ಅಭಿಮಾನಿಗಳಿಗೆ ಶಾಕ್! ನಿವೃತ್ತಿ ಅಂಚಿನಲ್ಲಿರೋ ಕೊಹ್ಲಿ, ರೋಹಿತ್​​ಗೆ ಬಿಸಿಸಿಐ ಷರತ್ತು..!

ರೋಹಿತ್ ಶರ್ಮಾ ಅಂಡ್ ಕೊಹ್ಲಿ. ಟೀಮ್ ಇಂಡಿಯಾದ ಜೋಡೆತ್ತುಗಳು. ಜೊತೆಯಾಗಿ ಕ್ರಿಕೆಟ್ ಕರಿಯರ್ ಆರಂಭಿಸದಿದ್ರೂ ಟಿ20, ಟೆಸ್ಟ್​ ಕ್ರಿಕೆಟ್​​​ ಕರಿಯರ್​​ಗೆ ಅಂತ್ಯವಾಡಿದ್ದು ಜೊತೆಯಾಗಿಯೇ. ಇದೀಗ ಏಕದಿನಕ್ಕೂ ಜೊತೆಯಾಗೇ ಗುಡ್​ ಬೈ ಹೇಳ್ತಾರೆ ಎಂಬ ಅನುಮಾನ ಹುಟ್ಟಿದೆ. ಯಾಕಂದ್ರೆ ಬಿಸಿಸಿಐ ಟೈಮ್ ಬಾಂಬ್​ ಫಿಕ್ಸ್ ಮಾಡಿದೆ. 

ರೋಹಿತ್​ ಶರ್ಮಾ.. ವಿರಾಟ್​ ಕೊಹ್ಲಿ.. ಟೀಮ್ ಇಂಡಿಯಾದ ಮೋಸ್ಟ್​ ಸಕ್ಸಸ್​ಫುಲ್ ಬ್ಯಾಟ್ಸ್​ಮನ್ಸ್​ ಮಾತ್ರವಲ್ಲ. ಸಕ್ಸಸ್​ಫುಲ್ ನಾಯಕರು. ರೋಹಿತ್ ಶರ್ಮಾ ವಿಶ್ವ ಕ್ರಿಕೆಟ್​ನ ಹಿಟ್​ಮ್ಯಾನ್ ಆಗಿ ಗುರುತಿಸಿಕೊಂಡರೆ ವಿರಾಟ್​, ವಿಶ್ವ ಕ್ರಿಕೆಟ್​​ನ ಕಿಂಗ್​ ಆಗಿ ಮಿಂಚಿದ್ದಾರೆ. ಲೆಕ್ಕವಿಲ್ಲದಷ್ಟು ಮ್ಯಾಚ್​ಗಳನ್ನ ಗೆಲ್ಲಿಸಿಕೊಟ್ಟಿದ್ದಾರೆ. ಇದೀಗ ಇವರ ಕ್ರಿಕೆಟ್ ಕರಿಯರ್ ಅಂತ್ಯಕ್ಕೆ ಬಂದು ನಿಂತಿದೆ. 

ಇದನ್ನೂ ಓದಿ: ಮತ್ತೊಂದು ಕ್ಷೇತ್ರಕ್ಕೆ ಹೆಜ್ಜೆಯಿಟ್ಟ ಧೋನಿ.. ಈ ಬಾರಿ MSD ಟಾರ್ಗೆಟ್ ಏನು..?

ಇಂಡಿಯನ್ ಕ್ರಿಕೆಟ್ ಫ್ಯಾನ್ಸ್​ಗೆ ಶಾಕಿಂಗ್ ನ್ಯೂಸ್

ದಿನದಿಂದ ದಿನಕ್ಕೆ ರೋಹಿತ್ ಶರ್ಮಾ, ಕೊಹ್ಲಿ ಭವಿಷ್ಯದ ಚರ್ಚೆಗಳೂ ಜೋರಾಗ್ತಿದೆ. ರೋಹಿತ್, ವಿರಾಟ್​, 2027 ಏಕದಿನ ವಿಶ್ವಕಪ್ ತನಕ ಆಡ್ತಾರಾ? ಇಲ್ವಾ ಎಂಬ ಟೆನ್ಶನ್ ಅಭಿಮಾನಿಗಳಲ್ಲಿ ಮನೆ ಮಾಡ್ತಾನೇ ಇದೆ. ಇಂಥ ಟೈಮ್​ನಲ್ಲೇ ಟೀಮ್ ಇಂಡಿಯಾ ಅಭಿಮಾನಿಗಳಿಗೆ ಶಾಕಿಂಗ್ ನ್ಯೂಸ್ ಕಿವಿಗಪ್ಪಳಿಸಿದೆ. ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಕ್ರಿಕೆಟರ್ ಕರಿಯರ್​​ನ ಯುಗಾಂತ್ಯಕ್ಕೆ ಟೈಮ್​ಬಾಂಬ್ ಫಿಕ್ಸಾಗಿದೆ. ಆಸ್ಟ್ರೇಲಿಯಾ ಸರಣಿ ಬೆನ್ನಲ್ಲೇ ಟೀಮ್ ಇಂಡಿಯಾದಿಂದ RO-KO ಔಟ್​ ಆಗುವ ಎಲ್ಲಾ ಸಾಧ್ಯಗಳಿವೆ.

ಆಸಿಸ್​ ಸರಣಿಯೇ ಕೊನೆ?

ಟಿ20, ಟೆಸ್ಟ್​ನಿಂದ ದೂರ ಉಳಿದಿರುವ ವಿರಾಟ್, ರೋಹಿತ್, ಏಕದಿನ ತಂಡದಿಂದ ದೂರ ಉಳಿಯುವ ಸಮಯ ದೂರವೇನಿಲ್ಲ. 36 ವರ್ಷದ ಕೊಹ್ಲಿ, 38 ವರ್ಷದ ರೋಹಿತ್​ ಸಂಧ್ಯಾಕಾಲದ ಹೊಸ್ತಿಲ್ಲಿಲ್ಲಿದ್ದಾರೆ. 2027ರ ಏಕದಿನ ವಿಶ್ವಕಪ್​ ವೇಳೆಗೆ 40 ವರ್ಷ ವಯಸ್ಸಾಗಿರುತ್ತೆ. ಈ ಕಾರಣಕ್ಕೆ ಬಿಸಿಸಿಐ, ಭವಿಷ್ಯ ಹೊಸ ಟೀಮ್ ಕಟ್ಟುವ ಲೆಕ್ಕಾಚಾರದಲ್ಲಿದೆ. ಅಕ್ಟೋಬರ್​ 19ರಿಂದ ಆರಂಭವಾಗಲಿರುವ ಏಕದಿನ ಸರಣಿಯಲ್ಲಿ ಇಂಪ್ಯಾಕ್ಟ್​ ಫುಲ್ ಪರ್ಫಾಮೆನ್ಸ್ ನೀಡಬೇಕಿದೆ. ಆಸಿಸ್ ಪ್ರವಾಸದ ಏಕದಿನ ಸರಣಿಯೇ ವಿರಾಟ್ ಹಾಗೂ ರೋಹಿತ್ ಶರ್ಮಾ ಪಾಲಿಗೆ ಕೊನೆಯಾದರೂ ಅಚ್ಚರಿ ಇಲ್ಲ.

ಇದನ್ನೂ ಓದಿ: ಕ್ರಿಕೆಟ್​ ಫ್ಯಾನ್ಸ್​ಗೆ ಶಾಕಿಂಗ್ ನ್ಯೂಸ್​.. ಕಿಂಗ್ ಕೊಹ್ಲಿ, ರೋಹಿತ್​ ಶರ್ಮಾಗೆ ಮುಹೂರ್ತ ಇಟ್ರಾ?

ರೋಹಿತ್, ವಿರಾಟ್​ಗೆ ಬಿಸಿಸಿಐ ಷರತ್ತು

ರೋಹಿತ್, ವಿರಾಟ್​ 2027ರ ಏಕದಿನ ವಿಶ್ವಕಪ್​​ ಕನಸಿನಲ್ಲಿದ್ದಾರೆ ನಿಜ. ಈ ಆಸೆಗೆ ಬಿಸಿಸಿಐ ತಣ್ಣೀರು ಎರಚಲು ಮುಂದಾಗಿದೆ. ಆಸ್ಟ್ರೇಲಿಯಾ ಸರಣಿ ನಂತರ ಸೈಡ್​ಲೈನ್​ ಮಾಡುವ ಉದ್ದೇಶ ಹೊಂದಿರುವ ಬಿಸಿಸಿಐ, ವಿಜಯ ಹಜಾರೆ ಟ್ರೋಫಿಯನ್ನಾಡಲು ಸೂಚಿಸಿದೆ. ಮುಂದಿನ ಏಕದಿನ ಹಾಗೂ 2027ರ ಏಕದಿನ ವಿಶ್ವಕಪ್​​ಗೆ ಪರಿಗಣಿಸಬೇಕಾದ್ರೆ ಡಿಸೆಂಬರ್​​ನಲ್ಲಿ ಆರಂಭವಾಗಲಿರುವ ವಿಜಯ್ ಹಜಾರೆಯಲ್ಲಿ ರನ್​ಗಳಿಸೋದ್ರ ಜೊತೆಗೆ ಫಿಟ್‌ನೆಸ್, ಫಾರ್ಮ್ ಕಾಪಾಡಿಕೊಳ್ಳುವ ಷರತ್ತು ಹಾಕಿದೆ. ಆಸ್ಟ್ರೇಲಿಯಾ ಪ್ರವಾಸದ ನಂತರ ರೋಹಿತ್, ವಿರಾಟ್​ ಮತ್ತೆ ಏಕದಿನ ತಂಡಕ್ಕೆ ಕಮ್​​ಬ್ಯಾಕ್ ಮಾಡಬೇಕಾದ್ರೆ, ವಿಜಯ್ ಹಜಾರೆ ಅಗ್ನಿಪರೀಕ್ಷೆ ಗೆಲ್ಲಬೇಕಿದೆ.

ಇದನ್ನೂ ಓದಿ:ಕಿಂಗ್ ಕೊಹ್ಲಿ ಫ್ಯಾನ್ಸ್​ಗೆ ಗುಡ್​ನ್ಯೂಸ್​.. ವರ್ಲ್ಡ್​​ಕಪ್ ಟೂರ್ನಿವರೆಗೆ ವಿರಾಟ್​ ದರ್ಶನ ಗ್ಯಾರಂಟಿ!

ಶಾಕ್ ಕೊಡ್ತಾರಾ ರೋಹಿತ್, ವಿರಾಟ್ ಕೊಹ್ಲಿ?

ರೋಹಿತ್ ಶರ್ಮಾ, ವಿರಾಟ್​ ಕೊಹ್ಲಿ, ಮಾಡ್ರನ್ ಡೇ ಕ್ರಿಕೆಟ್​​ನ ಶ್ರೇಷ್ಠ ಆಟಗಾರರು. ಈ ಶ್ರೇಷ್ಠ ಆಟಗಾರರ ವಿಚಾರದಲ್ಲಿ ಬಿಸಿಸಿಐನ ಚದುರಂಗದ ಆಟ ಫ್ಯಾನ್ಸ್​ಗೆ ಬೇಸರ ತರಿಸಿದೆ. ಟೀಮ್ ಇಂಡಿಯಾಕ್ಕಾಗಿ ಟನ್​ ಗಟ್ಟಲೇ ರನ್ ಗಳಿಸಿರುವ ರೋಹಿತ್ ಶರ್ಮಾ ಹಾಗೂ ವಿರಾಟ್​ಗೆ ಪರೋಕ್ಷ ಅಪಮಾನ ಮಾಡ್ತಿದೆ. ಇಂಗ್ಲೆಂಡ್ ಸರಣಿ ಆರಂಭಕ್ಕೂ ಮುನ್ನ ಟೆಸ್ಟ್ ಸರಣಿಗೆ ಗುಡ್ ಬೈ ಹೇಳಿದಂತೆ ಆಸ್ಟ್ರೇಲಿಯಾ ಪ್ರವಾಸಕ್ಕೂ ಮುನ್ನ ಏಕದಿನ ಕ್ರಿಕೆಟ್​​ಗೆ ಗುಡ್​ ಬೈ ಹೇಳಿ ಶಾಕ್ ಕೊಡ್ತಾರಾ ಎಂಬ ಅನುಮಾನ ಇದ್ದೇ ಇದೆ.
ರೋಹಿತ್-ವಿರಾಟ್​ ಶ್ರೇಷ್ಠ ಆಟಗಾರರು ಅನ್ನೋದ್ರಲ್ಲಿ ಡೌಟಿಲ್ಲ. ಭವಿಷ್ಯದ ತಂಡದ ಕಟ್ಟಿವ ನೆಪದಲ್ಲಿ ದಿಗ್ಗಜರನ್ನು ಸೈಡ್​ಲೈನ್ ಮಾಡಲು ಮುಂದಾಗಿರುವುದು ನಿಜಕ್ಕೂ ಬೇಸರದ ಸಂಗತಿ.

ಇದನ್ನೂ ಓದಿ: ಮುಂಬೈ ತಂಡದ ಬಲಿಷ್ಠ ಬ್ಯಾಟರ್ ಮೇಲೆ ಕಣ್ಣಿಟ್ಟ ಆರ್​ಸಿಬಿ.. ಡೀಲ್​​ಗಾಗಿ ಫ್ರಾಂಚೈಸಿ ಮಾತುಕತೆ..?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ