ಶತಕ ಬಾರಿಸಿ ಜೈಸ್ವಾಲ್ ಕಿಸ್ ಕೊಟ್ಟಿದ್ದು ಯಾರಿಗೆ..? ಸಿಕ್ಕಿಬಿದ್ದ ಲವ್ವರ್ ಬಾಯ್..!

ಇಂಡೋ-ಇಂಗ್ಲೆಂಡ್​ ಟೆಸ್ಟ್​​ ಸರಣಿ ಅಂತ್ಯ ಕಂಡಿದ್ದಾಗಿದೆ. ಕೆನ್ನಿಂಗ್ಟನ್​ ಓವಲ್​​ನಲ್ಲಿ ನಡೆದ ಕೊನೆಯ ಟೆಸ್ಟ್​​ನಲ್ಲಿ ಆಂಗ್ಲರನ್ನ ರೋಚಕ ರೀತಿಯಲ್ಲಿ ಮಣಿಸಿದ ಟೀಮ್​ ಇಂಡಿಯಾ ಸರಣಿ ಸಮಭಲ ಸಾಧಿಸಿತು. ಈ ಕೆನ್ನಿಂಗ್ಟನ್​ ಓವಲ್​​ ಟೆಸ್ಟ್​ ಗೆಲುವಿನಲ್ಲಿ ಯಶಸ್ವಿ ಜೈಸ್ವಾಲ್​ ಕೊಡುಗೆ ಮಹತ್ವದ್ದು. ಮೊದಲ ಇನ್ನಿಂಗ್ಸ್​​ನಲ್ಲಿ ಫೇಲ್​ ಆಗಿದ್ದ ಜೈಸ್ವಾಲ್​, 2ನೇ ಇನ್ನಿಂಗ್ಸ್​ನಲ್ಲಿ ಬೊಂಬಾಟ್​ ಇನ್ನಿಂಗ್ಸ್​​ ಕಟ್ಟಿದ್ರು. ಕ್ರಿಸ್​​ ಕಚ್ಚಿ ನಿಂತು ಆಂಗ್ಲ ಬೌಲರ್​​ಗಳನ್ನ ದಿಟ್ಟವಾಗಿ ಎದುರಿಸಿ ಸೊಗಸಾದ ಶತಕ ಸಿಡಿಸಿದ್ರು.

ಜೈಸ್ವಾಲ್​​​ ಸಿಡಿಸಿದ ಈ ಅದ್ಭುತ​​ ಶತಕದ ಬಲದಿಂದಲೇ ಟೀಮ್​ ಇಂಡಿಯಾ ಇಂಗ್ಲೆಂಡ್​​ಗೆ 374 ರನ್​ಗಳ ಬಿಗ್​ ಟಾರ್ಗೆಟ್​​​ ನೀಡೋಕೆ ಸಾಧ್ಯವಾಗಿದ್ದು. ಮ್ಯಾಟರ್​​ ಅದಲ್ಲ.. ಈ ಸೆಂಚುರಿ ಕಂಪ್ಲೀಟ್​​ ಮಾಡಿದ ತಕ್ಷಣ ಸೆಲೆಬ್ರೇಷನ್​ ಮಾಡಿರೋದು ಸದ್ಯ ಚರ್ಚೆಯಲ್ಲಿರೋದು. ಶತಕ ಸಿಡಿಸಿ ಬ್ಯಾಟ್​​ ಮೇಲೆತ್ತಿ ಸಂಭ್ರಮಿಸಿದ ಜೈಸ್ವಾಲ್​ ಆ ಬಳಿಕ ಪ್ಲೈಯಿಂಗ್​ ಕಿಸ್​ ನೀಡಿದ್ರು. ಆ ಕಿಸ್​ ಕೊಟ್ಟಿದ್ದು ಯಾರಿಗೆ? ಅನ್ನೋ ಪ್ರಶ್ನೆಗೆ ಉತ್ತರದ ಹುಡುಕಾಟ ಸದ್ಯ ನಡೀತಿದೆ. 

ಇದನ್ನೂ ಓದಿ:ಮತ್ತೆ ಟೀಂ ಇಂಡಿಯಾದಲ್ಲಿ ರೋಹಿತ್ ಕೊಹ್ಲಿ ಬಗ್ಗೆ ಮಾತುಕತೆ.. ಶೀಘ್ರದಲ್ಲೇ ಶಾಕಿಂಗ್ ನ್ಯೂಸ್​..?

ಜೈಸ್ವಾಲ್​ ಕಿಸ್​ ಕೊಟ್ಟಿದ್ದು ಯಾರಿಗೆ? 

ಜೈಸ್ವಾಲ್​​ ಶತಕ ಸಿಡಿಸಿದಾಗ ಹಿಟ್​​ಮ್ಯಾನ್​ ರೋಹಿತ್​ ಶರ್ಮಾ ಫೀಲ್ಡ್​ನಲ್ಲಿದ್ರು. ಮೆಂಟರ್​ ರೋಹಿತ್​ಗೆ ಜೈಸ್ವಾಲ್​ ಹೀಗೆ ಗೌರವ ಸಲ್ಲಿಸಿದ್ರು ಅಂತಾ ಆಗ ಕೆಲವರು ಅಂದುಕೊಂಡಿದ್ರು. ಕೆಲವರು ಪಂದ್ಯ ನೋಡಲು ಬಂದಿದ್ದ ಕುಟುಂಬಸ್ಥರಿಗೆ ಅನ್ನೋ ಅಭಿಪ್ರಾಯ ಹೊಂದಿದ್ರು. ಆದ್ರೀಗ ಕಿಸ್​ನ ಅಸಲಿ ಸತ್ಯ ರಿವೀಲ್​ ಆಗಿದೆ. ಜೈಸ್ವಾಲ್​ ಪ್ಲೈಯಿಂಗ್​ ಕಿಸ್​ ಕೊಟ್ಟಿದ್ದು ಗೆಳತಿ ಮ್ಯಾಡಿ ಹ್ಯಾಮಿಲ್ಟನ್​ಗಂತೆ.

ಸ್ಟ್ಯಾಂಡ್​​ನಲ್ಲಿದ್ದ ಗೆಳತಿಗೆ ಜೈಸ್ವಾಲ್​ ಕಿಸ್​ ಕೊಟ್ರಾ?

ಜೈಸ್ವಾಲ್​ ಶತಕ ಸಿಡಿಸಿದ ದಿನ ಪಂದ್ಯವನ್ನ ವೀಕ್ಷಿಸಲು ಜೈಸ್ವಾಲ್​ ರೂಮರ್ಡ್​ ಗರ್ಲ್​ಫ್ರೆಂಡ್​​ ಮ್ಯಾಡಿ ಹ್ಯಾಮಿಲ್ಟನ್​​ ಬಂದಿದ್ರು. ಸ್ಟ್ಯಾಂಡ್​​ನಲ್ಲಿ ಕುಳಿತು ಜೈಸ್ವಾಲ್​ಗೆ ಮ್ಯಾಡಿ ಹ್ಯಾಮಿಲ್ಟನ್​ ಚಿಯರ್​ ಮಾಡ್ತಿದ್ರು. ಶತಕ ಸಿಡಿಸಿದ ಬಳಿಕ ಹ್ಯಾಮಿಲ್ಟನ್​ ಕುಳಿತಿದ್ದ ಸ್ಟ್ಯಾಂಡ್​​ ಕಡೆಗೆ ತಿರುಗಿ ಸೆಲೆಬ್ರೇಟ್​ ಮಾಡಿದ್ರಿಂದ ಜೈಸ್ವಾಲ್​ ಕಿಸ್​​ ಕೊಟ್ಟಿದ್ದು ಈಕೆಗೆ ಎಂಬ ಚರ್ಚೆ ನಡೀತಿದೆ.

ಇದನ್ನೂ ಓದಿ:ಯಂಗ್​ ಇಂಡಿಯಾ ಪವರ್! ಸರಣಿಗೂ ಮುನ್ನ ಆಡಿಕೊಂಡವ್ರಿಗೆ ಕೊಟ್ಟ ಉತ್ತರ ಹೇಗಿತ್ತು?

ಜೈಸ್ವಾಲ್​​​ ಜೊತೆ ಹ್ಯಾಮಿಲ್ಟನ್​ ಹೆಸರು ತಳುಕು ಯಾಕೆ?

ನಿನ್ನೆ ಮೊನ್ನೆಯಿಂದಲ್ಲ. ಕಳೆದ ಕೆಲ ವರ್ಷಗಳಿಂದ ಈ ಮ್ಯಾಡಿ ಹ್ಯಾಮಿಲ್ಟನ್​ ಜೊತೆಗೆ ಜೈಸ್ವಾಲ್​ ಹೆಸ್ರು ತಳುಕು ಹಾಕಿಕೊಂಡಿದೆ. ಈ ಹಿಂದೆ 2024ರಲ್ಲಿ ಇಂಗ್ಲೆಂಡ್​ ತಂಡ ಭಾರತದ ಪ್ರವಾಸಕ್ಕೆ ಬಂದಿತ್ತು. ಮೊದಲ ಬಾರಿ ಹ್ಯಾಮಿಲ್ಟನ್​ ದರ್ಶನವಾಗಿದ್ದು ಆಗಲೇ. ಸ್ಟೇಡಿಯಂಗೆ ಬಂದು ಆಗಲೂ ಕೂಡ ಜೈಸ್ವಾಲ್​ಗೆ ಚಿಯರ್​ ಮಾಡಿದ್ರು. ಕಳೆದ ಸೀಸನ್​ ಐಪಿಎಲ್​ ವೇಳೆಯೂ ಒಟ್ಟಾಗಿ ಏರ್​​ಪೋರ್ಟ್​ನಲ್ಲಿ ಕಾಣಿಸಿಕೊಂಡಿದ್ರು. 

ಮ್ಯಾಡಿ-ಜೈಸ್ವಾಲ್​​ ನಡುವೆ ಆಪ್ತ ಒಡನಾಟ

ಮ್ಯಾಡಿ ಹ್ಯಾಮಿಲ್ಟನ್ ಇಂಗ್ಲೆಂಡ್​​ನವರೇ ಆಗಿದ್ರೂ ಯಶಸ್ವಿ ಜೈಸ್ವಾಲ್​ಗೆ ಅತ್ಯಾಪ್ತರು. ಇವರಿಬ್ಬರ ಸ್ನೇಹಕ್ಕೆ ಅಡಿಗಲ್ಲು ಹಾಕಿದ್ದು ಹ್ಯಾಮಿಲ್ಟನ್​​​​​​ ಸಹೋದರ ಹೆನ್ರಿ ಹ್ಯಾಮಿಲ್ಟನ್. ಹೆನ್ರಿ ಹ್ಯಾಮಿಲ್ಟನ್ ಕೂಡ ಒಬ್ಬ ಕ್ರಿಕೆಟರ್. ಇಂಗ್ಲೆಂಡ್​ನ ಕ್ರಿಕೆಟ್​ ಕ್ಲಬ್​ವೊಂದರ ಪರ ಆಡುವ ಹೆನ್ರಿ, 2018ರಿಂದಲೇ ಜೈಸ್ವಾಲ್​ಗೆ ಪರಿಚಯ. ಕ್ರಿಕೆಟ್​ನಿಂದ ಶುರುವಾದ ಪರಿಚಯ ಇಬ್ಬರನ್ನೂ ಆಪ್ತ ಸ್ನೇಹಿತರನ್ನಾಗಿಸಿತು. ಜೊತೆಗೆ ಮ್ಯಾಡಿ ಪರಿಚಯಕ್ಕೂ ದಾರಿ ಮಾಡಿಕೊಟ್ಟಿತ್ತು.

ಇದನ್ನೂ ಓದಿ: ಸಿರಾಜ್ ಲಾಂಗ್ ಸ್ಪೆಲ್ ಹಿಂದಿದೆ ಒಂದು ಸಿಕ್ರೇಟ್​.. ಸ್ಟಾರ್ ವೇಗಿಯ ಸಹೋದರನಿಂದ ಗುಟ್ಟು ರಟ್ಟು..!

2020ರಿಂದ ಡೇಟಿಂಗ್ ನಡೆಸ್ತಿರುವ ರೂಮರ್

ಜೈಸ್ವಾಲ್​ ಆಡೋವಾಗೆಲ್ಲಾ ಮೈದಾನಕ್ಕೆ ಬಂದು ಮ್ಯಾಡಿ ಹ್ಯಾಮಿಲ್ಟನ್​​ ಚಿಯರ್​ ಮಾಡ್ತಾರೆ. ಮ್ಯಾಡಿ ಹ್ಯಾಮಿಲ್ಟನ್​​ ಮಾತ್ರವಲ್ಲ.. ಆಕೆಯ ಅಣ್ಣ ಹೆನ್ರಿ ಹ್ಯಾಮಿಲ್ಟನ್​​​​​​​​​ ಹಾಗೂ ಅವರ ಅಮ್ಮ ಕೂಡ ಸ್ಟೇಡಿಯಂಗೆ ಹಾಜರಾಗಿ ಜೈಸ್ವಾಲ್​ನ ಬೆಂಬಲಿಸ್ತಾರೆ. ಜೈಸ್ವಾಲ್​, ಮ್ಯಾಡಿ ಹ್ಯಾಮಿಲ್ಟನ್ ಜೊತೆ 2020ರಿಂದಲೇ ಡೇಟಿಂಗ್ ನಡೆಸ್ತಿದ್ದಾರೆ ಅನ್ನೋ ಸುದ್ದಿಯಿದೆ. ಒಟ್ಟಾಗಿರೋ ಹಲವು ಫೋಟೋಗಳು ಈ ಜೈಸ್ವಾಲ್​ ಡೇಟಿಂಗ್​ ರೂಮರ್ಸ್​ಗೆ ಪುಷ್ಟಿ ನೀಡಿವೆ. 

ಇಂಗ್ಲೆಂಡ್​ ಸರಣಿಯ ಅಂತ್ಯವಾದ ಬಳಿಕ ಟೀಮ್​ ಇಂಡಿಯಾ ಆಟಗಾರರು ಹಂತ ಹಂತವಾಗಿ ಭಾರತಕ್ಕೆ ವಾಪಾಸ್ಸಾಗ್ತಿದ್ದಾರೆ. ಜೈಸ್ವಾಲ್​ ಇಂಗ್ಲೆಂಡ್​​ನಲ್ಲೇ ಉಳಿಯಲು ನಿರ್ಧರಿಸಿದ್ದಾರೆ. ಏಷ್ಯಾಕಪ್​ಗೂ ಮುನ್ನ ಸಿಕ್ಕಿರೋ ಬಿಡುವನ್ನ ಮ್ಯಾಡಿ ಹ್ಯಾಮಿಲ್ಟನ್​ ಕುಟುಂಬದೊಂದಿಗೆ ಕಳೆಯಲಿದ್ದಾರೆ ಎಂಬ ಸುದ್ದಿ ಇದೆ. ಈ ಸುದ್ದಿ ಕೂಡ ಡೇಟಿಂಗ್​ ರೂಮರ್ಸ್​​ ಜೋರಾಗುವಂತೆ ಮಾಡಿದೆ.

ಇದನ್ನೂ ಓದಿ:ರಿಷಭ್ ಪಂತ್​ ಸ್ಥಾನಕ್ಕಾಗಿ ಕನ್ನಡಿಗ ಸೇರಿ 5 ಆಟಗಾರರ ಮಧ್ಯೆ ರೇಸ್​.. ವಿಕೆಟ್ ಕೀಪರ್ ಸ್ಥಾನ ಯಾರಿಗೆ ಒಲಿಯುತ್ತೆ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ