ಅಯ್ಯೋ ವಿಧಿಯೇ.. ತಂದೆ, ತಾಯಿ ಮುಂದೆಯೇ ಪ್ರಾಣ ಬಿಟ್ಟ 3 ವರ್ಷದ ಪುಟಾಣಿ; ಕರುಣಾಜನಕ ಸ್ಟೋರಿ!

ಈ ಪುಟಾಣಿ ಕಂದಮ್ಮನ ನೋಡಿದ್ರೆ ಎಂತಹವರಿಗೂ ಎತ್ತಿ ಮುದ್ದಾಡಬೇಕು ಅನ್ನಿಸುತ್ತೆ. ಈ ಬಾಲಕಿಗೆ ಇನ್ನೂ 3 ವರ್ಷ 4 ತಿಂಗಳು 1 ದಿನ ಆಗಿತ್ತಷ್ಟೇ. 3 ವರ್ಷಕ್ಕೆ ಸಲ್ಲೇಖನ ವ್ರತ ಸ್ವೀಕರಿಸಿದ ವಿಶ್ವದ ಮೊದಲ ಪುಟಾಣಿ, ಸಲ್ಲೇಖನ ವ್ರತ ಕೈಗೊಂಡ ಈ ಪುಟಾಣಿ 10 ನಿಮಿಷದಲ್ಲೇ ಜಿನೈಕ್ಯರಾಗಿದ್ದಾರೆ ಎನ್ನಲಾಗಿದೆ.

ಈ ಪೋರಿ ಹೆಸರು ವಿಯಾನಾ ಜೈನ್. ಮಧ್ಯಪ್ರದೇಶದ ಇಂದೋರ್‌ನಲ್ಲಿರುವ ಟೆಕ್ಕಿಯ ಮಗಳು. ಪಿಯೂಷ್ ಜೈನ್ ಹಾಗೂ ತಾಯಿ ವರ್ಷಾ ಜೈನ್‌ಗೆ ವಿಯಾನಾ ಅಂದ್ರೆ ಪಂಚ ಪ್ರಾಣ. ಆದರೆ ಈ ಬಾಲಕಿಗೆ ತನ್ನ ತಂದೆ, ತಾಯಿ ಹೆಚ್ಚು ದಿನ ಕಾಲ ಉಳಿಯೋ ಭಾಗ್ಯವೇ ಇಲ್ಲ. ಕಠಿಣವಾದ ಸಲ್ಲೇಖನ ವ್ರತ ಸ್ವೀಕರಿಸೋ ಮೂಲಕ ತನ್ನ ಪ್ರಾಣ ತ್ಯಾಗ ಮಾಡಿದೆ. 3 ವರ್ಷಕ್ಕೆ ಸಲ್ಲೇಖನ ವ್ರತ ಸ್ವೀಕರಿಸಿದ ದಾಖಲೆ ಈ ಪುಟ್ಟ ಪೋರಿಯ ಹೆಸರಿನಲ್ಲಿದೆ.

2024ರ ಡಿಸೆಂಬರ್‌ನಲ್ಲೇ ಬಾಲಕಿ ವಿಯಾನ್ ಜೈನ್‌ ಮೆದುಳಿನಲ್ಲಿ ಗಡ್ಡೆ ಇರುವುದು ಪತ್ತೆಯಾಗಿದೆ. ಈ ಮಾರಕ ಕಾಯಿಲೆಗೆ ಪೋಷಕರು ಮುಂಬೈನಲ್ಲಿ ಶಸ್ತ್ರ ಚಿಕಿತ್ಸೆಯನ್ನು ಮಾಡಿಸಿದ್ದಾರೆ. ಆಪರೇಷನ್ ಬಳಿಕ ಸ್ವಲ್ಪ ಚೇತರಿಸಿಕೊಂಡಿದ್ದ ವಿಯಾನ್ ಜೈನ್ ಆರೋಗ್ಯ ಮತ್ತೆ ಏರುಪೇರಾಗಿದೆ.

ಇದನ್ನೂ ಓದಿ: ಪಹಲ್ಗಾಮ್​ನಲ್ಲಿ ಜೀವ ಕಳೆದುಕೊಂಡ ಲೆಫ್ಟಿನೆಂಟ್​ನ​ ಪತ್ನಿ ಟ್ರೋಲ್​.. ಅಸಲಿಗೆ ಆಗಿದ್ದೇನು..? 

ಮಗಳ ಆರೋಗ್ಯ ಸುಧಾರಣೆಗೆ ವಿಯಾನ್ ಜೈನ್ ಪೋಷಕರು ಮಾಡದೇ ಇರೋ ಪ್ರಯತ್ನವೇ ಇಲ್ಲ. ಕೊನೆಗೆ ಜೈನ ಮುನಿಗಳಾದ ರಾಜೇಶ್ ಮಹಾರಾಜರ ಬಳಿ ಹೋಗಿದ್ದಾರೆ. ಆಗ ಜೈನ ಮುನಿಗಳು ಮಗುವಿಗೆ ಸಲ್ಲೇಖನ ವ್ರತ ಕೈಗೊಳ್ಳುವ ಸಲಹೆ ನೀಡಿದ್ದಾರೆ.

ಇಡೀ ಕುಟುಂಬ ವಿಯಾನ್ ಜೈನ್‌ ಸಲ್ಲೇಖನ ವ್ರತಕ್ಕೆ ಒಪ್ಪಿಕೊಂಡಿದೆ. ಸಾಮಾನ್ಯವಾಗಿ ಜೀವನದ ಅಂತಿಮಘಟ್ಟದಲ್ಲಿ ಸಲ್ಲೇಖನ ವ್ರತವನ್ನು ಸ್ವೀಕರಿಸಲಾಗುತ್ತದೆ. ಸಲ್ಲೇಖನ ವ್ರತ ಸ್ವೀಕರಿಸಿದವರು ಆಹಾರ, ನೀರಿನ ಸೇವನೆಯನ್ನು ಕಡಿಮೆಗೊಳಿಸಿ ಬಳಿಕ ಸಂಪೂರ್ಣ ತ್ಯಜಿಸುತ್ತಾರೆ. 3 ವರ್ಷದ ಬಾಲಕಿ ಸಲ್ಲೇಖನ ವ್ರತ ಕೈಗೊಂಡ 10 ನಿಮಿಷಕ್ಕೆ ಪ್ರಾಣ ತ್ಯಾಗ ಮಾಡಿದ್ದಾಳೆ ಎಂದು ವಿಯಾನ್ ತಾಯಿ ತಿಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ