ವಿಶ್ವಕಪ್​​ಗಾಗಿ ಸರ್ವತ್ಯಾಗಕ್ಕೂ ರೋಹಿತ್​​ ರೆಡಿ.. ದಿಗ್ಗಜರಿಗೆ ಗಂಭೀರ್ ಮತ್ತೆ ಎಚ್ಚರಿಕೆ..!

ವಿರಾಟ್​ ಕೊಹ್ಲಿ-ರೋಹಿತ್​ ಶರ್ಮಾ.. ಟೀಮ್​ ಇಂಡಿಯಾ ಈ ದಿಗ್ಗಜರ ಭವಿಷ್ಯ ಮತ್ತೆ ಚರ್ಚೆಗೆ ಬಂದಿದೆ. ಆಸ್ಟ್ರೇಲಿಯಾ ಪ್ರವಾಸದಲ್ಲಿ ರೋಹಿತ್​ ಶರ್ಮಾ ಸೂಪರ್​​ ಹಿಟ್​ ಪರ್ಫಾಮೆನ್ಸ್​ ನೀಡಿದ್ರು. ಮೊದಲ 2 ಪಂದ್ಯ ಫೇಲಾದ್ರೂ 3ನೇ ಮ್ಯಾಚ್​ನಲ್ಲಿ ವಿರಾಟ್​ ಕೊಹ್ಲಿ ಇಂಪ್ರೆಸ್ಸಿವ್​ ಆಟವಾಡಿದ್ರು. ಇವರಿಬ್ಬರ ಸ್ಥಾನ ಸೇಫ್​​ ಇಲ್ಲ. ರೋ-ಕೊ ಜೋಡಿಗೆ ಬಿಸಿಸಿಐ ಬಾಸ್​ಗಳು ಕಂಡೀಷನ್​ ಹಾಕಿದ್ದಾರೆ. 

ರೋ-ಕೊ ಜೋಡಿಗೆ ಬಿಸಿಸಿಐ ಬಾಸ್​ಗಳ ಕಂಡಿಷನ್​

ಈಗಲ್ಲ.. ಕೊಹ್ಲಿ-ರೋಹಿತ್​ ವಿಶ್ವಕಪ್​​ ಕನಸು ನನಸಾಗಬೇಕಂದ್ರೆ ವಿಜಯ್​ ಹಜಾರೆ ಟೂರ್ನಿಯಲ್ಲಿ ಆಡಲೇಬೇಕು ಅಂತಾ ನಾವು 2 ತಿಂಗಳ ಹಿಂದೆಯೇ ಹೇಳಿದ್ವಿ. ಈ ವಿಚಾರದಲ್ಲೂ ಬಿಸಿಸಿಐ ಈಗಲೂ ಪಟ್ಟು ಸಡಿಲಿಸ್ತಿಲ್ಲ. ಟೀಮ್​ ಇಂಡಿಯಾ ಒನ್​ ಡೇ ಟೀಮ್​ನಲ್ಲಿ ಸ್ಥಾನ ಬೇಕಂದ್ರೆ ಡೊಮೆಸ್ಟಿಕ್​ ಸೀಸನ್​ನಲ್ಲಿ ವಿಜಯ್​ ಹಜಾರೆ ಟೂರ್ನಿಯನ್ನ ಆಡಲೇಬೇಕು ಎಂದು ಮತ್ತೆ ಬಿಸಿಸಿಐ ಬಾಸ್​ಗಳು ಕಟ್ಟಾಜ್ಞೆ ಹೊರಡಿಸಿದ್ದಾರೆ. ಬಿಸಿಸಿಐ ಆದೇಶಕ್ಕೆ ಹಿಟ್​ಮ್ಯಾನ್​ ರೋಹಿತ್​ ಮಣಿದಿದ್ದಾರೆ. 

ಇದನ್ನೂ ಓದಿ: IPL ಹರಾಜಿನ ಕಣದಲ್ಲಿ ಬಿಗ್ ಸ್ಟಾರ್ಸ್..! ಯಾರಿಗೆ ಕೈಹಿಡಿಯಲಿದೆ ಅದೃಷ್ಟ..?

2027ರ ವಿಶ್ವಕಪ್​ ಆಡಲೇಬೇಕು ಅಂತಾ ಪಣತೊಟ್ಟಿರೋ ರೋಹಿತ್​ ಶರ್ಮಾ ಹಗಲುರಾತ್ರಿ ಶ್ರಮ ಪಡ್ತಿದ್ದಾರೆ. ಇಷ್ಟಪಟ್ಟಿದ್ದನ್ನೆಲ್ಲಾ ತ್ಯಜಿಸಿ ಕಠಿಣ ವರ್ಕೌಟ್​ ನಡೆಸ್ತಾ ಇರೋ ಹಿಟ್​ಮ್ಯಾನ್​ ಆಸ್ಟ್ರೇಲಿಯಾ ಪ್ರವಾಸದ ಬಳಿಕ ಮತ್ತೆ 5 ಕೆಜಿ ತೂಕ ಇಳಿಸಿಕೊಂಡಿದ್ದಾರೆ. ಫಿಟ್​ನೆಸ್​​ ಜೊತೆಗೆ ಫಾರ್ಮ್​ ಉಳಿಸಿಕೊಳ್ಳಲು ಭರ್ಜರಿ ಅಭ್ಯಾಸವನ್ನೂ ನಡೆಸ್ತಿದ್ದಾರೆ. ಇದ್ರ ನಡುವೆ ಬಿಸಿಸಿಐ ಬಾಸ್​ಗಳ ಸವಾಲನ್ನ ರೋಹಿತ್​ ಸ್ವೀಕರಿಸಿದ್ದಾರೆ. ವಿಜಯ್​ ಹಜಾರೆ ಆಡಲು ಮುಂದಾಗಿರೋ ಹಿಟ್​ಮ್ಯಾನ್​, ಈಗಾಗಲೇ ಮುಂಬೈ ಕ್ರಿಕೆಟ್​ ಅಸೋಸಿಯೇಷನ್​ಗೆ ಮಾಹಿತಿ ನೀಡಿದ್ದಾರೆ. ಇದ್ರೊಂದಿಗೆ ವಿಶ್ವಕಪ್​ ಆಡೋಕೆ ಸರ್ವ ತ್ಯಾಗಕ್ಕೂ ನಾನು ರೆಡಿ ಅನ್ನೋ ಸಂದೇಶ ರವಾನಿಸಿದ್ದಾರೆ. 

ರೋಹಿತ್​ ಶರ್ಮಾ ವಿಜಯ್​​ ಹಜಾರೆ ಆಡೋದು ಕನ್​ಫರ್ಮ್​ ಆಗಿದೆ. ಆದ್ರೆ, ವಿರಾಟ್​ ಕೊಹ್ಲಿ ವಿಜಯ್​ ಹಜಾರೆ ಆಡ್ತಾರಾ.? ಇಲ್ವಾ.? ಅನ್ನೋದು ಸದ್ಯ ದೊಡ್ಡ ಪ್ರಶ್ನೆಯಾಗಿದೆ. ಈವರೆಗೂ ವಿರಾಟ್​ ಕೊಹ್ಲಿ ದೆಹಲಿ ಕ್ರಿಕೆಟ್​ ಅಸೋಸಿಯೇಶನ್​ಗೆ ಯಾವುದೇ ಮಾಹಿತಿಯನ್ನ ನೀಡಿಲ್ಲ. ಹೀಗಾಗಿ ಕೊಹ್ಲಿ ಮುಂದಿನ ನಡೆ ಏನು ಅನ್ನೋದು ಕುತೂಹಲ ಮೂಡಿಸಿದೆ. 

ಇದನ್ನೂ ಓದಿ:‘ನಾವು ರೆಡಿ ಇಲ್ಲ..’ ಕೋಚ್ ಗಂಭೀರ್ ಸ್ಫೋಟಕ ಹೇಳಿಕೆ..!

ಇತ್ತೀಚೆಗೆ ವಿರಾಟ್​ ಕೊಹ್ಲಿಯ ನಡೆಯೇ ನಿಗೂಢವಾಗಿದೆ. ಆಸಿಸ್​ ಪ್ರವಾಸದ ಮೊದಲ ಪಂದ್ಯಗಳಲ್ಲಿ ಔಟ್​ ಆದ ಬಳಿಕ ಯಾರ ಕಣ್ಣಿಗೂ ಕಾಣದೇ ಮಾಯವಾಗ್ತಿದ್ದ ಕೊಹ್ಲಿ, ಕೊನೆಯ ಪಂದ್ಯ ಮುಗಿದ ಬಳಿಕ ಆದ್ಯಾವಾಗ ಕಾಂಗರೂ ನಾಡಿನಿಂದ ಲಂಡನ್​ ಹೋದ್ರೂ ಅನ್ನೋದು ಯಾರಿಗೂ ಗೊತ್ತಾಗ್ಲಿಲ್ಲ. ಸದಾ ಕಾಲ ಕುಟುಂಬದ ಜೊತೆಗಿರಲು ಬಯಸ್ತಿರೋ ಕೊಹ್ಲಿ ಕ್ರಿಕೆಟ್​ ವಿಜಾರದಲ್ಲಿ ನಿಗೂಢವಾದ ಹೆಜ್ಜೆಯನ್ನ ಇಡ್ತಿದ್ದಾರೆ. ಆಸಿಸ್​ ಪ್ರವಾಸಕ್ಕೂ ಮುನ್ನ ಇಂಗ್ಲೆಂಡ್​ ಕನಿಷ್ಟ ಅಭ್ಯಾಸವನ್ನಾದ್ರೂ ನಡೆಸಿದ್ರು. ಆದ್ರೆ, ಈಗ ಅದ್ರ ಸುಳಿವೂ ಇಲ್ಲ. ಹೀಗಾಗಿ ಕೊಹ್ಲಿ ವಿಜಯ್​ ಹಜಾರೆ ಆಡ್ತಾರೋ.? ಅಥವಾ ಸೌತ್​ ಆಫ್ರಿಕಾ ವಿರುದ್ಧದ ಏಕದಿನ ಸರಣಿ ಬಳಿಕ ಗುಡ್​ ಬೈ ಹೇಳಿ ಶಾಕ್​ ಕೊಡ್ತಾರೋ.? ಅನ್ನೋ ಪ್ರಶ್ನೆ ಅಭಿಮಾನಿಗಳ ವಲಯದಲ್ಲಿದೆ. 

ದಿಗ್ಗಜರಿಗೆ ಹೆಡ್​ಕೋಚ್​​ ‘ಗಂಭೀರ’ ಎಚ್ಚರಿಕೆ ಕೊಟ್ರಾ.?

ವೈಯಕ್ತಿಕ ಪ್ರದರ್ಶನಗಳ ಮೇಲೆ ಎಲ್ಲಾ ನಿಂತಿಲ್ಲ ಅನ್ನೋದನ್ನ ನಾನು ಯಾವಾಗಲೂ ನಂಬುತ್ತೇನೆ. ವೈಯಕ್ತಿಕ ಪ್ರದರ್ಶನಗಳಿಂದ ನಾನು ಖುಷಿ ಪಟ್ಟಿದ್ದೇನೆ. ಅದರಿಂದ ಖುಷಿಯಾಗಿಯೂ ಇರುತ್ತೇನೆ. ಆದ್ರೆ, ಅಂತಿಮವಾಗಿ ನಾನು ಸರಣಿಯನ್ನ ಸೋತೆವು. ಅದು ಮುಖ್ಯವಾದ ವಿಚಾರ. ಕೋಚ್​ ಆಗಿ ಸರಣಿ ಸೋಲನ್ನ ನಾನು ಎಂದಿಗೂ ಸಂಭ್ರಮಿಸಲ್ಲ. ಆಟಗಾರನಾಗಿ ನಾನು ವೈಯಕ್ತಿಕ ಪ್ರದರ್ಶನಗಳನ್ನ ಮೆಚ್ಚುತ್ತೇನೆ. ಆದ್ರೆ ಕೋಚ್​​ ಆಗಿ ಒಂದು ಸರಣಿ ಸೋಲನ್ನ ಸಂಭ್ರಮಿಸದಿರುವುದು ನನ್ನ ನೈತಿಕ ಜವಾಬ್ದಾರಿ. ದೇಶವಾಗಲಿ ಅಥವಾ ಒಬ್ಬರಾಗಲಿ ಯಾವುದೇ ಕಾರಣಕ್ಕೂ ಸರಣಿ ಸೋಲನ್ನ ಸಂಭ್ರಮಿಸಬಾರದು. ಯಾಕಂದ್ರೆ ನಾವು ದೇಶವನ್ನ ಪ್ರತಿನಿಧಿಸುತ್ತಾ ಇದ್ದೀವಿ- ಗೌತಮ್ ಗಂಭೀರ್, ಹೆಡ್ ಕೋಚ್

ಕೊಹ್ಲಿ-ರೋಹಿತ್​ ಗುರಿಯಾಗಿಸಿಯೇ ಗಂಭೀರ್​ ಈ ಸ್ಟೇಟ್​ಮೆಂಟ್ ಮಾಡಿದ್ದು ಅನ್ನೋದ್ರಲ್ಲಿ ಯಾವುದೇ ಅನುಮಾನ ಬೇಡ. ಇದ್ರ ಬೆನ್ನಲ್ಲೇ ಬಿಸಿಸಿಐ ಬಾಸ್​ಗಳು ವಿಜಯ್​​ ಹಜಾರೆ ಆಡಲೇಬೇಕು ಎಂದು ಮತ್ತೆ ಫರ್ಮಾನು ಹೊರಡಿಸಿದ್ದಾರೆ. ಕೊಹ್ಲಿ ಹಾಗೂ ರೋಹಿತ್​ ವಿಶ್ವಕಪ್​ ಸ್ಥಾನ ಫಿಕ್ಸ್​​ ಆಗಿಲ್ಲ ಅನ್ನೋದೇ ಇದರರ್ಥ. ಆಡಬೇಕು, ಪರ್ಫಾಮ್​ ಮಾಡಬೇಕು, ಸ್ಥಾನ ಉಳಿಸಿಕೊಳ್ಳಬೇಕು. ಸದ್ಯ ರೋ-ಕೊ ಮುಂದಿರೋದು ಇದೊಂದೇ ದಾರಿ.

ಇದನ್ನೂ ಓದು: ಜಡೇಜಾಗೆ CSK ನಂಬಿಕೆ ದ್ರೋಹ.. ಓರ್ವ ಸ್ಟಾರ್​​ಗಾಗಿ ಈ ಮಟ್ಟಕ್ಕೆ ಇಳಿಯಿತಾ ಫ್ರಾಂಚೈಸಿ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ