95 ಟು 75 ಕೆಜಿ! ರೋಹಿತ್ ಶರ್ಮಾ ಫುಡ್ ಮೆನು ಹೇಗಿತ್ತು ಅನ್ನೋದೇ ಇಂಟ್ರೆಸ್ಟಿಂಗ್..!

ಟೀಮ್​ ಇಂಡಿಯಾ ಒನ್​ ಡೇ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಫಿಟ್​ನೆಸ್​ ಕಂಡು ಕ್ರಿಕೆಟ್​ ಲೋಕ ದಂಗಾಗಿದೆ. ದೇಹದ ತೂಕದ ಕಾರಣಕ್ಕೆ ಟೀಕೆ ಮಾಡಿದವರೆಲ್ಲಾ ಈಗ ಬಾಯ್ಮೆಲೆ ಬೆರಳಿಟ್ಟುಕೊಂಡಿದ್ದಾರೆ. ಹಾಗಾದ್ರೆ, ಫ್ಯಾಟ್​ ಆಗಿದ್ದ ರೋಹಿತ್​ ಶರ್ಮಾ ಸೂಪರ್​ ಫಿಟ್​ ಆಗಿದ್ದೇಗೆ? ದೇಹದ ತೂಕ ಇಳಿಸಿಕೊಂಡು ಸ್ಲಿಮ್​ ಅಂಡ್ ಟ್ರಿಮ್​ ಆಗಿದ್ದೇಗೆ? ಅನ್ನೋ ವಿವರ ಇಲ್ಲಿದೆ.

ಇದನ್ನೂ ಓದಿ:ನಟಿ ಭಾವನಾ ರಾಮಣ್ಣ ಅವರ ಅವಳಿ IVF ಶಿಶುಗಳಲ್ಲಿ ಒಂದು ಮಗು ನಿಧನ

ಏಕದಿನ ತಂಡದ ನಾಯಕ ರೋಹಿತ್​ ಶರ್ಮಾ ಕಳೆದ ಕೆಲ ದಿನಗಳಿಂದ ಚರ್ಚೆಯಲ್ಲಿತ್ತು. ಟೆಸ್ಟ್​​, ಟಿ20ಗೆ ಗುಡ್​ ಬೈ ಹೇಳಿರೋ ರೋಹಿತ್​ ಒನ್​ ಡೇಯಿಂದ ಔಟ್​ ಆಗ್ತಾರೆ ಅನ್ನೋದ ಸುದ್ದಿ ಹರಿದಾಡಿತ್ತು. ಫಿಟ್​ನೆಸ್​​ ಕಾರಣ ನೀಡಿ ಹಿಟ್​ಮ್ಯಾನ್​ನ ಸೈಡ್​ಲೈನ್​ ಮಾಡೋಕೆ ಬಿಸಿಸಿಐ ವಲಯದಲ್ಲೂ ಸಿದ್ಧತೆ ನಡೆದಿತ್ತು. ಆದ್ರೆ, 2027ರ ಒನ್​ ಡೇ ವಿಶ್ವಕಪ್​ ಆಡಿಯೇ ತೀರಲು ಪಣತೊಟ್ಟಿರೋ ರೋಹಿತ್​, ಬಿಸಿಸಿಐಗೆ ಸವಾಲ್​ ಎಸೆದಿದ್ದಾರೆ.

ರೋಹಿತ್​ ಫಿಟ್​ನೆಸ್​​​​ ಕಂಡು ಕ್ರಿಕೆಟ್​ ಲೋಕ ದಂಗು

ಫಿಟ್​ನೆಸ್​ ಮಾನದಂಡವನ್ನಿಟ್ಟುಕೊಂಡು ರೋಹಿತ್​ಗೆ ಕೊಕ್​ ಕೊಡೋ ಲೆಕ್ಕಾಚಾರದಲ್ಲಿದ್ದ ಬಿಸಿಸಿಐ ಇದೀಗ ಪೇಚಿಗೆ ಸಿಲುಕಿದೆ. ಫ್ಯಾಟ್​​ ಆಗಿದ್ದ ಹಿಟ್​ಮ್ಯಾನ್​ ಈಗ ಸೂಪರ್​ ಫಿಟ್​ ಆಗಿದ್ದಾರೆ. ಸ್ಲಿಮ್​ ಅಂಡ್ ಟ್ರಿಮ್​  ರೋಹಿತ್​ ಶರ್ಮಾ ಕಂಡು ಫ್ಯಾನ್ಸ್​ ಬಾಯ ಮೇಲೆ ಬೆರಳಿಟ್ಟಿದ್ದಾರೆ. ದೇಹದ ತೂಕದ ಕಾರಣಕ್ಕೆ ಅಂದು ಟ್ರೋಲ್​ ಮಾಡಿದ್ದವರೆಲ್ಲಾ ಇಂದು ಹಾಡಿ ಹೊಗಳ್ತಿದ್ದಾರೆ. ಫಿಟ್​​ ಅಂಡ್ ಫೈನ್​ ರೋಹಿತ್​ ಕಂಡು ಕ್ರಿಕೆಟ್​​ ಲೋಕ ದಂಗಾಗಿದೆ.

ಇದನ್ನೂ ಓದಿ:ಪಾಂಡ್ಯ ಬೆಂಕಿ ಲುಕ್! ಈ ಫೋಟೋಗಳನ್ನ ನೀವು ನೋಡಲೇಬೇಕು.. Photos

95KG ಯಿಂದ 75ಕೆಜಿಗೆ ತೂಕ ಇಳಿಸಿದ ರೋಹಿತ್​

ಶತಯಗತಾಯ ಏಕದಿನ ವಿಶ್ವಕಪ್​ ಆಡೋಕೆ ಪಣ ತೊಟ್ಟಿರುವ ರೋಹಿತ್​, ಮಹದಾಸೆಯನ್ನ ಈಡೇರೆಸಿಕೊಳ್ಳಲು ಪಡ್ತಿರೋ ಪರಿಶ್ರಮ ಅಷ್ಟಿಷ್ಟಲ್ಲ. ಫಿಟ್​​ನೆಸ್​ ಕಾರಣ ನೀಡಿ ಬಿಸಿಸಿಐ ಸೈಡ್​​ಲೈನ್​​ ಮಾಡೋಕೆ ನೋಡಿದ್ರೆ, ಬಾಸ್​​​ಗಳಿಗೆ ಸವಾಲು ಹಾಕಿರೋ ರೋಹಿತ್​ ಬರೋಬ್ಬರಿ 20 ಕೆ.ಜಿ ತೂಕ ಇಳಿಸಿಕೊಂಡಿದ್ದಾರೆ. ಐಪಿಎಲ್​ ಅಂತ್ಯದ ವೇಳೆ 95 ಕೆಜಿ ಇದ್ದ ದೇಹದ ತೂಕವನ್ನ ಈಗ ರೋಹಿತ್​ 75 ಕೆಜಿಗೆ ಇಳಿಸಿದ್ದಾರೆ. ಜಸ್ಟ್​​ 1 ತಿಂಗಳದಲ್ಲಿ ಅಂತರದಲ್ಲಿ ಮಾಡಿರೋ ಸಾಧನೆಯಿದು. 

ನೋ ವಡಾಪಾವ್​, ನೋ ಬಿರಿಯಾನಿ.. 

ರೋಹಿತ್​ ಶರ್ಮಾ ಒಬ್ಬ ಫುಡ್ಡಿ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಚಾರವೇ. ತೂಕ ಇಳಿಸಿಕೊಳ್ಳೋ ಈ ಪ್ರಯತ್ನದಲ್ಲಿ ರೋಹಿತ್​ ತನ್ನ ಇಷ್ಟದ ಆಹಾರಗಳಿಗೆ ಬ್ರೇಕ್​ ಹಾಕಿದ್ರು. ಕಳೆದೊಂದು ತಿಂಗಳಿನಿಂದ ಕಠಿಣ ಡಯಟ್​ ಫಾಲೋ ಮಾಡ್ತಿರೋ ಹಿಟ್​ಮ್ಯಾನ್​ ತನಗಿಷ್ಟವಾದ ದಾಲ್​ ಚಾವಲ್​, ವಡಾ ಪಾವ್​, ಬಟರ್​ ಚಿಕನ್​, ಸೀ ಫುಡ್​ ಕರೀಸ್​, ಬಿರಿಯಾನಿ, ಕ್ಯಾಲೋರಿ ಹೆಚ್ಚಿರೋ ಮಿಲ್ಸ್​​ ಹಾಗೂ ಫ್ರೈಡ್​ ಸ್ನಾಕ್ಸ್​ಗಳ ಸೇವನೆ ಬಿಟ್ಟಿದ್ದಾರೆ. 

ಇದನ್ನೂ ಓದಿ:ಜನಾರ್ಧನರೆಡ್ಡಿ ವಿರುದ್ಧ ಮಾನನಷ್ಟ ಕೇಸ್ ದಾಖಲಿಸಿದ ಸಂಸದ ಶಶಿಕಾಂತ್ ಸೆಂತಿಲ್, ಜನಾರ್ಧನರೆಡ್ಡಿ ಹೇಳಿದ್ದೇನು?

ಐಪಿಎಲ್​ ಬಳಿಕ ವಿದೇಶ ಪ್ರವಾಸಕ್ಕೆ ತೆರಳಿದ್ದ ರೋಹಿತ್​ ಶರ್ಮಾ ಭಾರತಕ್ಕೆ ವಾಪಾಸ್ಸಾದ ಬೆನ್ನಲ್ಲೇ ಮುಂಬೈನ nutritionist ಒಬ್ಬರನ್ನ ಸಂಪರ್ಕಿಸಿದ್ರು. ಆ nutritionist ದೇಹದ ತೂಕ ಇಳಿಸಿಕೊಳ್ಳಲು ಅನುಗುಣವಾಗುವಂತೆ ರೋಹಿತ್​ಗೆ ಡಯಟ್​ ಚಾರ್ಟ್​ ತಯಾರಿಸಿಕೊಟ್ಟಿದ್ರು. ರೋಹಿತ್​ ತೂಕ ಇಳಿಸಿಕೊಳ್ಳೋ ಜರ್ನಿಯಲ್ಲಿ ಡಯಟ್​ ಚಾರ್ಟ್​​ ಮಹತ್ವದ ಪಾತ್ರವಹಿಸಿದೆ. ಕಳೆದ ಒಂದು ತಿಂಗಳಿಂದ ರೋಹಿತ್​ ಫಾಲೋ ಮಾಡ್ತಿರೋ ಡಯಟ್​ ಚಾರ್ಟ್​ ಹೇಗಿದೆ ಅನ್ನೋದನ್ನ ನೋಡೋದಾದ್ರೆ,

ರೋಹಿತ್​ ಡಯಟ್​ ಚಾರ್ಟ್​

ಕಳೆದ ಒಂದು ತಿಂಗಳಿಂದ ಬೆಳಗ್ಗೆ 7 ಗಂಟೆಗೆ 6 ನೆನೆಸಿದ ಬಾದಾಮಿ, ಮೊಳಕೆ ಕಾಳಿನ ಸಲಾಡ್​ ಹಾಗೂ ಫ್ರೆಶ್​ ಜ್ಯೂಸ್​ನ ರೋಹಿತ್​ ಸೇವಿಸ್ತಿದ್ದಾರೆ. ಬಳಿಕ 9.30ಕ್ಕೆ ತಿಂಡಿಗೆ ಹಾಲು, ಹಣ್ಣುಗಳು ಹಾಗೂ ಓಟ್ಸ್​ ಮೀಲ್​, 11.30ಕ್ಕೆ ಮೊಸರು, ಓಟ್ಸ್​ ಚಿಲ್ಲಾ ಜೊತೆಗೆ ಎಳನೀರು ಹಾಗೂ 1.30ಕ್ಕೆ ಮಧ್ಯಾಹ್ನದ ಊಟಕ್ಕೆ ದಾಲ್​, ರೈಸ್​, ತರಾಕರಿ ಕರ್ರಿ, ಸಲಾಡ್​ ಅನ್ನ ಸೇವಿಸ್ತಿದ್ದಾರೆ. 4.30ಕ್ಕೆ  ಪ್ರೂಟ್​​ ಸ್ಮೂಥಿ ಜೊತೆಗೆ ಡ್ರೈ ಫ್ರೂಟ್ಸ್​ ತಿನ್ನುವ ರೋಹಿತ್​, 7.30ಕ್ಕೆ ಪನ್ನಿರ್​, ತರಕಾರಿಗಳು, ಪಲಾವ್​ ಹಾಗೂ ತರಕಾರಿ ಸೂಪ್​ ತಿಂದು ರಾತ್ರಿಯ ಊಟ ಮುಗಿಸ್ತಿದ್ದಾರೆ. ಮಲಗುವ ಮುನ್ನ 9.30ಕ್ಕೆ ಒಂದು ಲೋಟ ಹಾಲು, ಮಿಕ್ಸೆಡ್​​ ನಟ್ಸ್​ ತಿಂತಿದ್ದಾರೆ. 

ದಿನಕ್ಕೆ 4 ಗಂಟೆ ಜಿಮ್​ನಲ್ಲಿ ಕಠಿಣ ವರ್ಕೌಟ್

ಊಟದ ವಿಚಾರದಲ್ಲಿ ಮಾತ್ರವಲ್ಲ.. ಕಳೆದೊಂದು ತಿಂಗಳಿಂದ ಜಿಮ್​​ನಲ್ಲೂ ಕಠಿಣ ಪರಿಶ್ರಮ ಪಡ್ತಿದ್ದಾರೆ. ಗೆಳೆಯ ಅಭಿಶೇಕ್​ ನಾಯರ್​ ಮಾರ್ಗದರ್ಶನದಲ್ಲಿ ರೋಹಿತ್​ ಶರ್ಮಾ ಜಿಮ್​ನಲ್ಲಿ ಬೆವರಿಳಿಸ್ತಿದ್ದಾರೆ. ದೇಹದ ತೂಕ ಇಳಿಸಿಕೊಳ್ಳೋಕೆ ಪ್ರತಿನಿತ್ಯ 4 ಗಂಟೆಗಳ ಕಠಿಣ ವರ್ಕೌಟ್​ ಮಾಡಿದ್ದಾರೆ. 
ಸ್ಲಿಮ್​ ಅಂಡ್ ಟ್ರಿಮ್​ ಆಗಿರೋ ರೋಹಿತ್​ ಶರ್ಮಾ ಬೆಂಗಳೂರಿನಲ್ಲಿ ಎದುರಿಸಿದ ಫಿಟ್​ನೆಸ್​ ಅಗ್ನಿಪರೀಕ್ಷೆಯಲ್ಲೂ ಗೆದ್ದಿದ್ದಾರೆ. ಇದ್ರೊಂದಿಗೆ ಮುಂಬರೋ ಆಸ್ಟ್ರೇಲಿಯಾ ಟೂರ್​​ನಲ್ಲಿ ಆಡೋದಕ್ಕೆ ರೋಹಿತ್​ಗೆ ಲೈನ್​ ಕ್ಲೀಯರ್​ ಆಗಿದೆ. 2027ರ ಏಕದಿನ ವಿಶ್ವಕಪ್​ ಆಡಬೇಕಂದ್ರೆ ಇದೇ ಡಯಟ್​, ಇದೇ ವರ್ಕೌಟ್​ನ ಮುಂದೆಯೂ ಮೆಂಟೇನ್​ ಮಾಡಬೇಕಿದೆ.

ಇದನ್ನೂ ಓದಿ:ಟಾಟಾ ಕಂಪನಿಯ ಕಾರ್ ಗಳ ಬೆಲೆ 65 ಸಾವಿರದಿಂದ 1.45 ಲಕ್ಷ ರೂ.ವರೆಗೆ ಕಡಿತ, ಗ್ರಾಹಕರಿಗೆ ಭರ್ಜರಿ ಲಾಭ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ