ಬಾಂಗ್ಲಾ ಎದುರು ಟೀಮ್ ಇಂಡಿಯಾ ಭರ್ಜರಿ ಪ್ರದರ್ಶನ

ಜೈಸ್ವಾಲ್ ಒನ್​ ಹ್ಯಾಂಡೆಡ್​​ ಕ್ಯಾಚ್​ಗೆ ಝಾಕಿರ್ ಸ್ಟನ್..!

ರಾಹುಲ್ ಫೆಂಟಾಸ್ಟಿಕ್​ ಕ್ಯಾಚ್​ಗೆ ರಹೀಮ್ ಸೈಲೆಂಟ್

ಟೀಮ್ ಇಂಡಿಯಾ. ವಿಶ್ವ ಕ್ರಿಕೆಟ್​ನ ಅಧಿಪತಿ.. ಮೂರು ಫಾರ್ಮೆಟ್​ನಲ್ಲಿ ಅದ್ಭುತ ಪ್ರದರ್ಶನವನ್ನೇ ನೀಡ್ತಾ ಮುನ್ನಡೆಯುತ್ತಿದೆ. ಆದ್ರೂ, ಒಂದು ವೀಕ್​ನೆಸ್​ ಟೀಮ್ ಇಂಡಿಯಾವನ್ನ ಕಾಡ್ತಾನೇ ಇತ್ತು. ಬಾಂಗ್ಲಾ ಎದುರಿನ ಮೊದಲ ಟೆಸ್ಟ್​ ಸರಣಿಯಲ್ಲಿ ಆ ಕೊರಗು ನೀಗಿದೆ. ಟೀಮ್ ಇಂಡಿಯಾ ಗೆಲುವಿನ ಹಿಂದಿನ ಮುಖ್ಯ ಕಾರಣವೂ ಅದೇ ಆಗಿದೆ.

ಕ್ಯಾಚಸ್ ವಿನ್ ಮ್ಯಾಚಸ್. ಕ್ರಿಕೆಟ್​ ಲೋಕದ ಫೇಮಸ್​ ಮಾತಿದು. ಅದೆಷ್ಟೋ ಪಂದ್ಯಗಳಲ್ಲಿ ಸಂಘಟಿತ ಹೋರಾಟ ನಡೆಸೋ ಟೀಮ್ಸ್​, ಕ್ಯಾಚ್ ಕೈ ಬಿಟ್ಟು, ಪಂದ್ಯಗಳನ್ನ ಸೋತ ಅದೆಷ್ಟೋ ಎಕ್ಸಾಂಪಲ್​ಗಳಿವೆ. ಈ ವಿಚಾರದಲ್ಲಿ ಟೀಮ್ ಇಂಡಿಯಾ ಕೂಡ ಹೊರತಾಗಿಲ್ಲ.
ಟೀಮ್ ಇಂಡಿಯಾ ವಿಶ್ವ ಕ್ರಿಕೆಟ್​​ನ ಅಧಿಪತಿಯಾಗಿದ್ರೂ, ಫೀಲ್ಡಿಂಗ್​ ವಿಕ್ನೇಸ್​​​ನಿಂದ ಪದೇ ಪದೇ ಮುಜುಗರಕ್ಕೀಡು ಮಾಡ್ತಿತ್ತು. ವಿಶ್ವದ ಗ್ರೇಟ್​ ಫೀಲ್ಡರ್​ಗಳನ್ನೇ ಹೊಂದಿದ್ರೂ, ಆನ್​ಫೀಲ್ಡ್​ನಲ್ಲಿ ಬಟರ್ ಫಿಂಗರ್​ ಫೀಲ್ಡರ್​ಗಳು ಅನ್ನೋ ಟೀಕೆಗೂ ಗುರಿಯಾಗಿದ್ದಿದೆ. ಇದೀಗ ಆ ಎಲ್ಲದಕ್ಕೂ ಬಾಂಗ್ಲಾ ಸರಣಿ ಉತ್ತರ ನೀಡಿದೆ. ಟೀಮ್ ಇಂಡಿಯಾದ ಫೀಲ್ಡಿಂಗ್ ಸ್ಟ್ಯಾಂಡರ್ಡ್​ ಬಗ್ಗೆ ಅಂದು ಟೀಕಿಸಿದವರು ಇದೀಗ ಬಹುಪರಾಕ್ ಅಂತಿದ್ದಾರೆ.

ಇದನ್ನೂ ಓದಿ:ನೆಚ್ಚಿನ ಆಟಗಾರನ ನೋಡಲು ಸ್ಕೂಲ್​ಗೆ ಬಂಕ್ ಹಾಕಿ ಟೀಚರ್​ ಕೈಯಲ್ಲಿ ಸಿಕ್ಕಿಬಿದ್ದಿದ್ದ ರೋಹಿತ್ ಶರ್ಮಾ

ಜೈಸ್ವಾಲ್ ಒನ್​ ಹ್ಯಾಂಡೆಡ್​​ ಕ್ಯಾಚ್​ಗೆ ಝಾಕಿರ್ ಸ್ಟನ್
2ನೇ ಇನ್ನಿಂಗ್ಸ್​ನಲ್ಲಿ ಆರಂಭಿಕ ಝಾಕಿರ್ ಹುಸೇನ್​ ಆ್ಯಂಡ್​ ಶಾದ್ಮನ್ ಇಸ್ಲಾಂ ಬಾಂಗ್ಲಾಗೆ ಸಾಲಿಡ್ ಓಪನಿಂಗ್ ನೀಡಿದ್ದರು. ಟೀಮ್ ಇಂಡಿಯಾ ಬೌಲರ್​ನ ಕಾಡಿದ್ರು. 17ನೇ ಓವರ್​​ನಲ್ಲಿ ಬೂಮ್ರಾ ಎಸೆದ ಆಫ್ ಸ್ಟಂಪ್ ಲೆಂಥ್​​ ಎಸೆತವನ್ನು ಡ್ರೈವ್ ಮಾಡಲು ಝಾಕಿರ್ ಮುಂದಾದ್ರು. ಆಗ ಬ್ಯಾಟ್​​ಗೆ ಸವರಿದ ಚೆಂಡು ಥರ್ಡ್​ ಮ್ಯಾನ್​​ನತ್ತ ಹಾರಿತು. ಆಗ ಸ್ಲಿಪ್​​ನಲ್ಲಿ ಅಲರ್ಟ್ ಆಗಿದ್ದ ಜೈಸ್ವಾಲ್, 0.64 ಮಿಲಿ ಸೆಕೆಂಡ್​ನಲ್ಲೇ ಡೈವ್ ಹೊಡೆದು ಅದನ್ನ ಕ್ಯಾಚ್ ಆಗಿ ಪರಿವರ್ತಿಸಿದ್ರು. ಜೈಸ್ವಾಲ್ ಎಷ್ಟು ಆ್ಯಕ್ಟೀವ್ ಅನ್ನೋಕೆ ಶಕಿಬ್ ಅಲ್​ ಹಸನ್ ಮತ್ತೊಂದು ಕ್ಯಾಚ್ ಕೂಡ ಬೆಸ್ಟ್​ ಎಕ್ಸಾಂಪಲ್​. ಶಕೀಬ್​ ಬ್ಯಾಟಿಂಗ್​ ವೇಳೆ ಗಲ್ಲಿಯಲ್ಲಿ ಫೀಲ್ಡಿಂಗ್ ಮಾಡ್ತಿದ್ದ ಯಶಸ್ವಿ ಜೈಸ್ವಾಲ್, ಎಡ್ಜ್​ ಆದ ಚೆಂಡನ್ನ ಕ್ಷಣಾರ್ದದಲ್ಲೇ ತೆಕ್ಕೆಗೆ ತೆಗೆದುಕೊಂಡರು.

ರಾಹುಲ್ ಫೆಂಟಾಸ್ಟಿಕ್​ ಕ್ಯಾಚ್
2ನೇ ಇನ್ನಿಂಗ್ಸ್​ನ 34ನೇ ಓವರ್​ನಲ್ಲಿ ಕೆ.ಎಲ್.ರಾಹುಲ್ ಹಿಡಿದ ಕ್ಯಾಚ್ ನಿಜಕ್ಕೂ ಫೆಂಟಾಸ್ಟಿಕ್. ಆರ್​.ಅಶ್ವಿನ್​​​ರ ಎಸೆತವನ್ನು ಬಾಂಗ್ಲಾ ಬ್ಯಾಟರ್ ಮುಶ್ಫಿಕರ್ ರಹೀಮ್​​​​​​​​​​​ ಮಿಡ್​ ಆನ್​ ಕಡೆಗೆ ಬಾರಿಸಿದ್ರು. ಅಲ್ಲೇ ಫೀಲ್ಡಿಂಗ್ ನಡೆಸ್ತಿದ್ದ ಕೆ.ಎಲ್.ರಾಹುಲ್, ಲೋವರ್​ ಕ್ಯಾಚ್​ನ ಮುಂದಕ್ಕೆ ಡೈವ್​​ ಹೊಡೆದು ಹಿಡಿದ್ರು.

ಗಿಲ್ ಸ್ಟನ್ನಿಂಗ್ ಕ್ಯಾಚ್!
ಬಾಂಗ್ಲಾ ಓಪನರ್​ ಶಾದ್ಮನ್ ಇಸ್ಲಾಂ ಬಿಗ್ ಇನ್ನಿಂಗ್ಸ್ ಕಟ್ಟುವ ಲೆಕ್ಕಾಚಾರದಲ್ಲಿದ್ರು. ಈ ವೇಳೆ 22ನೇ ಓವರ್​​ನಲ್ಲಿ ಆಶ್ವಿನ್​​​ ಎಸೆತವನ್ನು ಶಾದ್ಮನ್ ಇಸ್ಲಾಂ ಫ್ಲಿಕ್ ಮಾಡಿದ್ರು. ಈ ವೇಳೆ ಶಾರ್ಟ್ ಮಿಡ್​ ವಿಕೆಟ್​ನಲ್ಲಿ ಫೀಲ್ಡಿಂಗ್ ಮಾಡ್ತಿದ್ದ ಗಿಲ್, ಶಾರ್ಪ್ ಡೈವ್ ಮಾಡಿ ಕ್ಯಾಚ್​ ಹಿಡಿಯುವಲ್ಲಿ ಯಶಸ್ವಿಯಾದರು.

ಇದನ್ನೂ ಓದಿ:KL ರಾಹುಲ್​ಗೆ ರವಿ ಶಾಸ್ತ್ರಿ ವಾರ್ನಿಂಗ್; ಈ ಬಾರಿ ಕನ್ನಡಿಗ ಮಾಡಿದ ತಪ್ಪೇನು?

ಬೂಮ್ರಾ ರನ್ನಿಂಗ್​ ಕ್ಯಾಚ್​ಗೆ ಬಹುಪರಾಕ್
2ನೇ ಇನ್ನಿಂಗ್ಸ್​ನ 59ನೇ ಓವರ್.. 82 ರನ್ ಗಳಿಸಿದ್ದ ಬಾಂಗ್ಲಾ ಕ್ಯಾಪ್ಟನ್ ಶ್ಯಾಂಟೋ ಶತಕದತ್ತ ಮುನ್ನುಗ್ಗುತ್ತಿದ್ದರು. ಜಡೇಜಾ ಎಸೆದ 59ನೇ ಓವರ್​ನಲ್ಲಿ ಶ್ಯಾಂಟೋ ಭಾರೀ ಹೊಡೆತಕ್ಕೆ ಕೈಹಾಕಿದರು. ಈ ವೇಳೆ ಮಿಡ್​ ಆನ್​ನಲ್ಲೇ ಫಿಲ್ಡಿಂಗ್ ಮಾಡ್ತಿದ್ದ ಬೂಮ್ರಾ, ಬರೋಬ್ಬರಿ 15.3 ಮೀಟರ್ ಹಿಂಬದಿಯಾಗಿ ಓಡಿ ಅದ್ಭುತ ಕ್ಯಾಚ್ ಹಿಡಿದರು. 2ನೇ ಇನ್ನಿಂಗ್ಸ್​ನ ಈ 4 ಕ್ಯಾಚ್​ಗಳು ಮಾತ್ರವೇ ಅಲ್ಲ. ಮೊದಲ ಇನ್ನಿಂಗ್ಸ್​ನಲ್ಲಿ ಕೆ.ಎಲ್.ರಾಹುಲ್, ಸ್ಲಿಪ್​ನಲ್ಲಿ ಹಿಡಿದ ರಹೀಮ್​​ ಕ್ಯಾಚ್​ ಕೂಡ ಸಖತ್​​. ಇದೆಲ್ಲದರ ಕ್ರೆಡಿಟ್​ ಫೀಲ್ಡಿಂಗ್ ಕೋಚ್​​ ಟಿ ದಿಲೀಪ್​ಗೆ ಸೇರಬೇಕು. ಟೆಸ್ಟ್ ಆರಂಭಕ್ಕೂ ಮುನ್ನ ಆಟಗಾರರ ಸ್ಪೆಷಲ್​​ ಫೀಲ್ಡಿಂಗ್ ಡ್ರಿಲ್ ಮಾಡಿಸಿದ್ದ ಟಿ.ದಿಲೀಪ್​ ಶ್ರಮಕ್ಕೆ ಮೊದಲ ಟೆಸ್ಟ್​ನಲ್ಲಿ ರಿಸಲ್ಟ್ ಸಿಕ್ಕಿದೆ. ಹೈ ಸ್ಟ್ಯಾಂಡರ್ಡ್ ಫೀಲ್ಡಿಂಗ್ ಹೀಗೆ ಮುಂದುವರಿಯಲಿ ಅನ್ನೋದೇ ಎಲ್ಲರ ಆಶಯ.

ಇದನ್ನೂ ಓದಿ:ಡೇಂಜರ್ ಝೋನ್​​ ತಲುಪಿದ KL ರಾಹುಲ್​; ಗೇಟ್ ಪಾಸ್​ ಕೊಡಲು ನಿರ್ಧರಿಸಿತಾ ಬಿಸಿಸಿಐ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್