ಒಂದು ತಿಂಗಳಲ್ಲಿ 20KG ತೂಕ ರೋಹಿತ್.. ಹೇಗಿತ್ತು ಫಿಟ್ನೆಸ್​ ದಿನಚರಿ..?

ಕಳೆದೊಂದು ತಿಂಗಳಿಂದ ರೋಹಿತ್​ ಶರ್ಮಾ ಭವಿಷ್ಯದ ಚರ್ಚೆ ಜೋರಾಗಿ ನಡೆದಿತ್ತು. ಬಿಸಿಸಿಐ ಸೈಡ್​​ಲೈನ್​ ಮಾಡೋ ಪ್ಲಾನ್​ ಮಾಡ್ತಿದ್ರೆ, ನಾನು ವಿಶ್ವಕಪ್​ ಆಡಿಯೇ ರಿಟೈರ್​ ಆಗೋದು ಅಂತಾ ರೋಹಿತ್​ ಸವಾಲ್​ ಎಸೆದಿದ್ದಾರೆ. ಫಿಟ್​ನೆಸ್​ ಬಗ್ಗೆ ಪ್ರಶ್ನೆ ಮಾಡಿವರಿಗೆ ಅಗ್ನಿಪರೀಕ್ಷೆ ಗೆದ್ದು ಆನ್ಸರ್​​ ಕೊಟ್ಟಿದ್ದಾರೆ. ಫುಲ್​ ಸ್ಲಿಮ್​ ಅಂಡ್ ಟ್ರಿಮ್​ ಆಗಿ ಎಲ್ಲರ ಗಮನ ಸೆಳೆದಿದ್ದಾರೆ. 

ಇದನ್ನೂ ಓದಿ:EVM ಬೇಡ, ಬ್ಯಾಲೆಟ್ ಪೇಪರ್​​ಗೆ ಆದ್ಯತೆ ನೀಡಿ - ಚುನಾವಣಾ ಆಯೋಗಕ್ಕೆ ಸರ್ಕಾರ ಶಿಫಾರಸು

ಫಿಟ್​​ನೆಸ್​​ ಬಗ್ಗೆ ಪ್ರಶ್ನೆ ಮಾಡಿವರಿಗೆಲ್ಲಾ ಟೀಮ್​ ಇಂಡಿಯಾ ಒಡಿಐ ಕ್ಯಾಪ್ಟನ್​ ರೋಹಿತ್​ ಶರ್ಮಾ ಮುಟ್ಟಿ ನೋಡಿಕೊಳ್ಳುವಂತಾ ಆನ್ಸರ್​​ ಕೊಟ್ಟಿದ್ದಾರೆ. ಸ್ಲಿಮ್​ ಅಂಡ್ ಟ್ರಿಮ್​  ರೋಹಿತ್​ ಶರ್ಮಾ ಕಂಡು ಫ್ಯಾನ್ಸ್​ ಬಾಯ ಮೇಲೆ ಬೆರಳಿಟ್ಟಿದ್ದಾರೆ. ದೇಹದ ತೂಕದ ಕಾರಣಕ್ಕೆ ಅಂದು ಟ್ರೋಲ್​ ಮಾಡಿದ್ದವರೆಲ್ಲಾ ಇಂದು ಹಾಡಿ ಹೊಗಳ್ತಿದ್ದಾರೆ. ಫಿಟ್​ನೆಸ್​ ಮಾನದಂಡವನ್ನಿಟ್ಟುಕೊಂಡು ರೋಹಿತ್​ಗೆ ಕೊಕ್​ ಕೊಡೋ ಲೆಕ್ಕಾಚಾರದಲ್ಲಿದ್ದ ಬಿಸಿಸಿಐ ಇದೀಗ ಪೇಚಿಗೆ ಸಿಲುಕಿದೆ.  

5 ನಿಮಿಷದಲ್ಲಿ ಟೆಸ್ಟ್​ ಪಾಸ್​ 

ವಿಶ್ವಕಪ್​ ಆಡೋ ಕನಸು ಕಾಣ್ತಿರೋ ರೋಹಿತ್​ ಪಾಲಿಗೆ ಹೊಸದಾಗಿ ಪರಿಚಯಿಸಿರೋ ಬ್ರೊನ್ಕೋ ಟೆಸ್ಟ್​​ ಪಾಸ್​ ಮಾಡೋ ಸವಾಲು ಎದುರಾಗಿತ್ತು. 2 ದಿನಗಳ ಹಿಂದೆ ಬೆಂಗಳೂರಿಗೆ ಬಂದಿದ್ದ ರೋಹಿತ್​ ಶರ್ಮಾ ಕಠಿಣ ಟೆಸ್ಟ್​​ನ ಸುಲಭಕ್ಕೆ ಪಾಸ್​ ಮಾಡಿದ್ದಾರೆ. 1200 ಮೀಟರ್​​ ಶಟಲ್​ನ ರನ್​ನ ಕೇವಲ 5 ನಿಮಿಷದಲ್ಲಿ ಮುಗಿಸಿ ಟೆಸ್ಟ್​ ಪಾಸ್​ ಮಾಡಿದ್ದಾರೆ. ರೋಹಿತ್​ ಈ ಟೆಸ್ಟ್​ ಪಾಸಾಗಲ್ಲ ಎಂದಿದ್ದವರಿಗೆಲ್ಲಾ ಖಡಕ್​ ಆನ್ಸರ್​ ಕೊಟ್ಟಿದ್ದಾರೆ. 

ಒಂದು ತಿಂಗಳಲ್ಲಿ 20 KG ತೂಕ ಇಳಿಸಿದ ರೋಹಿತ್​

ರೋಹಿತ್​ ಶರ್ಮಾ ಈ ಟೆಸ್ಟ್​​ನ ಪಾಸ್​ ಮಾಡಿರೋದ್ರ ಹಿಂದೆ ಕಠಿಣ ಶ್ರಮವಿದೆ. ಶತಯಗತಾಯ ಏಕದಿನ ವಿಶ್ವಕಪ್​ ಆಡೋಕೆ ಪಣ ತೊಟ್ಟಿರುವ ರೋಹಿತ್​, ಮಹದಾಸೆಯನ್ನ ಈಡೇರೆಸಿಕೊಳ್ಳಲು ಪಡ್ತಿರೋ ಪರಿಶ್ರಮ ಅಷ್ಟಿಷ್ಟಲ್ಲ. ಫಿಟ್​​ನೆಸ್​ ಕಾರಣ ನೀಡಿ ಬಿಸಿಸಿಐ ಸೈಡ್​​ಲೈನ್​​ ಮಾಡೋಕೆ ನೋಡಿದ್ರೆ, ಬಾಸ್​​​ಗಳಿಗೆ ಸವಾಲು ಹಾಕಿರೋ ರೋಹಿತ್​ ಬರೋಬ್ಬರಿ 20 ಕೆ.ಜಿ ತೂಕ ಇಳಿಸಿಕೊಂಡಿದ್ದಾರೆ. ಐಪಿಎಲ್​ ಅಂತ್ಯದ ವೇಳೆ 95 ಕೆಜಿ ಇದ್ದ ದೇಹದ ತೂಕವನ್ನ ಈಗ ರೋಹಿತ್​ 75 ಕೆಜಿಗೆ ಇಳಿಸಿದ್ದಾರೆ. ಒಂದು ತಿಂಗಳದಲ್ಲಿ ಅಂತರದಲ್ಲಿ ಮಾಡಿರೋ ಸಾಧನೆಯಿದು. 

ಇದನ್ನೂ ಓದಿ:ಧೋನಿ vs ಶಾರುಖ್ ಖಾನ್! ಕೊನೆಯಲ್ಲಿ ಗೆದ್ದಿದ್ದು ತಲಾ..!

ದಿನಕ್ಕೆ 4 ಗಂಟೆ ಜಿಮ್​ನಲ್ಲಿ ವರ್ಕೌಟ್​

ಐಪಿಎಲ್​ ಅಂತ್ಯದ ಬಳಿಕ ರಿಲ್ಯಾಕ್ಸ್​ ಮೂಡ್​​ಗೆ ಜಾರಿದ್ದ ರೋಹಿತ್​ ಶರ್ಮಾ ವಿದೇಶಕ್ಕೆ ಹಾರಿದ್ರು. ಕುಟುಂಬದ ಜೊತೆಗೆ ಜಾಲಿ ಟ್ರಿಪ್​​ ಮುಗಿಸಿ ಬರೋದ್ರೋಳಗೆ ರೋಹಿತ್​ಗೆ ಏಕದಿನದಿಂದ ಕೊಕ್​ ಕೊಡೋ ಚರ್ಚೆ ನಡೆದಿತ್ತು. ಆಗಲೇ ಎಚ್ಚೆತ್ತು ಕೊಂಡ ಹಿಟ್​ಮ್ಯಾನ್​, ಗೆಳೆಯ ಅಭಿಷೇಕ್​ ನಾಯರ್​ ಗರಡಿಗೆ ತೆರಳಿದ್ರು. ಅಭಿಷೇಕ್​ ನಾಯರ್​ ಮಾರ್ಗದರ್ಶನದಲ್ಲಿ ಸಿದ್ಧತೆ ಆರಂಭಿಸಿದ ರೋಹಿತ್​ ಫಿಟ್​ನೆಸ್​ ಮೇಲೆ ಹೆಚ್ಚು ಫೋಕಸ್​ ಮಾಡಿದ್ರು. ದೇಹದ ತೂಕ ಇಳಿಸಿಕೊಳ್ಳೋಕೆ ಪ್ರತಿನಿತ್ಯ 4 ಗಂಟೆಗಳ ಕಠಿಣ ವರ್ಕೌಟ್​ ಮಾಡಿ ಬೆವರಿಳಿಸಿದ್ರು.

ನೋ ಕಾಂಪ್ರಮೈಸ್​​​.. ಕಟ್ಟುನಿಟ್ಟಿನ ಡಯಟ್​

ಕೇವಲ ವರ್ಕೌಟ್​ ಮಾತ್ರವಲ್ಲ.. ಕಠಿಣ ಡಯಟ್ ಕೂಡ ರೋಹಿತ್​ ಮಾಡಿದ್ರು. ರೋಹಿತ್​ ಶರ್ಮಾ ಒಬ್ಬ ಫೂಡಿ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಚಾರವೇ. ತೂಕ ಇಳಿಸಿಕೊಳ್ಳೋ ಈ ಪ್ರಯತ್ನದಲ್ಲಿ ರೋಹಿತ್​ ಕಾಂಪ್ರಮೈಸ್​ ಆಗಲೇ ಇಲ್ಲ. ತನ್ನಿಷ್ಟ ಆಹಾರಗಳಿಗೆ ಬ್ರೇಕ್ ಹಾಕಿದ್ರು. ಕಳೆದೊಂದು ತಿಂಗಳ ಕಠಿಣ ಡಯಟ್​ ಫಾಲೋ ಮಾಡ್ತಿರೋ ಹಿಟ್​ಮ್ಯಾನ್​, ದಾಲ್​ ಚಾವಲ್​, ವಡಾ ಪಾವ್​, ಬಟರ್​ ಚಿಕನ್​, ಸೀ ಫುಡ್​ ಕರೀಸ್​, ಬಿರಿಯಾನಿ, ಕ್ಯಾಲೋರಿ ಹೆಚ್ಚಿರೋ ಮಿಲ್ಸ್​​ ಹಾಗೂ ಫ್ರೈಡ್​ ಸ್ನಾಕ್ಸ್​ಗಳ ಸೇವನೆ ಬಿಟ್ಟಿದ್ದಾರೆ. 

ಇದನ್ನೂ ಓದಿ:ಕ್ಯಾಪ್ಟನ್​ ಕೌರ್ ಹಿಂದಿಕ್ಕಿದ ಕನ್ನಡತಿ ಶ್ರೇಯಾಂಕ.. ಸ್ಮೃತಿ ಮಂದಾನ ಬಿಟ್ಟರೆ ಇವರೇ ಯುವರಾಣಿ!

ಕಠಿಣ ಪರಿಶ್ರಮ ಪಟ್ಟ ರೋಹಿತ್​ ಶರ್ಮಾ ಸ್ಲಿಮ್​ ಅಂಡ್ ಟ್ರಿಮ್​ ಆಗಿದ್ದಲ್ಲದೇ ಫಿಟ್​ನೆಸ್​ ಅಗ್ನಿಪರೀಕ್ಷೆಯನ್ನೂ ಗೆದ್ದಿದ್ದಾರೆ. ಸದ್ಯಕ್ಕೆ ಮುಂಬರೋ ಆಸ್ಟ್ರೇಲಿಯಾ ಟೂರ್​​ನಲ್ಲಿ ಆಡೋದಕ್ಕೆ ಲೈನ್​ ಕ್ಲೀಯರ್​ ಆಗಿದೆ. 2027 ಒನ್​ ಡೇ ವಿಶ್ವಕಪ್​ ಆಡಬೇಕಂದ್ರೆ ಅಲ್ಲಿಯವರೆಗೂ ಫಿಟ್​​ನೆಸ್​ ವಿಚಾರದಲ್ಲಿ ರೋಹಿತ್​ ಎಚ್ಚರಿಕೆಯಿಂದ ಇರಬೇಕಿದೆ. 

ಇದನ್ನೂ ಓದಿ:ಬಿಗ್​ಬಾಸ್​​ಗೆ ಮತ್ತೆ ಹೋಗ್ತಾರಂತೆ ರಾಕೇಶ್ ಅಡಿಗ..! VIDEO

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ