/newsfirstlive-kannada/media/media_files/2025/08/26/rcb_team-1-2025-08-26-10-46-49.jpg)
ಚಿನ್ನಸ್ವಾಮಿ ಕಾಲ್ತುಳಿತ ಇವತ್ತಿಗೂ ಮರೆಯಲಾಗದ ದುರ್ಘಟನೆ. ಈ ಘಟನೆ ಬಳಿಕ ಮೌನಕ್ಕೆ ಶರಣಾಗಿದ್ದ ಆರ್ಸಿಬಿ, ಈಗ ಲಾಯಲ್ ಫ್ಯಾನ್ಸ್ಗೆ ಭಾವುಕ ಪತ್ರ ಬರೆದಿದೆ. ಅಷ್ಟೇ ಅಲ್ಲ. ಹೊಸ ಪ್ರತಿಜ್ಞೆ ಮಾಡಿರುವ ಆರ್ಸಿಬಿ, ಫ್ಯಾನ್ಸ್ಗಾಗಿ ಹೊಸ ಯೋಜನೆ ರೂಪಿಸ್ತಿದೆ.
ಚಿನ್ನಸ್ವಾಮಿ ಸ್ಟೇಡಿಯಂ ಬಳಿ ಕಾಲ್ತುಳಿತ ದುರ್ಘಟನೆ. ದುರ್ಘಟನೆಯಲ್ಲಿ 11 ಮಂದಿಯ ಸಾವು, ಆರ್ಸಿಬಿಗೆ ಮಾತ್ರವಲ್ಲ. ಇಡೀ ರಾಜ್ಯಕ್ಕೆ ಕಪ್ಪು ಚುಕ್ಕೆಯಾಗಿತ್ತು. ಸಂಭ್ರಮದಲ್ಲಿ ತೇಲಾಡಬೇಕಿದ್ದ ಆರ್ಸಿಬಿ ಅಭಿಮಾನಿಗಳಲ್ಲಿ ಸೂತಕದ ಛಾಯೆ ಆವರಿಸಿತ್ತು. ಆ ಘಟನೆಯಿಂದ ಟೀಕೆ, ಟಿಪ್ಪಣೆ ಎದುರಿಸಬೇಕಾಯ್ತು. ಕೆಎಸ್ಸಿಎ, ಈವೆಂಟ್ ಮ್ಯಾನೇಜ್ಮೆಂಟ್ ಕಂಪನಿ ಡಿಎನ್ಎ ಎಂಟರ್ಟೈನ್ಮೆಂಟ್ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದರು. ಕೆಲವರ ಅರೆಸ್ಟ್ನಿಂದ ಅಪಮಾನಕ್ಕೂ ಗುರಿಯಾಗಿತ್ತು. ಇಡೀ ಕ್ರಿಕೆಟ್ ವಲಯವನ್ನೇ ಶೋಕಾಚರಣೆಯಲ್ಲಿ ಮುಳುಗಿಸಿತ್ತು. ಆದ್ರೀಗ ಆ ಶೋಕಾಚರಣೆಯಿಂದ ಆರ್ಸಿಬಿ ಹೊರುತ್ತಿದೆ.
ಇದನ್ನೂ ಓದಿ: ಕೊಹ್ಲಿ ಮಾಡಿದ ಒಂದು ಯಡವಟ್ಟು.. ಈಕೆಯ ಅದೃಷ್ಟವೇ ಬದಲಾಗಿದೆ ನೋಡಿ..!
ರಾಯಲ್ ಚಾಲೆಂಜರ್ಸ್ ಭಾವುಕ ಪೋಸ್ಟ್..!
ಜೂನ್ 4. ಆರ್ಸಿಬಿ ಪಾಲಿನ ಕರಾಳ ದಿನ. ಆ ದಿನ ಸಂಭ್ರಮದಲ್ಲಿ ಮಿಂದೇಳಬೇಕಿದ್ದ ಆಟಗಾರರು, ಅಭಿಮಾನಿಗಳು ಮೌನಕ್ಕೆ ಜಾರಬೇಕಾಯ್ತು. ಸೋಸಿಯಲ್ ಮೀಡಿಯಾದಲ್ಲಿ ಫುಲ್ ಆಕ್ಟಿವ್ ಇದ್ದ ಫ್ರಾಂಚೈಸಿ, ಜೂನ್ 5ರಂದು ವಿಷಾದದ ಪೋಸ್ಟ್ ನಂತರ ಸಂಪೂರ್ಣ ಸ್ಥಬ್ಧವಾಗಿತ್ತು. ಬರೋಬ್ಬರಿ 3 ತಿಂಗಳುಗಳ ಕಾಲ ಮೌನಕ್ಕೆ ಜಾರಿದ್ದ ಫ್ರಾಂಚೈಸಿ, 86 ದಿನಗಳ ಬಳಿಕ ಸೋಶಿಯಲ್ ಮೀಡಿಯಾದಲ್ಲಿ ಭಾವುಕ ಪೋಸ್ಟ್ ಮಾಡಿದೆ. ಅಭಿಮಾನಿಗಳಿಗೆ ಪತ್ರದ ಬರೆದಿರುವ ಆರ್ಸಿಬಿ, ಅಭಿಮಾನಿಗಳಿಗಾಗಿಯೇ ಹೊಸ ಯೋಜನೆ ಘೋಷಿಸಿದೆ.
ಇದನ್ನೂ ಓದಿ: ಒಂದಕ್ಕಿಂತ ಒಂದು ಸೂಪರ್ ಲವ್ ಸ್ಟೋರಿ.. ಕ್ರಿಕೆಟರ್ಸ್ ಪ್ರೇಮಕಥೆಗಳು..!
ಆರ್ಸಿಬಿ ಭಾವುಕ ಪತ್ರ
ನಮ್ಮ ತಂಡದ ಪ್ರೀತಿಯ 12ನೇ ಸೈನಿಕರಿಗೆ ನಮ್ಮ ಹೃದಯ ತುಂಬಿ ಬರೆಯುತ್ತಿರುವ ಪತ್ರವಿದು. ನಾವು ಪೋಸ್ಟ್ ಮಾಡಿ ಸುಮಾರು 3 ತಿಂಗಳು ಕಳೆದಿದೆ. ನಮ್ಮ ಈ ಮೌನಕ್ಕೆ ಖಾಲಿತನ ಕಾರಣವಲ್ಲ. ಇದು ದುಃಖದಿಂದ ತುಂಬಿದ ಮೌನ. ಈ ಮಾಧ್ಯಮದ ಮೂಲಕ ಖುಷಿ ಸಂಗತಿಗಳನ್ನ ಹಂಚಿಕೊಳ್ಳುತ್ತಿದ್ದೆವು. ಆದ್ರೆ, ಜೂನ್ 4ರಂದು ನಡೆದ ದುರಂತ ಎಲ್ಲವನ್ನ ಬದಲಾಯಿಸಿತು. ಆ ದಿನ ನಮ್ಮ ಹೃದಯ ಮುರಿದು ಹೋಗಿತ್ತು. ನಂತರದ ಮೌನ ಕೇವಲ ನಿಶ್ಶಬ್ದವಲ್ಲ. ಅದು ಶ್ರದ್ದೆಯಿಂದ ತುಂಬಿದ ಶಾಂತ ಶ್ರದ್ಧಾಂಜಲಿ. ಈ ಮೌನದೊಳಗೆ ನೋವನ್ನ ಅನುಭವಿಸುತ್ತಾ, ನಾವು ಆಳವಾದ ಚಿಂತನೆಯಲ್ಲಿದ್ದೆವು. ನಾವು ಅನೇಕ ಸಂಗತಿಯಗಳನ್ನ ಕಲಿತೆವು. ನೋವನ್ನೇ ಶ್ರದ್ದೆಯಾಗಿ, ನಂಬಿಕೆಯಾಗಿ ರೂಪಿಸಬೇಕೆಂದು ತೀರ್ಮಾನಿಸಿದ್ದೆವು.
ಅದರ ಫಲವೇ `ಆರ್ಸಿಬಿ ಕೇರ್ಸ್'.. ನಮ್ಮ ಅಭಿಮಾನಿಗಳು & ಸಮುದಾಯಕ್ಕಾಗಿ ನಿಷ್ಢೆಯಿಂದ ರೂಪಿಸಿದ ಒಂದು ಯೋಜನೆ. ಇಂದು ನಾವು ಮರಳಿದ್ದೇವೆ. ನಿಮ್ಮೊಂದಿಗೆ ನಿಲ್ಲುವ ಭರವಸೆ ನೀಡುತ್ತಾ, ಕರ್ನಾಟಕದ ಹೆಮ್ಮೆಯಾಗಿ ಮುಂದೆ ಸಾಗುತ್ತೇವೆ. ಇದು ನಮ್ಮ ಕಾಳಜಿ, ನಮ್ಮ ಪ್ರತಿಜ್ಞೆ.
ಆರ್ಸಿಬಿ ಕೇರ್ಸ್
ನಾವು ಸದಾ ನಿಮ್ಮೊಂದಿಗಿದ್ದೇವೆ
ಈ ಪೋಸ್ಟ್ ಮೂಲಕ ಆರ್ಸಿಬಿ, ಅಭಿಮಾನಿಗಳಿಗಾಗಿ ಭಾವುಕ ಸಂದೇಶ ನೀಡಿದೆ. ಆದ್ರೆ, ಇದೇ ವೇಳೆ ಆರ್ಸಿಬಿ ಅಭಿಮಾನಿಗಳೊಂದಿಗಿರುವ ಪ್ರತಿಜ್ಞೆಯೂ ಮಾಡಿದೆ. ಆರ್ಸಿಬಿ ಕೇರ್ಸ್ ಎಂಬ ಯೋಜನೆಯನ್ನ ಘೋಷಿಸಿದೆ. ಇದು ಸಹಜವಾಗೇ ಅಭಿಮಾನಿಗಳಲ್ಲಿ ಕ್ಯೂರಿಯಾಸಿಟಿ ಹುಟ್ಟುಹಾಕಿದೆ.
ಏನಿದು ‘ಆರ್ಸಿಬಿ ಕೇರ್ಸ್’ ಯೋಜನೆ..?
ಕಹಿ ದುರಂತದ ನೆನಪಿನಿಂದ ಹೊರಬರುವ ಯತ್ನದಲ್ಲಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಇದೀಗ ಅಭಿಮಾನಿಗಳಿಗಾಗಿ ಆರ್ಸಿಬಿ ಕೇರ್ಸ್ ಎಂಬ ಯೋಜನೆ ಘೋಷಿಸಿದೆ. ಸದ್ಯಕ್ಕೆ ಈ ಬಗ್ಗೆ ಹೆಚ್ಚಿನ ವಿವರ ನೀಡದ ಆರ್ಸಿಬಿ, ಶೀಘ್ರದಲ್ಲೇ ಎಲ್ಲವನ್ನು ತಿಳಿಸುವುದಾಗಿ ಹೇಳಿದೆ. ಫೋಸ್ಟ್ನಲ್ಲಿ ಉಲ್ಲೇಖಿಸಿದಂತೆ ಆರ್ಸಿಬಿ ಅಭಿಮಾನಿಗಳ ಕಾಳಜಿಗಾಗಿ ಹೊಸ ಯೋಜನೆ ರೂಪಿಸ್ತಿದೆ. ಅಭಿಮಾನಿಗಳಿಗಾಗಿ ಜೀವ ವಿಮೆ, ಆರೋಗ್ಯ ವಿಮೆ, ತುರ್ತು ಆರೋಗ್ಯ ಚಿಕಿತ್ಸೆಯಂತ ಯೋಜನೆ ಪರಿಚಯಿಸ್ತಿದೆ ಅನ್ನೋದು ಮೇಲ್ನೋಟಕ್ಕೆ ಗೊತ್ತಾಗ್ತಿದೆ. ಈ ಬಗ್ಗೆ ಪ್ರತಿಜ್ಞೆಯನ್ನು ಮಾಡಿರುವ ಆರ್ಸಿಬಿ, ಲಾಯಲ್ ಫ್ಯಾನ್ಸ್ಗೆ ಯಾವ ರೀತಿಯ ಸುರಕ್ಷತೆ ನೀಡುತ್ತೆ ಅನ್ನೋದನ್ನ ಕಾದುನೋಡಬೇಕಿದೆ.
ಇದನ್ನೂ ಓದಿ:ಧೋನಿ ನಾಯಕತ್ವದ ಬಗ್ಗೆ ದಿಗ್ಗಜರ ಬಿಗ್ ಬಾಂಬ್.. ಸಿಡಿದೆದ್ದ ಮಾಜಿ ಟೀಮ್ಮೇಟ್ಸ್..!
ಒಟ್ನಲ್ಲಿ ಕಳೆದ 3 ತಿಂಗಳುಗಳಿಂದ ಮೌನವಾಗಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಆರ್ಸಿಬಿ ಕೇರ್ಸ್ ಪೋಸ್ಟ್ ಮಾಡಿದೆ. ಇದಕ್ಕೆ ಅಭಿಮಾನಿಗಳು ತುಂಬು ಹೃದಯದಿಂದ ಸ್ವಾಗತಿಸಿದ್ದಾರೆ. ಮೌನ ಮುರಿದಿರುವ ಆರ್ಸಿಬಿ, ಇನ್ಮುಂದೆ ಪ್ರತಿ ಅಪ್ಡೇಟ್ನ ಹಂಚಿಕೊಂಡು ಫ್ಯಾನ್ಸ್ಗೆ ಹತ್ತಿರವಾಗೋದ್ರಲ್ಲಿ ಡೌಟೇ ಇಲ್ಲ. ಸದ್ಯ ಆರ್ಸಿಬಿಯ ಈ ಪೋಸ್ಟ್, ಫ್ಯಾನ್ಸ್ಗೆ ಮಂದಹಾಸ ಮೂಡಿದ್ರೂ, ಆ ಕಪ್ಪು ಚುಕ್ಕೆ ಕಿಡಿಯಾಗಿ ಉಳಿದ್ರಲ್ಲಿ ಅನುಮಾನ ಇಲ್ಲ.
ಇದನ್ನೂ ಓದಿ:ಕೊಹ್ಲಿ ನಿವೃತ್ತಿಯಿಂದ ಕೋಟಿ ಕೋಟಿ ಲಾಸ್.. ಮತ್ತೊಬ್ಬ ಸ್ಟಾರ್ಗೆ ಪಟ್ಟಾಭಿಷೇಕ ಮಾಡಲು BCCI ಪ್ಲಾನ್
ವಿಶೇಷ ಸೂಚನೆ: ಕ್ರಿಕೆಟ್ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್ಫಸ್ಟ್ಚಾನೆಲ್ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ