಟಿ ಮೌಲ್ಯದ ಕಾರು ಗಿಫ್ಟ್ ಕೊಟ್ಟ ವಿಗ್ನೇಶ್..!

‘ಕಂಗ್ರ್ಯಾಜುಲೇಷನ್ಸ್ ಬ್ರದರ್’ ರಿಲೀಸ್

ಒಬ್ಬ ಹುಡುಗ ಇಬ್ಬರು ಹುಡುಗೀರನ್ನ ಮದುವೆ ಆಗಿರೋ, ಪ್ರೀತಿಸಿರೋ ಸಾಕಷ್ಟು ಘಟನೆಗಳನ್ನು ನಾವ್ ನೋಡಿದ್ದೀವಿ.. ಆದ್ರೆ ಇಬ್ಬರು ಹುಡುಗೀರು ಒಬ್ಬನೇ ಹುಡುಗನನ್ನು ಮದುವೆ ಆಗ್ತೀನಿ ಅನ್ನೋದು ಹೊಸ ತರಹದ ಯೋಚನೆ.. ಇಂಥಾ ಸಂದರ್ಭ ಸೃಷ್ಟಿಯಾದಾಗ ಆ ಹುಡುಗ ಏನ್ ಮಾಡ್ತಾನೆ, ಆತನ ನಿರ್ಧಾರ ಏನಾಗಿರುತ್ತೆ.. ಆತ ಯಾರನ್ನ ಮದುವೆ ಆಗ್ತಾನೆ ಅನ್ನೋ ಸೀಟ್ ಎಜ್ಡ್ ಕ್ಯೂರಿಯಾಸಿಟಿ ಹುಟ್ಟಿಸೋ ಸಿನಿಮಾನೇ ಕಂಗ್ರ್ಯಾಜುಲೇಷನ್ಸ್ ಬ್ರದರ್..

ಸೂಪರ್ ರೆಸ್ಪಾನ್ಸ್

ಕಂಪ್ಲೀಟ್ ಹೊಸಬರ ತಂಡವಾಗಿರೋ ಕಂಗ್ರ್ಯಾಜುಲೇಷನ್ಸ್ ಬ್ರದರ್ ರಿಲೀಸ್​ಗೂ ಮುನ್ನ ರಾಜ್ಯಾದ್ಯಂತ ಪ್ರವಾಸ ಕೈ ಗೊಂಡಿತ್ತು.. ಹೋದ ಕಡೆಯಲೆಲ್ಲಾ ಅದ್ದೂರಿ ಪ್ರಚಾರ ಮಾಡಿದ್ರು... ಇದರಾಚೆಗೆ ರಾಜ್ಯದ ನಾನಾ ಜಿಲ್ಲೆಗಳಲ್ಲಿ ರಿಲೀಸ್​ಗೂ ಮುನ್ನ, ಸಿನಿಮಾ ಸ್ಪೆಷಲ್ ಪ್ರೀಮಿಯರ್ ಆಯೋಜಿಸಲಾಗಿತ್ತು.. ಪ್ರೀಮಿಯರ್ ಶೋನಲ್ಲಿ ಜನ ನಿರೀಕ್ಷೆಗೂ ಮೀರಿದ ರಿಪೋರ್ಟ್ ಕೊಟ್ಟಿದ್ರು.

ಇದನ್ನೂ ಓದಿ: ಕಾಮಿಡಿ ಕಿಲಾಡಿ ಖ್ಯಾತಿಯ ನಯನಾ ವಿರುದ್ಧ ಅಟ್ರಾಸಿಟಿ ಕೇಸ್ ದಾಖಲು

ಈ ಸಿನಿಮಾಗೆ ಸ್ಕ್ರೀನ್ ಫಸ್ಟ್ ಪ್ರೊಡಕ್ಷನ್ಸ್, ಪೆನ್ & ಪೇಪರ್ ಸ್ಟುಡಿಯೋ, ಕಲ್ಲೂರ್ ಸಿನಿಮಾಸ್ ಬಂಡವಾಳ ಹೂಡಿದ್ದು, ಹೊಸ ಕಲಾವಿದರನ್ನು, ತಂತ್ರಜ್ಞರನ್ನು ಸ್ಯಾಂಡಲ್ವುಡ್​ಗೆ ಕೊಡುಗೆಯಾಗಿ ನೀಡುತ್ತಿವೆ.. ರಕ್ಷಿತ್ ನಾಗ್, ಅನುಷಾ, ಸಂಜನಾ ದಾಸ್ ಲೀಡ್ ರೋಲ್​ನಲ್ಲಿ ನಟಿಸಿದ್ದು, ಈಗಾಗಲೇ ಬಿಡುಗಡೆ ಆಗಿರೋ ಕಂಟೆಂಟ್ ಮೂಲಕ ಜನರನ್ನ ರೀಚ್ ಆಗಿದ್ದಾರೆ. ಪ್ರತಾಪ್ ಗಂಧರ್ವ ನಿರ್ದೇಶನ, ಧ್ರುವ್ ಮ್ಯೂಸಿಕ್ ಸಿನಿಮಾದ ಪ್ರಮುಖ ಹೈಲೈಟ್ ಆಗಿರಲಿದೆ.

ಇದನ್ನೂ ಓದಿ: ಜೀವನದಲ್ಲಿ ಮೂರನೇ ಭಾರಿಗೆ ವಿವಾಹ ವಿಚ್ಛೇದನ ಪಡೆದ ನಟಿ ಮೀರಾ ವಾಸುದೇವನ್‌ : ಇದು ಜೀವನದ ಅದ್ಭುತ, ಶಾಂತಿಯುತ ಹಂತ ಎಂದ ನಟಿ

ನಿನ್ನೆ ರಾತ್ರಿ ಬೆಂಗಳೂರಿನ ಒರಿಯನ್​​ ಮಾಲ್​​​​ನಲ್ಲಿ ‘ಕಂಗ್ರ್ಯಾಜುಲೇಷನ್ಸ್ ಬ್ರದರ್‌‌’ ಸಿನಿಮಾ ಪ್ರೀಮಿಯರ್ ಶೋಗಳು ಹೌಸ್​ಫುಲ್ ಆಗಿದ್ದು, ಜನರಿಂದ ಭರ್ಜರಿ ರೆಸ್ಪಾನ್ಸ್​ ಸಿಕ್ಕಿದೆ.. ಸಿನಿಮಾ ನೋಡಿ ಬಂದು ಜನ ಫುಲ್​ ಖುಷ್​ ಆಗಿದ್ದು, ತಂದೆ-ಮಗನ ಸೆಂಟಿಮೆಂಟ್​​ಗೆ ಜನ ಫಿದಾ ಆಗಿದ್ದಾರೆ.. ಸಿನಿಮಾ ನೋಡಿ ಬಂದ ಪ್ರೇಕ್ಷಕರು ಪೈಸಾ ವಸೂಲ್​ ಎಂದಿದ್ದಾರೆ..

ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಒಟ್ಟಾರೆ.. ಈ ವರ್ಷದಲ್ಲಿ ಬ್ಯಾಕ್ ಟು ಬ್ಯಾಕ್ ಒಂದಷ್ಟು ಸಿನಿಮಾಗಳು ನಿರೀಕ್ಷೆಗೂ ಮೀರಿದ ಗೆಲುವು ಸಾಧಿಸಿದ್ದು, ಆ ಗೆಲುವಿನ ಸಾಥ್ ಕಂಗ್ರ್ಯಾಜುಲೇಷನ್ಸ್ ಬ್ರದರ್​ಗೂ ಸಿಗಲಿದೆ ಅನ್ನೋದು ಸಿನಿರಸಿಕರ ಅಭಿಪ್ರಾಯ. 

ವಿಶೇಷ ವರದಿ: ಲೋಕೇಶ್, ಫಿಲ್ಮ್ ಬ್ಯೂರೋ, ನ್ಯೂಸ್ ಫಸ್ಟ್

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ