ಶ್ರೀಮಂತ ಕ್ರಿಕೆಟ್​​ ಲೀಗ್​ನಲ್ಲಿ ಆರ್​ಸಿಬಿಯೇ ಕಿಂಗ್.. ತಂಡಗಳ ಬ್ರ್ಯಾಂಡ್ ವ್ಯಾಲ್ಯೂ ಲಿಸ್ಟ್..!

ಇಂಡಿಯನ್​ ಪ್ರೀಮಿಯರ್​​ ಲೀಗ್​. ವಿಶ್ವದ ಶ್ರೀಮಂತ ಕ್ರಿಕೆಟ್​ ಲೀಗ್​. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಈ ಶ್ರೀಮಂತ ಕ್ರಿಕೆಟ್​ ಲೀಗ್​ನ ಚಾಂಪಿಯನ್​. 18 ವರ್ಷಗಳ ಬಳಿಕ ಚೊಚ್ಚಲ ಟ್ರೋಫಿ ಗೆದ್ದ ಆರ್​​ಸಿಬಿ, ಈಗ ಐಪಿಎಲ್ ಬಾಸ್​ ಆಗಿದೆ. 5 ಬಾರಿ ಟ್ರೋಫಿ ಗೆದ್ದ ಚೆನ್ನೈನೇ ಹಿಂದಿಕ್ಕಿ ಅಗ್ರಸ್ಥಾನಕ್ಕೇರಿಸಿದೆ. ​ಆರ್​​ಸಿಬಿ ಈಗ ಐಪಿಎಲ್​ನ ಮೋಸ್ಟ್​ ವ್ಯಾಲ್ಯುವೇಬಲ್​ ಅಂಡ್ ರಿಚೆಸ್ಟ್​ ಟೀಮ್​!

ಐಪಿಎಲ್​​ನ ಮೋಸ್ಟ್​ ವ್ಯಾಲ್ಯೂಬಲ್​ ಟೀಮ್ ಆರ್​ಸಿಬಿ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು. ಐಪಿಎಲ್​​ನ ಹಾಲಿ ಚಾಂಪಿಯನ್ಸ್​. ಬರೋಬ್ಬರಿ 18 ವರ್ಷಗಳ ಬಳಿಕ ಟ್ರೋಫಿಗೆ ಮುತ್ತಿಟ್ಟಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಆನ್​ಫೀಲ್ಡ್​ನಲ್ಲೇ ಅಲ್ಲ.. ಆಫ್​ ದಿ ಫೀಲ್ಡ್​ ಮಾರ್ಕೆಟಿಂಗ್​ನಲ್ಲೂ ಚಾಂಪಿಯನ್ ಆಗಿದೆ. ಟ್ರೋಫಿಯ ಬರ ನೀಗಿಸಿಕೊಂಡ ಬಳಿಕ ಬ್ರ್ಯಾಂಡ್​ ವಾಲ್ಯೂ ಹೆಚ್ಚಿಸಿಕೊಂಡಿರುವ ಬೆಂಗಳೂರು ಬಾಯ್ಸ್​, ಸಿಎಸ್‌ಕೆ,  ಮುಂಬೈ ಇಂಡಿಯನ್ಸ್‌ ತಂಡಗಳ ದಾಖಲೆಗಳನ್ನೇ ನುಚ್ಚುನೂರು ಮಾಡಿ ನಂಬರ್.1 ಪಟ್ಟ ಅಲಂಕರಿಸಿದೆ.

ಇದನ್ನೂ ಓದಿ:ರಾಜಸ್ಥಾನ್ ರಾಯಲ್ಸ್​​ಗೆ ದ್ರಾವಿಡ್​ ಶಾಕ್; ಕೋಚ್​ ಹುದ್ದೆಗೆ ದಿಢೀರ್ ರಾಜೀನಾಮೆ..!

ಚಾಂಪಿಯನ್​ ಆರ್​​ಸಿಬಿ ಆದಾಯ ಬಂಪರ್​ ಏರಿಕೆ

ಐಪಿಎಲ್​ನಲ್ಲಿ ಅದ್ಭುತ ಪ್ರದರ್ಶನ ನೀಡಿ ಆರ್​​ಸಿಬಿ ಚಾಂಪಿಯನ್ ಆಗಿ ಮೆರೆದಾಡಿದೆ.  ಚಾಂಪಿಯನ್ ಆಗಿ ಮರೆದಾಡಿದ ಆರ್​​ಸಿಬಿ ಆದಾಯ ಕೂಡ ಭರ್ಜರಿ ಏರಿಕೆ ಕಂಡಿದೆ. ಆರ್​​ಸಿಬಿಯ ಬ್ರ್ಯಾಂಡ್​ ವ್ಯಾಲ್ಯೂ ಶೇಖಡ 18.5 ಏರಿಕೆ ಕಂಡಿದೆ. ಇದರೊಂದಿಗೆ ಆರ್​​ಸಿಬಿಯ ಬ್ರ್ಯಾಂಡ್​ ವ್ಯಾಲ್ಯೂ  2307 ಕೋಟಿಗೆ ಹೆಚ್ಚಳವಾಗಿದೆ. ಐಪಿಎಲ್​​ನ ಶ್ರೀಮಂತ ಫ್ರಾಂಚೈಸಿಯಾಗಿ ಆರ್​ಸಿಬಿ ಹೊರಹೊಮ್ಮಿದೆ.

2ನೇ ಸ್ಥಾನದಲ್ಲಿ ಅಂಬಾನಿ ಬ್ರಿಗೇಡ್​ ಮುಂಬೈ

ಮುಂಬೈ ಇಂಡಿಯನ್ಸ್, ಐಪಿಎಲ್​​ನ ಮೋಸ್ಟ್​ ಸಕ್ಸಸ್​​​ಫುಲ್​ ಫ್ರಾಂಚೈಸಿ. ಕಳೆದ ಸೀಸನ್​​​ನಲ್ಲಿ ಹೇಳಿಕೊಳ್ಳುವ ಆಟವಾಡದ ಮುಂಬೈನ ಬ್ರ್ಯಾಂಡ್​ವ್ಯಾಲ್ಯೂ ಲಿಸ್ಟ್​ನಲ್ಲಿ 2ನೇ ಸ್ಥಾನದಲ್ಲಿದೆ. 2024ರಿಂದ 2025ಕ್ಕೆ 18.6 ಪರ್ಸೆಂಟ್​​​ಗೆ​ ವ್ಯಾಲ್ಯೂ​ ಏರಿದೆ. ಒಟ್ಟಾರೆ 2075 ಕೋಟಿ ಬ್ರ್ಯಾಂಡ್​ ವ್ಯಾಲ್ಯೂ ಅಂಬಾನಿ ಬ್ರಿಗೆಡ್​ ಮುಂಬೈ ಇಂಡಿಯನ್ಸ್​​ನದ್ದಾಗಿದೆ. 

ನಂ.1 ಸ್ಥಾನದಿಂದ ಮೂರಕ್ಕೆ ಕುಸಿದ CSK 

ಬ್ರ್ಯಾಂಡ್ ವಾಲ್ಯೂನಲ್ಲಿ  ಕಳೆದ ವರ್ಷ ನಂ.1 ಪಟ್ಟದಲ್ಲಿದ್ದ 5 ಬಾರಿಯ ಚೆನ್ನೈ, 2025ರಲ್ಲಿ 3ನೇ ಸ್ಥಾನಕ್ಕೆ ಕುಸಿದಿದೆ. ಇಂಟ್ರೆಸ್ಟಿಂಗ್ ಅಂದ್ರೆ, ಚೆನ್ನೈ ಆನ್​ಫೀಲ್ಡ್​ನಲ್ಲೇ ಅಲ್ಲ. ಆಫ್​ ದಿ ಫೀಲ್ಡ್​ ಪರ್ಫಮೆನ್ಸ್​ನಲ್ಲೂ ಪಾತಾಕ್ಕೆ ಕುಸಿದಿದೆ. ಅದು ಎಷ್ಟರ ಮಟ್ಟಿಗೆ ಅಂದ್ರೆ, ಚೆನ್ನೈ ತಂಡದ Growth ಪರ್ಸೆಂಟ್​ 1.7ರಷ್ಟು ಮಾತ್ರ. ಕೇವಲ 1.7ರಷ್ಟು ಏರಿಕೆ ಕಂಡಿರುವ ಚೆನ್ನೈ, ಒಟ್ಟು ಬ್ರ್ಯಾಂಡ್ ವಾಲ್ಯೂ, 2015 ಕೋಟಿ.

ಇದನ್ನೂ ಓದಿ: ಕೊಹ್ಲಿ, ರೋಹಿತ್ ಭವಿಷ್ಯ ಬರೆಯಲು BCCI ಮುಹೂರ್ತ; ಬೆಂಗಳೂರಲ್ಲಿ ವೇದಿಕೆ ರೆಡಿ..!

ಆರ್​​ಸಿಬಿ, ಮುಂಬೈ, ಚೆನ್ನೈ ಮೊದಲ ಮೂರು ಸ್ಥಾನಗಳಲ್ಲಿದ್ರೆ, 5.1ರಷ್ಟು ಬೆಳವಣಿಗೆ ಕಂಡಿರುವ ಕೊಲ್ಕತ್ತಾ ತಂಡದ ಮೌಲ್ಯ 1946 ಕೋಟಿಯಾಗಿದೆ. ಶೇಕಡಾ 16.7 ಪರ್ಸೆಟ್ ಬೆಳವಣಿಗೆ ಹೊಂದಿರುವ ಸನ್ ರೈಸರ್ಸ್​ ಹೈದ್ರಾಬಾದ್, ಬ್ರ್ಯಾಂಡ್​ ಮೌಲ್ಯ 1320.5 ಕೋಟಿ. 1303.4 ಕೋಟಿಯ ಬ್ರ್ಯಾಂಡ್​ ವಾಲ್ಯೂ ಹೊಂದಿರುವ ಡೆಲ್ಲಿ ಕ್ಯಾಪಿಟಲ್ಸ್​, ಆದಾಯ ಶೇಕಡಾ 16ರಷ್ಟು ಹೆಚ್ಚಿದೆ. ರಾಜಸ್ಥಾನ್ ರಾಯಲ್ಸ್ 1252 ಕೋಟಿ, ಗುಜರಾತ್ ಟೈಟನ್ಸ್​ ​ 1217 ಕೋಟಿ ಬ್ರ್ಯಾಂಡ್ ವ್ಯಾಲ್ಯೂ ಹೊಂದಿದ್ರೆ. 9ನೇ ಸ್ಥಾನದಲ್ಲಿರುವ ಪಂಜಾಬ್ ಕಿಂಗ್ಸ್​ ಬೆಳವಣಿಗೆ ಶೇಖಡ 39.6ರಷ್ಟು ಇದೆ. ಇದರ ಒಟ್ಟು ಬ್ರ್ಯಾಂಡ್ ಮೌಲ್ಯ 1209 ಕೋಟಿ ರೂಪಾಯಿ.

39.6% ಹೆಚ್ಚಾದ ಪಂಜಾಬ್ ಕಿಂಗ್ಸ್​​​​ ಬ್ರ್ಯಾಂಡ್​ವ್ಯಾಲ್ಯೂ

ಆಶ್ಚರ್ಯ ಅನ್ನಿಸಿದ್ರು ಇದು ಸತ್ಯ. ಸೀಸನ್​​-18ರಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಪಂಜಾಬ್ ಕಿಂಗ್ಸ್​, ಟ್ರೋಫಿ ಗೆಲ್ಲುವಲ್ಲಿ ವಿಫಲವಾಗಿದೆ ನಿಜ. ಬ್ರ್ಯಾಂಡ್​ ವ್ಯಾಲ್ಯೂನಲ್ಲಿ ಭಾರೀ ಏರಿಕೆ ಕಂಡಿದೆ. ಒಂದಲ್ಲ, ಎರಡಲ್ಲ ಶೇಖಡ 39.6ರಷ್ಟು ಗೈನ್ ಆಗಿದೆ. ಹೀಗಾದ್ರೂ ಮೋಸ್ಟ್ ವಾಲ್ಯೂಬಲ್ ಟೀಮ್​​​​​ ಲಿಸ್ಟ್​ನಲ್ಲಿ 9ನೇ ಸ್ಥಾನದಲ್ಲೇ ಉಳಿದೆ. ರಿಷಭ್ ಪಂತ್ ನಾಯಕತ್ವದ ಲಕ್ನೋ ಸೂಪರ್ ಜೈಂಟ್ಸ್​ ಶೇಕಡಾ 34.1ರಷ್ಟು ಬೆಳವಣಿಗೆ ಕಂಡಿವೆ. ಇದು ಆಯಾ ತಂಡದಗಳ ಆದಾಯವನ್ನು ದುಪ್ಪಟಾಗಿಸಿದಕ್ಕೆ ಬೆಸ್ಟ್ ಎಕ್ಸಾಂಪಲ್. ಒಟ್ಟಾರೆ ಬ್ರ್ಯಾಂಡ್​ ಮೌಲ್ಯದಲ್ಲಿ ಆರ್​ಸಿಬಿ ಕಾಣ್ತಿರುವುದು ಫ್ಯಾನ್ಸ್​​ಗೆ ಖುಷಿ ವಿಚಾರ.

ಇದನ್ನೂ ಓದಿ:ನಿತೀಶ್‌, ದಿಗ್ವೇಶ್ ರಾಠಿ ಫೈಟ್​! ಕೆಣಕಿ ಕೈಸುಟ್ಟುಕೊಂಡ ದಿಗ್ವೇಶ್ VIDEO

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ