ಕ್ಯೂರಿಯಾಸಿಟಿ ಹುಟ್ಟಿಸಿದ ರಾಹುಲ್-ಗೊಯೆಂಕಾ ಭೇಟಿ

ಸುದೀರ್ಘ ಒಂದು ಗಂಟೆಯ ಚರ್ಚೆಯಲ್ಲಿ ನಡೆದಿದ್ದೇನು..?

ರಾಹುಲ್​ ಮನವೊಲಿಕೆ ಮಾಡಿದ್ರಾ ಲಕ್ನೋ ಮಾಲೀಕರು..?

ಆರ್​​ಸಿಬಿಗೆ ಕೆ.ಎಲ್.ರಾಹುಲ್ ಬರಲ್ವಾ? ಲಕ್ನೋದಲ್ಲೇ ಉಳೀತಾರಾ? ಇಂಥದ್ದೊಂದು ಚರ್ಚೆ ಕ್ರಿಕೆಟ್​ ಪಡೆಸಾಲೆಯಲ್ಲಿ ಗಿರಗಿಟ್ಲೆ ಹೊಡೀತಿದೆ. ಇದಕ್ಕೆಲ್ಲಾ ಕಾರಣ ಮಾಲೀಕ ಸಂಜಯ್ ಗೋಯಾಂಕಾ ಆ್ಯಂಡ್ ಕೆ.ಎಲ್.ರಾಹುಲ್ ಮೀಟಿಂಗ್. ಈ ವಿಚಾರ ಆರ್​ಸಿಬಿ ಫ್ಯಾನ್ಸ್​ಗೆ ಸಹಜವಾಗಿಯೇ ಶಾಕ್ ಆಗಿದೆ.

ಸಂಜೀವ್ ಗೊಯೆಂಕಾ ಮೀಟ್​​​​​​​​​ ಕೆ.ಎಲ್.ರಾಹುಲ್​. ಈ ಒಂದು ಸುದ್ದಿ ಹೊರಬಿದ್ದಿದ್ದೇ ತಡ ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆಯಾಗ್ತಿದೆ. ಕೆ.ಎಲ್.ರಾಹುಲ್​ ಮತ್ತೆ ಲಕ್ನೋಗೆ ಹೋಗ್ತಾರಾ? ತವರಿಗೆ ಬರಲ್ವಾ ಅನ್ನೋ ನಿರಾಸ ಭಾವನೆಯನ್ನೇ ಮೂಡಿಸಿತ್ತು. ಈ ಮೀಟಿಂಗ್​ನಲ್ಲಿ ಏನೆಲ್ಲಾ ನಡೆದಿರುತ್ತೆ ಅನ್ನೋ ಗುಸುಗುಸು ಸೋಶಿಯಲ್ ಮೀಡಿಯಾದ ಟ್ರೆಂಡ್​​​​​​​​​​​​​​ ಆಗಿತ್ತು. ಆದ್ರೀಗ ಆ ಮೀಟಿಂಗ್​ನ ಇನ್​ಸೈಡ್ ಸ್ಟೋರಿ ಹೊರಬಿದ್ದಿದೆ.

ಇದನ್ನೂ ಓದಿ:KL ರಾಹುಲ್ ಆರ್ಭಟದ ಮುಂದೆ ಮಂಕಾಗಿದ್ದ ಧವನ್; ‘ರಾಹುಲ್​​ ವಿಲನ್ ಆದರು’ ಎಂದ ಫ್ಯಾನ್ಸ್..!

ರಾಹುಲ್-ಗೊಯೆಂಕಾ ಭೇಟಿ ​​​​​​​..!
ನಿನ್ನೆಯ ತನಕ ಕೆ.ಎಲ್.ರಾಹುಲ್, ಲಕ್ನೋ ಬಿಡ್ತಾರೆ ಅನ್ನೋ ಸುದ್ದಿ ಹರಿದಾಡಿತ್ತು. ಇದಕ್ಕೆ ಕಾರಣ ಕೆ.ಎಲ್.ರಾಹುಲ್ ಆ್ಯಂಡ್ ಲಕ್ನೋ ಫ್ರಾಂಚೈಸಿ ಮಾಲೀಕ ಸಂಜೀವ್ ಗೊಯೆಂಕಾ ನಡುವಿನ ಬೈದಾಟ. ಆದ್ರೀಗ ಐಪಿಎಲ್ ಮೆಗಾ ಹರಾಜಿಗೂ ಮುನ್ನ ಕೆ.ಎಲ್.ರಾಹುಲ್ ಕೋಲ್ಕತ್ತಾದಲ್ಲಿರೋ ಸಂಜೀವ್ ಗೊಯೆಂಕಾರ ಆಫೀಸ್​​​​​​​​ಗೆ ಭೇಟಿ ಕೊಟ್ಟಿದ್ದು ಭಾರಿ ಕುತೂಹಲಕ್ಕೆ ಕಾರಣವಾಗಿದೆ.

ಕೊಲ್ಕತ್ತಾದ ಅಲಿಪೋರ್‌ನ ಜಡ್ಜಸ್‌‌ ಕೋರ್ಟ್ ರಸ್ತೆಯಲ್ಲಿರುವ ಕಚೇರಿಯಲ್ಲಿ ಕೆ.ಎಲ್.ರಾಹುಲ್,​ ಸಂಜೀವ್ ಗೊಯೆಂಕಾ ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಸುದೀರ್ಘ ಒಂದು ಗಂಟೆಯ ಕಾಲ ನಡೆದ ಈ ಮೀಟಿಂಗ್​​ನಲ್ಲಿ ರಿಟೈನ್ ಕುರಿತಾಗಿಯೇ ಚರ್ಚೆ ನಡೆದಿದೆ. ಇದೇ ಮಾತುಕತೆಯೇ ಕ್ಯಾಪ್ಟನ್ ರಾಹುಲ್​​ನ ಉಳಿಸಿಕೊಳ್ಳಲು ಲಕ್ನೋ ಮುಂದಾಯ್ತಾ ಎಂಬ ಪ್ರಶ್ನೆ ಉದ್ಭವಿಸಿದೆ.

ಇದನ್ನೂ ಓದಿ:ರೋಹಿತ್ ಮುಂದೆ ನಡೆಯದ ಕೊಹ್ಲಿ ಆಟ.. ಹಿಟ್​ಮ್ಯಾನ್ ದಶಕದ ಕನಸು ನನಸು..!

ಲಕ್ನೋ ರಿಟೈನ್​​ಗೆ ಕ್ಯಾಪ್ಟನ್​ ಕೆ.ಎಲ್.ರಾಹುಲ್ ಒಲವು?
ಕೆ.ಎಲ್.ರಾಹುಲ್ ಆ್ಯಂಡ್ ಸಂಜೀವ್ ಗೊಯೆಂಕಾ ಭೇಟಿ ವೇಳೆ ರಿಟೈನ್​​ ವಿಚಾರ ಪ್ರಸ್ತಾಪವಾಗಿದೆ. ರಿಟೈನ್ ವಿಷ್ಯದಲ್ಲಿ ತಮ್ಮ ಅಭಿಪ್ರಾಯವನ್ನು ಸಂಜೀವ್ ಗೊಯೆಂಕಾ, ರಾಹುಲ್ ಮುಂದೆ ಮಂಡಿಸಿದ್ದಾರೆ ಎನ್ನಲಾಗಿದೆ. ಇದೇ ವೇಳೆ ರಾಹುಲ್​​​​​ ಕೂಡ ರಿಟೈನ್ ಆಗುವ ಬಗ್ಗೆ ಲಕ್ನೋ ಫ್ರಾಂಚೈಸಿ ಮಾಲೀಕರ ಬಗ್ಗೆ ಒಲವು ವ್ಯಕ್ತಪಡಿಸಿದ್ದಾರೆ ಎನ್ನಲಾಗ್ತಿದೆ.

ಕೆ.ಎಲ್.ರಾಹುಲ್​ಗೆ ಷರತ್ತು ಅನ್ವಯ
ಕೆ.ಎಲ್.ರಾಹುಲ್, ಸಂಜೀವ್ ಗೊಯೆಂಕಾ ರಿಟೈನ್ ವಿಚಾರವಾಗೇ ಚರ್ಚೆ ನಡೆದಿದೆ ನಿಜ. ಈ ವೇಳೆ ಕೆ.ಎಲ್.ರಾಹುಲ್​ಗೆ ಸಂಜೀವ್ ಯಾವುದೇ ಭರವಸೆ ನೀಡಿಲ್ಲ. ಹೊಸ ರಿಟೆನ್ಶನ್, ನ್ಯೂ ಪರ್ಸ್ ರೂಲ್​ ಬಳಿಕವಷ್ಟೇ ನಿರ್ಧಾರ ತೆಗೆದುಕೊಳ್ಳುವ ಲೆಕ್ಕಚಾರದಲ್ಲಿದೆ. ಮೂಲಗಳ ಪ್ರಕಾರ, ನಿಕೋಲಸ್ ಪೂರನ್​ ಬಗ್ಗೆ ಒಲವು ಹೊಂದಿರುವ ಲಕ್ನೋ, ಮುಂದಿನ ಸೀಸನ್​ನಲ್ಲಿ ನಾಯಕನ ಪಟ್ಟಕಟ್ಟುವ ಇರಾದೆಯೂ ಹೊಂದಿದೆ. ಕೆ.ಎಲ್.ರಾಹುಲ್​ ಮೊದಲ ರಿಟೈನ್ ಆಯ್ಕೆಗೆ ಆಸಕ್ತಿ ಹೊಂದಿಲ್ಲ ಎನ್ನಲಾಗ್ತಿದೆ.

ಇದನ್ನೂ ಓದಿ:ಈ ಆಟಗಾರರಿಗೆ ರೋಹಿತ್ ಶರ್ಮಾ ಕೊಟ್ರು ಎಚ್ಚರಿಕೆ; ಯಂಗ್​​ಸ್ಟರ್​ ಕಲಿಯೋದು ತುಂಬಾನೇ ಇದೆ

ಲಕ್ನೋದಲ್ಲೇ ಉಳೀತಾರಾ..? ಹರಾಜಿಗೆ ಬರ್ತಾರಾ..?
3 ಸೀಸನ್​​ಗಳಿಂದ ನಾಯಕನಾಗಿ ಕೆ.ಎಲ್.ರಾಹುಲ್​ ಲಕ್ನೋ ತಂಡವನ್ನ ಮುನ್ನಡೆಸಿದ್ದಾರೆ. ತಂಡದ ಯಶಸ್ಸಿನಲ್ಲಿ ಭಾಗಶಃ ಕನ್ನಡಿಗನ ಪಾತ್ರ ಇದೆ. ಆದ್ರೀಗ ತಾನೇ ಕಟ್ಟಿದ ತಂಡಕ್ಕೆ ಫಸ್ಟ್​ ಚಾಯ್ಸ್ ರಿಟೈನ್ ಆ್ಯಂಡ್ ಕ್ಯಾಪ್ಟನ್ ಆಗ್ತಿಲ್ಲ. ಹೀಗಾಗಿ ಲಕ್ನೋ ತಂಡದಲ್ಲೇ ಆಟಗಾರನಾಗಿಯೇ ಉಳಿಯಲಿದ್ದಾರಾ? ಅಥವಾ ಮೆಗಾ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರಾ ಎಂಬ ಪ್ರಶ್ನೆಯ ಜೊತೆಗೆ ಮುಂದಿನ ನಡೆ ಏನೆಂಬ ಕೂತೂಹಲ ಗರಿಗೆದರಿದೆ.

RCB ಫ್ಯಾನ್ಸ್​ಗೆ ಶಾಕ್ ಕೊಡ್ತಾರಾ..
ಕೆ.ಎಲ್.ರಾಹುಲ್ ಮುಂದಿನ ನಡೆ ಬಗ್ಗೆ ಆರ್​ಸಿಬಿ ಫ್ಯಾನ್ಸ್ ಹೆಚ್ಚು ತಲೆಕೆಡಿಸಿಕೊಂಡಿದ್ದಾರೆ.ಯಾಕಂದ್ರೆ, ಲಕ್ನೋ ತೊರೆದ್ರೆ, ಆರ್​ಸಿಬಿ ರಾಹುಲ್​​​ನ ಖರೀದಿ ಮಾಡುವ ಚಿಂತನೆಯಲ್ಲಿದೆ. ತವರಿನ ತಂಡದಲ್ಲಿ ಮತ್ತೆ ಕನ್ನಡಿಗನನ್ನ ನೋಡಬಹುದು ಅನ್ನೋದು ಆರ್​ಸಿಬಿ ಅಭಿಮಾನಿಗಳ ಮಹಾದಾಸೆ. ಕೆ.ಎಲ್.ರಾಹುಲ್, ಅಭಿಮಾನಿಗಳ ಆಸೆಯಂತೆ ಮೆಗಾ ಹರಾಜಿಗೆ ಬರ್ತಾರಾ ಅನ್ನೋದೇ ಮಿಲಿಯನ್ ಡಾಲರ್ ಪ್ರಶ್ನೆ.

ಇದನ್ನೂ ಓದಿ:T20 ವಿಶ್ವಕಪ್‌ಗಾಗಿ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆದ 5 RCB ಆಟಗಾರರು..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್