ಕೇವಲ 12 ಮ್ಯಾಚ್​, 673 ರನ್, 32 ವಿಕೆಟ್.. ಈ ಸ್ಟಾರ್​​ಗೆ ಇದೆ ಅಶ್ವಿನ್ ಸ್ಥಾನ ತುಂಬುವ ಶಕ್ತಿ..!

ಅಶ್ವಿನ್ ರಿಟೈರ್ಮೆಂಟ್ ಬಳಿಕ ಪ್ರತಿಯೊಬ್ಬರಿಗೂ ಒಂದು ಪ್ರಶ್ನೆ ಸಹಜವಾಗೇ ಕಾಡಿತ್ತು. ಅದೇ ಆಫ್ ಅಶ್ವಿನ್ ಜಾಗವನ್ನು ತುಂಬೋದ್ಯಾರು? ಇದೀಗ ಆ ಜಾಗವನ್ನು ಸಮರ್ಥವಾಗಿ ನಾನ್ ತುಂಬಬಲ್ಲೇ ಅನ್ನೋದನ್ನ ವಾಷಿಂಗ್ಟನ್ ಸುಂದರ್​ ನಿರೂಪಿಸಿದ್ದಾರೆ. 

ಇಂಗ್ಲೆಂಡ್ ಟೆಸ್ಟ್​ ಸಿರೀಸ್​​ನಲ್ಲಿ ಟೀಮ್ ಇಂಡಿಯಾ ಸಾಲಿಡ್ ಆಟವಾಡ್ತಿದೆ. ಈ ಸರಣಿಯಲ್ಲಿ ಟಾಪ್ ಆರ್ಡರ್​ನಿಂದ ಹಿಡಿದು ಲೋವರ್ ಆರ್ಡರ್​​ ತನಕ ಎಲ್ಲರನ್ನೂ  ಫ್ಯಾನ್ಸ್​ ಕೊಂಡಾಡ್ತಿದ್ದಾರೆ. ಈ ಮಹತ್ವದ ಸರಣಿಯಲ್ಲಿ ತೆರೆ ಹಿಂದಿನ ರಿಯಲ್​​ ಹೀರೋ ವಾಷ್ಟಿಂಗ್ಟನ್ ಸುಂದರ್.

ಇದನ್ನೂ ಓದಿ: ಅಭಿಮಾನಿಗಳ ಪಿತ್ತ ನೆತ್ತಿಗೇರಿಸಿದ ಕೊಹ್ಲಿಯ ಅಣ್ಣ.. ವಿರಾಟ್ ವಿರುದ್ಧವೂ ನಿಗಿನಿಗಿ ಕೆಂಡ.. ಆಗಿದ್ದೇನು?

ಮೊದಲ ಟೆಸ್ಟ್​ ಪಂದ್ಯದಲ್ಲಿ ಬೆಂಚ್​ಗೆ ಸೀಮಿತವಾಗಿದ್ದ ಸುಂದರ್, ಎಡ್ಜ್​​ಬಾಸ್ಟನ್​ ಟೆಸ್ಟ್​​​ನಲ್ಲಿ ಆಡುವ ಹನ್ನೊಂದರಲ್ಲಿ ಸ್ಥಾನ ಪಡೆದಿದ್ರು. ಸಿಕ್ಕ ಅವಕಾಶ ಸದ್ಭಳಕೆ ಮಾಡಿಕೊಳ್ತಿರುವ ವಾಷಿಂಗ್ಟನ್​​, ಅಂಡರ್​ ರೇಟೆಟ್ ಮ್ಯಾಚ್​ ವಿನ್ನರ್ ಮತ್ತು ಆಪತ್ಕಾಲದ ಆಪತ್ಬಾಂಧವ ಎಂಬ ಭರವಸೆ ಹುಟ್ಟಿಹಾಕಿದ್ದಾರೆ. ಇದಕ್ಕೆ ಲೇಟೆಸ್ಟ್​ ಎಕ್ಸಾಂಪಲ್ ಮ್ಯಾಂಚೆಸ್ಟರ್​​​​ ಟೆಸ್ಟ್​.

ಸುಂದರ್ ಮ್ಯಾಜಿಕಲ್ ಪರ್ಫಾಮೆನ್ಸ್​

ಮ್ಯಾಂಚೆಸ್ಟರ್​​ನಲ್ಲಿ ವಾಷಿಂಗ್ಟನ್ ಸುಂದರ್ ಆಕ್ಷರಶಃ ನೀಡಿದ್ದು ಮ್ಯಾಜಿಕಲ್ ಪರ್ಫಾಮನ್ಸ್. 188 ರನ್​​ಗೆ ಟೀಮ್ ಇಂಡಿಯಾ 3 ವಿಕೆಟ್ ಕಳೆದುಕೊಂಡಿತ್ತು. ಈ ವೇಳೆ ಬ್ಯಾಟಿಂಗ್​​ಗೆ ಇಳಿದ ವಾಷ್ಟಿಂಗ್ಟನ್ ಸುಂದರ್, ನಿಜಕ್ಕೂ ದಿಟ್ಟ ಹೋರಾಟ ನಡೆಸಿದ್ರು. ತಾಳ್ಮೆಯ ಜೊತೆ ಜೊತೆಗೆ ಅಟ್ಯಾಕಿಂಗ್ ಬ್ಯಾಟಿಂಗ್ ನಡೆಸಿದ ಪರಿ ನಿಜಕ್ಕೂ ವಂಡರ್​​​ಫುಲ್..

ಸಂಕಷ್ಟದ ಸಮಯದಲ್ಲಿ ಎದುರಾಳಿಗಳ ತಾಳ್ಮೆಯ ಪರೀಕ್ಷಿಸಿದ ಸುಂದರ್, 206 ಎಸೆತಗಳಲ್ಲಿ 9 ಬೌಂಡರಿ, 1 ಸಿಕ್ಸರ್​ ಒಳಗೊಂಡ ಅಜೇಯ 101 ರನ್ ಗಳಿಸಿದರು. ಈ ಅದ್ಬುತ ಇನ್ನಿಂಗ್ಸ್ ಇಂಗ್ಲೆಂಡ್​ ಗೆಲುವಿನ ಆಸೆಯನ್ನೇ ನುಚ್ಚುನೂರು ಮಾಡಲಿಲ್ಲ. ಟೀಮ್ ಇಂಡಿಯಾಗೆ ಆಪತ್ಕಾಲದ ಆಪತ್ಬಾಂಧವ ಅನ್ನೋದನ್ನ ಸಾರಿ ಸಾರಿ ಹೇಳಿತ್ತು. 

ಇದನ್ನೂ ಓದಿ: ಜನರ ಕಷ್ಟ-ಕಾರ್ಪಣ್ಯಕ್ಕೆ ವಿನೂತನ ಮುನ್ನುಡಿ ಬರೆದ ದರ್ಶನ್ ಪುಟ್ಟಣ್ಣಯ್ಯ.. ಏನದು..?

ಮ್ಯಾಂಚೆಸ್ಟರ್​​ ಪಂದ್ಯದಲ್ಲೇ ಅಲ್ಲ. ಬರ್ಮಿಂಗ್​​ಹ್ಯಾಮ್​​, ಮ್ಯಾಂಚೆಸ್ಟರ್​​ನಲ್ಲೂ ತಂಡಕ್ಕೆ ಬ್ಯಾಟಿಂಗ್​​ನಲ್ಲಿ ಕಾಣಿಕೆ ನೀಡಿದ್ದ ಸುಂದರ್​​​​, ಅಗತ್ಯ ಬಿದ್ದಾಗ ವಿಕೆಟ್ ಬೇಟೆಯಾಡಿ ತಂಡಕ್ಕೆ ಬ್ರೇಕ್ ಥ್ರೂ ನೀಡಿದ್ದಾರೆ. 3 ಪಂದ್ಯಗಳಿಂದ 7 ವಿಕೆಟ್ ಕಬಳಿಸಿರುವ ಸುಂದರ್, ಬ್ಯಾಟಿಂಗ್ ಹಾಗೂ ಬೌಲಿಂಗ್​​ನಲ್ಲಿ ತಂಡಕ್ಕೆ ಹೊಸ ಭರವಸೆ ಮೂಡಿಸಿದ್ದಾರೆ.  

ಟೆಸ್ಟ್ ಕ್ರಿಕೆಟ್​​​ನಲ್ಲಿ ಸುಂದರ್

ಸುಂದರ್ ಆಡಿರುವ 12 ಪಂದ್ಯಗಳ 22 ಇನ್ನಿಂಗ್ಸ್​ಗಳಿಂದ 44.68ರ ಬ್ಯಾಟಿಂಗ್ ಅವರೇಜ್​​​ನಲ್ಲಿ 673 ರನ್ ಗಳಿಸಿರುವ ಸುಂದರ್, 32 ವಿಕೆಟ್ ಬೇಟೆಯಾಡಿದ್ದಾರೆ. ಈ ಪ್ರದರ್ಶನ ಸುಂದರ್, ಟೆಸ್ಟ್​ ಕ್ರಿಕೆಟ್​ನ ಬೆಸ್ಟ್ ಆಲ್​ರೌಂಡರ್ ಆಗುವ ಭರವಸೆಯನ್ನೇ ಹುಟ್ಟಿಹಾಕಿದೆ. ಅಶ್ವಿನ್ ಸ್ಥಾನ ತುಂಬಲು ಸಮರ್ಥ ಅನ್ನೋದರ ನಂಬಿಕೆಯನ್ನ ಹುಟ್ಟಿಸಿದೆ. ಇದು ಕೇವಲ ಈ ಟ್ರ್ಯಾಕ್ ರೆಕಾರ್ಡ್​ನಿಂದ ಹೇಳ್ತಿರುವ ಮಾತಲ್ಲ. ಈತ ಟೀಮ್ ಇಂಡಿಯಾ ಸಂಕಷ್ಟದಲ್ಲಿದ್ದಾಗ ತೋರಿದ ಹೋರಾಟವೂ ಇದನ್ನೇ ಹೇಳ್ತಿದೆ.

ಭಾರತ ಸಂಕಷ್ಟದ ಸಮಯದಲ್ಲಿ ಸುಂದರ್

2021ರ ಆಸ್ಟ್ರೇಲಿಯಾ ಎದುರಿನ ಡೆಬ್ಯು ಮ್ಯಾಚ್​​ನಲ್ಲಿ ಟೀಮ್ ಇಂಡಿಯಾ 161 ರನ್​ಗೆ 5 ವಿಕೆಟ್ ಕಳೆದುಕೊಂಡಿತ್ತು. ಈ ವೇಳೆ ಶಾರ್ದೂಲ್ ಜೊತೆ ಸೇರಿ 123 ರನ್​​ಗಳ ಜೊತೆಯಾಟವಾಡಿದ ಸುಂದರ್,  ವೈಯಕ್ತಿಕ 62 ರನ್ ಗಳಿಸಿ ತಂಡಕ್ಕೆ ನೆರವಾದರು. ಇದೇ ವರ್ಷ ಇಂಗ್ಲೆಂಡ್ ಎದುರಿನ ಚೆನ್ನೈ ಟೆಸ್ಟ್​ನಲ್ಲಿ  ಟೀಮ್ ಇಂಡಿಯಾ 192 ರನ್​​ಗೆ 5 ವಿಕೆಟ್ ಕಳೆದುಕೊಂಡಿತ್ತು. ಈ ವೇಳೆ ಅಜೇಯ 85 ರನ್ ಗಳಿಸಿ ತಂಡಕ್ಕೆ ಆಸರೆಯಾಗಿದ್ದ ಸುಂದರ್, ಅಹ್ಮದಬಾದ್​ನಲ್ಲಿ 146 ರನ್​​ಗೆ 6 ವಿಕೆಟ್ ಕಳೆದುಕೊಂಡಾಗ ಮತ್ತೆ ಅಜೇಯ 96 ರನ್​ ಗಳಿಸಿ ಚೇತರಿಕೆ ನೀಡಿದರು. ಅಷ್ಟೇ ಅಲ್ಲ.! 2024ರಲ್ಲಿ  ಮೆಲ್ಬರ್ನ್​ನಲ್ಲಿ ನಡೆದ ಆಸ್ಟ್ರೇಲಿಯಾ ಎದುರಿನ ಪಂದ್ಯದಲ್ಲೂ ಟೀಮ್ ಇಂಡಿಯಾ, 227 ರನ್​ಗೆ 7 ವಿಕೆಟ್ ಕಳೆದುಕೊಂಡಿತ್ತು. 50 ರನ್​​ ಗಳಿಸಿ ತಂಡಕ್ಕೆ ಆಸರೆಯಾಗಿದ್ದರು. 

ಇದನ್ನೂ ಓದಿ: ಡಾ.ರಾಜ್ ಕುಟಂಬಕ್ಕೆ ಆಘಾತ; ಅಣ್ಣಾವ್ರ ಸಹೋದರಿ ನಾಗಮ್ಮ ವಿಧಿವಶ

ಸಂಕಷ್ಟದ ಸಮಯದಲ್ಲಿ ಹೋರಾಡುವ ಕಲೆ, ಮನಸ್ಥಿತಿ ಹೊಂದಿರುವ ಸುಂದರ್, ನಿಜಕ್ಕೂ ಟೀಮ್ ಇಂಡಿಯಾಗೆ ಸಿಕ್ಕಿರುವ ಮತ್ತೊಬ್ಬ ಬೆಸ್ಟ್​ ಆಲ್​ರೌಂಡರ್ ಅಲ್ದೇ ಮತ್ತೇನು?  ಆಡಿರುವ 12 ಪಂದ್ಯಗಳಲ್ಲೇ ಮೆಚ್ಯುರಿಟಿ ಆಟವಾಡ್ತಿರುವ ಸುಂದರ್, ಭವಿಷ್ಯದ ಸ್ಟಾರ್ ಆಲ್​ರೌಂಡರ್ ಆಗೋದ್ರಲ್ಲಿ ಡೌಟಿಲ್ಲ. 

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ