ಬಾಲ ಸುಟ್ಟ ಬೆಕ್ಕಿನಂತೆ ಆದ ಪಾಕ್.. UAE ವಿರುದ್ಧದ ಪಂದ್ಯ ಬಾಯ್ಕಾಟ್ ಮಾಡುವ ಬೆದರಿಕೆ

ಇಂಡೋ-ಪಾಕ್​ ನಡುವಿನ ಹೈವೋಲ್ಟೆಜ್​ ಪಂದ್ಯ ಮುಗಿದು 24 ಒಂದು ದಿನವೇ ಉರುಳಿದ್ರೂ ಪಂದ್ಯದ ಕಾವು ಕಡಿಮೆಯಾಗಿಲ್ಲ. ಬದ್ಧವೈರಿಯನ್ನ ಬ್ಯಾಟಲ್​ನಲ್ಲಿ ಬಗ್ಗು ಬಡಿದ ಟೀಮ್​ ಇಂಡಿಯಾ ಗೆಲುವಿನ ಪತಾಕೆ ಹಾರಿಸಿದ್ದಾಯ್ತು. ಟೀಮ್​ ಇಂಡಿಯಾದ ಅಬ್ಬರದ ಮುಂದೆ ಕಂಗೆಟ್ಟ ಪಾಕಿಸ್ತಾನ ಬಿಲ ಸೇರಿದ್ದೂ ಆಯ್ತು. ಪಂದ್ಯದಲ್ಲಿ ಆದ ಹ್ಯಾಂಡ್​​ಶೇಕ್​​ ವಿವಾದ ದೊಡ್ಡ ಹಂಗಾಮ ಸೃಷ್ಟಿಸಿದೆ. 

ಇಂಡೋ-ಪಾಕ್​ ಪಂದ್ಯದಲ್ಲಿ ಆಟಕ್ಕಿಂತ ಹೆಚ್ಚು ಹೈಲೆಟ್​ ಆಗಿದ್ದೆ ಈ ಹ್ಯಾಂಡ್​ಶೇಕ್​ ವಿಚಾರ. ಪಂದ್ಯದ ಟಾಸ್​ ವೇಳೆಯೂ ಉಭಯ ತಂಡಗಳ ನಾಯಕರು ಶೇಕ್​ ಮಾಡಲಿಲ್ಲ. ಪಂದ್ಯದ ಅಂತ್ಯದ ವೇಳೆಯೂ ನಡೆದಿದ್ದು ಇದೆ. ಸಿಕ್ಸರ್​ ಬಾರಿಸಿ ತಂಡವನ್ನ ಗೆಲುವಿನ ದಡ ಸೇರಿಸಿದ ಸೂರ್ಯ ಕುಮಾರ್, ಶಿವಂ ದುಬೆ ಜೊತೆಗೂಡಿ ನೇರವಾಗಿ ಡ್ರೆಸ್ಸಿಂಗ್​ ರೂಮ್​ನತ್ತ ಹೆಜ್ಜೆ ಹಾಕಿದ್ರು. ಹ್ಯಾಂಡ್​​ಶೇಕ್​ ಮಾಡೋಕೆ ಪಾಕ್​ ಆಟಗಾರರು ಕಾದಿದ್ರೂ ಕೂಡ ಟೀಮ್​ ಇಂಡಿಯಾ ಆಟಗಾರರು ಮೈದಾನಕ್ಕೆ ಬರಲಿಲ್ಲ. ಇಷ್ಟೇ ಅಲ್ಲ. ಪಾಕ್​ ಆಟಗಾರರೇ ಅವರ ಬಳಿ ತೆರಳಿದಾದ ಡ್ರೆಸ್ಸಿಂಗ್​ ರೂಮ್​ನ ಡೋರ್​ ಕ್ಲೋಸ್​ ಮಾಡಲಾಯ್ತು. ಟೀಮ್​ ಇಂಡಿಯಾದ ಈ ನಡೆ ಇದೀಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ. 

ಇದನ್ನೂ ಓದಿ:ಪ್ರೀತಿಗಾಗಿ 600 ಕಿಮೀ ದೂರ ಸುತ್ತಿದಳು.. ಪ್ರಿಯಕರನ ಭೇಟಿ ಬೆನ್ನಲ್ಲೇ ದುರಂತ ಅಂತ್ಯ ಕಂಡಳು..

ಐಸಿಸಿಗೆ ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​ ದೂರು

ಪೆಹಲ್ಗಾಮ್​ ಟೆರೆರಿಸ್ಟ್​ ಅಟ್ಯಾಕ್​ನ ಕಾರಣಕ್ಕೆ ಪಾಕ್​ ಆಟಗಾರರೊಂದಿಗೆ ಶೇಕ್​ ಹ್ಯಾಂಡ್​ ಮಾಡದೇ ಪರೋಕ್ಷವಾಗಿ ಪ್ರತಿಭಟನೆ ದಾಖಲಿಸೋದು ಟೀಮ್​ ಇಂಡಿಯಾದ ಉದ್ದೇಶವಾಗಿತ್ತು. ಅದನ್ನ ಆಟಗಾರರು ಮಾಡಿದ್ರು ಕೂಡ. ಈ ವಿಚಾರ ಇದೀಗ ಕ್ರೀಡಾ ಸ್ಫೂರ್ತಿಯ ನೆಲೆಯಲ್ಲಿ ಚರ್ಚೆಯಾಗ್ತಿದೆ. ಟೀಮ್​ ಇಂಡಿಯಾ ಆಟಗಾರರ ನಡೆ ಕ್ರೀಡಾಸ್ಫೂರ್ತಿಗೆ ವಿರುದ್ಧ ಎಂದಿರುವ ಪಾಕ್​ ಕ್ರಿಕೆಟ್​ ಬೋರ್ಡ್​​, ಐಸಿಸಿಗೆ ದೂರು ನೀಡಿದೆ.

ಇದನ್ನೂ ಓದಿ:ಟೀಮ್ ಇಂಡಿಯಾದಿಂದ ಕಣ್ಮರೆಯಾದ ಕೊಹ್ಲಿ, ರೋಹಿತ್ ಸೇರಿ ಈ ಆಟಗಾರರು ಏನ್ ಮಾಡ್ತಿದ್ದಾರೆ?

ರೆಫರಿ ವಜಾಕ್ಕೆ ಆಗ್ರಹಿಸಿದ ಪಾಕಿಸ್ತಾನ ಕ್ರಿಕೆಟ್

ಐಸಿಸಿ ಈ ಬಗ್ಗೆ ಕಂಪ್ಲೇಂಟ್​ ಮಾಡಿರುವ ಪಿಸಿಬಿ, ಮ್ಯಾಚ್​ ರೆಫರಿಯ ವಜಾಕ್ಕೂ ಆಗ್ರಹಿಸಿದೆ. ಟಾಸ್​​ ವೇಳೆ ಮ್ಯಾಚ್​ ರೆಫರಿ ಆ್ಯಂಡಿ ಪೈಕ್ರಾಫ್ಟ್​​ ಪಾಕಿಸ್ತಾನದ ನಾಯಕ ಸಲ್ಮಾನ್​ ಆಘಾ ಬಳಿ ಹ್ಯಾಂಡ್​ ಶೇಕ್​ ಮಾಡದಂತೆ ಹೇಳಿದ್ರಂತೆ. ರೆಫರಿಯೇ ಹೀಗೆ ಹೇಳಿಕೊಟ್ಟಿದ್ದು ಕ್ರೀಡಾಸ್ಫೂರ್ತಿಗೆ ವಿರೋಧವಲ್ಲವೇ ಎಂದು ಪ್ರಶ್ನಿಸಿ ಐಸಿಸಿಗೆ ಪಿಸಿಬಿ ದೂರು ನೀಡಿದೆ. ರೆಫರಿ ವಜಾ ಮಾಡದಿದ್ರೆ ಏಷ್ಯಾಕಪ್​ ಟೂರ್ನಿಯ ಮುಂದಿನ ಯುಎಇ ಪಂದ್ಯವನ್ನ ಬಾಯ್ಕಾಟ್​ ಮಾಡೋ ಬೆದರಿಕೆಯನ್ನೂ ಹಾಕಿದೆ. 

ಹ್ಯಾಂಡ್​ಶೇಕ್​ ಬಗ್ಗೆ ಐಸಿಸಿ ನಿಯಮ ಹೇಳೋದೇನು?

ಐಸಿಸಿ ಪ್ರಿಯಾಂಬಲ್​ನಲ್ಲಿ ಸ್ಪಿರಿಟ್​​​ ಆಫ್​ ಕ್ರಿಕೆಟ್​​ನ ನಿಯಮದ ಬಗ್ಗೆ ಸ್ಪಷ್ಟವಾಗಿ ಹೇಳಲಾಗಿದೆ. ಆರ್ಟಿಕಲ್​ 2.1.1 ಐಸಿಸಿ ಕೋಡ್​ ಆಫ್​ ಕಂಡಕ್ಟ್​​ನ ಪ್ರಕಾರ ಎದುರಾಳಿಯನ್ನ ಪರಸ್ಪರ ಗೌರವಿಸುವುದು ಕಡ್ಡಾಯ. ಪಂದ್ಯದ ಬಳಿಕ ಮ್ಯಾಚ್​ ಅಫಿಶಿಯಲ್ಸ್​, ಎದುರಾಳಿಯನ್ನ ಗೌರವಿಸಬೇಕು ಮತ್ತು ಹ್ಯಾಂಡ್​ಶೇಕ್​ ಮಾಡಲೇಬೇಕು ಎಂದು ನಿಯಮ ಹೇಳುತ್ತೆ. ಈ ನಿಯಮದ ಉಲ್ಲಂಘನೆ ಲೆವೆಲ್​ 1 ಅಫೆನ್ಸ್​ ಎಂದು ನಿಯಮದಲ್ಲಿ ಉಲ್ಲೇಖಿಸಲಾಗಿದೆ. 

ಇದನ್ನೂ ಓದಿ:ಹ್ಯಾಂಡ್​ಶೇಕ್​ ಮಾಡದ ಟೀಮ್ ಇಂಡಿಯಾ.. ಮ್ಯಾಚ್​ ರೆಫರಿ ವಜಾಕ್ಕೆ ಪಾಕಿಸ್ತಾನ ಡಿಮ್ಯಾಂಡ್

ಪಾಕ್​ ಕ್ರಿಕೆಟ್​ ಬೋರ್ಡ್ ಡೈರೆಕ್ಟರ್​ ತಲೆದಂಡ

ಐಸಿಸಿಗೆ ದೂರು ನೀಡುವ ಚರ್ಚೆಯ ನಡುವೆ ಪಾಕ್​​ ಕ್ರಿಕೆಟ್​ ಬೋರ್ಡ್​ನಲ್ಲಿ ಒಂದು ತಲೆದಂಡವೂ ಆಗಿದೆ. ಶಿಸ್ತು ಸಂಹಿತೆ ಉಲ್ಲಂಘನೆಯ ಕಾರಣವನ್ನ ನೀಡಿ ತಂಡದ ಡೈರೆಕ್ಟರ್​​ ಉಸ್ಮಾನ್​ ವಾಹ್ಲಾನ ಪಿಸಿಬಿ ಅಮಾನತು ಮಾಡಿದೆ. ಪಂದ್ಯದ ವೇಳೆ ಪರಿಸ್ಥಿತಿಯನ್ನ ಸರಿಯಾಗಿ ನಿಭಾಯಿಸಿಲ್ಲ ಎಂದು ಹೇಳಿ ಪಿಸಿಬಿ ಮುಖ್ಯಸ್ಥ ಮೊಹ್ಸಿನ್​ ನಖ್ವಿ ಈ ನಿರ್ಧಾರವನ್ನ ತೆಗೆದುಕೊಂಡಿದ್ದಾರೆ. 

ಒಂದೆಡೆ ಪಾಕಿಸ್ತಾನ ಕ್ರಿಕೆಟ್​ ಬೋರ್ಡ್​​ನಲ್ಲಿ ಸಾಕಷ್ಟು ಬೆಳವಣಿಗೆಗಳು ನಡೆದಿವೆ ಎಂಬ ವರದಿಯಾಗ್ತಿದ್ರೆ, ಬಿಸಿಸಿಐ ಮಾತ್ರ ಮೌನಕ್ಕೆ ಶರಣಾಗಿದೆ. ನಮ್ಮ ಮೇಲೆ ಐಸಿಸಿಯಲ್ಲಾಗಲಿ ಅಥವಾ ಏಷ್ಯನ್​ ಕ್ರಿಕೆಟ್​ ಕೌನ್ಸಿಲ್​ನಲ್ಲಾಗಲಿ ಯಾವುದೇ ದೂರು ದಾಖಲಾಗಿಲ್ಲ ಎಂದು ಬಿಸಿಸಿಐನ ಮೂಲಗಳು ತಿಳಿಸಿವೆ. ಹ್ಯಾಂಡ್​ಶೇಕ್​ ವಿವಾದ ಸದ್ಯ ದೊಡ್ದ ವಿವಾದವಾಗಿ ಪರಿಣಮಿಸಿದೆ. ಪಾಕಿಸ್ತಾನದ ದೂರು ನೀಡಿದ್ದು ನಿಜವೇ ಆಗಿದ್ರೆ ಐಸಿಸಿ ಹಾಗೂ ಏಷ್ಯನ್ ಕ್ರಿಕೆಟ್​ ಕೌನ್ಸಿಲ್​ ಈ ವಿಚಾರದಲ್ಲಿ ಯಾವ ನಿರ್ಧಾರ ತೆಗೆದುಕೊಳ್ಳುತ್ತೆ ಅನ್ನೋದನ್ನ ಕಾದು ನೋಡಬೇಕಿದೆ. 

ಇದನ್ನೂ ಓದಿ:ಹೊಸ ಗರ್ಲ್​ಫ್ರೆಂಡ್​ ಜೊತೆ ಸ್ಟಾರ್ ಆಲ್​​ರೌಂಡರ್​ ಹಾರ್ದಿಕ್ ಪಾಂಡ್ಯ.. ಯಾರು ಈ ಬ್ಯೂಟಿ?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ