ಕೊಹ್ಲಿ-ರೋಹಿತ್​ ಜೊತೆ ಆಟ ಆಡಬೇಡಿ -ಗಂಭೀರ್​ಗೆ ರವಿ ಶಾಸ್ತ್ರಿ ವಾರ್ನ್​..!

ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ 2027ರ ವಿಶ್ವಕಪ್​ ಆಡ್ತಾರಾ? ಇಲ್ವಾ? ಕ್ರಿಕೆಟ್​ ಅಭಿಮಾನಿಗಳಲ್ಲಿರೋ ಮಿಲಿಯನ್​ ಡಾಲರ್​ ಪ್ರಶ್ನೆಯಿದು. ಇವರಿಬ್ಬರು​ ವಿಶ್ವಕಪ್​​ ಆಡಿಯೇ ಆಡ್ತೀವಿ ಅನ್ನೋ ಜಿದ್ದಿಗೆ ಬಿದ್ದು ಹೋರಾಟ ನಡೆಸ್ತಿದ್ರೆ ದಿಗ್ಗಜರನ್ನ ಹೊರಗಿಡೋ ಮಸಲತ್ತುಗಳು ಸೈಲೆಂಟಾಗೇ ನಡೀತಿವೆ. ಇದ್ರ ನಡುವೆ ಮಾಜಿ ಹೆಡ್​ ಕೋಚ್​ ರವಿ ಶಾಸ್ತ್ರಿ, ವಾರ್ನಿಂಗ್​ ಕೊಟ್ಟಿದ್ದಾರೆ.

ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ.. ಟೀಮ್​ ಇಂಡಿಯಾ ಈ ದಿಗ್ಗಜರ ಕ್ರಿಕೆಟ್​ ಭವಿಷ್ಯ ಕ್ರಿಕೆಟ್​ ಲೋಕದ ಹಾಟ್​ ಟಾಪಿಕ್​ ಆಗಿದೆ. 2027ರ ಏಕದಿನ ವಿಶ್ವಕಪ್​ ಟೂರ್ನಿಯಲ್ಲಿ ಆಡಲೇಬೇಕು ಎಂದು ಜಿದ್ದಿಗೆ ಬಿದ್ದು ಜೋಡೆತ್ತುಗಳು ಹೋರಾಟಕ್ಕಿಳಿದಿದ್ದಾರೆ. ನಾವು ವಿಶ್ವಕಪ್​ ಆಡಿಯೇ ಗುಡ್​ ಬೈ ಹೇಳೋದು ಎಂದು ಬಿಸಿಸಿಐ ಬಾಸ್​ಗಳು, ಟೀಮ್​ ಮ್ಯಾನೇಜ್​ಮೆಂಟ್​ ಸವಾಲೆಸೆದಿದ್ದಾರೆ. ಸ್ಪಷ್ಟ ಗುರಿಯೊಂದಿಗೆ ರೋ-ಕೊ ಜೋಡಿ ದಿಟ್ಟ ಹೋರಾಟಕ್ಕಿಳಿದಿದೆ.

ಇನ್ನಷ್ಟು ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

2027ರ ಏಕದಿನ ವಿಶ್ವಕಪ್​ ಮಹದಾಸೆ ಹೊಂದಿರೋ ರೋಹಿತ್​ ಶರ್ಮಾಗೆ ಫಿಟ್​ನೆಸ್​ ಪ್ರಶ್ನೆಯನ್ನ ಕೇಳಿದ್ರೆ, ಕೊಹ್ಲಿಗೆ ಫಾರ್ಮ್​​ನ ಪ್ರಶ್ನೆಯನ್ನ ಕೇಳಲಾಗಿತ್ತು. ಆ ಪ್ರಶ್ನೆಗಳಿಗೆ ದಿಗ್ಗಜರು ಮುಟ್ಟಿನೋಡಿಕೊಳ್ಳುವಂತೆ ಆನ್ಸರ್​ ಕೊಟ್ಟಿದ್ದಾರೆ. ಸುಮಾರು 11 ಕೆಜಿ ತೂಕ ಇಳಿಸಿಕೊಂಡು ರೋಹಿತ್​ ಸೂಪರ್​ ಫಿಟ್​ ಆಗಿದ್ರೆ, ಕೊಹ್ಲಿ ಬ್ಯಾಕ್​ ಟು ಬ್ಯಾಕ್​ ಶತಕ ಸಿಡಿಸಿ ಘರ್ಜಿಸಿದ್ದಾರೆ. ವಿಜಯ ಹಜಾರೆ ಆಡಬೇಕು ಅನ್ನೋ ಕಂಡಿಷನ್​​ಗೂ ಒಪ್ಪಿಗೆ ಸೂಚಿಸಿ ಸುದೀರ್ಘ ಅಂತರದ ಬಳಿಕ ಡೊಮೆಸ್ಟಿಕ್​ ಅಂಗಳಕ್ಕಿಳಿಯಲು ಮುಂದಾಗಿದ್ದಾರೆ. ಇಷ್ಟಾದರೂ ಹೆಡ್​ ಕೋಚ್​​ ಗೌತಮ್​ ಗಂಭೀರ್, ಚೀಫ್​ ಸೆಲೆಕ್ಟರ್ ಅಜಿತ್​ ಅಗರ್ಕರ್​ಗೆ ಸಮಾಧಾನವೇ ಇಲ್ಲ. ಇವರಿಬ್ಬರ ಜೊತೆ ಮಾತು ಬಿಡುವಷ್ಟು ಹೆಡ್​ ಕೋಚ್​ ಮುನಿಸಿಕೊಂಡಿದ್ದಾರೆ. 

ಇದನ್ನೂ ಓದಿ: ಆರ್​​ಸಿಬಿಗೆ ಆಯ್ಕೆಯಾದ ಖುಷಿಯ ಕ್ಷಣ ಹಂಚಿಕೊಂಡ ಕನ್ನಡತಿ ಪ್ರತ್ಯೂಷ VIDEO

ಕೊಹ್ಲಿ, ರೋಹಿತ್​ ಶರ್ಮಾ ಎಲ್ಲವನ್ನೂ ಪ್ರೂವ್​ ಮಾಡಿದ್ದಾರೆ. ಆದ್ರೂ ಕೂಡ ಇವರಿಬ್ಬರ ವಿರುದ್ಧ ತೆರೆ ಹಿಂದೆ ಕಸರತ್ತು ನಡೀತಾ ಇದೆ ಎಂಬ ಸುದ್ದಿ ಪದೇ ಪದೇ ಹರಿದಾಡ್ತಿದೆ. ಎಸ್ಪೆಷಲಿ ಹೆಡ್​ ಕೋಚ್​ ಗೌತಮ್​ ಗಂಭೀರ್​, ಚೀಫ್​ ಸೆಲೆಕ್ಟರ್​ ಅಜಿತ್​ ಅಗರ್ಕರ್​ ಇವರಿಬ್ಬರ ವಿಚಾರದಲ್ಲಿ ಮಸಲತ್ತು ನಡೆಸ್ತಿದ್ದಾರೆ ಅನ್ನೋದು ಈಗಂತೂ ಓಪನ್​ ಸೀಕ್ರೆಟ್​ ಆಗಿ ಬಿಟ್ಟಿದೆ. ಆಸ್ಟ್ರೇಲಿಯಾ ಬಳಿಕ ಸೌತ್​ ಆಫ್ರಿಕಾ ಸರಣಿಯಲ್ಲಿ ಸಾಲಿಡ್​ ಪ್ರದರ್ಶನ ನೀಡ್ತಾ ಇದ್ರೂ ಈ ವಿಚಾರ ಚರ್ಚೆಯಲ್ಲಿದೆ. ಇದೀಗ ಈ ಬಗ್ಗೆ ಟೀಮ್​ ಇಂಡಿಯಾ ಮಾಜಿ ಕೋಚ್​ ರವಿ ಶಾಸ್ತ್ರಿ ಮಾತನಾಡಿದ್ದು, ಗಂಭೀರ್​-ಅಗರ್ಕರ್​ ವಿರುದ್ಧ ಗುಡುಗಿದ್ದಾರೆ. 

ಇವರಿಬ್ಬರು ದಾದಾ ಪ್ಲೇಯರ್ಸ್​. ವೈಟ್​ಬಾಲ್​ ದೈತ್ಯರು. ಇಂತಾ ಆಟಗಾರರ ಜೊತೆ ಆಟವಾಡಬೇಡಿ. ಇವರಿಬ್ಬರ ಜೊತೆ ಯಾರು ಆಟವಾಡ್ತಿದ್ದಾರೆ. ಆಟ ಆಡುವವರು. ಅವರಿಬ್ಬರು ಆಡಲು ಆರಂಭಿಸಿದ್ರೆ, ಸರಿಯಾದ ಬಟನ್​ ಒತ್ತಿದ್ರೆ, ಎಲ್ಲರೂ ಸೈಡ್​ಗೆ ಹೋಗಿಬಿಡ್ತಾರೆ. 2027ರ ವಿಶ್ವಕಪ್​ನಲ್ಲಿ ಇವರಿಬ್ಬರು ಆಡ್ತಾರಾ.? ಅನುಭವ ಅನ್ನೋದು ಮಾರ್ಕೆಟ್​ ಅಲ್ಲಿ ಸಿಗಲ್ಲ. ಒಬ್ಬ ಮಾಸ್ಟರ್​ ಚೇಸರ್​. ಇನ್ನೊಬ್ಬನ್ನದ್ದು 3 ದ್ವಿಶತದ ರೆಕಾರ್ಡ್​ ಇದೆ ಏಕದಿನದಲ್ಲಿ. 

-ರವಿ ಶಾಸ್ತ್ರಿ, ಮಾಜಿ ಕೋಚ್

ಅದ್ಭುತ ಆಟವನ್ನಾಡ್ತಾ ಇದ್ರೂ ಪದೇ ಪದೆ 2027ರ ವಿಶ್ವಕಪ್​ ಟೂರ್ನಿಯಲ್ಲಿ ಕೊಹ್ಲಿ-ರೋಹಿತ್​ ಆಡಬೇಕಾ? ಬೇಡ್ವಾ ಎಂಬ ಚರ್ಚೆ ನಡೆಯುತ್ತಲೇ ಇದೆ. ಇದಕ್ಕೆ ರವಿ ಶಾಸ್ತ್ರಿ ಅನುಭವದ ಆಧಾರದಲ್ಲಿ ಆನ್ಸರ್​ ಕೊಟ್ಟಿದ್ದಾರೆ. ಕೊಹ್ಲಿ, ರೋಹಿತ್​ ಶರ್ಮಾಗಿರೋ ಅನುಭವಕ್ಕೆ ಅವಕಾಶ ನೀಡಬೇಕು ಎಂದಿದ್ದಾರೆ. ಚೇಸ್​​ ಮಾಸ್ಟರ್ ಕೊಹ್ಲಿ, ದ್ವಿಶತಕದ ಸರದಾರ ರೋಹಿತ್​ ಶರ್ಮಾನ ಸೈಡ್​ಲೈನ್​ ಮಾಡೋದು ನ್ಯಾಯನೂ ಅಲ್ಲ ಬಿಡಿ. 

ಇದನ್ನೂ ಓದಿ: ಕ್ರಿಕೆಟರ್‌ ರಿಚಾ ಘೋಷ್‌ಗೆ ಡಿವೈಎಸ್ಪಿ ಹುದ್ದೆ : ಸಿಲಿಗುರಿ ಎಸಿಪಿ ಆಗಿ ಅಧಿಕಾರ ಸ್ವೀಕಾರ

2027ರ ವಿಶ್ವಕಪ್​ ಟೂರ್ನಿಗೆ ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ ರಂತ ಅನುಭವಿಗಳ ಅಗತ್ಯತೆ ತಂಡಕ್ಕಿದೆ. ಕೊಹ್ಲಿ-ರೋಹಿತ್​ ರಂತ ಅನುಭವಿಗಳು ಹೊರಬಂದ ಮೇಲೆ ಟೆಸ್ಟ್​ ಕ್ರಿಕೆಟ್​ನಲ್ಲಿ ಟೀಮ್​ ಇಂಡಿಯಾ ಅಧೋಗತಿಗೆ ತಲುಪಿದೆ. ವಿದೇಶದಲ್ಲಿ ಅಲ್ಲ. ತವರಿನಂಗಳದಲ್ಲೇ ವೈಟ್​ವಾಷ್​ ಮುಖಭಂಗಗಳನ್ನ ಟೀಮ್​ ಇಂಡಿಯಾ ಅನುಭವಿಸಿದೆ. ಏಕದಿನ ವಿಶ್ವಕಪ್​ ಟೂರ್ನಿ ನಡೀತಿರೋದು ಸೌತ್​ ಆಫ್ರಿಕಾದಲ್ಲಿ. ಪೇಸ್​ ಅಂಡ್ ಬೌನ್ಸಿ ಟ್ರ್ಯಾಕ್​ಗಳಿರೋ ಟಫ್​ ಕಂಡಿಷನ್ಸ್​ನಲ್ಲಿ ಯುವ ಆಟಗಾರರ ತಂಡವನ್ನ ಕಣಕ್ಕಿಳಿಸಿ ವಿಶ್ವಕಪ್​ ಗೆಲ್ಲೋದು ಅಸಾಧ್ಯದ ಮಾತು.

ಫಿಟ್​ನೆಸ್​, ಫಾರ್ಮ್​ ಎರಡೂ ವಿಚಾರದಲ್ಲಿ ಕೊಹ್ಲಿ-ರೋಹಿತ್​ ತಮ್ಮ ಸಾಮರ್ಥ್ಯವನ್ನ ನಿರೂಪಿಸಿದ್ದಾರೆ. ವಿಶ್ವಕಪ್​ ಆಡೋದೇ ನಮ್ಮ ಗುರಿ ಎಂದು ಪದೇ ಪದೆ ಹೇಳಿಕೊಂಡಿದ್ದಾರೆ. ಬಿಸಿಸಿಐ ಹಾಗೂ ಟೀಮ್​ ಮ್ಯಾನೇಜ್​ಮೆಂಟ್​​ ವಿಧಿಸಿದ ಷರತ್ತುಗಳನ್ನೂ ಒಪ್ಪಿದ್ದಾರೆ. ಇಷ್ಟೆಲ್ಲಾ ಆದ ಬಳಿಕವೂ ಕೊಹ್ಲಿ-ರೋಹಿತ್​ನ ವಿಶ್ವಕಪ್​ನಿಂದ ಹೊರಗಿಡೋ ಪಯತ್ನ ಬಿಡದಿದ್ರೆ, ಇದಕ್ಕಿಂತ ಮೊಂಡುತನ ಮತ್ತೊಂದಿಲ್ಲ. ರವಿ ಶಾಸ್ತ್ರಿ ಹೇಳಿದಂತೆ  ಕೊಹ್ಲಿ-ರೋಹಿತ್​ ತಮ್ಮ ಆಟ ಶುರುವಿಟ್ಟುಕೊಂಡ್ರೆ, ಭಾರತೀಯ ಕ್ರಿಕೆಟ್​ಗೆ ನಷ್ಟ.

ಇದನ್ನೂ ಓದಿ:ರಿಂಕು ಸಿಂಗ್​ಗೂ ಗಂಭೀರ್​​ ಅನ್ಯಾಯ..! ಎಲ್ಲಿದೆ ನ್ಯಾಯ..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ