ಹೊಸ ಬದುಕಿಗೆ ಹೆಜ್ಜೆಯಿಟ್ಟ ಸಚಿನ್ ಪುತ್ರಿ​.. ಸ್ವಂತ ಸಾಮ್ರಾಜ್ಯ ಕೊಟ್ಟೋಕೆ ಹೊರಟ ಸಾರಾ..!

ಸಚಿನ್​ ತೆಂಡುಲ್ಕರ್​.. ಕ್ರಿಕೆಟ್​ ಲೋಕದ ಅನಭಿಷಕ್ತ ದೊರೆ.. 24 ವರ್ಷಗಳ ಸುದೀರ್ಘ ಕ್ರಿಕೆಟ್​ ಕರಿಯರ್​​​ನಲ್ಲಿ ಈ ಬ್ಯಾಟಿಂಗ್​ ಮಾಂತ್ರಿಕ ಮಾಡಿದ ಮೋಡಿ ಅಷ್ಟಿಷ್ಟಲ್ಲ. ಬೆಂಕಿಯುಂಡೆಗಳನ್ನ ಉಗುಳಿತಿದ್ದ ಬೌಲರ್​ಗಳ ಬೆವರಿಳಿಸಿ ಮಾಸ್ಟರ್​ ಬ್ಲಾಸ್ಟರ್​ ರನ್​ ಕೋಟೆ ಕಟ್ಟುತ್ತಿದ್ರೆ ಎದುರಾಳಿ ಪಡೆ ದಿಕ್ಕೆಟ್ಟು ಹೋಗ್ತಿತ್ತು. ಕ್ರಿಕೆಟ್​ ದೇವರು ಕ್ರಿಸ್​ನಲ್ಲಿದ್ದಷ್ಟು ಹೊತ್ತು ಫ್ಯಾನ್ಸ್​ಗಂತೂ ಹಬ್ಬವೇ ಬಿಡಿ. ಇಡೀ ವಿಶ್ವವೇ ದಿಗ್ಗಜನ​​ ಆಟಕ್ಕೆ ತಲೆಬಾಗಿತ್ತು. 

ಇದನ್ನೂ ಓದಿ:‘ಭರ್ಜರಿ ಬ್ಯಾಚುಲರ್ಸ್‌’ ಖ್ಯಾತಿಯ ರಮೋಲಾ ವಿರುದ್ಧ ದೂರು ದಾಖಲು

ಈ ಕ್ರಿಕೆಟ್​ ದೇವರು ಬ್ಯಾಟ್​ ಕೆಳಗಿಟ್ಟು ದಶಕವೇ ಉರುಳಿತು. ಆ ಹೆಸರಿಗಿರೋ ಗತ್ತು, ಗೈರತ್ತು ಕಿಂಚಿತ್ತೂ ಕುಂದಿಲ್ಲ. ನೇಮ್​​ಗಿರೋ ಪವರ್​​ರೇ ಬೇರೆ. ಆದ್ರೆ ಸಚಿನ್​ ಪುತ್ರಿ ಸಾರಾಗೆ ಅಪ್ಪನ ಹೆಸರು, ಅದಕ್ಕಿರೋ ಪವರ್​ ಬೇಡ್ವಂತೆ. ಸಚಿನ್​ ತೆಂಡುಲ್ಕರ್ ಪುತ್ರಿ​ ಅನ್ನೋದನ್ನ ಸೈಡ್​​ಗಿಟ್ಟು ತನ್ನದೇ OWN IDENTITY ಕ್ರಿಯೇಟ್​ ಮಾಡಿಕೊಳ್ಳೋಕೆ ಹೊರಟಿದ್ದಾರೆ.

ಹೊಸ ಬದುಕಿಗೆ ಹೆಜ್ಜೆ ಇಟ್ಟ ಸಾರಾ ತೆಂಡುಲ್ಕರ್

17 ವರ್ಷಕ್ಕೆ ಭಾರತವನ್ನ ಬಿಟ್ಟು ಹಾರಿದ್ದ ಸಾರಾ ತೆಂಡುಲ್ಕರ್​ ವಿದೇಶದಲ್ಲಿ ಓದು ಮುಗಿಸಿ ವಾಪಾಸ್ಸಾಗಿದ್ದಾರೆ. ಕಳೆದೊಂದು ವರ್ಷದಿಂದ ಹಲವು ಹುಡುಕಾಟ ನಡೆಸಿದ್ದ ಸಾರಾ, ಇದೀಗ ಬದುಕಿನಲ್ಲಿ ಹೊಸ ಹೆಜ್ಜೆ ಇಟ್ಟಿದ್ದಾರೆ. ಬ್ಯುಸಿನೆಸ್​ ಕ್ಷೇತ್ರಕ್ಕೆ ಸಾರಾ ಕಾಲಿಟ್ಟಿದ್ದು, ಮುಂಬೈನಲ್ಲಿ ಹೊಸ ಸ್ಟುಡಿಯೋ ಓಪನ್​ ಮಾಡಿದ್ದಾರೆ. ಜಿಮ್​​ಗಿಂತ ಸ್ವಲ್ಪ ವಿಭಿನ್ನವಾದ ಫಿಟ್​ನೆಸ್​ಗೆ ಸಂಬಂಧಿಸಿದ ಪಿಲಾಟಿಸ್​​ ಸ್ಟುಡಿಯೋ ಸಾರಾ ಮುಂಬೈನಲ್ಲಿ ಆರಂಭಿಸಿದ್ದಾರೆ. ಇದನ್ನ ಸ್ವತಃ ಸಚಿನ್​​​ ಇದನ್ನ ಉದ್ಘಾಟನೆ ಮಾಡಿದ್ದಾರೆ. 

ಇದನ್ನೂ ಓದಿ: ‘ನಾಪತ್ತೆಯಾದ ಹೆಣ್ಮಕ್ಕಳ ಕುಟುಂಬಕ್ಕೆ ನ್ಯಾಯ ಸಿಗ್ಬೇಕು’.. ಧರ್ಮಸ್ಥಳ ಕೇಸ್​​​ ಬಗ್ಗೆ ಗಲ್ರಾನಿ ಏನಂದ್ರು?

ಸಾರಾ ಏನೇ ಮಾಡಿದ್ರೂ ಪ್ರತ್ಯೇಕ್ಷ, ಪರೋಕ್ಷವಾಗಿ ಸಚಿನ್​ ಹೆಸ್ರು ಅಲ್ಲಿ ಬಂದೇ ಬರುತ್ತೆ. ಸೋಷಿಯಲ್​ ಆಗಿ ಅಲ್ಲದಿದ್ರೂ, ಫೈನಾನ್​​ಶಿಯಲಿ ಡಿಪೆಂಡ್​​ ಆಗಬಾರದು ಅನ್ನೋದು ಸಾರಾ ಪ್ರಯತ್ನವಾಗಿದೆ. ಈ ಸ್ವಂತ ಐಡೆಂಟಿಟಿ ಕ್ರಿಯೇಟ್​ ಮಾಡಿಕೊಳ್ಳೋಕೆ ಹಲವು ವರ್ಷಗಳಿಂದಲೇ ಸಾರಾ ಪ್ರಯತ್ನ ಪಡ್ತಿದ್ದಾರೆ.

ಕಾಂಗರೂ ನಾಡಿನ ಪ್ರವಾಸೋದ್ಯಮಕ್ಕೆ ಅಂಬಾಸಿಡರ್​

ಸದ್ಯ ಹೊಸ ಸ್ಟುಡಿಯೋ ಓಪನ್​ ಮಾಡಿರೋ ಸಾರಾ, ಈ ತಿಂಗಳ ಆರಂಭದಲ್ಲಿ ಬಿಗ್​ ಡೀಲ್​ಗೆ ಸೈನ್​ ಹಾಕಿದ್ರು. ಆಸ್ಟ್ರೇಲಿಯಾ ಸರ್ಕಾರದ ಆಫರ್​ ಒಪ್ಪಿಕೊಂಡಿರೋ ಸಾರಾ ಈಗ ಅಲ್ಲಿ ಪ್ರವಾಸೋದ್ಯಮದ ಅಂಬಾಸಿಡರ್​. ಭಾರೀ ಮೊತ್ತದ ಒಪ್ಪಂದಕ್ಕೆ ಸಾರಾ, ಆಸಿಸ್​ ಸರ್ಕಾರದೊಂದಿಗೆ ಸೈನ್​ ಹಾಕಿದ್ದಾರೆ. 

ಜಾಹೀರಾತು ಲೋಕದಲ್ಲಿ ಸಾರಾಗೆ ಫುಲ್​ ಡಿಮ್ಯಾಂಡ್​

ಮಾಡೆಲಿಂಗ್​ ಕ್ಷೇತ್ರದಲ್ಲಿ ಹೆಸರು ಮಾಡಿರೋ ಸಾರಾಗೆ ಜಾಹೀರಾತು ಲೋಕದಲ್ಲಿ ಸಿಕ್ಕಾಪಟ್ಟೆ ಡಿಮ್ಯಾಂಡ್​​ ಇದೆ. ದೇಶ, ವಿದೇಶದ ಹಲವಾರು ಬಿಗ್​ ಬ್ರ್ಯಾಂಡ್​ಗಳಿಗೆ ಸಾರಾ ಬ್ರ್ಯಾಂಡ್​ ಅಂಬಾಸಿಡರ್​ ಆಗಿದ್ದಾರೆ. ಇನ್ನೂ ಪ್ರಖ್ಯಾತ ಬ್ರ್ಯಾಂಡ್​​ ಸಾರಾ ಒಪ್ಪಿಗೆಗಾಗಿ ಕಾಯ್ತಿವೆ.

ವಿದೇಶದಲ್ಲಿ ಪದವಿ, ನ್ಯೂಟ್ರಿಶಿಯನ್ ವೃತ್ತಿ

ಅಂದ್ಹಾಗೆ ಸಾರಾ ತೆಂಡುಲ್ಕರ್​  ಲಂಡನ್‌ ಯೂನಿವರ್ಸಿಟಿಯಲ್ಲಿ ಪದವಿ ಪಡೆದಿದ್ದಾರೆ. ಕ್ಲಿನಿಕಲ್ ಮತ್ತು ಸಾರ್ವಜನಿಕ ಆರೋಗ್ಯ ಪೌಷ್ಟಿಕಾಂಶದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಸಾರಾ, ಮಾಡೆಲ್‌ ಜೊತೆಗೆ ಬಯೋಮೆಡಿಕಲ್‌ ಸೈಂಟಿಸ್ಟ್‌ ಕೂಡಾ ಹೌದು. ನ್ಯೂಟ್ರಿಶಿಯನ್​ ಆಗಿ ಕೆಲಸ ಮಾಡ್ತಿದ್ದಾರೆ.

ಇದನ್ನೂ ಓದಿ:ಧನ್ಯತಾ ಜೊತೆಗೆ ಡಾಲಿ ಧನಂಜಯ್ ಯೂರೋಪ್ ಪ್ರವಾಸ.. ಟಾಪ್​ ಫೋಟೋಸ್ ಇಲ್ಲಿವೆ..!

ಸಾರಾ ತೆಂಡೂಲ್ಕರ್ ಅನ್ನೋ E-ಕಾಮರ್ಸ್ ಆನ್​ಲೈನ್ ಸ್ಟೋರ್​ ಅನ್ನೋ ಸಾರಾ ನಡೆಸ್ತಿದ್ದಾರೆ. ಒಟ್ಟಿನಲ್ಲಿ, ಫ್ಯಾಷನ್, ಮಾಡಲಿಂಗ್​, ಬ್ಯುಸಿನೆಸ್​ ಎಲ್ಲಾ ಕ್ಷೇತ್ರಗಳಲ್ಲಿ ಫುಲ್​ ಆ್ಯಕ್ಟೀವ್ ಆಗಿದ್ದಾರೆ. ತಂದೆಯ ಐಡೆಂಟಿಟಿಯ ಹೊರತಾಗಿ ತನ್ನದೇ ಐಡೆಂಟಿಟಿ ಕ್ರಿಯೇಟ್​ ಮಾಡೋಕೆ ಪ್ರಯತ್ನ ಮಾಡ್ತಿದ್ದಾರೆ. ಈ ಪ್ರಯತ್ನಕ್ಕೆ ದೊಡ್ಡ ಸಕ್ಸಸ್​ ಸಿಗಲಿ. 

ಇದನ್ನೂ ಓದಿ:ಫುಲ್​​ ಗ್ಲಾಮರ್​ ಲುಕ್​ನಲ್ಲಿ ದರ್ಶನ್.. ‘ಇದ್ರೆ ನೆಮ್ಮದಿಯಾಗ್ ಇರ್ಬೇಕು’ ಸಾಂಗ್ ರಿಲೀಸ್

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ