ಐಪಿಎಲ್​ ಆಡ್ಲಿಲ್ಲ, ವಿಶ್ವಕಪ್​ನಲ್ಲೂ ಇಲ್ಲ.. ಎಲ್ಲಿಗೆ ಹೋದ್ರು ಕನ್ನಡತಿ..?

ಕ್ರಿಕೆಟ್​ಗೆ ಕಾಲಿಟ್ಟ ಕೆಲವೇ ದಿನಗಳಲ್ಲಿ ಸೂಪರ್​ಸ್ಟಾರ್​ ಆಗಿ ಮೆರೆದಾಡಿದ ಟೀಮ್​ ಇಂಡಿಯಾ ಆಲ್​​ರೌಂಡರ್. ಕನ್ನಡತಿ​​ ಶ್ರೇಯಾಂಕ ಪಾಟೀಲ್​ ಎಲ್ಲೊದ್ರು? ಕಳೆದ ಸೀಸನ್​ WPLನಲ್ಲೂ ದರ್ಶನ ನೀಡಲಿಲ್ಲ. ಮುಂಬರೋ ವಿಶ್ವಕಪ್​ ತಂಡದಲ್ಲೂ ಇಲ್ಲ. ಟೀಮ್​ ಇಂಡಿಯಾ ಪರ ಕೊನೆಯದಾಗಿ 2024ರ ಅಕ್ಟೋಬರ್​​ನಲ್ಲಿ ಕಾಣಿಸಿಕೊಂಡ ಟಗರು ಪುಟ್ಟಿ ಎಲ್ಲೋದ್ರು ಅನ್ನೋದಕ್ಕೆ ಉತ್ತರ ಇಲ್ಲಿದೆ.

ಇದನ್ನೂ ಓದಿ: ರಾಜಸ್ಥಾನ ರಾಯಲ್ಸ್ ನಿಂದ ರಾಹುಲ್ ದ್ರಾವಿಡ್‌ ರನ್ನು ಕಿಕ್ ಔಟ್ ಮಾಡಲಾಗಿದೆ ಎಂದ ಎಬಿ ಡಿವಿಲಿಯರ್ಸ್!

ಇಂಜುರಿಗೆ ತುತ್ತಾಗಿ ಆನ್​​ಫೀಲ್ಡ್​​ ಆಟದಿಂದ ದೂರಾಗಿರೋ ಪಾಟೀಲ್​, ಆಫ್​ ದ ಫೀಲ್ಡ್​​ನಲ್ಲಿ ಫುಲ್​ ಆ್ಯಕ್ಟಿವ್ ಆಗಿದ್ದಾರೆ. ಡಾನ್ಸ್​, ಹಾಡು, ರೀಲ್ಸ್, ಸುತ್ತಾಟ​​ ಅಂತಾ ಸಿಕ್ಕಿರೋ ಬಿಡುವಿನ ಸಮಯವನ್ನ ಫುಲ್​ ಎಂಜಾಯ್​ ಮಾಡ್ತಿದ್ದಾರೆ. ಶ್ರೇಯಾಂಕ ಪಾಟೀಲ್​ ಆನ್​ಫೀಲ್ಡ್​​ನಿಂದ ದೂರಾಗಿ ಕೆಲವು ತಿಂಗಳುಗಳೇ ಆದ್ವು. ಇದು ಶ್ರೇಯಾಂಕ ಮಾರ್ಕೆಟ್​​ ವ್ಯಾಲ್ಯೂಗೆ ಯಾವ ಹೊಡೆತನೂ ಕೊಟ್ಟಿಲ್ಲ.. ಈಗಲೂ ಟಾಪ್​​ ಬ್ರ್ಯಾಂಡ್​ಗಳು ಶ್ರೇಯಾಂಕ ಕಾಲ್​ಶೀಟ್​ಗೆ ಕಾಯ್ತಿವೆ. ಸದ್ಯ ಬಿಡುವಿನಲ್ಲಿರೋ ಟಗರುಪುಟ್ಟಿ ಶೂಟ್​​ಗಳಲ್ಲಿ ಭಾಗಿಯಾಗ್ತಿದ್ದಾರೆ. 

ಇದನ್ನೂ ಓದಿ:ಅಭಿಷೇಕ್, ಸಂಗಕ್ಕಾರ ಮಧ್ಯೆ ರೇಸ್​​.. ಈ IPL ತಂಡದ ಹೆಡ್​ ಕೋಚ್ ಯಾರು ಆಗ್ತಾರೆ?

ಮರ್ಸಿಡಿಸ್​​ ಬೆಂಜ್​ನಂತಾ ಟಾಪ್​ ಬ್ರ್ಯಾಂಡ್​ ಜೊತೆಗೆ ಟೈ ಅಪ್​ ಆಗಿರೋ ಶ್ರೇಯಾಂಕ, ಶೂಟ್​ನಲ್ಲಿ ಭಾಗಿಯಾದ ವೇಳೆ ರೇಸ್​​ ಕಾರ್​​ನಲ್ಲಿ ರೌಂಡ್​ ಹೊಡೆದಿದ್ದಾರೆ. ಶರವೇಗದ ರೈಡ್​​​ಗೆ ದಂಗಾಗಿದ್ದಾರೆ. ಬಿಡುವಿನ ವೇಳೆಯಲ್ಲಿ ಶ್ರೇಯಾಂಕ ಪಾಟೀಲ್​​ ಸುತ್ತಾಟವನ್ನೂ ಜೋರಾಗಿ ಮಾಡ್ತಿದ್ದಾರೆ. ಕಳೆದ ತಿಂಗಳು ಇಂಗ್ಲೆಂಡ್​​​ಗೆ ಹಾರಿದ್ದ ಶ್ರೇಯಾಂಕ, ಲಂಡನ್ ಸುತ್ತಾಟ ನಡೆಸಿದ್ರು. ಲಾರ್ಡ್ಸ್​ ಅಂಗಳದಿಂದ ವಿಂಬಲ್ಡನ್​​ವರೆಗೆ ತಿರುಗಾಟ ನಡೆಸಿದ್ರು.

ಡಾನ್ಸ್​ ಅಂದ್ರೆ ಶ್ರೇಯಾಂಕ ಪಾಟೀಲ್​​ ಸಿಕ್ಕಾಪಟ್ಟೆ ಇಷ್ಟ. ಆಗಾಗ ರೀಲ್ಸ್​​ ಮಾಡಿ ಅದನ್ನ ಶೇರ್​ ಮಾಡ್ತಾನೆ ಇರ್ತಾರೆ. ಈಗಲೂ ಅಷ್ಟೇ ಗೆಳತಿಯರೊಂದಿಗೆ ಡಾನ್ಸ್​ ಮಾಡೋದನ್ನ ಮಿಸ್​ ಮಾಡ್ತಿಲ್ಲ. ಬೆಂಗಳೂರಿನ ಎನ್​ಸಿಎನಲ್ಲಿ ಶ್ರೇಯಾಂಕ ರಿಹ್ಯಾಬ್​ಗೆ​ ಒಳಗಾಗಿದ್ದಾರೆ. ಇಲ್ಲೂ ಕೂಡ ರೀಲ್ಸ್​​ ಮಾಯೆ ಟಗರುಪುಟ್ಟಿಯನ್ನ ಬಿಟ್ಟಿಲ್ಲ. ಇಲ್ಲೂ ಕೂಡ ಟೀಮ್​ ಇಂಡಿಯಾ ಟಿ20 ಕ್ಯಾಪ್ಟನ್​ ಸೂರ್ಯಕುಮಾರ್​ ಯಾದವ್​ ಜೊತೆಗೆ ಈ ಔರಾ ಫಾರ್ಮಿಂಗ್​ ರೀಲ್ಸ್​​ ಮಾಡಿದ್ರು.  

ಇದನ್ನೂ ಓದಿ:ಭಾರತ ತಂಡದ ಓಪನರ್ ಸ್ಲಾಟ್​ಗೆ ಬಿಗ್​ ರೇಸ್​..​ ಏಷ್ಯಾಕಪ್​ನಲ್ಲಿ ಆ ಅದೃಷ್ಟ ಸಿಗೋದು ಯಾರಿಗೆ?

ಕೇವಲ ರೀಲ್ಸ್​ ಡಾನ್ಸ್​ ಮಾತ್ರವಲ್ಲ. ಅಭ್ಯಾಸವನ್ನೂ ಶ್ರೇಯಾಂಕ ಪಾಟೀಲ್​ ಬಿಟ್ಟಿಲ್ಲ. ನೆಟ್ಸ್​ನಲ್ಲಿ ಸುದೀರ್ಘ ಕಾಲ ಅಭ್ಯಾಸವನ್ನೂ ನಡೆಸ್ತಾ ಆಟವನ್ನ ಇಂಪ್ರೂವ್​ ಮಾಡಿಕೊಳ್ಳೋಕೆ ಶ್ರಮವಹಿಸ್ತಿದ್ದಾರೆ. ಎಲ್ಲಾ ಸರಿ ಇದ್ದಿದ್ರೆ ಶ್ರೇಯಾಂಕ ಪಾಟೀಲ್​ ಭಾರತದಲ್ಲಿ ನಡೀತಿರೋ ಮಹಿಳಾ ವಿಶ್ವಕಪ್​ ಟೂರ್ನಿಯಲ್ಲಿ ಆಡಬೇಕಿತ್ತು. ದುರಾದೃಷ್ಟ ಇಂಜುರಿ ಕಾರಣದಿಂದ ಅವಕಾಶ ಸಿಕ್ಕಿಲ್ಲ. ಆದಷ್ಟು ಬೇಗ ಶ್ರೇಯಾಂಕ ಫುಲ್​ ಫಿಟ್​ ಆಗಿ ಫೀಲ್ಡ್​ಗೆ ಕಮ್​ಬ್ಯಾಕ್​ ಮಾಡಲಿ. ಆಫ್​ ದ ಫೀಲ್ಡ್​ನಂತೆ ಆನ್​ಫೀಲ್ಡ್​ನಲ್ಲೂ ಫ್ಯಾನ್ಸ್​ನ ರಂಜಿಸಲಿ.

ಇದನ್ನೂ ಓದಿ:ಕಿಂಗ್ ಕೊಹ್ಲಿನ ಫಾಲೋ ಮಾಡ್ತಿರೋ ಯಂಗ್ ಪ್ಲೇಯರ್​.. ಈಗ ಸ್ಟೈಲೀಶ್ ಸ್ಟಾರ್..!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ