ಸಿರಾಜ್ ಲಾಂಗ್ ಸ್ಪೆಲ್ ಹಿಂದಿದೆ ಒಂದು ಸಿಕ್ರೇಟ್​.. ಸ್ಟಾರ್ ವೇಗಿಯ ಸಹೋದರನಿಂದ ಗುಟ್ಟು ರಟ್ಟು..!

ಮೊಹಮ್ಮದ್ ಸಿರಾಜ್, ಟೀಮ್ ಇಂಡಿಯಾದ ಸಿಡಿಗುಂಡು. ಟೀಮ್ ಇಂಡಿಯಾದ ಮ್ಯಾಚ್ ವಿನ್ನರ್. ಇಂಗ್ಲೆಂಡ್ ಪ್ರವಾಸದಲ್ಲಿ ಟೀಮ್ ಇಂಡಿಯಾ ಯಶಸ್ಸಿನ ಹಿಂದಿನ ಸೂತ್ರಧಾರ. ಬುಲೆಟ್​ ವೇಗದಲ್ಲಿ ಬೌಲಿಂಗ್ ಮಾಡಿ ಎದುರಾಳಿಯ ಹೆಡೆಮುರಿ ಕಟ್ಟಿದ ಹಂಟರ್. ಇಂಗ್ಲೆಂಡ್ ಪ್ರವಾಸದಲ್ಲಿ ಡೆಡ್ಲಿ ಸ್ಪೆಲ್ ಹಾಕಿದ ಸಿರಾಜ್, ಎದುರಾಳಿ ಇಂಗ್ಲೆಂಡ್ ತಂಡದ ಹೆಡೆಮುರಿಯ ಕಟ್ಟಿದ್ರು. ಬೂಮ್ರಾ ಹೊರತಾದ ಟೀಮ್ ಇಂಡಿಯಾದ ಬೌಲಿಂಗ್ ಅಟ್ಯಾಕ್​​ ಎಷ್ಟು ಸ್ಟ್ರಾಂಗ್ ಅನ್ನೋದನ್ನ ನಿರೂಪಿಸಿದ್ರು.

ಸಿರಾಜ್​ ಲಾಂಗ್ ಸ್ಪೆಲ್

ಇಂಗ್ಲೆಂಡ್ ಸರಣಿಯಲ್ಲಿ ಎಲ್ಲರ ಗಮನ ಸೆಳೆದಿದ್ದು ಮೊಹಮ್ಮದ್​ ಸಿರಾಜ್, ಲಾಂಗ್ ಸ್ಪೆಲ್. ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 5  ಪಂದ್ಯಗಳಿಂದ ಬೌಲಿಂಗ್ ಮಾಡಿದ್ದು ಬರೋಬ್ಬರಿ 1113 ಬಾಲ್​.. ಅಂದ್ರೆ, 185.3 ಓವರ್​​ಗಳು.

ಇದನ್ನೂ ಓದಿ: ಇನ್ಮುಂದೆ IPL ಆಡುತ್ತೇನೆ ಎಂದು ಭಾವಿಸಬೇಡಿ.. ಫ್ಯಾನ್ಸ್​ಗೆ ಶಾಕಿಂಗ್ ಹೇಳಿಕೆ ಕೊಟ್ಟ ಎಂ.ಎಸ್ ಧೋನಿ!

ಇಂಗ್ಲೆಂಡ್ ಸರಣಿಯಲ್ಲಿ ಸಿರಾಜ್ ಬೌಲಿಂಗ್..!

ಇಂಗ್ಲೆಂಡ್​ ಪ್ರವಾಸದ ಲೀಡ್ಸ್​ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ 27 ಓವರ್​ ಬೌಲಿಂಗ್ ಮಾಡಿದ್ದ ಸಿರಾಜ್, 2ನೇ ಇನ್ನಿಂಗ್ಸ್​ನಲ್ಲಿ 14 ಓವರ್ ಬೌಲ್​​​ ಮಾಡಿದ್ರು. ಬರ್ಮಿಂಗ್​​ಹ್ಯಾಮ್​ನ 2ನೇ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ 19.3 ಓವರ್​, 2ನೇ ಇನ್ನಿಂಗ್ಸ್​ನಲ್ಲಿ 12 ಓವರ್ ಎಸೆದಿದ್ದ ಹೈದ್ರಾಬಾದ್ ಹಂಟರ್​, ಲಾರ್ಡ್ಸ್​​​ನ ಮೊದಲ ಇನ್ನಿಂಗ್ಸ್​ ​23.3 ಓವರ್ಸ್, 2ನೇ ಇನ್ನಿಂಗ್ಸ್​ 13 ಓವರ್​​ಗಳನ್ನು ಎಸೆದಿದ್ರು. ಮ್ಯಾಂಚೆಸ್ಟರ್​ನಲ್ಲಿ ಆಡಿದ ಒಂದೇ ಇನ್ನಿಂಗ್ಸ್​ನಲ್ಲಿ 30 ಓವರ್ ಬೌಲಿಂಗ್ ಮಾಡಿದ್ದ ಸಿರಾಜ್, ಕೆನ್ನಿಂಗ್ಟನ್ ಓವಲ್​ನಲ್ಲಿ 16.2 ಓವರ್, 2ನೇ ಇನ್ನಿಂಗ್ಸ್​ನಲ್ಲಿ ಬರೋಬ್ಬರಿ 30.1 ಓವರ್ ಬೌಲಿಂಗ್ ಮಾಡಿದ್ದರು. 

ಸಿರಾಜ್​ ಲಾಂಗ್​ ಸ್ಪೆಲ್​ ಹಿಂದಿದೆ ‘ಡಯಟ್​ ಸೀಕ್ರೆಟ್’

ಕ್ರಿಕೆಟ್​​​ನಲ್ಲಿ ಬ್ಯಾಟ್ಸ್​ಮನ್​ಗಳಿಗಿಂತ ವೇಗಿಗಳೇ ಹೆಚ್ಚು ಫಿಟ್ ಇರಬೇಕು. ಇದು ಕ್ರಿಕೆಟ್​ ನಿಯಮ.. ಇದಕ್ಕೆ ಪ್ರತ್ಯಕ್ಷ ಸಾಕ್ಷಿಯೇ ಮೊಹಮ್ಮದ್ ಸಿರಾಜ್​.. ಯಾಕಂದ್ರೆ 5 ಟೆಸ್ಟ್ ಮ್ಯಾಚ್ ಅಂದ್ರೆ ವರ್ಕ್​ಲೋಡ್​ ನೆಪದಲ್ಲಿ ಒಂದು ಮ್ಯಾಚ್ ಆದ್ರೂ ರೆಸ್ಟ್ ಮಾಡೋಣ ಅಂತಿರ್ತಾರೆ. ಬ್ಯಾಕ್ ಟು ಬ್ಯಾಕ್ ಸ್ಪೆಲ್ ಮಾಡಿದ್ರೂ ಸುಸ್ತಾಗಿ ಬಿಡ್ತಾರೆ. ಇದಕ್ಕೆ ಭಿನ್ನ ಮೊಹಮ್ಮದ್ ಸಿರಾಜ್, ಇದಕ್ಕೆ ಬೆಸ್ಟ್ ಎಕ್ಸಾಂಪಲ್​ 185.1 ಓವರ್. ಇದೀಗ ಈ ಲಾಂಗ್ ಸ್ಪೆಲ್ ಸೀಕ್ರೆಟ್ ಸಿರಾಜ್​ ವರ್ಕೌಟ್ ಅಂಡ್ ಡಯಟ್​.

ಇದನ್ನೂ ಓದಿ:Poora Khol Diye Pasha; ಹೈದರಾಬಾದ್​ ಸಂಸದನಿಗೆ ಬೌಲರ್ ಮೊಹಮ್ಮದ್ ಸಿರಾಜ್ ಕ್ಲಾಸಿ ಆನ್ಸರ್..?

ಲಾಂಗ್ ಸ್ಪೆಲ್ ಸೀಕ್ರೆಟ್

ಸಿರಾಜ್ ಫಿಟ್​ನೆಸ್ ಮೇಲೆ ಫೋಕಸ್ ಮಾಡಿದ್ದಾರೆ. ಇದಕ್ಕಾಗಿ ಜಂಕ್​ ಫುಡ್​ನಿಂದ ದೂರ ಉಳಿದಿದ್ದಾರೆ. ಕಟ್ಟುನಿಟ್ಟಿನ ಆಹಾರ ಕ್ರಮವನ್ನು ಪಾಲಿಸ್ತಿದ್ದಾರೆ. ಹೈದ್ರಾಬಾದ್​​ನಲ್ಲಿದ್ರೂ ಬಿರಿಯಾನಿ ತಿನ್ನುವುದು ಅಪರೂಪ. ಯಾವುದಾದರು ಸಮಾರಂಭಗಳಲ್ಲಿ ಮಾತ್ರವೇ ತಿನ್ನುತ್ತಾರೆ. ಅದು ಕೂಡ ಮನೆಯಲ್ಲಿ ಮಾಡಿರುವುದನ್ನ ಮಾತ್ರ. ಪಿಜ್ಜಾ, ಫಾಸ್ಟ್​ ಫುಡ್​ಗಳು ಸೇವಿಸಲ್ಲ. ಸಿರಾಜ್ ಆತನ ದೇಹದ ವಿಚಾರದಲ್ಲಿ ಕಟ್ಟುನಿಟ್ಟಾಗಿದ್ದಾರೆ-ಮೊಹಮ್ಮದ್ ಇಸ್ಮಾಯಿಲ್, ಸಿರಾಜ್ ಸಹೋದರ

ಹೈದ್ರಾಬಾದ್ ಅಂದ್ರೆ ಬಿರಿಯಾನಿಗೆ ಫೇಮಸ್. ಮುಸಲ್ಮಾನರಾಗಿ ಬಿರಿಯಾನಿಯಿಂದ ದೂರ ಇರೋದು ಸ್ವಲ್ಪ ಕಷ್ಟನೇ. ಸಿರಾಜ್, ಡಯಟ್​ ವಿಚಾರದಲ್ಲಿ ರಾಜಿಯನ್ನೇ ಮಾಡಿಕೊಳ್ಳಲಿಲ್ಲ. ಇದಕ್ಕೆ ಕಾರಣವಾಗಿದ್ದು ಆ ಒಂದು ಘಟನೆ. 

ಸಿರಾಜ್ ಮನಸ್ಥಿತಿ ಬದಲಿಸಿದ್ದು ಚಾಂಪಿಯನ್ಸ್ ಟ್ರೋಫಿ

2025ರ ಚಾಂಪಿಯನ್ಸ್ ಟ್ರೋಫಿ. ಈ ಮಹತ್ವದ ಟೂರ್ನಿಯಲ್ಲಿ ಸರ್​ಪ್ರೈಸಿಂಗ್​ ರೀತಿಯಲ್ಲಿ ಮೊಹಮ್ಮದ್ ಸಿರಾಜ್​ ಸ್ಥಾನ ಕಳೆದುಕೊಂಡಿದ್ದರು. ಇದರಿಂದ ಬೇಸರವಾಗಿದ್ದ ಸಿರಾಜ್, ಅಂದೇ ಕಮ್​ಬ್ಯಾಕ್ ಶಪಥ ಮಾಡಿದ್ದರು. ಡಯಟ್​, ವರ್ಕೌಟ್​ ಮೇಲೆ ಫೋಕಸ್​ ಮಾಡಿದ್ರಂತೆ..

ಸಿರಾಜ್ ಛಲಬಿಡಲ್ಲ..!

ಮೊಹಮ್ಮದ್ ಸಿರಾಜ್​ರದ್ದು 100% ನೆವರ್ ಗಿವ್ ಅಫ್​ ಅಟಿಟ್ಯೂಡ್​. ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಸ್ಥಾನ ಸಿಗದಿದ್ದಾಗಲೂ ಡಿಮೋಟಿವೇಟ್ ಆಗಿರಲಿಲ್ಲ. ಮತ್ತಷ್ಟು ಹೆಚ್ಚು ಕಠಿಣ ಶ್ರಮ ವಹಿಸಿದರು. ಜಿಮ್​​ನಲ್ಲಿ ಹೆಚ್ಚು ಬೆವರು ಹರಿಸುತ್ತಿದ್ದರು. ಫಿಟ್ನೆಸ್​ ಮೇಲೆ ಗಮನ ಹರಿಸಿದರು. ಪ್ರತಿ ದಿನ ಬೆಳಗ್ಗೆ ಹಾಗೂ ಸಂಜೆ ಹೆಚ್ಚು ಅಭ್ಯಾಸದಲ್ಲೇ ತೊಡಗಿದರು. ತಾನು ಏನನ್ನು ಮಿಸ್ಸಾಗಿದ್ದೇನೆ ಎಂಬುವುದನ್ನು ಕಂಡುಕೊಂಡಿದ್ದ ಸಿರಾಜ್, ಅದನ್ನು ನಂತರ ಪಡೆದುಕೊಂಡನು-ಮೊಹಮ್ಮದ್ ಇಸ್ಮಾಯಿಲ್, ಸಿರಾಜ್ ಸಹೋದರ

ಸಿರಾಜ್​ರದ್ದು ನೆವರ್ ಗೀವ್ ಆಪ್ ಅಟಿಟ್ಯೂಡ್ ಅನ್ನೋದನ್ನ ಕೆನ್ನಿಂಗ್ಟನ್ ಓವಲ್ ಟೆಸ್ಟ್ ಪಂದ್ಯವೇ ಹೇಳುತ್ತೆ. ಆನ್​ಫಿಲ್ಡ್​ನಲ್ಲಿ ಹೋರಾಟ ಮಾಡಿದ ಪರಿ ಸಿರಾಜ್ ಎಂಥ ಫೈಟರ್ ಅನ್ನೋದನ್ನ ಜಗತ್ತಿಗೆ ಸಾರಿದೆ. ಐಪಿಎಲ್ ಟೂರ್ನಿಯ ಬೆನ್ನಿಗೆ ಇಂಗ್ಲೆಂಡ್ ಸರಣಿಪೂರ್ತಿ ಒಂದೂ ಮ್ಯಾಚ್ ರೆಸ್ಟ್ ಪಡೆಯದೇ ಲಾಂಗ್ ಸ್ಪೆಲ್ ಮಾಡಿರೋದು ಸಿರಾಜ್ ಫಿಟ್ನೆಸ್ ಲೆವೆಲ್​ಗೆ ಹಿಡಿದ ಕೈಗನ್ನಡಿ ಮಾತ್ರವಲ್ಲ. ಕಠಿಣ ಶ್ರಮದ ಸಿಕ್ಕ ಫಲವೂ ಹೌದು.

ಇದನ್ನೂ ಓದಿ: ಅದೊಂದು ಕ್ಯಾಚ್ ಕಂಗೆಡಿಸಿಬಿಟ್ಟಿತ್ತು.. ಕೊನೆಯಲ್ಲಿ ರಿಯಲ್ ವಾರಿಯರ್ ಎಂದು ಸಿರಾಜ್​​ ನಿರೂಪಿಸಿದ್ದೇಗೆ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ