‘ಕುಂಬ್ಳೆ ಎದುರು ಕಣ್ಣೀರು ಇಟ್ಟಿದ್ದೆ..’ ಪಂಜಾಬ್ ತೊರೆದ ಹಿಂದಿನ ಸತ್ಯ ಹೇಳಿದ ಗೇಲ್

2021ರ ಐಪಿಎಲ್​ ಟೂರ್ನಿ ಅತ್ಯಂತ ವಿಚಿತ್ರ ಘಟನೆಗೆ ಸಾಕ್ಷಿಯಾಗಿತ್ತು. ಯುನಿವರ್ಸೆಲ್​ ಬಾಸ್​​ ಕ್ರಿಸ್​ ಗೇಲ್​ ಇದ್ದಕ್ಕಿದ್ದಂತೆ ಪಂಜಾಬ್​ ತೊರೆದಿದ್ರು. ಇದ್ರೊಂದಿಗೆ ಗೇಲ್​ ಐಪಿಎಲ್​ ಕರಿಯರ್​ ಎಂಡ್​ ಆಯ್ತು. ಅಂದು ಟೂರ್ನಿಯ ಮಧ್ಯೆ ತಂಡ ತೊರೆದಿದ್ರ ಹಿಂದಿನ ಸತ್ಯವನ್ನ ಇದೀಗ ಗೇಲ್​ ರಿವೀಲ್ ಮಾಡಿದ್ದಾರೆ. ಅಂದಿನ ಹೆಡ್​ಕೋಚ್​ ಅನಿಲ್​ ಕುಂಬ್ಳೆ ಮೇಲೆ ಸ್ಫೋಟಕ ಆರೋಪ ಮಾಡಿದ್ದಾರೆ. 

ಕ್ರಿಸ್ಟೋಪರ್​ ಹೆನ್ರಿ ಗೇಲ್ ಅಲಿಯಾಸ್​​ ಕ್ರಿಸ್​ ಗೇಲ್​. ದಶಕಕ್ಕೂ ಹೆಚ್ಚು ಕಾಲ ಕ್ರಿಕೆಟ್​ ಲೋಕವನ್ನ ತನ್ನದೇ ಶೈಲಿಯಲ್ಲಿ ಆಳಿದ ಗೇಲ್​ಗೆ ವಿಶ್ವಾದ್ಯಂತ ಸಪರೇಟ್​ ಫ್ಯಾನ್​​​​ ಬೇಸ್​ಯಿದೆ.  ಟಿ20 ಕ್ರಿಕೆಟ್​ನಲ್ಲಂತೂ ಈತನನ್ನ ಮೀರಿಸೋ ಮತ್ತೊಬ್ಬ ಮಾಸ್​ ಎಂಟರ್​​ಟೈನರ್​ ಬಂದಿಲ್ಲ ಬಿಡಿ. ಕ್ರಿಸ್​ನಲ್ಲಿ ನಿಂತು ಈ ದೈತ್ಯ ಬೌಂಡರಿ, ಸಿಕ್ಸರ್​ ಸುರಿಮಳೆ ಸುರಿಸುತ್ತಿದ್ದರೆ  ಸ್ಟ್ಯಾಂಡ್​ನಲ್ಲಿ ಫ್ಯಾನ್ಸ್​ ಹುಚ್ಚೆದ್ದು ಕುಣೀತಿದ್ರು. ಸಪ್ತ ಸಾಗರದಾಚೆ ಇರೋ ಜಮೈಕಾದಿಂದ ಹಿಡಿದು ನಮ್ಮ ಬೆಂಗಳೂರುವರೆಗೂ ಕ್ರಿಸ್​ಗೇಲ್​ ನಂಟಿದೆ.

ಇದನ್ನೂ ಓದಿ:ಆಲ್​ ಟೈಮ್ IPL ತಂಡ ಪ್ರಕಟಿಸಿದ ಗೇಲ್..! ಆರ್​ಸಿಬಿಯಿಂದ ಎಷ್ಟು ಮಂದಿಗೆ ಸ್ಥಾನ..?

ಕ್ರಿಕೆಟ್​ ಲೋಕದ ರಿಯಲ್​ ಎಂಟರ್​​ಟೈನರ್​ ಎನಿಸಿದ್ದ ಕ್ರಿಸ್​ಗೇಲ್​ ಐಪಿಎಲ್​ ಕರಿಯರ್​ ವಿಚಿತ್ರ ರೀತಿಯಲ್ಲಿ ಅಂತ್ಯವಾಯ್ತು. 2021ರ ಐಪಿಎಲ್​ ಟೂರ್ನಿಯ ಮಧ್ಯದಲ್ಲೇ ಗೇಲ್​​ ಪಂಜಾಬ್​ ತಂಡವನ್ನ ತೊರೆದ್ರು. ಗೇಲ್​ ತಂಡ ತೊರೆದಿದ್ದು ಸಾಕಷ್ಟು ಅನುಮಾನಕ್ಕೆ ಕಾರಣವಾಗಿತ್ತು. ಈ ವಿಚಾರದಲ್ಲಿ ಮೊದಲ ಬಾರಿ ಮಾತನಾಡಿರೋ ಕ್ರಿಸ್​ ಗೇಲ್​ ಹೊಸ ಬಾಂಬ್​ ಸಿಡಿಸಿದ್ದಾರೆ. 

ಮರ್ಯಾದೆ ಸಿಗಲಿಲ್ಲ

ಸಂದರ್ಶನವೊಂದರಲ್ಲಿ ಇದೇ ಮೊದಲ ಬಾರಿಗೆ ಐಪಿಎಲ್​ ಕರಿಯರ್​ ವಿಚಿತ್ರ ಅಂತ್ಯ ಕಂಡಿದ್ರ ಬಗ್ಗೆ ಗೇಲ್​ ಮಾಡಿದ್ದಾರೆ. ಕಿಂಗ್ಸ್​ ಇಲೆವೆನ್​ ಪಂಜಾಬ್​ ಫ್ರಾಂಚೈಸಿ ಹಾಗೂ ತಂಡದ ಹೆಡ್​ ಕೋಚ್​ ಅನಿಲ್​ ಕುಂಬ್ಳೆ ಮೇಲೆ ಗಂಭೀರ ಆರೋಪ ಮಾಡಿದ್ದಾರೆ. ಐಪಿಎಲ್​ ಕ್ರಿಕೆಟ್​ ಕರಿಯರ್​ ಅಂತ್ಯವಾಗೋಕೆ ಇವರೇ ಕಾರಣ ನೇರಾ ನೇರವಾಗಿ ಹೇಳಿಕೊಂಡಿದ್ದಾರೆ. 

ಇದನ್ನೂ ಓದಿ:ಏಷ್ಯಾಕಪ್​​ಗೂ ಮೊದಲೇ ಟೀಂ ಇಂಡಿಯಾಗೆ ಭರ್ಜರಿ ಗುಡ್​ನ್ಯೂಸ್​.. ಏನದು?

ಹೌದು.. ನನ್ನನ್ನ ಅಗೌರವಯುತವಾಗಿ ನಡೆಸಿಕೊಳ್ಳಲಾಯ್ತು. ಪಂಜಾಬ್​ ಕಿಂಗ್ಸ್​ ಇಲೆವೆನ್​ ಫ್ರಾಂಚೈಸಿ ಸರಿಯಾಗಿ ನಡೆಸಿಕೊಳ್ಳಲಿಲ್ಲ. ಹಿರಿಯ ಆಟಗಾರನಾಗಿ, ಲೀಗ್​​ನಲ್ಲಿ ಸಾಧನೆ ಮಾಡಿ, ಫ್ರಾಂಚೈಸಿಗೆ ಹೆಚ್ಚಿನ ಮೌಲ್ಯ ತಂದು ಕೊಟ್ಟಿದ್ರೂ ನನಗೆ ಮರ್ಯಾದೆ ಸಿಗಲಿಲ್ಲ. ಅವರು ನನ್ನನ್ನ ಮಗುವಿನಂತೆ ಟ್ರೀಟ್​ ಮಾಡಿದ್ರ. ನನ್ನ ಜೀವನದಲ್ಲಿ ಮೊದಲ ಬಾರಿಗೆ ನಾನು ಡಿಪ್ರೆಶನ್​ಗೆ ಹೋದೆ. ಯಾವಾಗ ಜನ ಡಿಪ್ರೆಶನ್​ ಬಗ್ಗೆ ಮಾತನಾಡ್ತಾರೋ ನಾನು ಅದನ್ನ ಅರ್ಥ ಮಾಡಿಕೊಳ್ಳಬಲ್ಲೆ. ನಾವು ಅದರ ಬಗ್ಗೆ ಮಾತನಾಡುತ್ತಿದ್ದೇವೆ ಅನ್ನೋದನ್ನ ಅರ್ಥ ಮಾಡಿಕೊಳ್ಳಬಲ್ಲೆ. ಆ ಸಮಯದಲ್ಲಿ ದುಡ್ಡು ಏನೂ ಇಲ್ಲ. ದುಡ್ಡಿಗಿಂತ ಮಾನಸಿಕ ಆರೋಗ್ಯ ಮುಖ್ಯವಾದದ್ದು- ಕ್ರಿಸ್ ​ಗೇಲ್, ವೆಸ್ಟ್​ ವಿಂಡೀಸ್ ಮಾಜಿ ಕ್ರಿಕೆಟಿಗ

ಕುಂಬ್ಳೆ, ಮ್ಯಾನೇಜ್​ಮೆಂಟ್​​ ನಡೆಗೆ ಬೇಸರ

ಆ ಸಮಯದಲ್ಲಿ ಅನಿಲ್​ ಕುಂಬ್ಳೆ ಪಂಜಾಬ್​ ಕಿಂಗ್ಸ್​ ತಂಡದ ಹೆಡ್​ ಕೋಚ್​ ಆಗಿದ್ರು. ಹೆಡ್ ​ಕೋಚ್​ ಕುಂಬ್ಳೆ ಹಾಗೂ ಮ್ಯಾನೇಜ್​ಮೆಂಟ್​​ ​ಸರಿಯಾಗಿ ನಡೆಸಿಕೊಳ್ಳದಿದ್ದಿದ್ದಕ್ಕೆ ಗೇಲ್​ ತುಂಬಾ ಬೇಸರಗೊಂಡಿದ್ರಂತೆ. ಎಷ್ಟರ ಮಟ್ಟಿಗೆ ಅಂದ್ರೆ ಕುಂಬ್ಳೆ ಜೊತೆ ಮಾತನಾಡುವಾಗ ಕಣ್ನೀರು ಹಾಕಿದ್ರಂತೆ. 

ಇದನ್ನೂ ಓದಿ:ಗಿಲ್​ಗಾಗಿ ಯಶಸ್ವಿ ಜೈಸ್ವಾಲ್ ಬಲಿ.. ಏಷ್ಯಾಕಪ್​ ಓಪನರ್​ ಸ್ಲಾಟ್​ನಲ್ಲಿ ಮತ್ಯಾರು ಟಾರ್ಗೆಟ್​?

ನಾನು ಅನಿಲ್​ ಕುಂಬ್ಳೆಗೆ ಕರೆ ಮಾಡಿದ್ದೆ. ಒನ್​ ಟು ಒನ್​ ಚರ್ಚೆ ನಡೆಸಿದ್ದೆ. ನಾನು ಕುಸಿದು ಹೋಗಿದ್ದೆ. ಎಷ್ಟು ಅಂದ್ರೆ ನಾನು ಮಾತನಾಡುವಾಗ ಅತ್ತು ಬಿಟ್ಟೆ. ಅಷ್ಟು ಬೇಸರವಾಗಿತ್ತು. ನಾನು ಅನಿಲ್​ ಕುಂಬ್ಳೆ ಹಾಗೂ ಪೂರ್ತಿ ತಂಡ, ಫ್ರಾಂಚೈಸಿಯನ್ನ ಆಗ ನಡೆಸುತ್ತಿದ್ದವರ ಮೇಲೆ ಬೇಸರಗೊಂಡಿದ್ದೆ. ಆಗ ನಾನು ಹೇಳಿದ್ದೆ ಕೇಳಿಸಿಕೊಳ್ಳಿ ಥ್ಯಾಂಕ್ಯೂ ಅಂತಾ. ಆಗ ಕೆ.ಎಲ್.ರಾಹುಲ್​ ನಾಯಕನಾಗಿದ್ರು. ಕಾಲ್​ ಮಾಡಿ ಕ್ರಿಸ್​ ನೀವು ಇರಬೇಕು ಎಂದು ಹೇಳಿದ್ರು. ಮುಂದಿನ ಪಂದ್ಯದಲ್ಲಿ ನೀವು ಆಡ್ತೀರಾ ಎಂದು ಹೇಳಿದ್ರು. ನನ್ನ ಮಾತನ್ನ ಕೇಳಿಸಿಕೋ ನಿಮಗೆಲ್ಲಾ ಒಳ್ಳೆಯದಾಗಿ ಎಂದು ಹೇಳಿ ಬ್ಯಾಗ್​ ಪ್ಯಾಕ್​​ ಮಾಡಿ ಹೊರಟೆ-ಕ್ರಿಸ್ ಗೇಲ್, ಮಾಜಿ ಕ್ರಿಕೆಟಿಗ

ಪಂಜಾಬ್​​ ಮೇಲೆ ಗೇಲ್​ ಬೇಸರ

2021ರ ಐಪಿಎಲ್​ನಲ್ಲಿ ಪಂಜಾಬ್​ ತಂಡದಲ್ಲಿ ಮೂವರು ಓಪನರ್ಸ್​ ಇದ್ರು. ಗೇಲ್​, ಮಯಾಂಕ್​ ಅಗರ್​ವಾಲ್​, ಕೆ.ಎಲ್.ರಾಹುಲ್​. ಕನ್ನಡಿಗರಿಗೆ ಮಣೆ ಹಾಕಿದ್ದ ಮ್ಯಾನೇಜ್​​ಮೆಂಟ್​ ಗೇಲ್​ನ 3ನೇ ಕ್ರಮಾಂಕದಲ್ಲಿ ಆಡುವಂತೆ ಸೂಚಿಸಿತ್ತು. ಇದು ಗೇಲ್​ಗೆ ಬೇಸರಕ್ಕೆ ಮೊದಲ ಕಾರಣ. ಮೊದಲ 8 ಪಂದ್ಯಗಳಲ್ಲಿ ಗೇಲ್​ಗೆ​ ಚಾನ್ಸ್​ ನೀಡಿ ಏಡೆನ್​​ ಮರ್ಕಮ್​ ತಂಡಕ್ಕೆ ವಾಪಾಸ್ಸಾದ ಕೂಡಲೇ ಡ್ರಾಪ್​ ಮಾಡಲಾಗಿತ್ತು. ಇದು ಇನ್ನಷ್ಟು ನೋವುಂಟು ಮಾಡಿತ್ತು. ನಂತರ ಗೇಲ್​ ತಂಡ ತೊರೆದಿದ್ರು.

ಇದನ್ನೂ ಓದಿ:Asia Cup; ಹದ್ದಿನ ಕಣ್ಣಿಟ್ಟ ಸೂರ್ಯಕುಮಾರ್ ಸೇನೆ.. ಭರ್ಜರಿ ಬ್ಯಾಟಿಂಗ್, ಬೌಲಿಂಗ್ ಸಮರಾಭ್ಯಾಸ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ