Subscribe
ad_close_btn

Powered by :

ಸ್ಪೋರ್ಟ್ಸ್ ಟಾಪ್ ನ್ಯೂಸ್

ನಿತೀಶ್‌, ದಿಗ್ವೇಶ್ ರಾಠಿ ಫೈಟ್​! ಕೆಣಕಿ ಕೈಸುಟ್ಟುಕೊಂಡ ದಿಗ್ವೇಶ್ VIDEO

ಕ್ರಿಕೆಟ್​ ಅನ್ನೋದು ಕೇವಲ ಜಂಟಲ್​ಮನ್ ಗೇಮ್ ಮಾತ್ರವಲ್ಲ. ಒಂದು ಕಿರಿಕ್ ಗೇಮ್ ಅಂದ್ರೂ ತಪ್ಪಿಲ್ಲ. ಬೌಂಡರಿ, ಸಿಕ್ಸರ್​​ಗಳಿಂದ ರಂಜಿಸುವ ಕ್ರಿಕೆಟ್​, ಆಗಾಗ ಕಿರಿಕ್​ಗಳಿಂದಲೂ ಸುದ್ದಿಯಾಗುತ್ತೆ.

author-image
Ganesh Kerekuli
digvesh rathi
Advertisment

ಕ್ರಿಕೆಟ್​ ಅನ್ನೋದು ಕೇವಲ ಜಂಟಲ್​ಮನ್ ಗೇಮ್ ಮಾತ್ರವಲ್ಲ. ಒಂದು ಕಿರಿಕ್ ಗೇಮ್ ಅಂದ್ರೂ ತಪ್ಪಿಲ್ಲ. ಬೌಂಡರಿ, ಸಿಕ್ಸರ್​​ಗಳಿಂದ ರಂಜಿಸುವ ಕ್ರಿಕೆಟ್​, ಆಗಾಗ ಕಿರಿಕ್​ಗಳಿಂದಲೂ ಸುದ್ದಿಯಾಗುತ್ತೆ. 

ಭಾರತೀಯ ಕ್ರಿಕೆಟ್ ಲೋಕದಲ್ಲಿ ಯಾರು ಹೆಚ್ಚು ಸುದ್ದಿಯಾಗ್ತಾರೋ ಇಲ್ವೋ? ಡೆಲ್ಲಿ ಬಾಯ್ಸ್​ ಅಂತೂ ಆನ್​ಫಿಲ್ಡ್​ ವಿವಾದಗಳಿಂದಲೇ ಸುದ್ದಿಯಾಗ್ತಿರ್ತಾರೆ. ವಿರಾಟ್ ಕೊಹ್ಲಿ ಅಂಡ್ ಗೌತಮ್ ಗಂಭೀರ್, ನಿತೀಶ್ ರಾಣಾ ಅಂಡ್ ಹೃತಿಕ್ ಶೊಕೀನ್ ಮೈದಾನದಲ್ಲೇ ಕಿತ್ತಾಡಿದ್ದಿದೆ. ಐಪಿಎಲ್​ನಲ್ಲೂ ಡೆಲ್ಲಿ ಮೂಲದ ದಿಗ್ವೇಶ್ ರಾಠಿ, ಕಿರಿಕ್​ ಹಾಗೂ ವಿವಾದಗಳಿಂದಲೇ ಟೂರ್ನಿಯುದಕ್ಕೂ ಸುದ್ದಿಯಾಗಿದ್ದಿದೆ. ಇದೇ  ದಿಗ್ವೇಶ್ ರಾಠಿ, ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಇದಕ್ಕೆ ಸಾಕ್ಷಿಯಾಗಿದ್ದು ಡೆಲ್ಲಿ ಪ್ರೀಮಿಯರ್ ಲೀಗ್.

ನಿತೀಶ್‌, ದಿಗ್ವೇಶ್ ರಾಠಿ ಫೈಟ್

ವೆಸ್ಟ್ ಡೆಲ್ಲಿ ಲಯನ್ಸ್‌ ಅಂಡ್ ಸೌತ್‌ ಡೆಲ್ಲಿ ಸೂಪರ್‌ಸ್ಟಾರ್ಸ್‌ ನಡುವಿನ ಎಲಿಮಿನೇಟರ್​ ಮ್ಯಾಚ್. ಈ ಪಂದ್ಯದಲ್ಲಿ ಸೌತ್‌ ಡೆಲ್ಲಿ ಸೂಪರ್‌ಸ್ಟಾರ್ಸ್‌ ನೀಡಿದ್ದ ಟಾರ್ಗೆಟ್​ ವೆಸ್ಟ್ ಡೆಲ್ಲಿ ಬೆನ್ನಟ್ಟಿತ್ತು. ಆರಂಭಿಕ ಅಘಾತದ ನಡುವೆಯೂ ನಿತಿಶ್ ರಾಣಾ ಅಬ್ಬರಿಸುತ್ತಿದ್ದರು. 21 ಎಸೆತಗಳಲ್ಲಿ ಅರ್ಧಶತಕ ಸಿಡಿಸಿದರು. ಗೆಲುವಿನತ್ತ ಕೊಡೊಯ್ದಿದ್ದ ಪಂದ್ಯಕ್ಕೆ  ಮತ್ತಷ್ಟು ರೋಚಕ ಟಚ್ ನೀಡಿದ್ದು ದಿಗ್ವೇಶ್ ರಾಠಿ. 

ಇದನ್ನೂ ಓದಿ:ಕೊಹ್ಲಿ, ರೋಹಿತ್ ಭವಿಷ್ಯ ಬರೆಯಲು BCCI ಮುಹೂರ್ತ; ಬೆಂಗಳೂರಲ್ಲಿ ವೇದಿಕೆ ರೆಡಿ..!

10ನೇ ಓವರ್ ಎಸೆತಯಲು ಬಂದ ದಿಗ್ವೇಶ್​​ಗೆ, ರಾಣಾ 1 ಬೌಂಡರಿ, ಸಿಕ್ಸರ್​ನೊಂದಿಗೆ ವೆಲ್ ಕಮ್ ಮಾಡಿದ್ರು. ಈ ಬಳಿಕ 4ನೇ ಎಸೆತ ಎಸೆಯಲು ಬಂದ ದಿಗ್ವೇಶ್, ಚೆಂಡನ್ನ ಎಸೆಯದೇ ಹಿಂತಿರುಗಿದ್ದರು. ಇದಾದ ಬಳಿಕ ಚೆಂಡೆಸೆಯಲು ಮುಂದಾದಾಗ ನಿತೀಶ್ ರಾಣಾ ಹಿಂದೆ ಸರಿದರು. ನಂತರ ಸ್ವಿಚ್ ಹಿಟ್​ನೊಂದಿಗೆ ಸಿಕ್ಸ್ ಬಾರಿಸಿದ ನಿತಿಶ್ ರಾಣಾ, ಬ್ಯಾಟ್​ ಮೇಲೆ ಸಹಿ ಹಾಕುವ ಮೂಲಕ ನೋಟ್​ಬುಕ್ ಸೆಲೆಬ್ರೇಷನ್​ಗೆ ಟಕ್ಕರ್ ನೀಡಿದರು.  ನಿತಿಶ್ ರಾಣಾರ ಸೆಲಬ್ರೇಷನ್​ಗೆ ಕೆಂಡವಾಗಿದ್ದ ದಿಗ್ವೇಶ್, ನಿಂದಿಸಿದ್ದಾರೆ. ಇದು ಮಾತಿನ ಚಕಮಕಿಗೆ ಕಾರಣವಾಯ್ತು. 

ಲೀಗ್​​​ನಲ್ಲಿ ಇದೇ ತಂಡದ ಬ್ಯಾಟರ್​​​ಗೆ ಕೆಣಕಿದ್ದ ದಿಗ್ವೇಶ್ ರಾಠಿ

ಎಲಿಮಿನೇಟರ್ ಪಂದ್ಯದಲ್ಲೇ ಅಲ್ಲ. ಲೀಗ್​ ಮ್ಯಾಚ್​ನಲ್ಲೂ ವೆಸ್ಟ್ ಡೆಲ್ಲಿ ಲಯನ್ಸ್ ತಂಡದ ಅಂಕಿತ್ ಕುಮಾರ್​​​​ಗೆ ಕೆಣಕಿದ್ದರು. ಪವರ್ ಪ್ಲೇನಲ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸ್ತಿದ್ದ ಅಂಕಿತ್​​ಗೆ ಚೆಂಡನ್ನು ಎಸೆಯದೇ ಹಿಂತಿರುಗಿ ಕೆಣಕಿದ್ದರು. ನಂತರ ಚೆಂಡೆಸೆಯಲು ಬಂದಿದ್ದ ದಿಗ್ವೇಶ್​ಗೆ, ಅಂಕಿತ್ ಕ್ರೀಸ್​ನಿಂದ ಹೊರ ನಡೆದು ಪ್ರತ್ಯುತ್ತರ ನೀಡಿದರು. ಈ ವೇಳೆ ಕೋಪಗೊಂಡ ದಿಗ್ವೇಶ್, ಅಶ್ಲೀಲವಾಗಿ ಬೈದ್ದಿದ್ದರು. ಇದಕ್ಕೆ ಅಂಕಿತ್, 12ನೇ ಓವರ್​ನಲ್ಲಿ ದಿಗ್ವೇಶ್ ರಾಥಿಗೆ ಬ್ಯಾಕ್ ಟು ಬ್ಯಾಕ್ ಎರಡು ಸಿಕ್ಸ್ ಸಿಡಿಸಿ ಮುಟ್ಟಿ ನೋಡಿಕೊಳ್ಳುವಂತೆ ಮಾಡಿದ್ರು.

ಅಭಿಷೇಕ್ ಶರ್ಮಾ ಜೊತೆ ನಡೆದಿತ್ತು ಕಿರಿಕ್

ಐಪಿಎಲ್​ನಲ್ಲಿ ಲಕ್ನೋ ಪರ ಆಡ್ತಿದ್ದ ದಿಗ್ವೇಶ್ ರಾಠಿ, ನೋಟ್ ಬುಕ್ ಸೆಲೆಬ್ರೇಷನ್​ನಿಂದಲೇ ಹೆಚ್ಚು ಸುದ್ದಿಯಾಗಿದ್ದರು. ಇದೇ ನೋಟ್ ಬುಕ್ ಸೆಲಬ್ರೇಷನ್​ನಿಂದ ಅಭಿಷೇಕ್ ಶರ್ಮಾ ಹಾಗೂ  ದಿಗ್ವೇಶ್ ರಾಠಿ ಮಾತಿನ ಚಕಮಕಿಗೆ ಕಾರಣವಾಯ್ತು. ಲಕ್ನೋ ಬೌಲರ್​ಗಳನ್ನ ಮನಬಂದಂತೆ ದಂಡಿಸಿದ್ದ ಅಭಿಷೇಕ್, ಕೇವಲ 20 ಎಸೆತಗಳಲ್ಲಿ 59 ರನ್ ಚಚ್ಚಿದ್ದರು. ಈ ವೇಳೆ ರಾಠಿ  ಬೌಲಿಂಗ್​​ನಲ್ಲಿ ಅಭಿಷೇಕ್, ಶಾರ್ದೂಲ್​ಗೆ ಕ್ಯಾಚ್ ನೀಡಿ ಔಟಾದರು. ವಿಕೆಟ್ ಸಿಕ್ಕ ಖುಷಿಯಲ್ಲಿ ನೋಟ್​ ಬುಕ್ ಸೆಲಬ್ರೇಷನ್ ಮಾಡಿದರು. ಇದಕ್ಕೆ ಕುಪಿತಗೊಂಡಿದ್ದ ಅಭಿಷೇಕ್, ವಾಗ್ವಾದಕ್ಕಿಳಿದರು. ಪರಿಸ್ಥಿತಿ ವಿಕೋಪಕ್ಕೆ ಹೋಗುವ ಮುನ್ನ ಅಂಪೈರ್ಸ್​ ಹಾಗೂ ಸಹ ಆಟಗಾರರು ಸಮಾಧಾನ ಪಡೆಸಿದ್ರು.

ಪ್ರಿಯಾಂಶ್ ಆರ್ಯ ಬಳಿ ತೆರೆಳಿ ನೋಟ್ ಬುಕ್ ಸೆಲಬ್ರೇಷನ್

ಪಂಜಾಬ್​ ಕಿಂಗ್ಸ್​ ವಿರುದ್ಧದ ಪಂದ್ಯದಲ್ಲಿ​​ ಪ್ರಿಯಾಂಶ್​ ಆರ್ಯ ವಿಕೆಟ್​ ಉರುಳಿಸಿದ್ರು. ವಿಕೆಟ್​ ಬಿದ್ದ ಬಳಿಕ ಪ್ರಿಯಾಂಶ್​ ಬಳಿ ತೆರಳಿ ನೋಟ್​ಬುಕ್​ ಸೆಲಬ್ರೇಷನ್​ ಮಾಡಿದ್ರು. ಈ ಸೆಲಬ್ರೇಷನ್​​ನಿಂದ ಮ್ಯಾಚ್​​ ರೆಫರಿ ಕೆಂಗಣ್ಣಿಗೆ ಗುರಿಯಾದ ದಿಗ್ವೇಶ್, ದಂಡಕ್ಕೆ ಗುರಿಯಾದ್ರು.

ಇದನ್ನೂ ಓದಿ:ವಿರಾಟ್ ಕೊಹ್ಲಿ ಹಾದಿಯಲ್ಲೇ ಹಾರ್ದಿಕ್ ಪಾಂಡ್ಯ.. ಏನದು?

ಮುಂಬೈ ಇಂಡಿಯನ್ಸ್​ ವಿರುದ್ಧದ ಪಂದ್ಯದಲ್ಲಿ ನಮನ್​ಧೀರ್​​ನ ಕ್ಲೀನ್​ ಬೋಲ್ಡ್​ ಮಾಡಿದ ದಿಗ್ವೇಶ್​, ನೋಟ್​ಬುಕ್​ ಸೆಲಬ್ರೇಷನ್​ ಮಾಡಿದ್ರು. ಶಿಸ್ತು ಉಲ್ಲಂಘಿಸಿದ ಕಾರಣಕ್ಕೆ ಮತ್ತೊಮ್ಮೆ ಮ್ಯಾಚ್​ ರೆಫರಿ ದಂಡಾಸ್ತ್ರ ಪ್ರಯೋಗಿಸಿದ್ರು. ಹೀಗೆ ಟೂರ್ನಿಯುದ್ದಕ್ಕೂ ನೋಟ್​​ಬುಕ್ ಸೆಲಬ್ರೇಷನ್​ನಿಂದ ದಂಡ ಪಾವತಿಸುತ್ತಿದ್ದ ದ್ವಿಗ್ವೇಶ್, ಒಂದು ಪಂದ್ಯದಿಂದ ಬ್ಯಾನ್ ಕೂಡ ಆಗಬೇಕಾಯ್ತು. ಆದ್ರೀಗ ಡೆಲ್ಲಿ ಪ್ರೀಮಿಯರ್ ಲೀಗ್​ನಲ್ಲೂ ಅನ್ನೇ ಮುಂದುವರಿಸಿರುವ ದಿಗ್ವೇಶ್, ಮತ್ತೆ ದಂಡದ ಶಿಕ್ಷೆಗೆ ಒಳಗಾಗಿದ್ದಾರೆ. ವಿವಾದದ ಕೇಂದ್ರ ಬಿಂದುವಾಗಿದ್ದಾರೆ.

ಇದನ್ನೂ ಓದಿ:ರಾಜಸ್ಥಾನ್ ರಾಯಲ್ಸ್​​ಗೆ ದ್ರಾವಿಡ್​ ಶಾಕ್; ಕೋಚ್​ ಹುದ್ದೆಗೆ ದಿಢೀರ್ ರಾಜೀನಾಮೆ..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ

Digvesh Rathi Cricket news in Kannada
Advertisment